回到味來 (已結業)

又係同朋友食飯既時候，找緊冬天的尾巴，所以我地就決定左打邊爐！揀左好耐，終於揀到啦，今次就試下佢既雞煲先！佢比起出面食開既唔會咁濃味，之前係出面食既雞煲，食幾下就要飲勁多水，依道既侍應仲會幫手炒一炒個雞煲，味道岩岩好，食到咁上下，就開始打邊爐啦十分推介佢既鮮炸響玲，即叫即炸，一夾落去你就可以feel到佢有幾新觧，只係放落湯一秒就可以即刻拎上黎食，吸晒Ｄ湯仲保留到少少香脆，正呀！！！之後就到肥牛啦，佢切到有少少厚度，有口感d，肥牛脂肪都算多，肉質鮮嫩哈哈佢個蔬菜藍有幾款菜，可以一次過試晒唔洗分幾次黎嗌原條花膠！！！份量好多架！！仲真係原條，煮十幾分鐘就食得，花膠真係打邊爐唔少得既食物，每人都幾左幾條，好抵食，又好味其他野食都唔錯，可以encore

前日去旺角看電影，之後在附近尋找食店吃晚飯，行經旺角新城地下門口明亮的燈箱廣告吸引著，就是這間 雞煲海鮮火鍋私房菜] ，它有雞煲又有海鮮火鍋還有私房菜，幾多元化，就上3樓嚐一嚐啦！店內以時尚型格設計，大部分都是卡位，感覺舒適寫意。菜單上有多款火鍋湯底、配料、小食、甜點及飲品等選擇，較為多元化。多款醬料配搭使用，每位 $10，不同版本吃出不一樣的味道。招牌藥膳紅燒牛肉    $168以多種藥材和牛肋條等熬製而成的湯底，味道不會過濃，亦是我最喜歡的，味道適中，而牛肋條份量多，肉味濃厚，鮮嫩甜美，混合所有藥材同牛肉一起吃，的確份外鮮甜，當湯滾起後我們已經急不及待飲了一碗，大家都異口同聲讚太清甜美味。丸拼盤     $88手打系列的雙拼，彈牙爽口，吃出食材的鮮味，口感十足，美味無窮。手工餃拼盤     $46餡料豐富，多汁美味，雲吞鮮蝦爽口，菜餃鮮味，皮薄餡多，味道鮮美！寬薯粉     $28薯粉粗條狀，未放入湯前是硬身，當粗條浸數分鐘後，吃起來軟軟的QQ的，煙韌有質感，好味。Coke Zero     $14冰冰凍凍，清爽解膩。

天氣變幻莫測，呢幾日天氣又無啦啦轉涼，打邊爐就岩晒啦。聽講呢度出名食辣，所以就叫左個水煮牛肉湯底。個湯底仲附送一碟牛肉同薯粉，感覺好抵。呢度既醬汁配料同一般火鍋店都差不多，但有樣唔同既係竟然可以落醋，而且支醋係師傅特別調製，建議落3分1左右。落完成個醬汁都酸酸甜甜咁，幾特別同埋開胃。個鍋黎到既時候我地嚇一跳，因爲我地係叫小辣，但成個鍋都佈滿辣椒同埋真係好紅。雖然係附送既牛肉，但味道都幾好。呢度D墨魚丸係手打既，所以都幾彈牙，同埋都食到個鮮味既。魚皮餃用左個酒瓶做擺盤，幾精致特別，味道都可以。娃娃菜吸收左個湯底既精華，清甜得黎又帶點辣味，好食！烏冬彈牙爽口，加上吸埋D湯汁，正！仲有個類似炸薯條既兜仔比你煮熟D烏冬，特別得黎又方便。最後不得不提個醬汁，不愧係師傅特製既。所有食物點呢個醬汁都有另一個風味，大大加分！ 食麻辣火鍋一般比人感覺好燥熱，但D食物點左醬汁後多左份清新既感覺，而且去膩 。呢個湯底都正，原來D麻辣既味道唔係因爲d辣椒，而係加左店鋪特製既秘方，如果食大辣個感覺會突出。鍾意食辣既朋友可以黎試下！   店員既服務態度都好好，佢地仲話黎緊會有象拔蚌刺身既優惠，只係二百零蚊就享用到

