四季常餐 (已結業)

最近中環區出現一間人氣高嘅餐廳每日午餐時份都會見到條長長嘅人龍今次同同事見到上網啲人介紹個炒蛋幾特別就去試下我地12點就出去排隊拎籌 都已經排50幾 真係誇張好彩嘅係係烈日當空下等左20分鐘度就有位 當中有唔少人放棄左等位走左入到去餐廳座位好少 而且較為狹窄 難怪要等咁耐同行三人都一致叫左常餐個炒蛋係比一般茶記特別 比較多蛋汁好濃味好滑但有點過濃過溜嘅感覺忌廉雞湯通粉 湯底似罐頭湯感覺 麻麻地我都係鍾意平時普通雞湯嘅通粉如果唔洗排長龍嘅都可以再試下嘅

今天特意到訪吃個早餐，再去看醫生。早上的人潮唔多，但用餐的客人也唔少。早餐有五款可以選擇，主要是通粉、炒旦多士或旦治等，價錢由$35-$38。由於特意到訪，當然要點招牌常餐，一次過可以試哂招牌菜。常餐：真。忌廉雞湯同配火腿炒蛋多士$43這忌廉雞湯清清地，忌廉味道唔係咁濃郁，有淡淡然的雞湯味道。通粉煮得剛好，口感有少少彈牙，唔會太腍。而那火腿和平日吃的不一樣，口感十分嫩滑，帶一點煙燻的味道。而那炒旦炒得香滑幼嫩，旦味濃厚，又唔會過於膩口，配埋厚切的牛油多士，味道唔錯。熱奶茶的茶味濃厚，入口無澀味，但囗感未夠奶滑，相對剛才的常餐，感覺只屬一般而己。若然不用大排長龍，這常餐算不上驚喜萬分，但倒是誠意之作，可以一試。

最具代表性嘅港式飲食文化，又點小得茶餐廳？ 人大左越來越鍾意食常餐，炒蛋多士配茄牛通簡直係賣飛佛！呢間四季常餐長期係開飯出現，但由於收鋪時間早，未有機會食。最近朋友話我知四季常餐延長營業時間到十點喎，抓緊機會放工晚飯時間過去試試先！我地夜晚9點到，餐廳內無食客幾驚佢已經收左。好彩並唔係咁，坐落都有2-3檯客嘅。唔好猶豫，即刻叫招牌常餐+晚餐啦！先黎晚餐叉燒炒蛋飯好味呀！滑蛋係滑嘅，亦加入適量蔥粒，叉燒份量都充足，好滿意。至於常餐個人對炒蛋多士係滿意嘅，蛋炒得夠滑嘅。但個通粉係有小小失望，食落似只用茄膏無加鮮蕃茄有點失色，牛肉略嫌無咩鮮味。

四季常餐 @ 中環今朝咁啱係中環…知道四季有做早餐。所以就黎試下呢度既炒蛋。不過期望越高就…😶 坐低見到早餐一係就通粉一係就炒蛋。要常餐先有齊兩樣。但常餐又要係忌廉雞湯同蕃茄湯作出決擇🤔🤔。最後見一早冇乜胃口就食D酸野好似開胃D🙂蕃茄牛肉通…上面好大pad蕃茄醬同香草…味道都可以(偏酸)。通粉都幾實淨唔會煮到鬆泡泡👍。牛肉冇乜味, 可能蕃茄醬太濃味。主角炒蛋就真係有D失望。雖然顏色好靚, 不過唔太香蛋味而且炒得唔太綿, 入面有d仲炒得老左小小添😒, 仲要鹹左小小。不過…最失望係杯凍檸檬茶, 真係冇乜茶味🙁整體冇傳聞講到咁好食…不過都算可以, 加上中環地區常餐都係賣緊$43, 算好合理同埋下次會試下個忌廉雞湯通粉…總覺得通粉配忌廉雞湯係最正😍😍

眼見中環各打工仔最近既話題都係圍繞住四季常餐，小弟每次經過都大排長龍到底係咪真係好食先？今日醒左12點就黎排隊, 10-15分鐘就有得入，叫左個叉燒炒蛋飯同蕃茄牛肉通試概然黎就當然要食下d招牌菜啦..... 師傅落醬油個下重手左，搞到碟飯有d撈湯既感覺。不同蛋係炒得滑既, 成個飯都算唔算，但未到個個都要黎排隊食個種好味。d 蛋炒時落得太油 , 對比灣仔旺記質數個人就中意旺記多d , 而佢叉燒quality 又比蛇竇高些少....不過點左個凍奶菜同檸檬茶........飲料方面真係有進步既空間蕃牛通.....呢個$47蚊有埋炒蛋其實幾底食牛肉用鮮牛肉煮, 中唔中意食就見人見知, 我個人其實好中意蕃茄湯底既所有野但係對呢個湯底有d失望太似太似........權頭蕃茄湯喇

