四季良晨 (新都城中心) (已結業)

非常台式嘅台式小店，而且裝修行文清風，很多花花草草，坐下relax 下 ，非常好 feel. 店員剛好安排我坐在一大列書櫃隔離，份外有書卷氣息，好像回到中學讀書時呢。食物選擇都頗多，有台式飲品、構思、面頰、小孩、炸物等等都有。首先要讚下呢一度嘅台式飲品裏面嘅珍珠非常煙銀，好有咬口，不比街外台式茶飲專門店遜色。花枝丸米線，花枝丸炸得外脆內軟，有少少微辣，又爽口又很重花枝 🦑 味， 很好吃。桂花雞翼，清新，很有特色，很有驚喜。價格非常街坊大眾化，可以經常幫襯。

台式文青餐廳和幸福茶研社兩間店鋪內裏原來是心靈相通的，於餐廳惠顧可同時下單點埋幸福茶研社的飲品，款式都很多。特盛紅燒四寶麵$78超級大碗，材料豐盛，有豬手兩大舊、腱心牛肉、花枝丸和滷水蛋，揀咗養生湯，好香藥膳味道，好鍾意呢隻味道吖！飲落口有住家湯水感覺，好味得來又唔喊。豬手好淋滑，嗦埋啲湯好正。麵條入口順滑。特濃蕃茄雞扒米線$61蕃茄米線同雞扒分碟上嘅，濃濃番茄味好鮮味配淡口米線好夾，雞扒肉質嫩滑，外皮很薄唔會食到成口粉漿，食到最尾嗰舊都仲脆，味道都唔錯。古早味滷水拼盤$58有腱心牛肉、牛肚、雞翼和雞蛋。份量好足料，又香又入味。腱心牛肉～這個部位的肉非常結實，而且裏面佈滿了牛筋，滋味濃郁鮮味又少脂肪，經燉煮後，即成美味多汁的Q嫩筋肉。芝士奶蓋桂花烏龍茶芝士奶蓋質地比較希，冇咩芝士味，茶味都唔係好出，但就好香桂花味，而且唔太甜，感覺清新嘅！超級鍾意芝士嘅朋友嗰杯芝士奶蓋玄米茶都一樣，只有玄米茶味，未飲已經芝茶交融😲

星期六晚突然想食台灣嘢，行過寶琳見到好似好吸引又唔太多人排隊就等下啦！ （之前見過好多人排架）我叫左個鹽酥雞扒肉燥飯一黎到見到雞嘅份量都幾多，一大碗飯，肉燥睇到都好想食果然無失望，肉燥唔太肥很滑，好多汁到可以撈哂成碗飯！反而雞扒就夠哂咸但唔夠脆如果炸得鬆脆啲熱啲就好喇！ 不過$58有呢個份量超抵啦，淨肉燥飯都唔平架嘛！跟餐+$8 配呢杯桂圓杞子菊花冰茶，幾清新既感覺，唔錯！比起其他嘢飲飲落無咁有罪疚感友人叫的養身清燉牛腩麵湯底有啲藥膳味麵都幾彈牙 同埋份量都幾大蘿蔔炆到林哂喇牛腩都係不過個人認為有少少蘇味

今天去將軍澳買嘢順便食飯，見哩間餐廳係附近兼很多好評所以過來試一試。三盛紅燒牛肉（養生清燉牛肉湯）材料豐富，有腱心牛肉，牛腩，牛丸。 腱心牛肉尤其好食，牛味濃很有口感。面是粗麵很彈牙口感很不錯，湯底亦不錯，有藥膳的味道！滷水雞翼 3件滷水味濃。燜的頗入味，不錯👍。桂花雞翼 3件特別一讚個桂花糖漿。十分清香。用來沾炸雞翼別有一番味道！番茄湯餃 4隻番茄湯味道頗濃郁而且有數片番茄係裡面。餃子入面是韭菜和豬肉。這款湯餃子正合我心意。麻辣紅油水餃 4隻 麻辣紅油味道很香和刺激味蕾，水餃配上此餐廳的麻辣紅油十分好吃！飲品我叫咗杯 仙氣火龍果茶，少甜。味道果然好清新好fresh. 叫了少甜味道剛剛好，既能解渴又健康，好正！價錢相宜而且食物質素不錯，眼見門口一直有人排隊可見其吸引之處，下次想食台灣野會再光臨此店！