舊同事聚會，次次都打邊爐，今次都吾例外舊同事新公司係旺角，由我地去旺角會一會佢呢間食評吾錯，仲要係佢新公司對面因為吾食得辣，所以要左個蕃茄濃湯牛肋條湯底蕃茄用蕃茄茸，好濃郁蕃茄味好多蕃茄肉，湯好甜侍應溫馨提示因爲用蕃茄茸所以好易痴底，要keep 住搞均個湯我地聽住佢指示做，食到最後先開始有少少燶有雲吞，水餃豬潤，幾新鮮魚片，好薄好靚炸午餐肉好味，炸過無咁易爛蜂巢豆腐，好入味半隻雞，勁新鮮，少血水娃娃菜新鮮生菜新鮮爽口薯粉好滑食物湯底都好好

之前經朋友介紹知道呢度既湯底比較特別、今日難得出黎旺角...當然要試下點樣回到味來...🤨🤨首先要揀好湯底同配菜....今次揀在南瓜海鮮湯....南瓜🎃湯底味道都有少少南瓜味道...唔會淨係得個橙色冇味道....海鮮拼盤都是新鮮鮮甜的，海蝦彈牙...同埋其中既貴妃蚌....最鮮甜安格斯頂級肥牛...雪花滿佈均勻...見到都覺得，味道有牛肉既味道同埋都好”林”，雖然價錢係$198..但係是值得嘗試！同埋店員會不停主動幫我地添湯...服務方面也是不錯的..！最後覺得呢間火鍋店除有特式湯底，同埋用料新鮮，同埋價錢唔貴....值得推介

最近同朋友食過呢間令人回味的雞煲！座落樓上鋪，環境同服務都真心唔錯～入座後 會拎調味盤畀我地自己執～ 店員亦建議一個特別食法，就係三份豉油一份醋，個味食落酸酸地又醒胃，另外可加自己喜歡的蔥、芫茜、蒜等等嗌左半份雞煲先，之後再慢慢揀邊爐料...種類好齊全，乜都有得食～ 必食推介一欄都係店內特別的邊爐料，我地就嗌左豬肉餅黎試一試等緊雞煲期間會送上小菜，呢個我完全食唔出係乜...不過似酸瓜，食完口水狂流。上雞煲啦～半隻雞份量不欺場，有大量辣椒、洋蔥、花椒八角等。等左一陣店員就過黎幫我地炒勻佢，香氣撲鼻仲夾雜香辣味～開餐先，雞件好大件，而且每件都有適量嘅雞皮，皮滑肉嫩～小辣都已經好惹味回到味來豬肉餅 $68非常驚喜，貌似普通豬肉丸質感，但食落彈耳又多汁，薄切都冇影響口感，必食！香菇貢丸$32 相比之下就平平無奇，但都係我打邊爐我最愛。看似好少野食，其實係落左單之後好多都缺貨所以冇上到，同埋記得check單 因為可能會唔記得取消返！仲有打邊爐必備嘅清熱飲品人均消費二百幾，味道同服務都非常不錯，唯獨下次等人多再食會更划算。

