四季良晨 (新都城中心) (已結業)

已經唔係第一次来呢间野，但呢间野几好食，咁就一定要试吓啦！所以經過一定要試吓。今日商务晚餐约咗Crytsal ，他這個人成日扮食神，和他相處感覺不良好，以後少啲同佢食飯。食物水平好唔好？其實睇相便知道，不用我吹噓，講事實係幾好。當然聽Order嘅流程係有點怪，求其啦，入鄉隨俗。但我睇到個下午茶都幾抵，食下次要試吓。叫到成枱都係，每人都係百零蚊重點在於其實呢一間係設計比文青類，消費不高又可以睇吓書。當然我哋呢類，係機不離手。都係講返食品水平唔係俾人鬧😂😂😂諗來諗去冇乜挑剔，由湯到飯，我覺得已經係盡善盡美，小食嘅雞翼嗰啲都非常之好，大家睇相便清楚。其实由于同靓女食饭，成餐饭整体都好食咗😂😂😂😂就系咁，Hong Kong Dollar(讲完)🤣🤣🤣呢间我推介嘅@causeway_bay_eat_god@hk_wine_market顺便按赞🙏🏻🙏🏻（看得到哟👀～） #causeway_bay_eat_god#hk_wine_marketcausewaybayeatgod@gmail.com差啲忘记赞下侍应，好鬼fit😉

放工跟左同事返將軍澳新都城屋企，諗住幫忙處理一點事情，點知佢老公已經做好，那我們就走左去商場食晚餐，同事帶我去左一間以台南風味作招徠的四季良晨，佢話食物質素不俗，價錢合理，讓我試試如何？店內裝飾擺設雅緻，有文青風格，我最喜歡牆上大大小小七彩繽紛的花朵，增添不少氣氛。餐廳採用半自助方式，入座後，客人需去收銀台購買食物，然後由店員遞餐。原盅燉湯上湯浸時菜鹽酥雞排(雞肉飯)，每日限量的原盅燉湯足料夠火喉，味道鮮甜，上湯浸時菜林甜。鹽酥雞排大大塊，炸得酥脆可口，雞肉飯份量不少，鮮嫩的雞肉鋪滿飯面，美味又吃到飽。花枝丸水餃麵(清雞湯)：花枝丸彈牙，水餃皮滑餡鮮，清雞湯底清甜，配台灣麵，幼滑香甜，加左滷水蛋，都好入味。台南手工餡餅：即煎餡餅的餡料有肉汁亦有鮮味。如果煎耐一點，令到兩面有香脆口感就最好。台灣烤香腸：台灣香腸出名外層脆口，鮮甜有肉汁。十勝紅豆奶茶：有點像紅豆冰，有奶茶味，十勝紅豆林甜。芝士奶蓋阿華田：普通阿華田飲得多，原來加左芝士奶蓋，味道更佳，甜度適中帶少許咸味，濃郁滑順好好飲。

呢日好想食下台灣野~見到四季D 野食又幾岩口味於是就黎試試~估唔到仲有燉湯飲! 一入到黎搵好位睇好食咩就自己去COUNTER 叫~ 岩岩入到黎大約7點鐘都未係好繁忙既時間, 咁揀好左食咩就去COUNTER俾錢啦!~ 我地揀左燉湯餐, 入面包飯、菜同燉湯, 另外各自加左2款小食, 同埋特飲~~圭單百零蚊一個人食到勁飽! 其實唔大食既一個餐都好夠飽haha 我地叫左三杯雞同鹽酥雞排, 叫雞排唔叫排骨係想有啖啖肉! 三杯雞勁入味! 鹽酥雞排勁酥脆! 好正! 個餐仲有一兜娃娃菜~ 夠哂健康! 同埋我真係好想讚下佢個燉湯… 餐牌寫住係燉足4個鐘… 我飲完第一啖就覺得勁好飲…. 同埋超足料! 我呢日款湯係淮山豬展… 超好飲! 三杯雞同鹽酥雞排都好惹味, 送飯食一流~ 而鹽酥雞排個餐係跟魯肉飯, D魯肉份量都OK~夠撈哂成碗飯, 同埋唔會好DRY! 小食加左個4款分別係青瓜,豆腐,木耳同埋茄子, 每樣都係帶酸勁醒胃! 兩款15$ 好抵加! 份量都唔少!!!! 飲品方面就叫左芝士奶蓋系列~ 桂花烏龍勁香桂花味, 阿里山金萱就完完全全有隻甘味! 正呀!!!

