地中海休閒餐廳 (已結業)

🍴地中國休閑餐廳🍴🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽今天來跟大家介紹一間係大學入面既餐廳，嗱~嗱~嗱 唔好以為大學入面嘅餐廳就一定係頹飯， 今次呢一間位於浸會大學嘅餐廳，就有另一番風味😛😛😛😛😛😛😛😛😛😛😛廢話不多說! 直接切入主題來看看我們今天吃了什麼東西吧! ^^我哋嗌咗兩個主菜，仲加咗少少錢升級做套餐🤗🤗🤗🤗🤗🤗🤗🤗🤗🤗🤗* 首先上菜嘅就係麵包麵包一上嚟有四款唔同嘅，熱辣辣香噴噴食落嘅時候暖笠笠，唔會凍曬， 唔係一啲好求其嘅餐包主菜： 燒春雞意大利飯就咁聽個名就會喺度諗係唔係將隻春雞加埋啲飯就咁樣上菜呢？ 少年你太年輕了呢一個菜就係將一個好大嘅雞球煎到脆卜卜然後啲意大利飯就塞咗入去個雞球入面，當你切開個雞嘅時候，就會見到入面啲飯㗎啦呢啲飯充滿住雞味，非常之入味。 而且兩隻雞髀都係好鮮嫩。 我諗喺製作方面應該落咗唔少功夫喜愛程度：　★★★★★😋😋😋😋😋😋😋😋😋😋😋主菜2： 西冷牛扒我哋叫咗五成熟， 生同熟嘅程度啱啱好，切開嘅時候有少少肉汁， 擺落口食嘅時候唔會話老， 而且呢份西冷牛扒分量都幾大， 唔會食幾啖就冇曬🍴🍴🍴🍴🍴🍴🍴🍴🍴🍴🍴🍴🍴總括嚟講～ 呢間舖頭 係大學入面一個小

入大學入面搵食好多時有驚喜！呢間係其中一間！喺九龍塘站行過去大約15分鐘，亦可選擇坐小巴，10分鐘就到！餐牌價錢中上，但配合埋環境同食物質素，你絕對會覺得值！環境感覺休閒舒適，而且因爲在大學內，夜晚人唔多，三五成羣同朋友或者二人世界拍拖，都有私隱度，而且十分適合聊天談心食物先上餐包，係暖身的，而且有不同款不同味道！左邊的係軟身，味道咸少少的。右邊的硬身，味道淡少少之後上的Cesar salad 🥗!!我要俾滿分💯！因為好少食到咁足料足味的沙律！芝士同沙律醬係沾滿每塊菜，唔會過量又唔會淡！個湯好特別，同平時的羅宋湯唔同，甜甜辣辣，當中又好特別，我覺得係地中海的味道，食得辣的話值得一試西冷牛扒好抵食，百幾蚊但份量好大！塊牛扒好香牛味，食落不是雪藏牛！而且熟的程度剛好！至於薯條份量都多，而且熱辣辣仲有一個係紅蝦意粉！一上枱就飄出好香的蝦味！意粉炒得好乾爽，香香辣辣好開胃。份量好足好抵食！

早幾日同女朋友去完浸會大學探朋友，他們已經到夜晚喇，噉所以我哋就決定喺浸會大學度開餐，祇不過哩，啲人成日話大學都冇乜好食，好彩臨走前朋友仔都叫我哋去浸大其中一間比較偏僻嘅餐廳食飯，佢話包唔會後悔，所以我哋就嚟試下啦。去到餐廳，發現環境真係唔錯喎，有曬西餐廳嘅格局，而且個價錢都非常之進取，一個主菜都差唔多要200蚊，所以都有猶豫到底佢嘅價錢對唔對得起佢哋嘅質數。首先上嘅係餐包，又幾多款式喎，而且熱辣辣嘅，食落都唔錯，唔會係一啲好求其嘅餐包。西冷牛扒。呢份西冷牛扒分量都幾大。我哋叫咗五成熟，生熟亦都係啱啱好，牛扒亦都有肉汁，算係唔錯架啦。另外啲薯條就就小甜甜哋，都幾好食嘅燒春雞意大利飯。呢個餐真係有驚喜。燒春雞除咗兩隻雞比之外，亦都有一嚿好大嘅雞球，煎得非常香脆，切開雞球嘅時候，就會見到啲意大利飯讓咗入去雞球入邊，食落去基本上係七成係雞肉三成係飯，感覺真係好特別，而且d意大利飯釀左入去啲雞球入邊，啲飯充滿住雞味，所以非常好食。同時兩隻雞髀都係好鮮嫩嘅，所以呢個飯我俾好高嘅分數。今餐只可以用驚喜來形容，當然，係因爲我哋之前預期喺大學食飯都唔會有乜特別好食嘅，所以作為校園餐廳做到呢個水準都係超

