四季良晨 (新都城中心) (已結業)

滷水蛋牛腩滷肉飯 $69俾咗五六嚿 大大嚿既牛腩 牛味幾重牛腩炆得夠入味 但有少少鞋 但唔會好多筋 配菜嘅蘿蔔 都幾好食 滷肉飯就唔使講 幾推薦 有肥有瘦 不過成個套餐食落都膩 因為全部都係肉😂古早味滷鹵水拼盤 $63個人幾推薦呢個 有滷水蛋 牛肚 牛展 雞翼所以野都好入味 滷水汁係有少少甜味 雞翼稍微有啲太淋 如果可以爽返少少就好 牛肚牛展就好好食 冇諗過牛肚都可以咁淋 成日出去食嗰啲牛肚都係好韌蕃茄酥炸排骨米線（蕃茄湯） $63超濃郁番茄湯 湯有唔少番茄 一飲湯就飲到濃番茄味 就咁米線加湯 已經好食酥炸豬扒雖然肉唔係好厚 但係好酥脆 佢出邊冇好似出邊其他炸豬扒咁 有一層好厚嘅炸皮 只有一層薄嘅粉漿 所以唔會隔咗一陣就淋晒夏日水漾鮮果茶（半甜少冰）$25好清既茶味 但少咗種飲完嘅茶澀味帶有少少水果汁既甜 芝士奶蓋阿華田（少甜）$25個人覺得少甜少冰會好飲 阿華田好濃 但如果連埋奶蓋一齊飲就有少少膩 所以少甜既話就夾啲涼拌黑醋茄子 (+$8)茄子好淋 有黑醋既酸味 如果食膩之後 呢個小食就幾開胃四季良晨 (新都城中心) (將軍澳)將軍澳貿業路8號新都城中心2期UG樓UG051F號舖

今日同老公過黎食台灣野，佢話唔係好想食麵於是就叫左飯同甜品俾佢嘆下!士林胡椒豬肚湯飯老公最愛胡椒豬肚，見到呢個士林胡椒豬肚湯飯就話一定要嗌，一黎到已經聞到勁大陣胡椒味，佢急不及待係咁飲d湯，我都試左d，味道微辣唔死咸，筆一啖飯連湯食又暖胃又滋味，確係唔錯!另外加$15有兩款小食，叩左滷水豆腐同涼拌黑醋茄子，滷水豆腐切成一口size容易食，豆腐滷得入味，而且細細粒好易食下食下就冇哂。涼拌黑醋茄子有成3舊，個調味真係好正，茄子索到D黑醋，酸酸甜甜好開胃!薑蔥霸王雞定食我就叫左呢個薑蔥霸王雞定食，有湯有飯~我果個湯係燉湯，原盎上睇見都滋補~飲落熱辣辣好清甜，有椰子同羅蔔，感覺好健康~而薑蔥霸王雞係俾左成隻雞脾，已經切開所以好易食~面頭有好多薑蔥，而且蔥油份量好多，所以食落又唔鞋又唔乾~D豉油調較得好好味~雞肉仲要勁滑~另外仲有一碗紹菜，鍾意健康既朋友叫呢個岩哂!十勝紅豆奶茶、仙氣草莓茶老公叫左佢最愛既十勝紅豆奶茶，十勝紅豆出名香甜，配埋奶茶味道更上一層次，仙氣草莓茶係好清新既士多啤梨味，完全冇可怕既藥水味~勁讚!!不過如果有埋士多啤梨肉我會仲開心!紫薯黑糖珍珠冰仙草最後見到MENU有甜品，就