今日放下晝，去左將軍澳新都城中心行街街，之後去食下午茶。喺商場行左一圈，見到這間台式食店「四季良晨」，看了門外餐牌，原來店舖是以台南風味作招徠，正合我倆心意，一於不作他想。雖然已經過了午市繁忙時間，但估唔到餐廳仍然非常旺場，幸好很快就已經可以入座。店內裝修非常特別，既休閒又不失時尚感，加上入面有好多打卡位，例如牆身鋪滿了花花裝飾，甚至連書櫃上嘅書本亦可以讓客人任睇，真係文青味十足，最適合邊食邊影。餐廳採半自助形式，客人要先記下檯號，然後到收銀處下單，之後侍應會將食物逐一送上。我哋揀左一個湯飯、兩份下午茶、幾款小食同飲品。先講下個士林胡椒豬肚湯飯 ($62)，份量真係好足，豬肚湯同飯分開盛載，個湯飲落帶點胡椒辣香，但又唔會好嗆喉，十分暖胃。豬肚幾爽口，而且洗得夠乾淨，加上以酸菜及芹菜等提味，用來送飯一流！芝士醬酥排骨吐司 ($28)：呢個係星期一至五，下午茶時段先有得叫。估唔到咁大份，麵包好厚身，入面塊豬扒炸得又香又酥脆，肉質不覺嚡，配埋芝士醬食，簡直是大滿足！另外呢款台式蛋餅 + 地瓜薯條 ($36)  味道亦唔錯，蛋餅有火腿同肉鬆兩款口味可供選擇，咁梗係揀我至愛嘅肉鬆啦！件蛋餅嘅外皮

股市大起大落，吾多吾少影響我食野心情，食物就是最好治療。今次約了內地朋友食台灣菜。出街食好多人怕不健康，但尼度有健康既選擇。原盅燉湯都幾健康架少鹽,又不失火喉，上湯浸時菜煲不油膩。仔。頭先食的都系三杯雞定食套餐包埋，性價比高。三杯🐔比較需要時間烹調，上菜時香噴噴。雞肉嫩滑，份量足。這套餐好豐富。台灣野，點少得鹽酥雞，叫了雞排排麵(蕃茄湯)，有四款湯選，雞排份量都多喔。鍾意食餃子的我叫了煎餃子(4隻)，一咬皮不厚，餡肉也不亁。重視健康的我地叫了黑糖生姜茶和白桃烏龍茶(熱)。對了，喜歡閱讀的朋友可以來這本書找書看，但當然要非繁忙

最近也有一段時間沒有嘗試台灣菜。因此我們決定到訪了寶琳的四季良辰享用我們的午餐。而該餐廳作為台灣菜依然相當吸引我。首先從環境格局方面，該餐廳在店舖中貼上了不同的字句也是與正能量有關的。希望你能夠以幸福的心情享用膳食 。其次從食物方面而言，我也相當滿意。當日我點選了炸豬扒配上雞飯作為我的定食，然後從小食方面我點選了湯雲吞煎餃子以及桂花雞翼，也令我覺得相當特別。是我近數次內最出色的台灣菜。首先他的價錢並不貴，其次他的食物質素也有一定的保證，絕對推介大家來嘗試，保證這間餐廳會成為你的日常飯堂。誠意向大家推介。

呢排好多鋪頭都好早收，難得平時要等好耐位，而家真係大把位，任你坐。四季良晨，係需要出去點餐比錢，之後佢有人黎送餐比你。古早味滷水拼盤 $63好好食，都好入味，但係個拼盤份量唔算好多，而且價錢比較貴小小，CP值唔係好高，但都值得一試。108鹽酥雞排麵 (養生牛肉湯底) $58湯底好唔錯，雞排都好好食，份量好多而且都好嫩。但係唔知點解芫荽係極多，對於一個唔太抗拒芫荽既人黎講，都唔太好。但overall個麵好好食。鹽酥雞排滷肉飯 $58又係雞排，因為真係好好食，滷肉飯都好唔錯。台灣烤香腸 $28CP值唔太高，因為28蚊得好小，但係味道相當唔錯，而且台灣腸D油真係好正。芝士奶蓋玫瑰茶 $23好好飲仙氣柚子茶 $21好fresh

來這裏用膳，侍應生會先給你枱號，選定好食物 就到櫃檯，說出枱號，點餐，付款，然後安於座位等食物送上來🙂。 如要清水可以自己斟，水有熱有室溫，但試過幾次熱水只剩很少，甚至已沒有了! 這點侍應生要留意一下。試過他的滷蛋滷肉飯，又試過他的餃子米線，今次試下定食。 叫了這個台式雞肉飯定食。嘩! 很豐富😋!雞肉份量足，飯量也有一碗多些。 面頭有些蔥花及脆脆，令雞肉飯更加惹味。蔥油時菜通常都是用奶白菜，入味卻不鹹。涼菜有三款，雲耳、拍青瓜及茄子。三款涼菜各有各味道，茄子很夠味，如果切開兩、三片會更好，一大件吃了好像不夠😁。紫菜魚丸湯比較清淡，魚丸不是爽口彈牙那類，口感一般，味道尚可。 湯就不夠熱。這個餐$63 ，我覺得很豐富，很飽足😋! 沒有單叫一個飯或一個米線那麼單調。只可惜定食只限堂食，不設外賣。在這裏用膳需要搭枱，而枱與枱之間距離很近。試過有位女士原本已坐下來，付款後回來見到我這個搭枱客，突然覺得不高興就轉為外賣了😅! 因為她有一、兩袋物件不知放在哪裏，嫌地方太淺窄了😑! 但她的態度及反應連隔離枱的爺孫都覺得奇怪😶。所以如果想有多些私人空間的話，就要揀人少的時候來惠顧，不然的話可考慮外賣。

