四季良晨 (新都城中心) (已結業)

之前試過將軍澳廣場的桂花小幸、發現新都城又開了間台灣麵店 - 四季良晨、應該是姊妹店、餐廳食物選擇相似。點了我喜愛的特盛紅燒四寶米線 $78、紅燒牛肉湯好濃、有齊豬手、腱心牛肉、花枝丸和滷水蛋、十分豐富。+$6 就有上湯浸時蔬，另外加配的涼拌黑醋茄子。家人點的煲仔塔香三杯雞滷肉飯、三杯雞微辣幾香、跟餐還有上湯浸時菜和燉湯。 今晚是蘋果無花果山藥燉排骨、滋潤清甜。點了份煎手工餡餅、煎得好香、一咬下肉汁爆發、很好吃有驚喜！桂花雞翼香脆甜甜的。好奇心驅使下點了杯熱蕎麥拿鐵 $25、一打開蓋已經聞到好香蕎麥味！拿鐵甜道亦恰到好處。

Environment: ★★★★★Service: ★★★★★Taste: ★★★★★ 位於新都城的四季良晨，深受街坊歡迎，晚餐時間僅是座無虛席。今天便和大家談談我與四季良晨的用餐體驗。三盛紅燒牛肉麵($71):麵的份量頗多，十分夠飽。配菜方面有兩粒牛丸，兩片牛展，兩條牛腩。牛展煮得十分入味，咬落口感亦不錯。牛腩方面不會有太多肥膏，亦有合適的調味。牛展和牛腩的牛肉味比一般餐廳的牛肉味濃，算是不錯。另外，番茄湯的味道不錯，建議大家可以加少少錢，要番茄湯。煎手工餡餅($28):有兩片，餅皮厚薄得宜。餡餅有豬肉和菜，咬開有很多肉汁。滷水雞翼三隻($23):有種"食過番尋味"的感覺，雞翼好肉嫩又惹味又入味。魔力水晶可可($28):咖啡味突出，配上朱古力味的可可，配搭不錯。建議大家可以點半糖，味道剛剛好不會過甜。另外，飲品亦相當大杯，價錢合理。黑糖珍珠鮮奶 ($29):黑糖味濃郁，珍珠亦十分彈牙，配上鮮奶，很好喝。建議於冰溶掉前飲完，因為冰溶掉後，黑糖味大減。總結:餐廳的餸菜分量頗多，價錢合理，如果附近經過，不妨一試。

四季良晨裝修走台式文青cafe風格，餐牌食物以台式粉麵飯為主，可散點或加錢轉套餐。通常也會選點餐牌上推介的食物，今晚就揀了紅燒腱心牛肉米線。紅燒牛肉湯有少少辣，腱心牛肉起碼有六件，每件都入味、香濃軟腍。紅蘿蔔和白蘿蔔也是厚切，兩者也煮得夠腍；美中不足的是白蘿蔔未完全去皮，周邊位置口感較老兒，扣了一點分數。涼拌黑醋茄子微辛，茄子頗juicy。夏日果漾水果茶內有藍莓、西柚、士多啤梨和檸檬，冰涼清新。仙氣草莓茶看起來像是西瓜冰，喝著就喝到粒粒草莓口感，茶味與果味平衡。水果茶包裝貼心，堂食喝不完時，帶走也方便。椒鹽花枝丸有墨魚粒，但麵粉感比較重。桂花雞翼炸粉較厚，幸而雞翼保持了嫩滑度；最欣賞雞翼所配的桂花蜜糖汁，甜而不膩。煲仔塔香三杯雞飯，三杯雞肉質滑溜，肉燥飯熱度夠。飯餐還配上足料蘋果煲無花果燉湯，有住家菜感覺。

每次經過這間餐廳有很多人，今天難得有機會，等了5分鐘便入座很喜歡餐廳的裝修設計，不但有一些Cafe裝修，亦有很多書本及句子，帶有台式的風味餐牌上有多款小食、滷肉飯、牛肉麵等食物，再有多走台式飲品，選擇困難症又來了！鹽酥雞排滷肉飯沒想到上菜時份量頗多！雞扒是即叫即炸，香脆可口，而且外皮炸粉的厚度剛好。而滷肉飯的肥瘦剛好，份量十足，令人吃不停！養身清燉牛肉麵上菜時已聞到陣陣藥膳味，這個清燉牛肉麵的湯底不錯，有濃郁的藥膳味，與湯麵十分搭配。而且牛肉肉質軟身，很入味現做煎餃子應該是即叫即做的！雖然是煎餃子，但一咬時肉汁滲出來，而且味道適中，餡料有菜有肉台灣烤香腸這個有驚喜！烤腸外脆內軟，而且熱烘烘的，令人一吃再吃上湯浸時菜這個令我感到意外！本以為是平時吃開的浸時菜，怎料這個小棠菜的味道有家的感覺，值得追加！芝士奶蓋鐵觀音第一次嘗試這個組合，沒想到也是挺搭配的！芝士奶蓋的質感厚滑，鐵觀音味道醇厚，亦有回甘的味道芝士奶蓋桂花烏龍喜歡飲清茶的人一定會喜歡這個！這個芝士賴蓋及桂花烏龍的配搭剛剛好，芝士味不會蓋過桂花烏龍的清香整體來說，這間餐廳的CP值很高，一來價錢相宜，而且食物味道不錯，再配上舒適的環

