四季良晨 (新都城中心) (已結業)

寶琳最近商場翻身完，多咗好多新食肆，而台灣野喺寶琳亦係近年難得一見。餐廳裝修同餐牌都好有台式風格。提提你，入去餐廳坐低左之後可以慢慢揀想食乜嘢，然後出去櫃檯落單俾錢，返埋位坐一陣食物就會送到去你個位，成個過程都好順暢好快捷。酥炸排骨米線配番茄湯 ($71)個番茄湯真係冇得輸，好清甜，好開胃，好啱夏天食，配埋我最鍾意嘅米線成件事好夾。之前喺出面食過台式炸排骨好肥膩，有啲陰影，但四季良辰嘅排骨做得好出色，一啲都唔肥，啱晒怕肥但又好鍾意食炸嘢嘅你哋！滷水雞翼米線配清雞湯 ($58)滷水雞翼好入味，而且仲要有四隻，比想像中多。今次已經係第二次食呢個米線，依然好鍾意。如果你同我一樣都係雞翼控，咁我相信你都會好鍾意💗芝士奶蓋抹茶, 宇治抹茶拿鐵($28, $25) 因為我同同行嘅朋友都係抹茶嘅忠實粉絲，見到所有飲品都一定會揀抹茶，所以我哋一個揀凍飲，另一個揀咗熱飲。芝士奶蓋略嫌厚咗啲，但調味恰到好處，唔會太甜。另外個宇治抹茶拿鐵超重抹茶味，一啲都唔將貨就價，好飲過出面連鎖台茶飲品店沖個d好多!煎餃子4隻 ($28)每次黎都一定會叫，因為佢真係外脆內多汁。上碟仲好有心機擺盤，餃子皮又唔會太厚，唔係北

很有Feel的台灣菜 ～四季良晨裝修好𡃁 超多打卡位 ～ 感覺好舒服晚市有飯餐付送上湯浸時菜同原盅燉湯感覺好像住家飯感 又有菜健康啲不過我哋两個女仔細食啲就叫咗两個面同小食三拼牛肉台灣面腱心牛肉好爽口 🐂牛味濃！牛腩腍 牛丸唔似冰鮮貨 覺得生手打牛丸感～ 必試 👍🏻 仲有蘿蔔白蘿蔔同小白菜 ～ 叫小辣辣椒油會另上～ 唔夠可以再問佢哋拎 ～ 另外加咗一隻滷水蛋 👍🏻 炸雞扒蕃茄台灣麵蕃茄味好濃 ~ 鍾意食蕃茄嘅朋友一定要試小食拍青瓜 ～ 我以為係辣嘅果一種 ～點知只係酸酸地有少少開胃 ～台灣腸 ～ 我的最愛 正宗桂花蜜糖雞翼 ～ 炸雞翼，但唔油膩，因為加埋呢個桂花蜜糖甜甜地帶住桂花嘅清香～ 桂花蜜糖可以叫佢拎多d 霖著健康d叫咗一個現打水果茶🤣 仙氣草莓茶，粉紅色真係好仙氣，真係飲到啲草莓籽 ～淡淡的草莓香，鍾意清新的會喜歡 好fresh！另外一杯都是四季推介 ～ 芝士奶蓋桂花烏龍茶，真係超鍾意桂花味嘅食物飲品 ！好香嘅桂花味，亦都係出面比較少有嘅味道～ 奶蓋都係好清新唔覺得油膩嘅感覺食完第二日又再黎一次! 😆

四季良晨🥰寶琳CP排隊台灣菜.星期五去到寶琳晚飯🍽揀咗呢間排隊台灣菜.麻醬雞絲涼伴麵 配雲耳🍝超級大碗! 上菜個刻有少少嚇親因為真係幾大碗，麵上面鋪滿青瓜+雞肉+蛋絲+蔥花。點解一啲都唔孤寒，雞肉好多😍麵身好彈牙，撈左甜甜的麻醬，好爽好好食😁值得一題呢度嘅小食可以揀少量或者多啲，好適合兩個人黎食，而又想食好多唔同種類嘅小食嘅人！👫.桂花雞翼🐥 $23/3隻本身唔知係啲咩，但見到OpenRice推介美食就嗌黎試吓。原來係炸雞翼配上桂花嘅醬汁，桂花醬汁好似蜜糖咁，但係非常清甜無蜜糖嗰種酸味，點落炸雞翼上面好特別，令本身熱氣嘅雞翼變得清甜滋味😋椒鹽花枝丸🍢 $23/3粒炸左嘅花枝丸幾彈牙，食到入面粒粒嘅花枝🦑現做煎餃子🥟 $28/4隻煎餃子亦都唔錯，皮煎得香脆，豬肉餡多肉汁👍🏻酥炸排骨滷肉飯🐷炸排骨係薄切豬扒配炸粉，飯上舖滿肥瘦均勻嘅滷肉碎同滷肉汁，炸排骨同滷肉飯幾時都係最夾嘅！見到隔離枱嘅炸雞扒都好吸引，下次試吓！飲品芝士奶蓋阿華田🧀🍫 +夏日水漾鮮果茶🌻阿華田配芝士奶蓋個組合都幾新鮮，但又估唔到原來阿華田同芝士一齊飲又OK喎！鮮果查好Fresh好鮮甜，入邊好多新鮮生果，茶味亦好香😇呢間台