將軍澳不嬲都出野食 但今次幫屋企人買完野順便去醫下肚 見到依間台式餐廳唔算好多人就入左去食喇 感覺上幾文青 而且佢門口仲有外賣手調飲品 我同朋友分別叫左個set lunch 湯飯 小食 仲有飲品蟲草花杞子豬肚雞湯飯依個湯飯係白飯另上 咁樣嘅話啲飯就唔會吸哂啲湯 個湯聞落好香蟲草花嘅味 個湯好足料 飲落又唔會好咸鹽酥雞排滷肉飯份量都好大 雞排炸得外脆內軟 肉質鮮嫩 仲有啲肉汁 配合埋個滷肉飯黎食絕配😋 個飯就咁食都OK好岩送飯麻辣豬肚好開胃 少少麻 又唔會好辣 唔太食得辣都可以試下桂花雞翼同我相象中嘅唔同 原來個雞翼係炸嫁 雞翼炸得香脆可口 點上桂花蜜食落好清新 而且食落仲有炸雞翼香口 幾高質台南手工餡餅本身以為好細件 估唔到都幾大件 煎得好香口 個皮唔會太厚 唔會好油膩 入面嘅餡料有豬肉同菜 有啲似菜肉包個啲feel 黑糖珍奶 黑白配珍珠豆乳 好耐冇飲手調飲品 今次就飲返啲珍珠系列嘅野飲 同平時飲個啲冇太大分別 係之前飲開嘅珍珠奶茶嘅味道🤤

約左朋友喺寶琳食野, 不約而同都想食台灣菜, 牛肉麵湯底yummy. 又食百佳隔離嘅四季良晨啦, 個menu實在太多野揀了, 心多嘅我地例牌一人一個餐加小食share.•滷水豬手麵 x 地獄湯 (HKD67)一碟四大件充滿骨膠原嘅豬手, 一咬就離骨之餘豬皮仲好厚身呢, 台灣麵口感夠滑, 地獄湯夠辣. •鹽酥雞排麵 x 麻辣牛肉湯 (HKD63)現炸鹽酥雞排外脆內熱, 雞肉嫩而juicy, 我最鐘意佢薄薄嘅鹽酥炸皮, 脆口而唔熱氣. 原本味道濃郁嘅牛肉湯加上辣油, 嗜辣嘅我表示想一飲而盡的.•煲仔塔香三杯雞 (HKD52)放滿件件嫩雞🐓, 原粒蒜頭🧄, 大大片洋蔥🧅, 勁多九層塔🌱, 陣陣三杯雞酒氣味嘅煲仔每次黎都要食, 調味豐富又足料, 每次啲雞肉都好嫩又唔dry👍🏻. •涼拌黑醋茄子x 涼拌貓耳朵 (+HKD15)一碟3件超厚切涼拌黑醋茄子🍆非常入味, 細細粒雲耳勁開胃呢.•幸福紅豆與豆乳 (HKD24)乍暖還寒嘅天氣, 我都係來杯熱豆漿, 加入腍軟細豆甜啲好味啲. •芝士奶蓋桂花烏龍茶 (HKD23)芝士奶蓋足足有個杯1/3咁厚!! 原個茶包沖茶味香濃, 唔怪得成日都咁多人食啦👍🏻