放工去搵男朋友食飯，我地岩岩去完台灣，好想重拾台式料理嘅風味，所以就去左食四季良晨🥳男朋友放工極肚餓，所以嗌左好多野食！🔥酥炸排骨滷肉飯 $58個滷肉飯好有台灣嘅味道，排骨比較似吉烈豬排，炸得十分酥脆，外脆內軟而且份量好大，秉承台灣料理嘅精粹，平靚正又食得飽！🔥鹽酥雞排滷肉飯+滷水蛋 $58+$6滷肉飯同滷水蛋真係perfect match！滷水蛋好入味！個鹽酥雞排亦有台灣風味！🔥煲仔塔香三杯雞呢個值得一讚嘅地方係好用心去煮，配料好豐富令到個三杯雞食落好香好惹味！洋蔥、蒜子係基本，佢仲落埋金不換，同埋食到好香嘅酒味🔥椒鹽花枝丸每粒都有乒乓波咁大粒，食落有粒粒嘅花枝，好有口感！🔥兩杯野飲都ok, 做齊我地嘅少甜少冰要求👍🏻

係新都城睇完戲，行過見到有間台灣餐廳，睇menu都幾抵食於是試下餐廳裝飾都有台灣文青味🤣餐廳擺左啲書係度，食客都可以拎黎睇呢度有套餐嗌，不過今次我就散嗌。鹽酥雞扒配雞肉飯鹽酥雞排幾香，調味亦都唔錯，但略嫌炸得唔夠脆。雞肉飯啲汁撈飯幾好食👍🏻面頭啲雞都唔會太鞋👍🏻麻辣牛肚呢款小食$40幾蚊有咁大碟都算幾抵食😁麻辣汁真係整得好好，夠麻夠辣👍🏻辣度對我黎講岩岩好。而且牛肚好入味，好爽口😋如果咸度可以減返少少就更好鐵觀音珍珠鮮奶茶呢度就算散嗌加幾蚊都可以配普通野飲。但黎得台灣餐廳緊係要整杯珍珠奶茶啦😁呢杯奶都佔左一半👍🏻都好真材實料因為都好多奶，所以如果茶底濃啲應該更好順帶一提，呢度嘅珍珠奶茶有埋個茶包係入面😆都係第一次見，好新奇😆

今日同女友係寶琳睇完電影，去左位於同一商場既四季良晨。七點左右去到已經滿座，好彩好快就有位。裝潢幾有特色，牆上每一個格大小不一，入面放嘅東西各不相關卻充滿和諧感。四季良晨除左係台式餐廳，仲有Counter專賣台式飲品。我叫左木瓜純鮮奶。配搭相當新𩓙，天然甜。女友就叫左白桃烏龍茶，味道較清甜。食物方面，三盛牛肉麵既三盛指腱心牛肉、牛腩同牛丸。麵條比較腍，湯底辣得過癮，分量十足。牛腩煮得幾腍，唔會咬極都咬唔開。加$6仲有滷水豆腐，平均$1一件，幾入味。蕃茄濃湯水餃總共有四隻，酸酸地非常開胃。至於女友叫既晩市定食套餐仲超值。鹽酥雞扒唔粉，炸到金黃色脆卜卜。滷肉飯肥瘦適中，而且滷肉分量幾足夠，唔會去到最後淨係食白飯。另外仲有燉湯同菜，真係抵食。

四季良晨呢個名確有詩意，餐廳以木制餐枱桌子為主，配以多個富有意思心靈句子的佈置，適合文青打卡。自己特別喜歡餐廳中牆上的一句心靈句子《只要路是對的，就不怕路遠》。思想一會，感足良多。餐廳像是個藏書閣，過百本書籍鼓勵客人在店內自由閱讀，書藉種類有生活態度、文化學術、心靈哲學，係醫肚既同時，感覺一下文青的慢活氣氛，文化氣息十足。餐廳台式美食眾多，花多睇亂。諗食咩都諗左10分鐘，有原盎燉湯定食套餐、牛肉麵食、傳統麵食、師傅米飯、古早味小吃，每個系列都有好多款，飲品超過50款，花多眼亂，任君選擇。經過一輪挑選同朋友嗌左，煎餃子/牛肉濃湯水餃👍👍👍煎餃香口，牛肉湯濃郁，餃子饀料十足。鹽酥雞扒滷肉飯，雞扒不油膩，滷肉撈飯。麻醬雞絲冷麵青瓜蛋絲雞絲量多，大大碗，徤康選擇。台灣風味烤香腸