好耐都冇嚟過將軍澳，今日咁啱同朋友嚟到將軍澳玩，順便喺新都城附近搵嘢食，喺百佳嗰一層見到有間新嘅台式餐廳好似唔錯，仲要都幾多人排隊喎，一於入去試下。大概排隊排左15分鐘左右入到去啦，一入到去個餐廳都幾有驚喜，係有好多花朵同埋主要係用木嘅設計，感覺都幾文青下。我哋就叫咗啲小食，叫咗一份煎餃子$48 8隻，煎得好脆口下，啖啖肉。另外都叫左個三拼牛肉飯定食，入面有牛腩，腱心牛同牛丸。仲配左個娃娃菜同湯。估唔到個湯都幾好飲，係佛手無花果湯素湯，好潤呀，應該就冇咩味精既。另外都叫咗杯飲品，係黑白珍珠豆奶，今日唔太想飲黑糖珍珠奶茶，但係又想試吓啲珍珠飲品，所以就叫左呢個豆漿珍珠啦，豆漿味都算幾濃，配埋珍珠都唔錯。總括嚟講呢間餐廳都幾適合同朋友或者屋企人簡單食餐晚飯。

上星期拎左大假，去左台中食玩四四日三夜（主要都係食食食），返到黎之後好掛住台灣啲美食啊！ 所以今晚個餐就決定食台灣菜😌呢間四季良晨係主打台灣菜，今次係第一次食，裝潢設計好有特色，座位坐得好舒服👍🏻一黎當然叫個小食先啦，381煎餃子！！外面煎得好脆，真係外脆內軟，咬落去啖啖肉，再配上佢地的秘制醬汁，無得輸！另外，我就叫左碗105三盛牛肉麵，仲可以自己揀配咩湯底，我就揀左紅燒湯底，湯頭濃郁，飲得出係牛骨熬製而成！😋最後，仲點左台式雞肉飯定食，雞肉嫩滑，有白菜仔，又有湯，咁先$58，真係好抵食😊台式飲品最出名，我就點左杯芝士奶蓋鐵觀音😘😘

話說琴日帶兩隻豬仔放學後去食下午茶新都城呢間台灣野都幾平食到成台正餐小食都係200蚊計埋野飲就260左右份量都唔小😆😆😆彤彤中意食米線，特登叫左蕃茄米線俾佢～茶餐仲有小食同厚多士有餃子🥟同雞翼揀雞翼都幾特別，佢附上桂花糖可以點彤彤係咁話好食多士有烘底，花生🥜醬同煉奶我覺得有點多俾小朋友食之前要隔一隔d醬～茶餐+6蚊有茶，+8蚊可以有台灣飲品特飲就要正價肉藻飯的豬肉都幾多，成碗都好足料同夠味霆霆食晒成碗好叻仔👍🏻仲跟左娃娃菜湯，味道淡淡地幾好飲～ 唔錯！另外再點左幾款小食發覺點得有d多😂但好彩都食得晒滷水豆腐偏鹹，醃黃瓜🥒好好食- 飲品方面 水果茶好好飲柚子茶都幾fresh整體不錯👍🏻以下menu

由於女朋友住喺將軍澳，所以周不時我都會去將軍澳搵佢食嘢，今日喺新都城行完街之後，又唔想特登出去搵嘢食，直接喺新都城解決我哋嘅晚餐。 同埋女朋友屋企人一齊食，一共六個人，食咗大概$600，估唔到原來食超過$600仲會送六杯嘢飲個喎，咁樣都幾抵食下，反正一個定食送咗一杯特色嘢飲好似黑糖珍珠奶茶嗰啲。餐廳嘅氣氛我都幾鍾意，裝修有唔少花花草草，仲有一啲木等木枱同埋書架，感覺好有台灣嘅feel。我哋都叫咗大概六個定食，其中我都幾推介雞絲涼拌台灣麵，係用一啲麻醬同埋雞絲撈埋一齊，口感係冰冰凍凍又彈牙，仲有一啲青瓜絲同埋雞蛋絲，三重口感，味道都唔錯。價錢只不過係$50都算好抵食。另外都叫咗牛肉餡餅，$28有兩舊餡餅，鹹餅係即炸即叫。不過如果少啲油就更加好。嘢飲方面我哋就叫咗個水果茶都幾推介，不過呢我就建議走糖好啲啦就算微糖都有少少甜。水果茶入邊都有唔少水果有西瓜橙蘋果等等，加埋清新嘅茶底都唔錯。