今次食嘅係台灣野咁既然食台灣野就梗係要食鹽酥豬扒肉燥飯啦 呢塊豬扒炸得啱啱好 唔會太油膩 而且炸粉唔算厚 唔會食到成口油跟住要肉燥同飯嘅份量係配合得好好嘅 所有肉燥可以好平均咁撈埋落個飯度正呀跟住我朋友就食咗個排骨鍋湯飯 舊肉炆得好林 而且有少少肥肉 好好味 再加埋個煎茄子小食 真係好豐富 而且仲有菜添呀食台灣野一定飲台式飲品啦 我覺得呢個水果茶係好好飲嘅 水果味中和左茶本身有嘅苦澀味 但係茶又令到個水果又冇咁甜 真係好好飲呀

紅燒腱心牛肉麵🍲：濃湯中有燜得軟腍的牛肉，還有紅蘿蔔、白蘿蔔及蔬菜。 價錢: $53鹵水蛋🥚：体閒下午套餐，可加8元加配一款小食。特濃蕃茄湯鹽酥雞排麵🥘：湯麵不想配微棘的紅燒湯，可揀選其他味道的湯底。特濃蕃茄湯 用新鮮蕃茄熬煮，味道鮮香，口感濃稠如食茄蓉一般，非常足料。鹽酥雞排炸至金黃色，外脆内嫩滑，肉汁爆滿，咬落juicy，豐富惹味。價錢: $43鹽酥花枝丸🍢：彈牙的花枝肉丸沾上炸粉，炸至香脆可口價錢: $26 珍珠紅豆奶茶🧋：珍珠煙韌、紅豆爽口、奶茶甜滑，每一口都能飲到不同的層次感覺。價錢: $ 19黑糖生薑茶：在初秋微涼的日子，飲一杯黑糖生薑茶，全身頓感温暖。價錢: $19環境⛲：店內四周的牆壁都裝上書架，放滿書本，充滿書卷氣味。可讓文青在店內渡過一個体閒下午。

今日去咗將軍澳搵舊朋友食lunch，由於佢喺嗰頭返工，所以好熟有咩好野食。佢就提議喺新都城既四季良晨食台灣野，我地都諗住避開lunch time等少啲人，兩點先黎到，點知都仲有幾多人，但好彩唔洗等位就入到去。店內裝修好有文青氣息，非常適合打卡影相！揀好食咩之後，就出去ordr 比錢，就返埋位一邊傾計一邊等食！我地叫左紅燒三盛牛肉麵、鹽酥雞排滷肉飯、麻辣牛肚及煎餃子！飲品就叫左鮮果茶和黑糖珍珠鮮奶！鹽酥雞排好脆，肉好滑，味道唔會過咸適中，另外滷肉飯啲肉肥瘦適中配合埋d汁好正，好有台灣嘅味道。朋友話佢既牛肉麵，湯底好濃，好香嘅牛肉味，牛肉憫得腍。三盛即係有牛丸，牛展同牛腩，配菜都有白羅白，好豐富。而家小食都幾掂，麻辣牛肚有好香嘅麻香味，但食落唔算太辣。餃子就一咬就爆汁皮煎得香脆可口。一路飲住我杯鮮果茶，一路食下傾下就好快過咗一個愉快嘅晏晝，之後再行一陣就回家了！

今次來到位于寶林新都城中心的四季良晨。 餐廳離地鉄站好近， 基本上兩三分鐘就到。餐廳除了堂吃部分，還有飲品的外帶的部份。晚上來到，店内的人不小， 更看到頻頻要出外買，所以餐廳在區内應該是挺受愛戴的。 入到餐廳后， 店裏的環境令我挺驚喜的。因爲店裏的風格完全就是文青style。Design是有兩部分的，一部分是花花background，另一部分是擺放著很多書籍 和一些心靈鷄湯的擺設，感著就是可以喝著珍珠奶茶，坐著看書思考人生的一個好地方。好喜歡這裏，好想在這裏坐一個下午。桂花雞翼店裏用餐是自己出門口點餐的。首先，我們叫了一個小食，桂花雞翼。好像是第一次接觸到這類食物，非常特別。桂花雞翼來到，原來是炸雞翼， 加上一碟桂花醬點嚟食的。炸雞翼的炸份不會太厚，炸得脆卜卜， 而桂花汁帶有桂花香，這個配搭挺好的，也非常夾。 酥炸排骨麵排骨每件的炸份不會太厚，炸的好脆，非常香口。而份量也挺多，有兩大塊。好特別的是排骨麵也可以算湯底的，有紅燒牛肉湯、養生清燉牛肉湯，蕃茄湯、清雞湯等等，而麵也可以選臺灣麵或者米綫。因爲好奇，就選了養生清燉。湯底就好想肉骨茶的味道，帶有重重的藥材味，挺有補身的感覺。而麵就正

