四季常餐 (已結業)

茶餐廳要出位，唔係靠咩「流心芝士」/ 藍蝶花炒飯 或者 紅菜頭蒸肉餅 呢D綽頭野，要多人黎，要多人食，只要你炒得一手好滑蛋，烘好一片厚靚正多士，加多杯熱辣滑奶菜，你想冇人黎都難。大家都知茶記多，又如何？好食又有幾多？最近又有猛人入局，以和牛醬油襯滑蛋叉燒飯，「真」忌廉雞湯通，同埋北海道滑蛋、炭烤多士，講起來就「架勢堂」，食落又點呢，今日就即場趕去整個下午茶先！本來同友人都是首選滑蛋叉燒飯，結果又賣光光，最後就揀左個常餐（$43）同下午茶（$35）。友人慘豬，沒飯之餘，連多士都冇，要轉為餐包。「真忌廉雞湯通配火腿」- 常餐講到咁勁梗係要試下啦！一啖一啖試真個湯，係有忌廉的奶香，同埋滑度，中和了雞湯的鹹，比起坊間確是濃郁點，不俗，我欣賞茶記用有「坑紋」的通粉，感覺更掛湯！招牌炒蛋+餐肉配多士 - 下午茶我個份亦隨即送上，老實我唔多滿意。多士 - 肉眼睇都知佢唔脆啦（我影相不超過3張相/15秒），炭烤？在哪？我以為上午烘完放到而家，真正的炭烤多士絕不會這樣（我在日本食過真正的炭烤多士，驚為天人）。餐肉 - 薄過紙，以為自己食緊周星馳個塊午餐肉（有睇賭聖就會明白了），肉質又暗淡，非常唔討口。炒

終於在一個須要上班的星期六到新開不久而又大獲好評的四季常餐吃個早餐。8:30抵達只有一名顧客，原來開8:30。餐牌內的選擇不多，早餐八款、午餐四款、下午茶六款。筆者選了招牌炒旦+火腿配多士及熱奶茶共HK$35，很失望炒旦不如傳聞中的香滑我反覺得大快活的滑旦較出色多士微暖但不脆是稔的，不好吃更失望是那杯奶茶，冇茶香亦冇奶味，在茶餐廳中绝對不合格。倒是火腿不是一般的火腿，味道尚算不俗，只能講句味覺真的很主觀，若要我在繁忙時間排長龍去吃一定不會 。

在IG上常常見到四季常餐的滑蛋出活，不停被人洗版😉😉我就為了求真，親身去排隊試一試係唔係真係咁好食先得😁😁今日不時落住雨，落下又停下，大雨又細雨，覺得天氣相當討厭😥😥去到四季常餐差不多12點15分，食午餐嘅人龍開始出現，好彩只係排了15分就可入座。根據晴報報導【中環人報料「四季」大排長龍，說的不是四季酒店，而是新開的茶記「四季常餐」--主攻四季供應的常餐，茄牛通、忌廉雞湯落足料，炒蛋更用上3個產地雞蛋來炮製，難怪日賣超過200份！店主們試勻市場30、40種雞蛋，最後精挑了日本太陽卵、湖北蛋及美國蛋，結合三國產地的雞蛋來炒蛋，蛋香很濃厚又很綿滑。麵包即叫即烘，塗上牛油後，放在日式明火高溫串燒爐上烤烘至外脆內軟，索滿牛油香之餘，亦帶BBQ風味，入口時還暖笠笠。茶記有如此質素，簡直超班！】我就不加思索馬上同朋友點了一人一份滑蛋叉燒飯，叉燒ok一般啦沒大驚喜，滑蛋就真係相當吸引， 非常滑😚😚蛋味濃郁， 豉油醬汁及蔥花份量恰到好處，食物十分高質。飲品就不過不失，不用抱太大期望。價錢很合理午餐由$54起 +3蚊凍飲。四季常餐食品是超高水準的，但可惜服務態度十分強差人意， 職員十分敷衍了事， 常常罵

星期六2點嚟到，要等位是常識吧！但都唔洗等20分鐘就有位，都算快啦。蕃茄牛肉通，勁多蕃茄蓉，第一下入口覺得酸咗d，食落又幾開胃，加埋滑蛋同多士，仲有杯餐飲，食晒都好飽吓。蛋都幾滑，多士就唔夠香口，亦唔夠趣。（其實相中多士嘅另一面唔係咁嘅色）另外呢個义燒滑蛋飯，差少少就食唔到，因為我落完單之後，聽到d員工話义燒飯停見到個買相已經覺得好有香港嘅味道蛋夠滑，义燒唔會好乾柴，仲有加咗好多蔥花去炒，唔單止賣相靚d，仲有蔥嘅香味，味道真係唔錯如果唔識蔥嘅人士，記得落order嘅時候，叫走蔥。