今日同屋企人嚟到新都城，以前成日都係MCL睇戲，今日睇完戲之後想搵嘢食下飯，發覺新都城全部新裝修左，以前嘅百佳依家仲裝修左做唔同嘅餐廳。揀咗呢間裝修唔錯既四季良晨，都幾適合同屋企人心知老人家一齊食飯。裝修風裝修風格比較似台灣cafe,裏面有好多花花草草，仲有一啲書架上面放咗公仔，感覺上都幾文青。仲叫左個麻辣紅油水餃，辣辣地，配一啖蕃茄面都幾正。食物方面我哋就叫咗個豬手蕃茄湯，大家記住一定要加$3轉做特濃蕃茄湯底，蕃茄湯底唔係好假嘅蕃茄味，感覺上真係有用左唔少蕃茄。豬手大概有五隻左右，價錢都係60幾蚊都算幾抵食。五個人去食每人一舊豬手非常之滿足。另外呢度仲有唔少嘅台式飲品飲，我就揀咗個桂圓杞子菊花冰茶，一定要叫少甜呀健康啲，入邊都有桂園杞子，好養生，茶底清香，比飲珍珠奶茶健康好多。

今日下晏冇乜野做，去樓下睇下有咩食，就搵到呢間靚靚台灣菜館，就入左去試下啦，入座之前我地見到佢出面同鋪有間台式飲品鋪頭，咁我地就叫左杯芝士奶蓋鐵觀音同鐵觀音珍珠奶茶。入到去先再飲❤️首先坐底左就見到原來鋪入面既裝修都好仔細，好特別，好有台灣個種細緻美感。影左幾張相之後我地就叫菜啦。我地見到佢個lunch set都好吸引，價錢亦都一啲都唔貴，但因為我同朋友都想食佢啲小食，所以就散叫左個特濃蕃茄雞排米線，鹽酥雞排魯肉飯，花枝丸同烤香腸。特濃蕃茄雞排米線上菜既時候真係好開心，因為米線本身有個拍青瓜做配菜，而且米線裡面有小棠菜，好健康。最重要係，佢塊雞扒份量十足，而且炸得十分之脆，熱辣辣，又juicy。同台灣食到既真係差唔多。魯肉飯方面，唔食唔知，原來老魯肉飯同鹽酥雞係咁夾架。滷肉飯嘅肉味同脆脆嘅鹽酥雞㗎味道味道有提升之外仲有質感都好夾，本身比較林嘅魯肉而加就更多口感。而且份量亦都係好足料。除此之外多啲魚同埋脆皮腸亦都不負眾望，同樣好味。花枝丸炸得十分之乾脆，而且花枝丸本身都十分之彈牙，又唔會好重味精嘅味道。而脆皮腸同樣份量好足，而且個皮都好脆！ 雖然有咁多煎炸野，有乜淡佢嘅奶蓋鐵觀音就即刻黑晒

一向很喜歡台灣菜，知道屋企附近開左間新的台灣餐廳，呢日就同埋媽咪同bb一齊試下。整間餐廳走台式文青風格，有多個書櫃，裝修簡約自然，感覺很不錯。要先在收銀處點餐，之後職員便會為我送餐。這裡的午餐很多元化，麵及飯均有多款選擇，而且+$6可以有菜丶湯或小食。我點了酥炸排骨麵，豬扒香脆但又不會太油膩，麵條亦十分彈牙，而我選的牛骨湯底亦很入味！而媽咪點的的滷水蛋牛腩雞肉飯，份量好大啊！牛腩炆得入味，雞肉亦很滑，用來送飯一流！而我另外點了手工饀餅，一咬d汁已經流出來，正！呢度d員工亦很nice，氹bb笑得很開心。最後以一杯蜜糖綠茶及珍珠阿華田作總結，完美的一餐！

