地中海休閒餐廳 (已結業)

Saw a post saying the service is bad. I also had some similar experience.I paid with a card that was not signed - new card.I was 'told off' very loudly like I was a student, in front of my guest.Their exact works was 'this time we will let it go but next time we will not accept it'.Maybe they had some issues before with fraud, but the polite thing to do is to ask 'would you mind paying with another card?'.Perhaps it is a University premise, so they are used to 'ordering' students around?Just wan

聖誕去食，服務員態度差 。明明店內沒咩人，空枱都多，都唔比人轉張大枱！人地開始用餐了，又叫人轉枱，沒禮貌！食物都可以，但服務好差！對客人不友善。語氣帶命令式。明明是開心日子 心情都變差了。果日客人又不多，不明白點解態度咁差！不會再去。

天氣凍左，好想係附近搵D熱嘢食下！但天啊～～～ 呢度附近人影都唔多隻！點知行行下見到有間西餐廳，甘就入去試下啦！一入去，見到有個open kitchen, 唔太多人！甘就坐低叫左個「鹹牛肉炒蛋配麥包」！個賣相的確好清新，首先試左佢個沙律菜～～～ 除左新鮮，佢仲加左D蜜糖，甜甜地，好開胃！然後再試下個麥包 （本身佢無跟牛油上，但可要求！服務員態度👍🏻👍🏻👍🏻) 個包好香麥味，外脆內軟，加埋牛油，簡直perfect! 至於個炒蛋，本人略嫌咸左少少，但好左佢加左D菇落去，味道及口感還好！仲有比我見到Ricky Cheung😹😹😹本人第一次寫食評，多多見諒

係我畢業前，同一位址係一間唔太好食既台灣餐廳。畢業後，米芝蓮餐廳進註！校友一般都投訴學校冇好野食～是的！不能不否認。但今次一班舊同學聚舊，又去邊度食好呢？有朋友提議呢度！佢真係冇介紹錯!好食就真係幾好食!係佢地既open kitchen 入面仲見到名廚 Ricky Cheung幫我地落order既職員都好風趣，仲好好人提醒我地食物份量都好大，叫我地再衡量食唔食得晒先成班食肉獸勸唔住，唯有我唔叫住～睇下食物黎左有幾大份先。我地order左"蕃茄醬、芝士、羅勒薄餅"、"咸豬手"、"雜扒"個pizza係好味到要再order多次～成個醬都好match好好食！其餘食物都幾好！下次會再黎啊～

家陣喺大學校園，除咗有一貫嘅快餐式店舖外，有酒樓，cafe,仲有呢間地中海餐廳呀！返學都有好多好嘢食㗎！餐廳地方寛敞，店員都好親切，感覺舒服。我們倆各自點了一個main course，加$16配餐湯。先來一客3款不同嘅麵包，很特別，麵包嘅麥味濃郁，好香麵包味，軟綿綿，最鍾意係仲仍然暖暖的，好好味！磨菇湯好濃厚，不但有碎磨菇粒，而且菇味好香，好滑，一定不能錯過啊! 我們倆開心share 2個主菜，去骨咸豬手伴煙肉酸椰菜and 澳洲穀飼肉眼扒。嘩，好大份呀! 塊肉眼扒有成塊面咁大呀，肉質非常冧，而且肉味豐富，好juicy, 一個字，好正！！配菜薯條炸得好脆又好乾身，絕冇油淋淋嘅感覺，連平時唔食薯條嘅我都覺得好食。豬手去咗骨後好方便，而且仲係啖啖廋肉，真係dd肥肉都冇㗎。豬皮脆脆的又唔覺油膩，咸豬手唔係好咸，味道剛剛好，加埋酸菜一齊食，簡直係一流！！！大學校園有咁高水準嘅美食，家陣做大學生真係好幸福啊!

第一次去這家餐廳. 覺得好舒服. 很 spacious. 有 open Kitchen 但冇煙務. 同朋友試咗煙三文魚薯仔沙律下午茶餐 及 牛角包伴田園沙律 下午茶餐. 牛角包烘得都好香脆. 值得一試. 他們的田園沙律是用青甜檸檬醬. 很清新. 煙三文魚薯仔沙律 set 跟厚切牛油麥包非常好食. 份量不會太小.餐茶可選擇茶或咖啡. 餐茶冇什麼特別 . 但係下次會試吓 他們的Tiramisu Latte. Tea Set 絕對喺有水準. 這個環境和食物水準. 大約＄50.00 價錢係非常超直 .