今日同朋友食晏食台灣野=）我地要左兩份午餐再追加左d小食share :）我要左個酥炸雞排滷肉飯，朋友就要左個花枝丸米線～每份套餐都免費包左一款小食同熱飲！其後再可以追加指定小食（1款8蚊，2款15蚊）超中意呢度炸得非常脆口既雞扒！！！配埋惹味既滷肉飯就係絕配xppp追加既紫菜魚丸湯都深得我心；）單點既小香腸都好有台灣風味～～～朋友跟餐要左杯熱既台式奶茶！而我就跟餐加錢另配新出既蜜桃烏龍多多：）最後我地見到依家原來出左仙草黑糖冰，甜品有兩個胃既我地又點會錯過xppp我地要左“紅豆綠豆薏米黑糖仙草冰”HKd$35~~仙草好滑，黑糖既香甜都好突出，正！！

好耐冇去台灣，上次去好似系一年幾前嘅事，雖然喺香港都食到台灣菜，但味道當然不及台灣本土嘅特色😩記得幾個月前去過呢間台灣餐廳度食野，覺得啲食物都幾吾錯😋咁啱有個朋友又係住將軍澳，一於建議佢同我去食，睇吓今次質素同上次會唔會爭好遠先。上次入嚟都係好鍾意呢度個環境，有好多書籍同埋唔同嘅小擺設擺喺啲枱隔離，俾人感覺真·文青feel😁雖然話台灣野不嬲冇乜種類選擇，喺呢度黎講又唔係喎，淨係睇餐牌都有好多頁😳最抵食嘅我覺得係晚市套餐加原盅燉湯，$100都吾洗呀。其餘嘅主菜款式就有牛肉麵、台式傳統麵食同埋滷肉飯等等，應有盡有。首先就梗係試咗小食先，叫咗一份桂花雞翼，夠晒特別喎，喺出面真係未食過👀原來唔係啲雞翼本身有桂花味，而係有一碟仔嘅桂花汁，食雞翼嗰陣可以倒啲汁落去🤓好多味嘅雞翼都食過，但咁食真係第一次。炸雞翼本身係偏向油膩嘅食物，倒啲桂花汁落去令雞翼多咗份清甜。我就叫咗份鹽酥雞扒滷肉飯定食，呢份定食抵食，有埋上湯時菜同埋原盅燉湯☺️時菜係娃娃菜，健康美味。燉湯入面有粟米、豬骨等等，竟然冇乜味精，滋補呀👍🏼另一份就叫咗酥炸排骨麵，排骨每件都好脆，夠曬香口呀，份量都幾多。牛肉麵原來都有得揀湯底😳有紅燒牛