今晚應朋友邀約, 去左寶琳一間台灣小店開餐。餐廳內面積不大, 裝修什有文青風, 自己去櫃檯落order比錢, 返回座位, 食物由待應送上, 斟水亦係自助, 全日無加一服務費, 非常合理又抵食!Menu上除左有多款食材配搭既台灣麵, 更有飯、台式小食, 仲有大量餐廳調製既台式飲品, 款式令人花多眼亂。【芝士奶蓋阿華田】HK$30阿華田味道濃郁, 經面層芝士奶蓋飲用時, 增添香滑口感, 芝士不會過於鹹, 整體味道很match!【遇見珍珠可可】HK$22珍珠配可可非常少見, 可可甜度岩好, 珍珠煮得很透, 中心位不會有生麵粉口感, 唔錯~【特濃蕃茄雞排麵】HK$62雞排炸起香脆不油膩, keep到些少肉汁, 醃得入味; 麵質很林很滑, 蕃茄湯底甜甜帶微酸, 有唔少林蕃茄+莞茜, 整體食起上黎多一份清新香味, 愈食愈開胃~【麻辣牛肉雞翼米線套餐】HK$69套餐原來指多一碟涼伴青瓜, 青瓜爽脆清新, 加左白醋, 食起黎酸尾尾;本意為湯底是麻辣, 但原來湯底還是牛肉麵的湯底, 味道清清地, 而旁邊會有一碟豆瓣醬, 少少辣, 這算是他們所說的"麻辣"吧; 還有兩隻好林又入味既鹵水雞翼, 同埋好幾片牛

抵食大份台式野呢間台式店，食了幾次都係咁好食，上星期收工同另一半又去食。我哋叫左兩個主食，一個小食。原盅燉湯上湯時菜鹽酥雞排滷肉飯男友食的，送原盅燉湯仲有last一個，呢個跟餐燉湯入面非常足料，有香港人鐘意既老火湯既味道。鹽酥雞排炸得鬆軟香脆，多肉汁。成個餐個分量大份，滷肉飯好耐都無食，都有台灣既口味。滷水流心蛋我最鍾意就係要個心有流質感，正呀～滷水豆腐色澤夠深但係味道唔會好咸。士林胡椒豬肚湯飯這個我叫的，湯連餸同飯分開，大兜餸，胡椒重，辣口但夠養生，撈埋飯味道剛剛。桂花雞翼有五隻，都大隻，以為炸到乾晒，但係原來入面好ＪＵＩＣＹ，甜桂花蜜，吾驚好熱氣。熱蒿麥茶煎茶味十足，好香既蒿麥青新味。凍蜜桃烏龍蘆薈簡左５分糖，有蘆薈夠晒ＳＷＥＥＴ，原來蜜桃味既烏龍荼都好出色。

平日好日都唔出將軍澳今日同個朋友過去有少少野做，朋友就介紹呢一間餐廳叫做四季良晨，聽個名初頭以為係飲嘢嘅原來係做台灣嘢食，首先叫咗個酥炸排骨麵拼滷水豆腐，再加咗個滷水豬手，另外朋友就叫咗個滷肉蛋飯我哋額外仲叫咗個炸餃子，飲品方便叫咗個生薑奶茶同埋黑糖生薑茶，個排骨叫咗養生湯有一啲酒味非常暖胃，豬手非常入味餃子餡都非常足料，個人非常推介黑糖薑茶，辣味十足，女仕非常適合，整體來講都係一間好出色嘅餐廳非常推介！

人多的時候，在門口取票，等一會侍應就會給你枱號，可以立刻在櫃檯點餐及付款，又可以先坐下，看餐牌，然後行出櫃檯點餐及付款，又或者可以安坐，用手機點餐及付款。第一次來想試他的餃子，所以叫了這番茄水餃米線。 米線軟硬度適中，份量足，蕃茄湯濃度適中，酸中帶甜，挺鮮味。 第一次吃餃子的時候，餃子皮是比較薄，這次 之後再吃餃子時，餃子皮再沒有第一次那麼薄。 我個人就喜歡比較薄些少的皮。肉餡份量適中，伴著番茄湯吃就吃不出餃子原本的味道😛。第二次惠顧，就試他的滷肉飯。很大碗，份量充足， 一般女士可能會吃不完😀。滷肉大部分都是瘦肉，只有少許肥膏，很適合我的口味，只不過嫌太油膩，在飯底明顯見到油😅，吃到一半已有飽滯的感覺。 煎餃子同樣是較油膩，餃子皮厚，還有點韌。有一隻餃子的皮還破開了😕!還是湯餃清淡些，比較適合我。 煎餃試了一次就沒有下次了!這個配搭是油上加油😆😆! 應該配湯餃中和那油膩感。

老公放假，同佢去佢最鍾意食嘅台灣菜食個tea。位於新都城商場嘅四季良晨， 一向都好受歡迎，經常坐滿要等位。好彩今日嚟到，都係等一陣就入座。老公點了鹽酥雞扒滷肉飯，另外追加黑醋茄子，同上湯浸時蔬。我就試下新嘢，叫肉鬆蛋捲配地瓜薯條，另外再叫咗一啲小食share。鹽酥豬扒炸得夠香脆，水準好高。滷肉飯嘅滷肉份量都好多，又香又好餸飯。小食我最鍾意台式烤香腸，烤得香口。餐廳環境佈置得好優美，有文青感覺，好似去咗台灣咁，坐得舒適。餐廳價錢唔貴，唔怪之得咁受歡迎，好想再嚟。