印象中大學飯堂只有頹飯, 而且環境嘈雜, 但「地中海休閒餐廳」完全不一餐廳環境寬敞, 算是全港大學數一數二的靚餐廳簡單如Tiramisu賣相已經好吸引, 食物質素不錯, 不過價錢略貴, 有機會再試其他

上星期做完運動諗住去食番個早餐，10:45 到達，明明個牌寫住早餐到11 點，但門口個男仔就話要轉午餐，所以唔可以叫早餐了。好，咁我地食午餐啦！帶咗我地入座，比咗水我地飲，我地都揀咗食乜，準備落單，但個女侍應就話唔落得住，要等11 點，要我地等！真係火都嚟，一係你唔好比我入嚟，一係在門口講明，今時今日仲有呢D服務態度，普通一間茶餐廳，快餐店都唔咁，我同朋友唯有起身走人，返浸大 canteen 食，下次請都唔會再來。😤😤

是日與母親大人慶生，帶了支1964年的酒。本來自備酒器，包括「阿蘇」,擔心餐廳未必幫到我開這瓶舊酒。怎料侍應非常殷勤，知道是1964年的酒，就拎齊工具，小心翼翼幫我開酒，仲用埋省酒器。非常感激他的熱心！食物方便，冇得挑剔，乳鴿價錢，燒鵝質素！麵包熱辣辣，香噴噴，冇得輸。黑松露意大利飯好好味呀，啲飯唔會太淋，好有口感。燒肉番茄意粉一如以往好味道。澳州牛頰肉，好嫩滑，有肉味。唯份量不多。海鮮湯，龍蝦味香濃，好足料，推介！甜品不錯，推介奶茶布丁！一定會再黎！

話說早排大同約食飯，諗緊食乜好，有人提議去浸大呢間『地中海餐廳』試下，就即管試下啦。佢都算易搵，撘平時上浸大架小巴，係正餐廳門口就有得落。入到餐廳，裝修算係簡潔，話晒都只係大學餐廳，佈置都無得要求咁多。目測都坐到四五十人。由於我地人多，都叫左好多野食。我想特別講下其中兩樣特別好味既餸1. 蜜糖蒜蓉雞翼雞翼唔會太熟，個汁煮得好好，甜甜地咁，好開胃。2. 牛腹肉呢個4成牛腹肉，真係令我有意外驚喜，看似平平無奇，但食落真係幾好味。至於其他菜，就無話好特別，不過味道還是可以的。

今日放早堂 黎到食個豐富早餐再上堂 之前食過煙三文魚炒蛋伴厚多士 今次就食香煎魚柳粟米炒蛋伴厚多士 可以加錢轉牛角包🥐 全麥厚多配上橙味果醬 苦苦地的果醬 不太甜 加上熱辣辣非常脆口的多士 炒蛋份量足夠 牛油味香 加上有少許 蒜蓉味 層次的提升 加上於多士一起吃 令人一口接一口香煎魚柳無腥味 有焦香味 脆脆地 點沙拉醬食 一流配上一杯熱檸茶 為開始我美好的一天早餐食一個set 非常飽肚 lunch都可以不用食😂 注意⚠️BU 學生同職員有折購優惠

昨天早上，突然諗起呢間我一直都好喜歡既餐廳，而且好耐都冇去過，於是今次就決定去幫趁，我點咗個香煎魚柳通粉早餐，嘩！咩事！唔知係咪百物騰貴，竟然來咗個唔似出自呢間餐廳的作品。個通粉分量似是+10蚊的size. 面頭啲肉碎肥淋淋，然後個魚柳好似食剩的一角咁於是我頂唔順，問咗個waitress點解個賣相咁求其，個份量仲好似試食一樣，個waitress好尷尬咁回應話個份量係咁，我話其他餐唔係咁既份量，其實我想求証一下餐廳有冇搞錯咗，因為真係不似平時賣相，個賣相俾我感覺好hea，之後個waitress叫咗餐廳經理來，個經理都好有耐性咁聽我訴求，最後我一啖都冇食到，換咗第二個餐

以前經常食來吃早餐和午餐，Ricky 大廚監督下水準穩定，而且份量足。但自從大廚去咗尖沙咀之後，光顧過兩次都好似不對版。全晚最出色係麵包，三種口味各有千秋，熱烘烘的，外脆內軟。下單不到5分鐘，最先上菜的是鴨腿鴨肝，心感不妙，咁短時間就可以整好！鴨腿同鴨肝也不是熱的，！份量很少，沙律菜份量更少，寒酸極了！鴨腿肉質比較乾身，鴨肝煎得皮脆，可惜是微溫的。五花腩西班牙辣肉腸意粉份量十足，但這個價錢，在大學低租金的環境下只有幾片肉腸實在並不化算，只要不顧慮這點，$148 加1 就算了吧！我和女兒吃完主菜，我丈夫的安格斯牛肉漢堡還未到。怕是廚房忘記了，也可能是因為要等埋其他枱才一次過煮？漢堡飽焗燶了少少，牛肉漢堡沒有肉汁，還好蔬菜新鮮，薯條香脆熱辣辣。埋單$5xx 覺得有點物非所值。還有餐廳抽油煙系統極之需要改善！每次光顧時都想盡快離開，離開後全身滿是味兒！