今日去到將軍澳行街睇戲，睇完就去搵嘢食，發覺將軍澳嘅餐廳其實比以前多左好多選擇款式同埋菜式亦都好多，以前一路都好少會入嚟食飯，最後經朋友既真心推介，黎到呢間係新都城二期既四季良晨，呢間餐廳主打台灣菜，餐廳既裝修就好似去咗台灣食飯一樣，好友台灣文清cafe嘅味道 地獄三盛牛肉麵，湯底辣得來非常之香，牛腩炆得非常之林，食落牛味非常之重，配菜仲有一啲紅蘿蔔令到個湯辣得來亦都有牛肉嘅甜味，仲有手打牛丸，牛丸非常之彈口識落有一種爆汁嘅感覺 滷水牛肚，非常之爽口，滷水汁同牛肚亦都非常之配合同埋入味 煎餃子，裏面都有大量嘅蔬菜同埋肉類，識落非常之多汁同埋香口外皮非常之脆 另外我仲買咗兩杯珍珠奶茶一杯係黑糖珍珠奶茶，另外一杯係鐵觀音珍珠奶茶，兩杯珍珠奶茶嘅水準亦都超越出面買珍珠奶茶嘅專門店，非常之有驚喜

新都城中心一向都多野食，今日黎朋友介紹話正的台灣菜。晚飯時間大排長龍，受歡迎程度可見一斑。門口有個外賣窗，可以order珍珠奶茶。等左大約15分鐘，可以入去啦。內部裝修別致，有小清新感覺，好台灣feel。三盛牛肉麵 $68有牛筋，牛丸，牛展。湯底是养生汤，有股清幽的藥材味道，味道清新而且鮮美，牛筋好軟，牛丸彈牙，牛展有嚼頭。麵是台灣一貫的麵，煙韌，質感十分不錯。桂花雞翼 $23雞翼看是普普通通，但旁邊那個不起眼的醬汁卻是靈魂，桂花味超超香濃，每一口猶如置身桂花叢中，很珮服能調出這麽出色的醬汁。鹽酥花枝丸 $38鹽酥味道惹味，花枝丸彈牙爽口，裡面還有八爪魚，用料十足。芝士奶蓋茉莉茶 $28我覺得比外面街鋪專賣珍珠奶茶更出色，而且價錢更加合理，芝士味濃，茉莉茶很清香，兩者配合得天衣無縫。整個感覺真係好清新！

好多花花嘅一間文清小店，好有台灣氣息。 非常非常多打卡位，淨係影大大小小嘅花花同埋書架都有排影呀。豆漿加珍珠，豆漿味道濃郁，香港加台灣 fusion 味道 ！ 😆 強烈推介桂花雞翼，桂花醬又香又甜，雞翼炸得香脆，肉嫩，原來除咗加上蜜糖，加桂花糖漿更加清新可口。炸花枝丸米線，外面炸得香脆，裏面熱辣辣，有微微嘅辣味，更加香口。米線彈牙，湯底濃郁入味。價格超級超級便宜，絕對係街坊價錢，一個下午茶餐都只不過係30多元。

最近新都城新開左呢間四季良晨，成日都經過都好多人排隊，睇過個menu價錢都算幾平，今次就黎試一試佢。呢度裝修好靚，成個櫃都有書可以比客人睇，文青到不得了！豬手好好食！好冧好入味，豬手唔會太多肥膏，唔會覺得油膩，份量都唔少，補充到好多骨膠原！麻辣牛肚好爽口，真係好有麻味，而唔會係死辣，好香好鍾意食！而炸花枝丸就相對地比較普遍啲喇，可能其實野太出色喇！麻辣牛𦟌牛肉麵個腱心，湯底夠濃，牛𦟌夠冧，另外上嘅麻辣汁都好好食，冇諗過可以係呢度食到碗咁高質嘅牛肉麵，呢個麵有驚喜！一定要食！