媒體報導前食過一次報導後再黎食上次食完非常impressive多士外脆內軟炒蛋好滑 睇媒體報導得知佢地冇加奶落去炒，但其實我係prefer 加奶，因為我唔太鍾意太濃既蛋味忌廉湯通香濃而且仲用靚火腿係正既第二次食多士仍然好外脆內軟好快俾我秒殺左蛋都係差唔多水準茄牛通不過不失啦因為做得好既茄湯的確大有人例如上環勝香園或者旺角民華餐廳呢兩間既茄湯都比四季常餐優勝不過四季常餐抵讚既係佢既牛肉因為真係好淋好香平時唔太鍾意食肉既我都一次過隊晒全部牛肉片

一路工作一路思考lunch食乜好Blue Monday 想食得簡單d就過黎食四季....常餐~一個人過黎食 黎到門口如我所料好多人! 有一下子想走...但又諗唔到食乜最後都係繼續等等等等左15分鐘就入得我見呢到推介滑蛋叉燒飯同埋2個常餐 但因為附近有兩間餐廳食滑蛋叉燒飯同茄牛通都已經非常有名所以我本住一個唔想作比較嘅心態叫左真•忌廉雞湯通配火腿 炒蛋多士 凍奶茶火腿通就由細食到大 但呢個忌廉雞湯都幾有驚喜 初頭我以為係食西餐個種忌廉雞湯 但原來唔係 個湯好creamy~ 配通粉好好味 味精都唔算重 會好想飲哂個湯炒蛋多士塊多士好脆 值得一讚 個蛋都好食佢地嘅凍飲我見係一早整好雪落雪櫃 所以無冰 我杯凍奶茶都好香滑 不過飲到低就好濃茶味 可能雪太耐沉澱左總括黎講都好滿意 唯獨咁岩我今次安排坐左係出菜口嘅位置 其實一路食一路驚 好驚d湯會倒落個身到 好在都有驚無險食完個lunch!無咩事我繼續做野先.....

最近中環開左間食常餐既，聽講每日中午食飯都打晒蛇餅，今日專登去試下，當日12點去到已經排晒長龍，好在等15分鐘就有位Order咗四季蕃茄牛通配牛油多士, 蕃茄味濃, 但感覺似茄膏朋友叫左忌廉火腿通, 淡淡忌廉味感覺唔錯, 火腿係圓形火腿, 口感較佳自己覺得最好食既係通粉, 出名既炒蛋亦都好味, 夠滑至於多士方面感覺華星好食啲另外凍0茶小甜感覺同走甜無分別, 下次要再試下正常係咩甜度環境方面如果座位可以闊D就好D, 不過都明白中環鋪租貴以40-50蚊喺中環黎講已係物有所值, 可以一試

服务态度差都算，食物那么难吃还说蓝带毕业，推荐的和牛饭和鸡皇饭，用的是什么肉，难吃得像用来煲完汤你都不想吃的肉一样，请不要再相信他的餐厅，不要掉蓝带的面子好了，不会再去，也不会推荐朋友吃，怕朋友都没得做

好多人問我好唔好食因為影出嚟靚 咁現場睇個顏色都好靚嘅但係食來講呢...個蛋係真係好味不過對於佢呢個顏色我有少少懷疑常餐個忌廉雞湯都係真湯尼可惜個通粉麻麻用咗厚身坑紋嗰隻感覺上如果係用香港製造 應該係美人牌 會好食啲雖然係用個火腿係靚啲但真係唔夾味唔怪得個個食茄牛通啦 可惜我不食牛肉全場都叫嗰個叉燒飯 個蛋就唔使講啦啲叉燒個味道同質感都OK 重點係一啲都唔肥敗筆就係佢嗰個所謂嘅秘製豉油好很重味精又好很鹹 可一不可再本來係諗住試雞皇飯so sad太多飯了女仔可以叫少飯另外唔知係因為咩原因佢全部凍飲都係外賣杯飲筒熱飲就係平時堂食嗰啲杯 唔通係真心唔環保？#茶餐廳 #好唔好食只是個人口味