平時都幾鐘意食台灣嘢，又鐘意飲台式茶飲，所以經過見到呢間四季良晨都有啲興趣試下。打開餐牌，有啲set仲有菜加燉湯，均衡飲食，夠健康啦掛，都不過係七十幾蚊姐，幾抵食。比較可惜嘅係牛肉麵冇定食set，只可散叫🥺。為食嘅我地太肚餓啦，叫左兩款小食同飮品頂住肚先😋《桂花雞翼》本身覺得桂花配雞翼好似九唔搭八，但食落有驚喜喎！雞翼個皮好脆，肉夠juicy，個醬汁係桂花糖漿，有花瓣嫁，食落好重花香，配雞翼又意想不到地幾清新幾夾喎！推介！《煎餃子》見餐牌寫個餃子係明係爆湯汁同必食，所以叫左。咬落又真係好爆汁，餡料豐富，唯一係略嫌個皮厚左少少。《仙氣火龍果茶》顏色紅紅地紫紫地咁女仔應該幾鐘意。茶底相信係桂花，上面就係火龍果汁，比例幾平均，火龍果味都明顯，我建議可以叫少甜，可能果味會更出。《芝士奶蓋桂花烏龍茶》個芝士奶蓋偏甜，冇鹹香味，配埋桂花烏龍，飲落竟然有啲似芒果奶昔嘅味道。我個人比較鐘意喜茶嗰款鹹鹹地嘅芝士奶蓋，配純烏龍茶應該會更突出到茶味。其實已經有啲啲飽，但仲有兩個主菜未食😂《滷水豬手飯定食》豬手好入味而且炆得好焾，最想讚嘅係個燉湯，蘋果無花果燉排骨，好清甜好正！！仲有好多湯渣可以食，所以飲完已

最近樓下都開左唔少新既餐廳，都未一一去試。早幾日屋企無煮飯，一於就同屋企人落去食。八點左右黎到都仲係好多人係門口等緊，本身以為要等好耐，但原來有一部份人係等外賣既，咁所以大約等左3個字左右就入得去。入到去既裝修係好有文藝氣色，有好多書放係度。咁佢就係記低自己枱號，先睇左食咩，再去門口reception 比錢點餐既。咁我就揀左晚市原盅燉湯定食套餐，鹽酥雞排配雞肉飯定食，屋企人就叫左養生清燉牛腩麵，加多個牛肉湯水餃。佢話依度仲有台式飲品，決定叫埋杯朱古力試一試。我個碗飯係勁抵勁多肉，食台式飯成日都係得滷肉飯，個人覺得滷肉飯偏油，雞肉飯就清小小，但依度既雞肉飯係好多雞肉。鹽酥雞排都炸得幾香口，湯水無味精，不錯不錯。屋企人既養生清燉牛腩麵湯底有中藥味，牛腩份量多，又係抵食之選。水餃就不過不失，勝在想試下牛肉水餃。

老公鍾意食台灣嘢， 咁啱嚟這區買嘢，就喺度食飯啦。這間店唔算很大，枱與枱之間都比較狹窄，但係環境佈置就充滿台灣文青味。老公叫咗個牛腩麵，湯底就要咗個中辣湯底。牛腩都好厚， 好冧、都好入味， 份量都算多，面質都彈牙， 個湯酸酸辣辣都幾醒胃 ，味道都可以。我就叫咗個台式雞肉定食， 定食除咗有一碗雞肉飯之外有三小碟涼菜啦，一碟油菜啦，加一個紫菜魚肉湯，都非常豐富。 由其是三種涼菜，酸酸甜甜，開胃消滞，不錯。另外再加一隻鹵水蛋 ， 好有鹵水味。整體食物味道中規中矩，滿意……價錢又親民。我地又多個食堂選擇啦！

行街經過新都城食台灣菜的店舖–四季良晨，裝潢好有台灣的休閒味道，十分舒適。我們點了一杯白桃烏龍茶，白桃味突出，茶底香濃，不會過甜，十分清新。另外，紅豆豆乳味道醇厚，紅豆煮得軟爛，方便食用。至於主食，我們點了一個下午茶餐，內有台式肉鬆吐司，配上芝士味，不禁一口接一口，兩隻桂花雞翼，欣賞雞翼炸過，但內裡沒有味道，需沾上桂花醬，茶餐更有一碗蕃茄台灣麵，湯底酸甜適中，麵質彈牙。值得讚賞芝士醬酥炸排骨吐司，肉厚嫩滑，配上椰菜和芝士醬，十分好味。三杯雞惹味，雞肉嫩滑。鹽酥雞扒略咸，肉燥飯一般。下次有機會再試其他麵食!

