城中鴨子

營業中

休息中

因為實在太耐冇食過片皮鴨了，咁岩去開尖沙咀個邊，就試下呢間啦～週末既夜晚估唔到會全座爆滿啊﹗本身店員仲話要安排坐露台既位置，好彩最後入面都有位咋。一去到先叫左半隻片皮鴨，再慢慢睇下想食咩😂😂🎈烤北京填鴨 (半隻) $180雖然一開始店員話要等45分鐘，但都算好快上到菜。片皮鴨好香好脆，亦都好多鴨油，食起上黎口感好豐富。重點係個餅皮好薄，所以唔算好膩。因為如果個餅皮做得唔夠薄，就算個片皮鴨做得幾香，整體來說都會係差咁啲。-🎈無錫灌湯小籠包 (6隻) $88我食京川滬菜就必叫灌湯小籠包，呢間小籠包都做得幾好，好多湯係小籠包入面，一咬啲湯就湧出黎🙈不過都係要趁熱食，如果凍左就冇咁好食架啦😳-🎈上海炒粗麵 $118呢個價錢其實都少貴😅😅炒麵好煙韌，唔會話炒得太淋唔好食～但味道就相對濃左啲，有啲重口味﹗﹗-🎈蜜桃泡沫茶 $34呢杯飲品好適合打卡，好靚飲落都好清新～-🔸城中鴨子📍尖沙咀廣東道3-27號海港城港威商場3樓3319號舖

這間也算是海威商場的老鋪子城中鴨子前身就是美中鴨子最近推出期間限定，每枱最多可叫一隻烤北京填鴨半價，非常之經濟晚市很多人排隊，我也等了半小時入座後再等了半小時才上到菜，因每隻鴨也在門外開放式廚房即時切割，製作需時用餐時間為90分鐘，每枱也有碟前菜涼拌豆卜、豆、青瓜，帶點微辣，頗開胃最著名一定是叫烤北京填鴨有教大家正宗的填鴨食法烤北京填鴨 - $340片皮脆，肉嫰滑，油脂香竟有入口即融之感，口感意想不到的酥脆再加青瓜、京葱配料及京醬餅皮質感煙韌，鴨肉味濃肉嫰，油脂香卻又不會覺得太膩滯份量大概每人半隻就足夠，非常飽肚，不用點其他菜特別值得一讚的是非常衛生餅皮有公筷提供之餘，每塊餅皮之間有一片米紙相隔住而且京醬也有專門的小湯匙

不用多說 先來半隻片皮鴨 $180暖暖的皮包裹著不肥不膩的鴨肉捲入青瓜和京蔥拌著帶微甜的醬料真是道不二選的開胃菜然後點一碟菜 黑松露醬露荀百合 $138百合對皮膚細胞新陳代謝非常有益處聽說常常常吃百合還有美容和延緩衰老的作用當然還有很多一定的藥用值價飽滿清甜的白合根爽脆的露荀 兩者都粘隨著淡淡黑松靈的優香雖然不會常吃 但難得一見來假裝一下偽健康也是個很好的選擇然後再加點又碟肉就選上了雞雞 還有松子野菜伴炒沒想到的更是原來是自己包涵的好可愛不過這個放冷了會變得好油必須要襯熱呢再點碗担担麵吧 $78好好吃呢 帶有微辣卻越吃越開胃同事也開始有點飽坐一坐 悶人..

一貫美心水準，部份食物賣相精緻有驚喜。但部長態度之差叫人驚訝，埋單後數目不清楚（因有折扣），好聲好氣找部長問清楚，佢一手向待應攞單再跟我們講："好簡單之嘛..."，再放低張單揚長而去。阿部長先生，我係食客唔係職員，我有問題想問清楚要咁樣受你氣？仍然會幫襯美心其他餐廳，但呢一間就不會了，廚房做得幾好都俾樓面嘅一手推翻。我諗美心應該俾阿部長先生上再培訓課程。

今日去尖沙咀行街，行到差不多晚上八點，就順便在那裡搵野食。行過見到城中鴨子，門口已經有好多人去排隊。我同我男朋友見到每個人枱面都必點一碟扁皮鴨，就打算試下。餐廳的面積都算大，座位都算多，整體非常整潔。排咗一陣就可以入座，肚已經餓到咕咕聲。我哋開始就點左半隻鴨，麻婆豆腐，宮保雞丁，同埋龍蝦湯。飲品就點左荔枝特飲。不得不讚碟鴨，皮脆肉滑。鴨皮先係精髓，可以燒到鴨皮咬落去香口，酥脆，鴨肉又唔會太乾太柴。佢仲配埋大蔥同埋青瓜。而包住佢的面皮蒸的剛好，睇落好透，咬落好有口感。然後上埋碟麻婆豆腐，因為鍾意食辣嘅我，一定要用啲豆腐來撈飯食，如果唔食得辣嘅朋友仔可以叫佢小辣。而宮保雞丁啲雞都大大粒， 花生香口，口感十足。龍蝦湯亦有蝦肉，湯汁濃郁，十足，可以一試。後來，男朋友見到旁邊枱食緊小籠包，所以佢都話想點一份試下。一籠六粒，每個小籠包都非常飽滿一啲都唔乾，豬肉餡，一用筷子篤穿佢，湯汁流晒出嚟。再點埋佢既醋，正！！食得咁多辣野， 當然要飲杯荔枝特飲解解渴，荔枝特飲唔會太甜又清新嘅感覺，杯邊仲會有一粒大大粒荔枝，好想叫多兩杯飲，但食哂上面既菜餚之後，10成飽哂，城中鴨子出乎意料咁滿足同好味。