味道不錯九龍塘廣播道附近沒有什麼餐廳這裏是Lunch嘅最佳選擇之一叫雙層芝士煎蛋牛肉漢堡伴薯條份量足，而且切開漢堡時，會有蛋漿流出$74，加一，包凍/熱飲一杯，稍有點貴但有浸大學生證可免加一及九折

今晚係BU附近行下，到左晚餐時候，就搵下附近有咩食。上網見到呢度有間西餐廳，就黎左喇。打開menu，原來價位都幾高。我地叫左三個餐，一個餐湯、一杯凍飲同一份甜品。首先有餐包。本來以為餐包一定一樣味，但呢度既餐包外貌唔同款之餘，原來都唔同味。而且又真係幾香！之後就到餐湯喇，當然就同餐包一齊食喇，餐湯好濃厚，而個配搭都好好。之後就係燒美國榖飼肉眼扒 (9 Oz)，又真係好大塊，不過本來叫5成熟，結果黎到係7成熟。但都好好食，除左有一part比較肥之外，其他既位置都比較鬆軟、而且無筋，牛味都夠晒出。醬汁既味道無蓋過牛肉，值得一贊。之後係 香煎石斑魚柳伴刁草忌廉汁配薯仔沙律，估佢唔到既係佢既皮超香脆，而且魚身夠滑，好少魚柳可以比到呢種驚喜我，我對呢一款都比好高分。最後就係我既香草燴羊膝配薯仔沙律。本身以為同出面食既羊既感覺差唔多喇，但原來我既諗法係大錯特錯。因為佢既肉身係超級滑，滑到好似食得滑雞咁淋身。而且羊一d都唔羶，真係好想去廚房偷師，呢個真係好好食。最後就係飲品同甜品喇，呢個係藍莓cheesecake，正正常常，都OK。凍檸茶一向都係我既最愛，而且佢夠冰凍，所以我好鐘意。結論係，雖然價錢

BU唔只係美食沙漠、直情係canteen都少到單手數完。如果唔想行去島仔、樂富咁遠，咁bistro可能係only choice。lunch menu基本上除左沙律、牛肉漢堡、烤雞飯同all day breakfast 係必備之外，其他都會日日轉，所以都算多選擇，有時中間個d唔岩食時，all day breakfast 永遠都係唔會中伏之選。今次食左香煎魚柳伴薯仔沙律配刁草忌廉汁（$62）。都ok既。基本上呢度都唔會難食、但有d真係要小心好多油。

25/10 約1:00pm 點餐時，呢位馬尾女侍應急口令咁講咗一句，我聽唔切問佢咩話…佢不耐煩提高八度逐個字重複一次，先聽清楚原來今日焗爐壞咗，餐牌最後三項沒供應，但我心裏一征，怎麼這個侍應態度咁差…叫埋單，呢個馬尾女侍應又是急口令掉低一句就走人，我用常識估佢叫我行出去埋單，但這裡是茶餐廳嗎？幫襯咁多次都未試過咁，當時餐廳未坐滿一半人。我冇理佢，坐喺度成10分鐘佢都唔過嚟埋單，ok, 咁我叫另一位侍應埋單，馬尾女侍應先死死地氣攞張單過嚟擺喺枱面，就立刻走咗去，我將信用卡擺喺單上面等佢過嚟攞，點知又等左10分鐘，原來佢同啲男廚師打牙較、睇相、調笑…都唔過嚟做嘢，於是我叫另一位侍應幫忙，順便話俾佢知馬尾女侍應唔做嘢，馬尾女侍應才又死死氣拎單同信用咭過嚟埋單，我簽完名佢將咭同單pat 喺抬面就走咗去。😡因為近屋企，都經常過嚟食，食物美味，環境算不錯，工作人員態度好，今日遇見呢位馬尾阿姐真係大開眼界⋯⋯

講起浸會大學食野，岩岩先俾人批評完眾多canteen都係難食既表表者，唔計星巴克同太平洋咖啡，可以選擇既簡直係小之有小，唯獨呢間就有啲分別。佢其實前身係桃園閣，啲野食都幾好味，不過咖知點解都執左，但係轉左呢間之後感覺上高級左，入面設計亦都好靚，其中開放式魔房見到廚師點樣烹調食材，好似置身於高級食府一樣。當日光顧都仲係暑假期間，所以學生同其他人都咖係好多，環境好舒服。而我叫左個下午茶，價錢上當然比學校canteen貴，不過係浸大學生或教職員有9折優惠，周不時可以食下。