黎到寶琳，食下台灣野，晚上7點45分左右，拎飛排左一陣，餐廳以木為裝修，仲有d花添置。環境舒服。menu都幾多選擇，有台灣麵、米線、滷肉飯、仲有台式飲品。鹽酥雞扒滷肉飯（配浸時菜、冬瓜蜜棗花生🥜燉排骨湯）$76鹽酥雞扒炸粉好薄，食落完全唔會覺得好熱氣，食多幾舊都唔會膩。雞肉就好夠味，都炸得好嫩口。滷肉飯除左肉操好多之外仲有好多汁，岩晒我呢Ｄ鍾意用汁撈飯人士。8/10紅燒湯 花枝丸水餃🥟麵湯底系有少少辣，仲有牛味都幾重。花枝丸好好食，食到有啖啖花枝粒，咬感好好。9/10台灣烤香腸 $28正常台灣香腸味道，都唔錯。8/10煎餃子🥟 $28個皮煎得幾好，但係入面Ｄ肉就唔多夠味。6/10涷芝士奶蓋阿華田 $30好好飲，甜度剛好，芝士奶蓋比較偏向重奶味。如果咸多少少我比滿分。9/10芝士奶蓋桂花烏龍茶 $28四季良晨 (將軍澳)將軍澳貿業路8號新都城中心2期UG樓UG051F號舖

今晚放左工同朋友仔約食飯，揀左呢間新開既餐廳。我地7點幾去到，等左5至10分鐘就入得。餐廳裝修有文青feel，側邊仲有花花打卡位，影相幾靚，座位闊落，環境幾舒服。我地點左鹽酥雞排雞肉飯、三盛紅燒牛肉麵、涼拌貓耳朵、滷水豆腐。朋友點既雞排飯係晚市套餐黎，配埋原盅雞湯，仲有娃娃菜食，好抵！我偷食左少少鹽酥雞排，新鮮即炸，唔太油膩，幾好至於我個紅燒牛肉麵可以話係份量十足麵條好有咬口，湯底清甜，應該冇點落味精，飲完唔會覺口乾，最正係有大大舊蘿蔔牛肉牛𦟌都煮得淋，不過，牛丸反而有驚喜，咬落好多肉汁。我地跟餐加配左兩樣小食，黑木耳（貓耳朵）幾爽口，酸酸地好開胃，不過滷水豆腐就少少鹹，但加6蚊就有好多粒，CP值高。一場黎到，梗係要試下特飲！跟餐冇得配特飲，要另外點，如果可以補差價叫埋特飲會好d呢我揀左芝士奶蓋桂花烏龍茶，就咁飲我覺得個芝士奶蓋唔夠重芝士味，但桂花烏龍茶飲完就有陣陣桂花清香，溝埋黎飲又幾夾，唔會太甜，岩岩好，推薦不過，扣分位係枝飲筒唔夠長，係拮唔到落底，最尾我要揭開個蓋黎飲，建議換一款長d既飲管。

行到邊食到邊是常識吧！琴日同老公去左新都城行街街，發現開左好多新食肆，我地揀左食台灣菜。嚟間四季良晨點餐有D特別，客人係需要記低枱號再自行行去櫃枱俾錢點餐的。🥢滷水豬手飯定食配上湯浸時菜及冬瓜蜜棗花生燉排骨 $78 滷水豬手滷水味淡，食落爽口，燉湯清甜，蜜棗及冬瓜味濃郁。上湯浸娃娃菜份量正常。🥢105三盛牛肉麵 （養生清燉牛肉湯）$68  推介👍🏻三盛有厚切牛展、牛腩及牛丸各2件，牛展及牛腩都炆得好淋， 牛丸似手打新鮮牛丸咁， 夠彈牙爽口。麵質適中， 湯底由原來的紅燒轉為養生湯底，陣陣藥材味，好正。🥢滷水雞翼 5隻 $38雞翼肉質嫩滑，但滷得不夠入味，只食到香濃麻油味。 🥢日式紅豆抹茶 $26(前) ; 芝士奶蓋抹茶 $28(後)兩杯整體普通， 抹茶味淡左d。

酥炸排骨滷肉飯燉湯套餐 with上湯浸時菜，蟲草花杞子燉雞湯這份套餐食物份量不錯，性價比非常高，可以一次過品嚐台灣的經典﹕排骨、滷肉飯排骨是不錯，炸粉不多，按自己喜好點醬；如果單點滷肉飯我會偏向多肉多汁，但這碗飯在這套餐入面份量剛好蟲草花杞子燉雞湯的湯碗細細，食材卻很足料，湯水完全吸收了精華，真係唔錯一滴不剩～芝士奶蓋桂花烏龍茶 略嫌奶蓋份量少和不夠咸味，不過花茶味道幾特別，未喝下已經聞到一陣陣桂花香，茶包亦可以再次沖泡，自己再添飲滷水雞翼 (~5隻)雞翼炆得好淋，有咸香味，但食不出香料味，似鼓油雞翼多點，如果色香味皆備就滿分了店內播住懷舊的台灣歌，有張學友、劉德華、呀妹、F4的歌聲陪住，又有靚靚影相位，一個人還是一班朋友來吃都好適合食物味道及款式可以不妨一試，是一間性價比高的台灣美食