平日 尖沙咀 難得人少 唔洗排隊 食左期待好耐既 城中鴨子 二人份量 點左 片皮鴨 （半份） 小籠包片皮鴨 無令我地失望 鴨皮又香 又脆皮同肉仲有層鴨油 好香 鴨肉又唔會過老 口感一流😍食完又想再食 真係停唔到口 見到隔離桌 二人點 全隻 小籠包 就有少許失望 小籠包皮太厚 汁唔多 味道正常 可以唔需要再試建議 大家晚餐時段要預早時間排隊（無得book位）

✨✨中餐系列✨✨之前海港城購物時送了一些現金券，見有效日期到1/3便馬上去用了它！所以就去了盼了很久都沒去成的城中鴨子🦆.❤️清新柚子沙律 HK$98-唯一一個菜🙈沙律菜新鮮爽脆柚子多汁配上酸酸辣辣的汁醬，額外加分的是加上了腰果，特別開胃🤤.❤️片皮鴨半份 HK$180-雖然侍應說片皮鴨要等30分鐘，沒關係！主角當然要等的啦！但其實上得最快就是這個主角🤫片皮鴨油香味重，皮脆肉嫩！加上餅皮質地薄，吃上去完全不膩.❤️四川麻辣大盆雞 HK$178-首選推介😋意料之外的大盆雞！！辣椒，蔥和洋蔥鋪滿面，令人感覺很辣的樣子！雞肉先煎香再用醬汁爆炒，特別回味！雞肉肉質鮮嫩多汁，吃起來並不是很辣！即使不能吃辣的人也可以試一下！當以為就只有雞肉吃的時候，原來還有陳村粉作伴🤤十分惹味.整體而言，鴨子並不是虛有其名，不論菜式出色，價錢合理連服務也十分到位！侍應細心勤勞，即使是午餐繁忙時間也不停幫忙加水和收拾餐桌的垃圾🥰下次一定會再來.推薦程度:⭐️⭐️⭐️⭐️⭐️

今日五點半就嚟等位，驚夜啲會好多人。我哋一行七人，慶祝家姐生日，叫咗好多嘢食，食物精緻，不過價錢都好貴。最失望就係片皮鴨，一心諗住嚟食片皮鴨，點之最失望就係呢一個。唔香，鴨皮唔夠脆，真係好失望 不過包片皮鴨嘅皮就做得好好。宮保蝦球都麻麻地，蝦雖然好大隻，不過個味有啲怪。最好食係蟹鉗，不過要75蚊一隻。糖醋骨，賽螃蟹，小黃魚都好好食。我哋仲叫咗羊𣕧、醉雞、蔥油餅、小籠包、生煎菜肉包等等。我哋飽到連甜品都食唔落

若非朋友相約，也不知道在港威中心有這間新派食肆。新派只是指裝璜，上碟也挺講究，但食物質素還是挺傳統的。那碟馬蘭頭素千卷加上點松子，入口清新甘香，倒有點江南小碟的味道。填鴨肉質嫩滑、沒有多餘的脂肪層，鴨皮脆而有相當濃的油香，包在偏向像糖蔥餅的軟皮上，口味果然不同凡響！有點意外的是我們居然吃完了填鴨，竟然還有多餘的餅皮。這才令我感到，傳統京菜館為何往往吝嗇於餅皮？其餘如叉子燒餅和青菜苗等簡單小菜，居然也做得頭頭是道，看來應該可以吸引到年輕的一代去嘗試較為傳統的菜色！

睇戲前醫醫肚，見冇咩人排隊，就入去食。侍應問我地要唔要order 鴨因為等候時間會耐啲，我地見枱枱都食，就叫半隻試下啦！等左二十分鐘左右，片皮鴨就到喇，熱辣辣，餐廳好細心，啲皮每塊都會用點心紙隔住。鴨皮好脆，唔會太肥，油香令人回味，下面仲有一堆鴨肉，全部去肥👍之前已經食過墨汁蔥油撈麵，今次再叫，仍然冇令我土失望炸豆腐，外脆內軟，點埋個蔥汁，略嫌有點太咸，唔點又太乾😆最後要打包個麵番屋企，因為個鴨份量二人食有點多