豬仔去開浸會大學偶遇名廚Rocky Cheung 既地中海餐廳六點去到餐廳唔單止唔多人, 環境仲好舒適, 好適合三五知己黎到閒聊, 休息環境好之餘, 食物都好吸引豬仔今次叫左個烤豬手晚餐. 先黎到3 款小餐包（sorry , 美食當前, 忘記左拍照俾咁多位）3 個包仔都好新鮮, 外脆外軟的豬手等既時間比較耐, 因為都係現叫現煮的, 所以咁多位食家就要俾多少少耐性啦豬手上到枱, 未食已經嗅到陣陣的香油味, 豬手烤得好香呀！ 一咬落去外皮脆極啦同友人們仲係到玩'聽唔聽到呀' 呢個玩意真係好香脆, 加上豬手本身的咸香味同配上自家製的酸菜, 開胃而且解除返豬手本身的負擔感豬仔覺得'安哥' 機率係好高架

舊公司就在附近，以前午餐經常光顧。放假天，有點想念這裡的全日早餐，便跟朋友特地過來。其實這裡地點並不就腳，九龍塘港鐵站走路過來也要15分鐘。轉小巴都要5分鐘還未計等車的時間。是日餐湯-已經忘記了是什麼湯（+$16）全日早餐（烤腸仔、煙肉、炒蛋、蘑菇、焗豆、多士）😅多士是我最欣賞，這裡的多士是麥香多士，多士烘得香脆，炒蛋嫩滑，蘑菇新鮮香辣烤雞伴牛油飯（$74）其實雞不是辣的，只是上面有少許辣粉牛油飯炒得乾身，不會很油雞有足足半隻，而且很滑朋友轉了特飲，不過不失有機會會再來，但不要再加價就好了

雖然離開大型商場，要步行一段距離才到達，但位置不錯，人數不多，有悠閒感覺。知道這間餐廳，因為名廚Ricky，可惜晚上有事忙，否則定必嘗試晚餐。下午茶選擇不多，點了其中3款:第一個是chocolate brownie，暖暖的，不太甜，感覺不俗，軟硬度適中，甜度也剛好!沙律配牛角包，牛角包酥軟，但略嫌不夠熱。Marble Cheesecake，不錯，沒有甜到漏，不會太飽太膩。差不多離開時見到Ricky出現，準備晚餐，下次一定要試下晚餐的質素

頹飯，相信是不少大學生的集體回憶。對比起中學時代有什麼活動時，去大學食堂食個飯的十幾蚊消費。現在可是跟著物價一起升到至少廿幾三十蚊先叫有個入到口又食得飽肚既飯餐。質素嗎？算了吧，也只是填填肚，維持生命而已。　　今日揮手暫別已被美心集團佔據的城大校園，來到旁邊的另一家九龍塘大學。不是說美心的出品讓人難以忍受，但長久下來校內校外的話又有點兒……悶！對，就是有點厭倦，若果說某家店子用到其出品，如麵包，感覺上也比100%要好。有得揀好過冇得揀，簡單易明的道理。　　來到的不是浸大主Canteen，而是吳多泰博士國際中心那邊。這樣說一說，有點頭緒了嗎？午餐選址就是Biston Bon。就是早前教人驚喜萬分的名廚Ricky Cheung的那家，將Fine Dining及大學飯堂來個Crossover。可惜今回是趁上堂前竄出來偷閒，晚上的私房菜……大抵無緣了。　　只不過Fine Dining跟學校飯堂的規模及流程等一定是有著莫大的分別。至少平時追求精緻細味，現今則要變成快捷而又不失正常水準的出品。之前上網睇話會先煮到半熟，有單既時候再繼續烹調，預先就做好準備功夫。那麼食物又不會攤放過涼，令食味質感水準

價錢學生價 , 食物 and環境 超值。只能說浸大學生好幸福。雖然地點唔算太方便，正正因為咁 saturday去食個 tea同朋友傾下野一流。食物有水準，最正係 d裝修好靚好 relax.

星期六，友人相約飯聚。不欲到九龍塘的又一城，與其他人如沙甸魚般擠在一起，故去了浸大吳多泰博士國際中心地下的地中海仲閒餐廳，貪其環境好，且夠隱蔽。一年前，曾與A到此吃價廉物美的早餐，印象不錯。午餐有九款選擇，索價由$52-$74不等，包冷熱飲品一杯。客人另加$16，可轉配較為吸引的特飲。奈何，小妹氣管敏感，與凍飲無緣。點餐後，侍應逐一送上食物。堆在一起，挺壯觀的﹗每人另加$16，可配是日例湯一碗。H一聽是坊間少見的甘筍菠蘿湯(+$16)，嚷著要獨吃一碗，小妹就與A分甘同味。甘筍菠蘿湯顏色鮮艷，入口質感幼滑且細膩，甘筍味淡，反而菠蘿味頗為突出，食味濃香且帶甜，挺特別的配搭。小妹要了茄汁火腿魚柳飯$62，配熱檸茶。所謂「魚柳」，乃淡而無味的煎魚，配以稍嫌濕淋的米飯，再加上以番茄、洋蔥、蘑菇和火腿煮成的茄汁，再配上一件西蘭花，乃三款中，食味口感最差的﹗熱檸茶，薄切檸檬極為薄身，喝下去茶澀檸苦，挺失望的。A要了全日早餐$74 ，有兩條腸仔、兩塊煙肉、炒蛋、蘑菇、焗豆、多士和沙律菜，配熱檸水。H則要了洋蔥鮮茄吉列豬排意粉$62，配凍野莓咖啡(+$16)。豬扒雖是急凍貨色，但炸得外層極為香脆且不油膩