明明住喺將軍澳 但係真係好少入寶琳行街難得過去 行到咁上下 見到時候唔早就順便係個到買埋外賣返屋企食左揀右揀 都係揀我鍾意食嘅台灣嘢咁啱越得切下午茶last order點左肉燥滷蛋飯同肉燥花枝丸米線tea set份量都唔少 比我想像中多肉燥滷蛋飯 飯香撲鼻加埋香口嘅肉燥和滷蛋充滿台式嘅口味肉燥花枝丸米線加上牛肉熬製嘅熱湯花枝丸啖啖彈牙爽口食到雪雪聲🤣仲好貼心湯底係另上另外再加左$8 滷水豆腐 小食一份每粒豆腐都滲滿 滷水嘅香味 而且夠晒滑嫩見到樣樣小食都好吸引 所以每樣都嗌左啲🙈🙈肉鬆吐司🍞鬆脆得來又香口重點係唔會太乾 食落一啲都唔口渴桂花蜜糖雞翼熱辣辣嘅雞翼揸到金黃鬆脆添上桂花蜜糖 色香味俱全菜肉水餃🥟每隻都好大粒咬落去又多汁 加埋香濃蕃茄湯 回味無窮同樣地蕃茄湯都係另上炸花枝丸 香口脆卜卜 大粒爽口又彈牙飲品方面🔹芝士奶蓋阿華田甜上加甜 但又唔會太超過另外還加了珍珠煙韌彈牙🔸芝士奶蓋烏龍茶呢個配搭令到烏龍茶唔再苦澀還加上一點點甘甜非常推介嘅台灣餐廳❤️

同朋友尋找台灣嘅味道，疫情關係，堂食唔多人，相反外賣仲多叫咗碗紅燒牛三寶麵(牛腩，牛筋，牛肚)牛肚爽口彈牙，金錢肚好靚又索汁，大小切得剛好，香濃入味牛筋炆到好淋，每啖都注滿湯汁，而且膠質重，食完會漿住個口牛腩位大條又有咬口，啲肉唔會爛哂，有嚼勁為咗食得健康啲，叫咗上湯浸時菜同手拍青瓜，嫌青瓜唔夠辣台式香腸蒜味重，帶小小甜，烤得好香，皮脆多汁朋友叫嘅鹽酥排骨雞肉飯，配芥末蛋黃醬，炸得金黃香酥，飯上嘅雞胸肉絲更有炸蒜油調味

開始返學，咁開心緊係慶祝下🤣，其實係我懶，但係帶住D細出去食野都仲有D膽心，就去買外賣返屋企食。今次去到新都城既四季良晨，太耐冇出去食野，好多野都好想食。紅燒肉定食、紅燒腱心牛肉麵、酥炸排骨滷肉飯、仲叫左個芝士醬酥排骨吐司 地瓜薯條 蕃茄湯米線，飲品就叫左 鐵觀音珍珠鮮奶茶同埋黑糖珍珠鮮奶。紅燒肉定食，跟埋個上湯浸時蔬同埋白飯，夠晒飽肚，個白飯仲加左D黑芝麻，食落特別香。紅燒腱心牛肉麵，夠晒入味，又香又淋，好味到連碗湯都想飲埋。酥炸排骨滷肉飯，個排骨炸到脆卜卜，大大件超正，加埋個滷肉飯，每啖飯都有滷肉，小朋友食唔停，好快就食晒要再添飯👍芝士醬酥排骨吐司配蕃薯薯條，蕃茄湯米線，成塊排骨大大件每一啖都食到，加埋個芝士醬又香又酥脆，仲有個蕃薯薯條，大大條，食薯條都己經好飽肚，加埋個蕃茄米線，香濃蕃茄湯掛住米線，仲有粒粒蕃茄架。最後鐵觀音珍珠鮮奶茶，茶味香濃，加埋用鮮奶沖，特別濃郁滑口。黑糖珍珠鮮奶，黑糖味好香甜，好好味。全部都大件夾抵食，下次要再試下其他野先得。