最近冷峰🌬又來了，當然要抓緊機會再來一個火鍋🍲！在旺角找到了一個名字蠻有趣的火鍋店🍲，這天晚上就來這邊滾一滾🔥~店內裝潢蠻舒適，加上充足的天然光☀️，感覺很不錯👍🏻~一開始當然要先調好醬汁🤤~餐前小食🥗：酸酸甜甜的再配上爽脆的口感，非常醒胃😋。麻辣雞煲🐔：打開蓋子就已經嗅到香濃的醬汁味道🤤，細看之下，發現當中除了花椒八角🌸，還用上了兩種辣椒🌶，再加上了不同的香草🌱，難怪味道這麼香濃。雞件🐥肉量肥美鮮嫩，吸收了醬汁，滋味非常👍🏻。墨魚仔🐙：吸收了湯汁味道加上本身非常新鮮，入口鮮甜，口感爽脆彈牙😋。芝士魚豆腐🐠：魚豆腐口感幼滑，一咬開，香濃的芝士醬🧀馬上流出，要小心千萬不要燙到喔⚠️~蓮藕片🥗：清脆爽口，又嫩又甜，油膩感頓時一掃而空😌！窩筍片🥒：顏色翠綠，鮮嫩多汁🤤。寬薯粉🍜：比一般市面的薯粉寬及厚，吸收了湯汁的味道加上煙靭的口感，吃起來蠻過癮的👍🏻。薑茶水中花🌼：看到店內電視中的照片，按捺不住要來一碗😍。水中花是指把玉子豆腐切成花的形狀，再放進薑湯中，隨湯汁飄浮，完全不捨得吃下去💝。薑湯薑味濃郁，加上香滑的豆腐，為晚餐畫上完美句號🈵。總結：店內空間感不錯，加上抽氣系統很好，絕對不會有煙霧瀰漫

呢兩日突然番風，東北吹來的季候風再次燃起我這火鍋控的熱情，在旺角鬧市找到一間比較恬靜的火鍋店-回到味來。沒有放題火鍋店一般的墟撼，即叫即做，食物質素會更好，我也不想在週末也要食得提心吊膽。電視放映自家製公司logo同slogan,帶有科幻去到未來的感覺。我們點的蕃茄牛腩湯湯底，茄湯十分濃郁，精煮煲滾後的蕃茄湧出一層層蕃茄油在湯面，茄味鮮明特出，味道帶點清澀，湯汁清甜，其他火鍋店流行用蕃茄醬蕃茄膏，會帶有點酸的感覺。脆鯇魚片$78，魚腩位嫩滑爽口，大大片無骨魚片放在鍋中焯一焯，大快朵頤啊。新鮮墨魚滑$78 打到起哂膠，好滑好彈牙，想食埋蝦滑，不過怕肥冇叫到。各種一般火鍋丸子；魚蛋魚腐餃子類，反而吸引我的是這玻璃樽盤子。旺角新城就在信和中心隔離，用膳後到信和走兩圈睇下有咩新game都只係一分鐘既時間，啱哂我。有個放紅酒的小房，下次夾朋友過來可帶埋我地飲開既penfold。

上班無聊時, 見到朋友在facebook介紹回到味來的當歸鴨, 看似不錯, 放假即去試!湯底: 當歸鴨 ($158)此餐重點! 剛開始食時味道不夠, 只有藥材味, 沒有肉香。加了鴨下去之後等一會, 當歸鴨湯即又香又入味另外, 足足有半隻鴨, 份量一點都不少, 價錢又不算貴, 跟平時雞煲差不多!羊肉卷 ($88)份量雖少, 但質量不錯!雖然不夠雪花, 但口感不錯, 而且羊的騷味都十足, 愛羊肉的人要試試喔~新鮮准山 ($38)近期新歡, 每次打邊爐都必點鮮准山份量不少, 煮了兩分鐘再食都依然爽脆呢!皇帝菜 ($38)跟鮮准山一樣份量十足, 新鮮又不會黃!發現皇帝菜跟當歸鴨湯底是一好配搭!老油條 ($48)其實之前真的未試過老油條原來即是將油條炸乾了水, 變得整條都脆卜卜。沒有點錯! 即使浸入湯等十多秒都能保持脆度! 讚!!!身為藥材控的我, 從少已愛人參雞湯, 麻油雞等等有當歸的菜式, 而回到味來的當歸鴨足以滿足我的味蕾呢

今次朋友生日，同佢去咗一間個名好特別嘅回到味來雞煲海鮮私房菜， 見到張點野食紙，樣樣都想試，好多湯底都想試，後來佢哋介紹咗一個當歸鴨湯底， 嚟到嘅時候，好香好濃郁嘅當歸味，仲要有半隻鴨咁多添… 隻鴨仲要 醃咗三至四個小時，又嫩不韌yummy，鍾意藥材湯的一定要試， 我哋仲叫咗個海鮮拼盤 啲海鮮勁新鮮， 同埋叫咗羊肉仲有脆骨腩都好好味，所以材料都好新鮮，仲有不得不讚係啲職員好細心講解同建議， 最後佢地仲送咗一個好靚好靚好靚嘅薑茶豆腐甜品

