回到味來 (已結業)

見到藥膳牛肉鍋好吸引就去左呢間試。藥膳牛肉鍋好重藥材味，入面仲有六塊大大舊既牛肋肉。藥材味入晒落d牛肋肉到，而且d肉有少少脂肪位，所以好"林"。另外叫左什菜拼盤、芝士魚豆腐、響鈴、手作餃併盤同滑雞片。芝士魚豆腐真系好好食，一咬開就滿滿既芝士出晒黎，個口感似魚腐，好味到可以一個人食五舊，鐘意食芝士既一定要點最驚喜系個滑雞片，佢好新鮮，完全食到雞味，重點系非常滑，滑到唔洗咬咁。值得一讚系佢個香醋，落少少入豉油，變到又香又有少少酸，變到冇咁膩。