路遙知胃力，為咗食，大胃可以去到幾盡？因為有胃民話好食，所以甘願長途跋涉嚟到將軍澳試吓。查實大胃對於開嚟民居附近嘅台灣嘢不予期望，預咗伏，但有時女人嘅直覺都唔係啱晒嘅驟眼睇呢碟餃子同大胃之母煮嘅冇兩樣，點知食落係祥兄記嘅級數，一咬開，爆湯四濺，好鮮甜，真係誘人到濕晒花控大胃一定要試桂花雞翼，碟桂花醬好難點，原來係俾你淋喺雞翼上面㗎，雞翼大隻夾嫩口，而且錦上添桂花𠻹選擇困難症嘅大胃通常會嗌四寶，咩都齊，唔使煩湯底有啲辣，麵條口感唔錯滷肉同豬手之間，大胃作出抉擇了豬手炆得好腍，又入味，送飯真係幾正，送汁仲正桂花烏龍茶好清香，芝士濃度適中，唔會互相搶味如果個個都領受到呢句說話，呢個世界簡單幾多呢

今日放工過左新都城，晚飯時間竟然好多間食肆都冇咩人，行行下惟獨見到呢間門口竟然要排隊，望下menu同將軍澳廣場果間台灣野差唔多，應該係姊妹鋪~等緊既期間見有個賣飲品既位，d特飲好似好正~再加上出面LED mon一路loop住d野食同menu，所以等既時間都好似過得快d，仲可以未入去之前諗定哂食咩，一入去就即刻叫得~煲仔.塔香三杯雞呢個係見到門口LED mon show張相勁吸引所以叫既~初頭都驚會辣但點知冇咩辣味喎!用煲仔上可以維持到個溫度又可以突出個香味，雞肉好入味，用左蒜頭同洋蔥爆香，熱辣辣好惹味!桂花雞翼(3隻)薄薄一層炸粉外層炸到脆卜卜，另外有碟桂花糖漿可以伴黎食~糖漿既桂花味好香好突出，炸雞翼既咸味同桂花既香甜味原來係咁夾~後悔只叫左3隻咁少!三盛牛肉麵(腱心牛肉、牛腩、牛丸)材料有腱心牛肉、牛腩、牛丸，牛肉夠厚又軼稔唔痴牙，紅燒湯底好濃郁，飲一啖湯仲有d回甘既味道，湯底好正!麵條夠彈牙連湯一齊食滋味又飽肚!酥炸排骨滷肉飯酥炸排骨同樣炸得好脆，排骨好有肉不過近骨位既位置偏肥，肉質唔鞋口食哂成件都唔會口乾。滷肉飯方面滷肉份量頗多，調味適中，冇平時滷肉偏咸既情況出現，撈飯食一流!

將軍澳越來越旺，今日閒逛時發現食店林立，有家門面不錯的，決定嚐嚐，一解思念台灣美食之苦特盛四寶麵我選擇了養生湯底，湯頭有藥材香味，湯頭甜，豬手爽滑，香軟有膠質；腱心牛肉肉質嫩，肉味濃，香軟入味；花枝丸開半，爽口彈牙，滷水蛋入味，麵爽滑，大大碗，份量足 鹽酥雞排滷肉飯雞排炸得酥脆，不油膩，雞肉嫩，保留到不少肉汁，滷肉飯份量大，這個下午茶份量夠飽肚花生醬奶油吐司厚吐司配上花生醬、煉奶，滿足滋味桂花雞翼我選了五隻，雞翼香脆，淋上香甜桂花糖，甜甜鹹鹹惹味芝士奶蓋桂花烏龍茶烏龍茶有桂花香，鹹香芝士奶蓋，香味濃郁，加配珍珠，多種味道蜂蜜檸檬🍋蘆薈酸酸甜甜，清新又醒胃，可以消解食滯環境四正，座位寬闊，職員熱情有禮，下次會再來