旺角食嘢好多選擇，不過有時都想試下新嘢。今日嚟到旺角新城，呢度好多嘢食，揀咗落3樓打邊爐， 被佢個名吸引左，叫做回到味來。見到地方非常大，樓底又高，全部都係卡位，而且好有私人空間，用籬笆做屏風，就算隔離枱傾計大聲感覺都冇咁騷擾。餐牌很簡單，先選好鍋底，然後再揀選喜歡的食物，分類為海產、肉類、丸類、蔬菜、小食、粉麵、甜品、飲品等。還未落order, 就先送來一碟餐前小食，這是藕帶，蓮藕的莖部，吃著很爽口，味道是用醋和辣椒醃製成的，所以是酸辣味，很有四川風味呢！木盒盛載的調味盤，非常整潔清楚的寫明是什麼材料，就算是家事白癡，也會知道材料是什麼。我最喜歡他感覺潔淨，而且每一格都是細小的分量，保證材料新鮮。點了的湯底：招牌藥膳紅燒牛肉$168, 送上嚟見到滿江紅，以為會辣，同好大陣藥材味，但原來 一點都不辣，藥材味也不算濃。紅燒牛肉原來是牛展，一鍋有六嚿牛肉。牛展味道也沒有濃濃的藥材味，反而是吃到牛肉味。而且每舊切得比較厚，吃的時候，要小口小口的咬，否則牛展的筋膜很難咬開。味道不過不失，如果份量可以多一點就好了。手打豬肉丸$58,有8粒。豬肉丸並不是所想像的彈牙有韌性，口感是比較鬆軟的，就像吃

趁天氣未熱返 同事又話想食雞煲就黎左呢間~回到味來~一上到去 見到坐位之間都好闊空間好大 而且唔會一入去就一大陣雞煲味呢到係窗邊位都幾有feel嫁<3有個小食送上既係醃左既蔥 酸酸地幾開胃至於點解我話岩哂一班朋友黎就緊係有酒飲喇平~貴 都有仲唔岩哂成班人邊飲邊食?menu方面因為我唔係好大食所以我覺得選擇都好多我地今次叫既係雞煲- 小辣-1/2雞一黎到 真係好期待呀!!一開蓋就香味四溢店員仲會好細心幫你再炒多幾炒不過如果你想個雞肉入味D就記得同佢地講你想整耐D呀!!!同埋我覺得整耐D係更好味因為更加入味呀MA~~話就話小辣但因為佢既MA味好重所以都幾辣下同埋因為D雞都整到細細件岩哂嘴細細既你 但就要小心D骨喇如果大食既話最好就叫一隻喇~!$10一位醬料費仲有醬油 同 醋 俾你落安格斯頂級肥牛大大碟 因為我唔食牛所以我兩個朋友自己食都差D食唔哂🤣牛柏葉又係大大碟 同埋都幾爽口DUM落個雞煲煮一陣拎上黎真係好香好入味手打墨魚滑 小妹至愛<3不過食落係同出面有D唔同嫁林林地 雞煲既湯味入哂去雜菜拼盤大包圍 咩都有😛係好新鮮~!鹽水鴨真係好好食冇咩骨 肉好爽口+上佢個醬汁酸酸甜