星期6行經中環期間,發現到間新開餐廳,價錢相對同區算平,決定1試,可能新開關係,門口有唔少食客排隊等入座,以為會等好耐但係比想像中快,但係空間略嫌細,比較擠迫!!分別ORDER:-四季茄牛通+炒蛋+多士-A4宮崎和牛燴飯茄和牛通粉:蕃茄味夠濃, 但比較"傑", 牛肉夠滑無渣,通粉亦夠咬口炒蛋:夠滑但味道略淡多士:完全食得出唔係用普通方法烘,夠熱夠脆中間夠"林",唔介口同硬和牛:入味之餘夠"林", 無出現OVERCOOKED 情況汁: 有少咸但配飯食可以中和返D咸配菜: 不過不失至於飲品方面有待改進,可能試業關係奶茶係預先整定,欠缺港式奶茶本身原有風味,亦不太環保!!!OVERALL係可以1試!!服務不錯!!!

新店開張不久已十分受歡迎，11:45am到達已經到了輪候號碼14號。由於翻桌速度高，等了不到十分鐘便已入座。跟友人各點一份常餐，侍應下單時有點混亂，送餐也不是依著下單順序，但都是小問題，很快便跟進了。我點的是四季茄牛通炒蛋多士。茄牛通味道濃，牛肉份量多，惟通粉及茄湯份量較少，有點不夠喉。此餐廳以炒蛋出名，吃得出炒蛋滑口，可惜可能預早炒起，上菜時已經冷了，大大扣分。多士牛油味香，有點喜出望外。朋友點的忌廉雞湯火腿通粉，較少在普通茶餐廳見到，湯底濃郁，味道也不錯。其實整體算是不錯，只是看見每天人客甚多，或多或少有一點期待。但冷卻了的炒蛋實在令人失望，期望下次再來時能找到這餐廳大排長龍的原因。

經過生果日報的宣傳，一於試下呢間大排長龍---藍帶廚師開的港式茶餐廳2點幾去食都要排隊，不過都係幾分鐘可以接受的大家可以呢段時間避開人龍餐廳裝修藍色為主幾fresh同員工都好young不過座位只有2x個 同埋大部分都係圓椅位置比較逼 多人的話會背貼背😣食物種類就如餐廳名一樣食《常餐》餐牌只有2頁 適合我呢d選擇困難症👍不是太肚餓 所以點了個通粉首先黎左個炒蛋真係有如宣傳所講用3款蛋打勻而且冇落奶或忌廉所以蛋香超濃而且十分滑炒蛋控真係值得一試再黎埋個真忌廉雞湯火腿通粉通粉有咬口，係我中意食既軟硬感湯底的確用忌廉雞湯整(自己煮，不是罐頭) 都幾濃郁總括黎講: 炒蛋的確出色，值得一試而且中環有43既常餐都算抵不過要大排長龍同環境坐得迫就要諗過😣

中環咩都有得食， 但食常餐選擇就比較少。下午特登同三個同事一齊嘗鮮，先攞飛跟住就係漫長嘅等候，等候差不多一個小時之後終於可以入座。座位尚算寬敞、侍應都算有禮。既然佢哋賣點係常餐當然要試吓啦～我嘅選擇係真 忌廉雞湯配火腿炒蛋多士同事選擇咗四季茄牛通。整體來講份量比較細，大食嘅人可能就唔夠食la！而且可能人流比較多，炒蛋炒得唔夠熟，十分之流質。但食得出個蛋係香同滑嘅。而且多士係煎香過，所以即使係比較焦黑一啲，但係食落去呢係脆嘅。同事覺得係唔合格，我覺得還可以啦。

經過傳媒大肆報導加上中環區本身午飯時段正常餐廳都會爆，而間野可想而知有幾難等位。可幸我今天下午茶時段經過，一於試一試，差不多4點半餐廳都滿左一半以上，厲害！本想試試那個滑蛋叉燒飯，因為據聞那汁是用和牛提煉，不過所有午餐已沽清，理解既，最後揀了常餐即是火腿通粉，厚多士炒蛋加一杯凍奶茶。奶茶先來，是冇冰一早弄好了放進雪櫃的，保證唔會變淡，欣賞！茶與奶的比例不錯，有茶香，也算滑口。厚多士算是外脆內軟，炒蛋味道明顯與普通茶記不同，沒有那麼單一，似乎真的用了幾種蛋，算是炒得滑身。火腿通粉正正常常，最特別是那忌廉雞湯，的確濃味香口，不是坊間便宜貨色。價錢43+3 ，中環區絕對不貴得來很高性價比。有一次再同樣時間去，誇張到乜都賣哂，勁！