呢排喺中環返開工 聽同事講呢間常餐新開因為佢係藍帶廚師開嘅 所以有好多OL都慕名去朝聖平時Lunchtime經過都見到四季常餐門口永遠都見到門口有密麻麻嘅人頭就算我地食完lunch返office 四季常餐門口都仲係咁多人咁我同我同事都唔執輸 決定去排隊試下我地12:35-40已經衝到過去但係都係唔夠其他人腳長 唔夠人快門口已經堆滿一圈人喺到等緊位佢攞位嘅方式都幾特別叫位會寫個number喺黑板上面每次叫完都係擦過再寫新嘅上去我地等左半個鐘左右 13:10先入到去坐雖然四季常餐唔係淨係得常餐出名但係第一次試 而成間餐廳差唔多九成人都係食緊常餐所以我地都叫左常餐 凍檸茶凍奶茶/檸茶我見都係一早整好晒放喺雪櫃入面嘅所以都好快上到野飲而個多士我就覺得焦左少少 其中一面菌晒黑邊炒蛋方面都幾有蛋香 幾滑嘅 上碟嘅時候都仲有蛋汁留左喺炒蛋上面個湯底味道雖然出面好少食到 但係我本來以為係會糊啲嘅 但原來係水水的火腿食得出唔係普通茶餐廳常餐嘅火腿黎但係整體黎講我就對個常餐無咩特別感受全個餐都無令我有「咦」雙眼發光嗰下無咩太大驚喜 只係一個水準之上嘅常餐

試業中的新餐廳總是特別吸引中環人的眼球這間聽說廚師是系出名門 獲廣泛傳媒熱捧的餐廳 每次走過 也不禁驚嘆人龍的誇張程度今天我也終於忍不住決定要破釜沉舟要吃到!等了40張桌 半個小時終於能塞進餐廳令人驚喜的是餐廳竟播著香港懷舊金曲 好了 到正題我毫不猶豫 點了一個常餐 常餐有兩個選擇真 忌廉 和番茄牛 而我最愛牛所以點了牛的那一款 不消一會兒 菜很快 便上了 蛋 是不能形容的滑 塊多士更加是精髓 牛油香香的 到了蕃茄通 牛肉很足湯底也很濃 下次如果不用等那麼久必定會再來光顧

睇飲食雜誌而黎，深感中伏茄湯唔熱，牛肉唔熟Pink到忍唔住問侍應哥哥：你d野唔多熟喎哥哥話：我地呢度係7成熟原來茶記都興serve medium well? 恕我孤陋寡聞😒哥哥西西地面話換過一兜茄通俾我我話唔要，要腿通，點知你會唔會又唔熟佢話唔得……ok fine……但最後上檯係一兜正常熱既腿通同場加影其他食客食剩既圖片，證明唔係得我一個覺得呢間野以後都唔駛再黎😑 #唔熱唔熟咩藍帶廚師 #碟頭飯係輕食份量 #大家留意番 #人龍好快會消失 #年輕店員不及茶記阿姐 #又唔醒又無禮貌食到一肚氣 #背對背親密座位 #食餐飯要起幾次身唔該晒

今日為左試藍帶做既常餐，得別入去中環既四季常餐，而且今日好熱，餐廳外面勁多人，我一個人拎籌，好快入到去。我好期待這間藍帶，和我樓下的藍帶有什麼不同，看見餐牌真係好便宜，我特別選 叉燒飯，試佢功底，我覺得賣相麻麻地，不過算啦唔好要求太高，但一食問題開始，好鬼油，我一開始試下果D係咩黎，食到植物油既味道，之後食第一啖，好鬼咸，而個蛋係滑，叉燒唔硬，但無香味同蜜味，講真依碟飯黎講，有一間仲正過佢平過佢，不過佢賣到依個價已經好好!中環租貴啊!而我成個餐最ok，係奶茶，有茶味同香味又滑又濃，如果下次再來，我會試通粉果D餐，希望食比較西餐既野，唔會拎我失望啦，D餐具同枱係乾淨ok失望係同我平時食既藍帶唔同，我要基本求係唔好咁咸，咸到無晒食物香味特色，仲有我寧願精華湯多，都唔好多油多到水浸，高要求就係，希望D野味道，食落有層次

雖然中環中午食飯不應對環境有要求，並且40零蚊更加不應有要求，但它為求高輪轉，食到趕頭趕命，坐得像迫巴士，真的比較辛苦。點了常餐，滑蛋多士沒有蛋香，不及利源西街的瑞士和灣仔的華星。火腿忌廉湯通粉出色，通粉彈牙，湯好味。奶茶及格。

