四季常餐 (已結業)

最具代表性嘅港式飲食文化，又點小得茶餐廳？ 人大左越來越鍾意食常餐，炒蛋多士配茄牛通簡直係賣飛佛！呢間四季常餐長期係開飯出現，但由於收鋪時間早，未有機會食。最近朋友話我知四季常餐延長營業時間到十點喎，抓緊機會放工晚飯時間過去試試先！我地夜晚9點到，餐廳內無食客幾驚佢已經收左。好彩並唔係咁，坐落都有2-3檯客嘅。唔好猶豫，即刻叫招牌常餐+晚餐啦！先黎晚餐叉燒炒蛋飯好味呀！滑蛋係滑嘅，亦加入適量蔥粒，叉燒份量都充足，好滿意。至於常餐個人對炒蛋多士係滿意嘅，蛋炒得夠滑嘅。但個通粉係有小小失望，食落似只用茄膏無加鮮蕃茄有點失色，牛肉略嫌無咩鮮味。