呢間台式小店都開左一排，但都冇乜機會試～～午餐、晚餐試唔到，咁咪試早餐囉～～特登相約朋友去試一試～～坐低睇餐牌，揀好食物就到收銀處先購票～～所以要記得自己既枱號呀～～～食早餐仲有集點卡，儲夠12個印仔就可享有4次減$2優惠等待其間就可以欣賞下佢既裝修～～暖暖既黃色燈，牆上有好多書，仲有唔同既金句～～感覺好溫馨舒服～～等左一陣就有得食喇～～因為同囝囝食，所以都只係食清淡一點～～今次就點左火腿絲通粉配炒蛋多士，飲品就揀左台式奶茶火腿米線就比較淡味，適合小朋友食～但炒蛋就比較油，成個碟底都係油我地只敢食面個層既蛋咋。。。台式料理店既台式奶茶梗係冇得輸～～少少甜，多多奶係佢既特色～～但可惜店內只有一張BB櫈提供，如果多過一個BB就要留意喇～～～好彩朋友架車夠高，變左一個坐車一個坐BB櫈食咋～～

今日約左朋友在新都城的四季良晨食台灣野，第一次食，好有驚喜，估唔到咁好食，而且好抵食，午市套餐一份才50至60元，毋須加一，但已經能吃得飽飽。環境仲好得，走台灣最hit的文青風。我們點了2個套餐，一個是滷水豬手麵，另一個是麻醬雞絲拌冷麵。之後再加點一些小食。好喜歡豬手😍😍炆得好霖，無牙婆都食到🤣番茄濃湯麵的湯底好多番茄🍅粒，好香甜。麻醬冷麵岩曬夏天，少少酸咪咪好開胃。烤台灣腸夠曬香口!鐵觀音珍珠奶茶不過甜，芝士奶蓋阿華田夠濃郁，香濃可口😋😋😋下次再黎!

今晚又同屋企人黎食台式晚餐見個菜牌多左啲新菜式，都算keep住更新又想叫黎試下😜我就食個麻醬雞絲冷麵，外加小食花枝丸同桂花雞翼媽覺得上次個燉湯不錯所以再叫多次三杯雞飯餐今次叫嘅小食質素好好花枝丸好彈牙，食得出花枝喺入面！熱度剛好！有少少椒鹽，好味！桂花雞翼，炸到香香脆脆外脆內軟沾上桂花糖，美味！比咖啡灣招牌的更好味！麻醬冷麵好大份，好足料有雞肉絲，蛋絲同青瓜絲等等賣相好好，顏色鮮豔，睇到都精神！冷麵唔會一pat pat，有返彈牙口感！麻醬都好足，全部麵都可以沾到夏天食一流！媽嘅三杯雞，唔算好辣份量都多香料惹味，不過不失！燉湯都夠味加配嘅黃金麥茶，說是非常解渴👍

特盛四寶麵 配紅燒牛肉湯 | Braised beef noodle soup with marinated pork trotter, shank, squid ball, soy egg ($78) 份量十分足夠，四寶分別是：豬手、腱心牛肉、花枝丸和滷水蛋。麵質有口感、牛肉湯十分濃，帶一點點香辣味。牛肉入味，花枝丸亦有台灣風味，而且滷水蛋亦是一個好的選材。This noodle is of a great portion. The soup is a bit spicy, which is so tasty that it’s a perfect match with the braised beef. Squid ball and soy eggs are typical ingredients of Taiwanese style food, which are great choices for the noodles.手工花枝丸麵 配紅燒牛肉|Noodle soup with squid ball ($48) 湯㡳十分濃郁，牛肉味十分突出而且帶點辣辣的，十分美味。 湯

新都城近排多咗好多食肆，今晚就同朋友食呢間台灣菜，一嚟到都幾多人等位，睇嚟應該唔差。同其他台灣餐廳一樣要記枱號去櫃枱點餐，餐點會由店員送上。鹽酥雞排滷肉飯$76-鹽酥雞排超酥脆，肉質嫩滑上湯浸時菜-夠曬健康綠豆薏米蓮藕燉排骨-跟餐足料老火湯，唔會油又降火滷水蛋$6-台灣菜必點，好入味三盛牛肉麵養生湯$68-三盛牛肉包括腱心牛肉、牛腩、牛丸，牛𦟌軟Q，牛腩都夠冧，牛丸就彈牙牛味重。值得一讚係個養生清燉牛肉湯，唔油得嚟有陣陣嘅藥材味，好香煎手工餡餅4件$48-好有份量嘅餡餅，點得太多食唔曬，一人一件剛剛好芝士奶蓋阿華田$30-香濃阿華田，同芝士奶蓋唔會有違和感，啱曬做飯後甜品芝士奶蓋阿里山金萱$28-茶味淡雅甘甜，有陣陣奶香同花香，加上香滑芝士奶蓋剛好不膩，推薦！