首先要講一件非常重要的事，唔好相信openrice 的地區，絕對不是上環地鐵站🚉我相信左，白白行遠左勁多😢一定一定係中環站近啲✅大熱天時，行到妝都溶埋😫😫😫門面好細，行過好容易睇唔到🙈不過只要認住里個清新的淺藍色吾會錯✅野食選擇唔多，岩的重質不重量這裡主打自家制的雞湯，當然要點個常餐試一試啦👍🏻通粉用左我喜歡的坑紋款，食落比一般的滑身通粉厚少少，無禁容易因爲食得慢，浸耐左吸晒湯汁而變淋❤️個碗通粉重會有兩塊豬肉火腿，唔係一般金豬牌四方火腿，係圓滾滾食法包用個種，唔太咸，又唔會咬到一粒粒的脂肪😊雞湯方面，一飲真心嘩出聲😋明顯地唔係某品牌的雞湯粉調出黎的，亦唔係某罐罐的加水版😋😋😋真真正正用鮮雞🐔長時間烹煮出黎，就算飲左都唔覺喉嚨乾（起碼個日熱到癲，我食飽飽去行街都唔使買水飲🥛凍飲全部用外賣杯裝，方便大家食飽拿走飲（因為一開始都講過啦，舖頭真係真係好細，啲坐位都係貼住坐，所以食晒啲野都會起身走人，唔會慢慢坐）另一個重點係—炒蛋食落好滑好香蛋味，唔係出邊個種牛奶炒蛋，得奶味無蛋味🐣據稱，啲炒蛋禁香係因為用左三種唔同的蛋wor，唔理啦，好食就得喇❣️本來的對塊多士無咩期望，因為平時都係就禁煎香佢啫

面對鋪天蓋地的宣傳，同事們早就想嘗試四季常餐。可惜經過幾次，連籌也拿不到。用餐當天，公司提早讓我們吃午餐，我們一行12人就去了四季常餐。到達餐廳的時候，約12:00pm，只有四至六個人在等。門口戴眼鏡的人跟我們說了難以安排12個人一起坐，並建議我們三個人為一組進內用餐。我們同意，但同時表示希望盡量安排一起坐。未幾，他已安排兩位同事入座。再過幾分鐘，六位同事亦被安排入座六人桌。門口戴眼鏡的人一再提醒進去坐下來就不能改位子了。此時，早前進去的兩位朋友左邊和對面都各有兩個空位，另中間的六人桌亦有三個空位子。我們一直在門口等，共有四個人（已等25分鐘左右），就等餐廳收拾好兩位朋友附近的四個空位子。餐廳的人最後竟安排籌號較後，有三個已經坐下來的人去會合他的另外兩個朋友，又或是那三個人自行走過去的？反正門口戴眼鏡的人要求我們四個人先進去三個人。結果我一個人又在門口等了10分鐘，才被安排入座。「坐低左就唔可以轉位」「坐低左就唔可以轉位」「坐低左就唔可以轉位」原來餐廳所訂立的規矩只是隨意說說，不一定要跟從的。原諒我並沒有為食物拍下照片。忌廉雞湯通是好吃的，湯我都喝光了。同事說四季茄牛通也挺好吃的。至於

同事介紹此店食物有水準，所以過來試試，12點左右門口已排了一堆客，應該有20多人，一心來試試，惟有耐心等候，好彩人流都轉得好快，約25分鐘左右，終於排到啦，此店可供選擇的食物不多，只有數個餐供選擇，我點了個蕃茄通粉常餐。食物即叫即整，上菜速度快。多士配炒蛋，蛋炒得剛好，夠滑有蛋香蕃茄通粉，不是湯通粉，似蕃茄醬撈通，份量略少，道味略酸，奶茶味道不過不失。整體食物水準不錯，但食物種類單一，份量亦 偏少，男士們可能要吃兩份餐才夠飽。

真忌廉雞湯通配火腿 炒蛋多士 $42湯底好鮮甜 名乎其實真忌廉雞湯👍🏻通粉軟硬度剛好炒蛋好滑又香😋個多士都好好味 外脆內軟又香牛油味 一個好好味嘅常餐！ 重點係$42係中環真係好抵食😚值得一試

Order 雞湯通粉,上菜好快,原來所有食物都是ready made and mass production ......雞湯通粉是凍冰冰,暖口也稱不上,炒蛋也是,多士也是,一點也不脆口。製作炒蛋需時不耐,為何也要預先炒定？雞湯也不creamy ,通粉也過諗......多士有烘焙,但放置太耐,已經全無脆口感。最後凍飲用外買膠杯,堂食有需要嗎？

同同事早到十二點到都有人等緊店唔特別大裝修粉藍幾fresh服務員都好young試業但都無咩錯失無咩款選 唔似其他茶記有菠蘿包果d加配我叫左滑蛋叉 同事叫左牛肉果個同事話portion 細但味幾好凍飲加$2滑蛋好水 疑似加好多水令佢滑？個人就唔太喜咁水既蛋..朋友話呢間既蛋係用三款蛋溝出黎我就唔幾食得出但個飯既肉好多 多過大坑同樂香園大坑太耐之前食唔幾記得味係點但覺得樂香園好食過呢間米之蓮蛋飯唔落soy sauce 都夠味同份量多d滑蛋差飯：樂香園》大坑》四季