同姐夫慶祝生日， 想了好久都沒有頭緒， 突然間想食片皮鴨， 又想試未吃過的餐廳， 幸好畀我哋搵到城中鴨子。 地點方便位於尖沙咀海港城港威商場3樓， 店內環境座位舒適， 光線柔和， 店員們服務周到， 唯一是沒有電話訂座。 坐低不久店員為我們送上泡菜$25， 然後我們各點了幾款自己喜歡的菜式，片皮鴨半份$180， 桂花糕凍伴鴨件$96， 小籠包六隻$88， 咸蛋蝦球$188， 羊肉湯麵$88， 紅梅子骨炸花姿片$148，荸薺餅$52。泡菜～ 有青瓜，豆類，花生和豆卜， 味道清清地， 帶微微的麻香。片皮鴨半份～ 價錢抵食，份量都唔少， 片皮鴨的油香味重，皮的質感帶點脆口， 肉質香嫩， 加上餅皮的質地很薄， 食落完全不膩。桂花糕凍伴鴨件～ 非常特別的菜式， 面層是鴨件， 中層是桂花糕， 底層是脆片， 除了有不同口感之外， 鴨的香味滲透入口中， 晶瑩通透帶微甜的桂花糕卸去了膩感， 再加上脆卜卜的脆片， 令到口感更加豐富。小籠包六隻～ 小籠包皮薄餡靚， 肉汁豐富。咸蛋蝦球～ 蝦球超大粒， 新鮮又爽口， 配上咸蛋， 非常邪惡，太美味了。羊肉湯麵～ 首先試啖湯， 重重的羊肉味， 推介給喜歡吃羊的朋友。

呢間餐廳，食物質素好好...叫左幾點餸菜，都好好食😋服務員有一兩個唔太熟練由於我地既餸菜好多，兩個人食，一張枱放唔晒係唔繁忙既時間下，服務員仍要堅持將所有碟放左同一枱上😅😅😅有點奇怪但總括， 呢間餐廳係好好味👍👍👍🤩會再encore

建議book定枱，walk in 等左起碼30分鐘，不過都值得既，餐廳環境靚，每道菜都有個好靚既碟，賞心悅目，係少有擺碟咁細緻，價錢中上既中餐廳。#馬蘭頭百頁素千卷 $80味道清淡，一口一淡，馬蘭頭帶少許草青味，未必個個人受到陣味。#烤北京填鴨 (半隻) $180必叫既一道菜，幾乎每枱都會叫。外皮脆卜卜，包著青瓜一齊食，可以消濟，兩個人分都好夠。#川味蒜泥白肉 $88麻味比較重，豬肉肥瘦適中，肥膏部份彈牙，愈食愈滋味。#土雞湯小雲吞 $68湯好濃香，清清淡淡

一直都好想食北京填鴨,除咗有時食buffet會偶然食到之外,平時真係好少會特登去食,因為填鴨始終唔係一個人就食到嘅菜式,身邊嘅女仔朋友大多數都會覺得填鴨好膩好滯, 所以每次都放棄左。今日遇到兩個都好鍾意食北京填鴨嘅女仔friend,當然要嚟試下佢哋介紹嘅城中鴨子等位大概十分鐘,好快就被安排咗一張四人枱,我自己好鍾意呢度嘅格局,唔似得一般酒樓或者中菜餐廳咁傳統,呢度比較有style呢度嘅填鴨製作需時45分鐘,建議先落咗order再慢慢點其他菜式。 我哋另外揀咗招牌小籠包,火腿津白,溏心蛋同埋每人一壺花茶先講下呢度嘅花茶,因為覺得黎呢度食填鴨如果飲水真係好唔match, 就算飲汽水都唔係好match,所以就揀咗一人一壺花茶啦火腿扒津白有少少偏鹹,菜煮得好林擺盤嘅都好靚,上面有三片火腿。招牌小籠包價錢係比較貴,一籠有六隻,相比金牌小籠個d貴左接近一倍。不過呢度既小籠包做得唔錯,皮薄,湯都好多,熱辣辣有肉汁,好味至於溏心蛋就係一開二,每一份上面都會有塊細細嘅金箔,賣相精美,味道都唔錯,係一隻稱職嘅溏心蛋。終於到咗主角片皮鴨出場啦,本來我哋仲有啲擔心會食唔曬一隻,但係既然一場嚟到叫半隻又覺得唔夠

有朋自遠方來，在尖沙咀與她行完街街後，朋友想食片皮鴨，就想起”城中鴨子”，那裡通常都很多人，不過今天有点幸運，等了一陣就可以安排入坐，但店內坐無虛席，但每枱都有共通点，就是枱上放了一碟片皮鴨。我們也不例外，先來片皮鴨，熱辣辣的鴨片，鴨皮與鴨肉分開，放在薄薄而弓軟綿綿的皮上，吃起來特別美味。還有麻辣水煮魚片，魚肉片非常嫩滑，麻辣程度適中，非常可口。寧波乾炸小黃魚，外脆內軟，非常新鮮，好好味。。馬蘭頭百頁素千卷，這個有点特別，但纖維極高。