美食哥倫布今次去咗MK搵野食!有乜好野食？一齊睇下啦!今次間火鍋舖係上樓舖，所以唔識路嘅話真係未必發現到！鍋底方面佢地有好幾款台灣常見湯底嘅養生湯底，而火鍋配料最特別嘅就一定係正宗汕頭牛丸！因為怕熱氣，所以叫咗蕃茄助骨湯！入面啲料好足！助骨有成6-7條！而個蕃茄湯入面竟然滿晒蕃茄碎粒！好香蕃茄味，又有口感！當湯飲都得！因為佢加湯都會加強返蕃茄湯落去！咁靚嘅蕃茄湯底得咁少肋骨梗係唔夠啦！所以另外再叫左牛柳粒！牛肉同蕃茄嘅味道真係好夾！尤其是牛肉粒入面有啲脂肪，淥完之後食落去嗰陣香味就係無得頂！越咬越香！呢度嘅響鈴係即叫即炸，所以一出到你已經好香，仲要好辣手！我自己就鍾意即刻食返一個先！同浸一湯入邊食個感覺係兩回事。即刻食好香脆，浸入湯就可以吸埋啲湯一齊食，所以每件都可以吸收到好濃嘅蕃茄香！唔知響鈴係即叫即炸，佢哋嘅菜肉餃都係由餐廳自己包，所以隻隻都好爆滿，入面好多餡！菜肉餃連埋啲蕃茄湯一齊飲真係好飽肚！感覺仲好健康添！最後甜品叫咗個功夫野，薑茶水中花！朵花係用豆腐整㗎！一刀一刀咁慢慢界，整到成朵菊花，而糖水就加咗薑汁，中和返黃豆嘅寒涼，成件事好養生呀！所以打邊爐唔一定樣樣野都食肥人嘅！今

藥膳紅燒牛肉湯底好好味😋d牛肋骨好夠味啊，d湯好清甜，雖然話係藥膳底，但係唔會好重藥材味，平衡得剛剛好！牛丸係店員推薦，真係好爽口彈牙，好香牛味，咬開仲有d牛汁嗶出來👍🏼其他食材都好新鮮更值得一讚係：調味料盤d香芹，蔥花⋯⋯非常新鮮，平時打邊爐，d調味盤既配料都係謝謝地，今次見到咁鮮嫩，即刻加分左好多👍🏼店員服務好貼心，我朋友話呢度d茶好好飲，喪飲左10杯8杯，d店員好主動咁幫我地加左好多次⋯同埋老闆娘好nice，有問我地d食物點，同埋幫我地解答左個湯底既做法（哈哈，我地好八卦）介紹左好多唔同既潮汕特色菜式比我地，宜家香港餐飲真係好少有心同有素質既餐廳啊⋯⋯岩岩飲完個姜茶水中花⋯⋯好正，係我鍾意既姜茶濃度，夠薑味得來辣辣地，個水中花刀功真係無得頂🤘🏼下次來我要order再食過😋未出門口，我朋友已經約緊佢d fd下次來試⋯

對於最愛打邊爐的我來說，無論春夏秋冬都會去打邊爐，也會到處搜尋🔍新店。呢間係位於旺區—旺角的旺角新城，係正信和旁邊，位置十分方便。喜愛店內的皮質卡位非常寬趟舒適，檯與檯之間私隱度高。甫坐下，店員介紹了他家一個特別的沾料：三七比例的醋和豉油，再加上平常會加的生蒜、炸蒜、芫茜、芹菜粒、蔥粒和辣椒粒，就完成啦！一試果然咸酸度剛剛好，特別是在點肉時能提鮮開胃！食物種類方面，和其他火鍋店差不多，有肉類、海鮮、丸類、其他配料、麵類、小食、飲品及甜品等。比較特別的是這裡的湯底：有川芎白芷魚頭湯和南瓜海鮮湯。另外，如果愛辣的朋友仔可以一試麻辣雞煲，因為隔離食的時候，濃郁的麻香撲鼻而來，不禁吞口水了！食完可以再打邊爐。不過因為不太舒服，今次只點了清湯，湯底清甜，有菜和滑豆腐。食物味道方面，整體不錯食呢！特別推介：1.雪花肥牛：肥瘦均勻，入口牛味香濃。2.雞件（半份）：份量不少，全部放入湯中數分鐘，肉質鮮滑。3.藕帶：一款小食，好像迷你蓮藕片，第一次見，店員說是蓮藕最尖尖的位置。入口爽脆，又帶點微辣，作為開胃菜不錯！另外，還order了丸併盤、新鮮淮山、手工菜肉餃、菠菜、即炸響鈴、滑豆腐、可樂等。