自於疫症期間，少左出去堂食。冇得去台灣又掛住台灣美食，就決定外賣「四季良晨」做我今次既晚餐。酥炸排骨滷肉飯配上湯浸時菜及原盅燉湯 ($76)👍晚市有燉湯套餐，份量相非常豐富 排骨炸得金黃色，酥脆可口肉質唔會太乾身，酥炸後既排骨口感更柔嫩重點係份量超多!!有9塊以上 件件都厚薄適中 推介!!👍👍外賣佢地會將所有分開盛載，就算返到屋企先食 排骨依然保持鬆脆👍滷肉飯滷肉飯係我最喜歡台式料理之一滷肉肥瘦分明，豬肉再加上香濃的醬汁  飯吸入滷肉油香好惹味撈飯一流😋今次既燉湯係粟米清雞湯粟米清甜，滋補又不上火的湯水仲包上湯時蔬 如果晚市 一定要揀原盅燉湯定食套餐，有主食、燉湯同時菜最貴既套餐都唔過$90 好抵食阿!!😍😍滷水豬手飯定食 配上湯浸時菜及白飯 ($68)豬手份量好足夠，件件都好大舊 共有4件滷水豬手，豬手燜得軟稔，滷水入味食落去好多骨膠原這個定食配上白飯同上湯浸時菜，相當豐富🤤麻辣紅燒腱心牛肉麵 ($63)👍我選擇了台灣麵及小辣 麻辣湯底一打開就已經聞到陣陣既麻辣香味牛腱心屬於頂端部分，較少油同低熱量牛腱心肉質香軟腍滑 好重牛味 牛肉湯底濃郁，麻辣湯味提出風味，口感更刺激台灣麵爽口掛汁

今日試食我帶咗彤彤去，我喜歡與彤彤相處，普通朋友佢可以嘅。因為相比其他女仔我唔需要就佢，這就是男與女做唔做到朋友嘅晶結所在，有啲女仔要人就到爆，你唔攞嘢出嚟換，你咪即係當人傻仔😂😂😂個個睇我食評好似好多廢話😂😂等我總帶少少人生道理講返呢間野就係台灣野，實在味道方面，有一點點退步，當然價格方面都好適合大眾化，文青亦都可以睇吓書，我就都好喜歡呢度，呢個商場都算好行，但泊車就好差，經過將軍澳區應該嚟試吓！

半日假期,食下午茶,而家晚市都少左出街食飯~食個豐富下午茶變左習慣,夜晚食少D去左附近既台式CAFE食下午茶 腱心牛肉麵線紅燒湯底另一份叫左拉絲芝士蛋卷加地瓜薯條,另外滷水雞翼同煎餃子叫多2杯台式特飲試下先滷水雞翼,飽滿,浸得入味,雞翼夠大隻,啖啖肉好好食牛肉麵紅燒湯鮮甜好喝順侯,米線嫩滑,真心有水準既湯底,牛腱肉片彈牙肉味濃份量少左D咁解,好在有另外追加小吃煎餃子大大隻,但個餡料就普通,食唔出肉餡既味道,但皮夠脆口番薯條粗身又脆口,食落有淡淡甜味出黎,幾特別既配搭,平時都係夾薯條蛋餅煎得比較乾,少左醬汁,拉唔到絲,芝士多少少會好好食2杯特飲,酸甜清爽,好解渴又大杯,檸檬多多真係好飲到想再買多杯

朋友之前來過呢間食，大獲好評，係咁話要encore,今日決定試下個fd 有無厄我地先。由於剛放lunch，個個都餓鬼上身，一次過叫左好多野食。煲仔塔香三杯雞定食-呢款係我食過最好食ge 三杯雞！！酒香濃 配埋九層塔加大量蒜頭 超級惹味！仲有配埋上湯浸娃娃菜 呢個定食真係好豐富紅燒惹味牛腩麵-牛腩軟淋，精華所在當然係湯底，吸收哂日月精華，麵質剛好，唔會過硬過軟滷水雞翼-個滷水汁做得相當出色 隻雞翼完全入晒味 大讚呀！夏日水樣鮮果茶-好香水果味，杯飲品清清地，很不錯。火龍果多多梳打-好fresh 好好飲 唔會太甜紫菜魚丸湯-好足料 紫菜好多 個湯好好飲手拍小黃瓜-用醋腌小黃瓜特別開胃滷水豆腐-豆腐好香 唔會過硬 忍唔住一舊接一舊咁食涼拌黑醋茄子-黑醋同茄子估唔到咁夾 好開胃 呢個真係推介