台式餐廳食嚟食去都係嗰幾間，今次試試新意思，呢間餐廳由裝潢到食物都好用心，價錢相宜，味道唔錯。煲仔 · 塔香三杯雞飯 $88 呢個係晚市定食，跟餐有埋上湯浸時菜同埋燉湯，三杯雞用上九層塔煮，味道香濃、肉質亦嫩。麻醬雞絲冷麵配涼拌貓耳朵 $52 加配滷水蛋 +$6 夏天真係好難抗拒台式冷麵，特別係佢濃濃嘅麻醬，簡直將成個麵昇華，呢到嘅冷麵整得都出色，雞絲唔會乾柴，而且麵質好彈牙。涼拌雲耳調味出色，酸味恰到好處，超開胃。蕃茄濃湯水餃 $28/4隻 水餃比較一般，外皮略嫌有啲厚，但係個茄湯真係對得住濃湯呢個名，相信如果叫茄湯嘅麵食應該好出色。桂花雞翼 $23/3隻 我孤陋寡聞，叫嘅時候我以為係凍食嘅，原來係將一隻隻炸起香脆嘅雞翼，點上桂花醬嚟食，個桂花醬靚到呢～ 兩者配起上嚟食，都幾夾，點上個醬後味道fresh啲，食起上嚟無咁熱氣，同埋個味道都幾特別，好鍾意。芝士奶蓋抹茶 ＄28 芝士奶藍唔算突出，比較稀身，只計抹茶嘅話味道可以。鐵觀音珍珠鮮奶茶 $23 鐵觀音茶底清香，茶同奶比例唔錯，整體都ok。唔駛加一服務費，埋單2人約$250。如果你鍾意睇我嘅食評，不妨關注我，支持吓我，謝謝你☺️💕

今日約左住係新都城既朋友食晚餐朋友知道我想食台灣菜就推介左依一間係商場入面既台式餐廳 — 四季良晨 晚飯時間黎到好多人排緊 爆晒場好受歡迎呀肚餓既我地即刻揀下食咩先椒鹽花枝丸三粒大大粒 花枝丸彈牙 濃濃墨魚香不禁食完一粒又一粒惹味牛腩麵養生清燉牛肉湯 湯底濃濃藥膳味 正台式手工麵麵底又滑又彈牙配上既蘿蔔煮得夠淋又夠入味 整體好出色煲仔 塔香三杯雞飯一個獨餐咁上好豐富呀三杯雞以香草同洋蔥炒得好香娃娃菜清甜 健康既配搭仲配埋燉紅棗雪梨無花果湯 又養生又好飲手指小黃瓜另+$12可以配碟 醃得入味又清爽店內有自家茶飲店 — 幸福茶研社食台灣菜當然要配返杯台式飲品芝士奶蓋玄米茶芝士奶蓋濃濃芝士奶味而且份量十足 好邪惡呀玄米茶既茶包仲係底部架同芝士奶蓋撞埋一齊好飲

超級喜歡店裡環境，牆上掛著的文字很有意思。晚市大約十分鐘就有位了。鐵觀音珍珠鮮珍菜，好有鐵觀音味，加上鮮奶，亦無把茶味蓋過。芝士奶蓋白桃烏龍茶，奶蓋濃郁，白桃味非常搶，攪勻飲就岩岩好，味道變得清甜。茄子辣辣地，煮得夠軟身，入晒味小黃瓜也不錯雞肉飯啖啖肉，而且份量好多，雞無咩調味，保持雞的原汁原味，肉質滑嫩。滷水雞翼下有芽菜，滷汁甜味較重。滷肉飯，豬肉肥瘦平均，夠濕肉，香口帶肉汁，味道也是偏甜。肉排香脆，肉買嫩嫩的，吃下去也不會太乾。原盅燉湯，冬瓜排骨湯，味道清淡，和煎炸食物配上來，可以清清油膩感。推介桂花雞翼，必點附上既桂花蜜糖醬，雖然好甜，但配上鹹鹹嘅雞翼好得意嘅化學作用，說不出的好味！