差不多有五個月沒有來過, 在10終於有兩次機會到上址了,10/Oct. 日式义燒鮮菇豬骨濃湯米線 $52 湯底的確係濃縮版的豬湯, 自家製定買來的唔太清楚?! 對食肉獸嘅香港人來講應該收貨, 因為有四塊义燒, 义燒肥瘦適中, 鮮菇/ 西蘭花的蔬菜類都算充足!全日早餐 $74 這天沒有多士只能以一片法飽代之, 但一片又似乎太孤單了, 可能成本所限啩, 煎長煙肉有一條但法飽一小片又怎樣夠呢?, 炒蛋做得剛剛好, 沙律菜好新鮮,17 Oct. 那朝再order全日早餐 那天明顯跟10號那天的是兩個師傅的手筆! 首先是擺位: 10號只是攤開食材就是了而17號的則是將炒蛋置中其他食材則是圍住個炒蛋, 同時還多了堆炒菇! 完全考慮到整個構圖同隻四方碟嘅關係, 10號那天應該是忘記放炒菇了,茄汁牛舌意粉 , 茄汁杰度剛剛好, 甜多酸少, 牛舌雖然簿切得緊要但長長一片足以證明切正中心部份, 貨真價實! 不過如果可以的話個人認為客人唔會介意俾多些少換來三片牛舌的,環境, 服務都算是不錯的了! 繼續努力吧

是日週末，上午又跟一眾BU 好友去行山獅子山，落山後直接行落BU 享受一個美味午餐這天的餐牌當中沒有心水....通常在沒心水的情況，我都會選ALL DAY BREAKFAST 這穩陣之選，不過這天行完山，食ALL DAY BREAKFAST好像有點膩突然看到有個未見過的新名字：吉列魚柳伴素菜魚介湯飯感覺好像有較清新呢~~對食物一向勇於嘗試的我，當然要點來試試看嘛~~吉列魚柳伴素菜魚介湯飯我對魚介湯的認識，是來自我家愛貓 食過的 魚介濃湯包這裏的魚介湯十分鮮味，但略嫌胡椒味稍重滿滿的白濃湯，附有很多美味素菜，西蘭花又可索盡湯汁，一流!!這裡的米飯一向都比較硬身，泡在湯裏，不會糊掉，非常適合吉烈魚柳 分碟上，使魚柳保持香脆感不過魚柳稍為腥了一點，但總比充滿雪味好總括而言，這湯飯也是一個清新之選

隆重推介Bistro Bon的早餐！！！看完之前的食评，直觉大家都是冲着主厨Ricky的名声来的，而对于学生党来说，每天下楼可以吃到一份份量十足，心意满满的早餐足矣，所以这篇主推我试过的menu上几乎所有的早餐系列吧，也欢迎大家有空不妨一试。ps，最近有新的优惠活动，即食过一次，下一次可凭上一次的账单尊享八折优惠哦！另外，student/staff card不论何时都是免收服务费，以及享受9折优惠。然后，由于鄙人吃了太多次早餐系列，以至于餐厅主管都已认识我了，于是刷脸也可享八折优惠了的说，超级开心！第一道，是我的最爱，咸牛肉炒蛋配厚多士。这一道也是新换menu里最爱点的餐。咸牛肉混在蛋花里炒熟，然后配上鲜嫩的小蘑菇，真的口感超好。如果是刚出炉就即时食，厚多士的香脆更是增加这一道餐的好口感。第二道，也是我的心头爱，牛角包配忌廉芝士什菜沙律。沙律的做法很特别，也重新增加了我对牛角包吃法的认知，以前从来都是直接食用，不会将沙律抹在牛角包里，现在却已然习惯了牛角包配沙律的吃法，超级赞！牛角包也特别酥脆，是我吃过的N家牛角包里最赞的一款了。第三道，也是我较常点的餐，火腿芝士配炒蛋厚多士。火腿芝士