嘉寶漢堡 (已搬遷) 新店位置

本身諗住經過食個包就去搭車睇音樂會~見到有差唔多十個人排隊就打算放棄!點知聽到店員話: 一位! 有冇一位?見冇人應喎~~~ 嘻🙃無啦啦唔使排隊就食到<<香蔥雞扒堡>>($42)加煎蛋~加六蚊就可以食到熱辣辣...流心嘅煎蛋! 正呀🤤我諗走沙律醬都ok ar~因為佢連塊香蔥雞扒都好多肉汁!佢外皮香脆，內裡雞肉嫩滑!食呢個包完全唔覺dry💪🏻 兩塊包都有烘熱過㗎!連埋新鮮番茄同咬落嗦嗦聲嘅生菜~呢個一人趕急嘅晚餐已經好豐富🙆🏻‍♀️三首歌嘅時間就完成✌🏻

琴晚做完massage想食少少野又唔想食太多，就去左好受歡迎既嘉寶漢堡食個burger😎去到附近都唔洗睇路牌遠遠已經見到長長人龍係度排隊等食，可見受歡迎程度😏日式芥辣蝦堡🦐 $42咬落啖啖蝦肉，唔係普通一塊蝦餅，而係見到入面有一隻隻蝦肉，再配上酸甜芥辣同新鮮生菜，好開胃又好味，so juicy🤤黑松露芝士牛堡🐴 $50好香既黑公露味同新鮮牛肉加上微溶芝士，好正ar😍(跟套餐🍽+$15)(轉蕃薯條🍟+$5)(轉梛青水🥤+$5)罐裝汽水🥫 $10

/#嘉寶漢堡 🇭🇰/#sa尖沙咀篇 #sa良心小店篇 #sa_burger➖➖➖搶閘先🏃🏻‍♀️一直都想試嘉寶漢堡以為地方難揾 一直未去琴日去開先發現唔算好難揾所以就係試埋☺️ 試左最經典嘅牛堡💛入面有芝士、漢堡扒同烤洋蔥😚另外仲加$15 轉做set! 相比出面嘅burger 其實都算抵食性價比頗高😍！➖➖➖芝士牛堡 $39(單價)🍔💛包體頗厚身 脹卜卜的而且都夠軟熟 唔會好乾硬不過個包底索到啲汁稍為腍左少少💛漢堡扒感覺足料 厚身 夠juicy 原本係牛 呢個可以轉雞/豬即叫即製 夠新鮮💛烤洋蔥雖然平日唔太鍾意食洋蔥不過烤過之後我反而覺得可以唔會太難入口連埋漢堡扒嘅汁 流晒出嚟食得有啲論盡 不過係幾滿足💛薯條（+$15）🍟原本想試薯格 不過可能遲去已售罊 本身都想試炸燒賣不過最後都係要左🍟薯條同樣新鮮炸好 入面嘅薯肉夠綿密 外脆內軟稍為減鹽就更好😋➖➖➖分數: 8/10➖➖➖⭐️下次再想試其他款式➖➖➖📍嘉寶漢堡尖沙咀金巴利道78號||葵涌青山公路499號嘉寶大廈地下A-B號舖

餐版選擇多，而且價錢唔貴，雞牛豬羊任供選擇！好掙扎，想試烤布利芝士牛堡，因為好鍾意brie cheese，不過又好想試蜜糖芥末，仲有我最愛既菠蘿。最尾要後者。即叫即整所以要等啲時間。上枱時熱辣辣的。牛肉唔算勁靚牛，不過以呢個價錢絕對物超所值。包脆，菠蘿都烤熱得適中。唯一係略嫌蜜糖芥末唔係好出，同食到一半個包出水都幾勁，就變得唔脆。跟餐要左薯條，都好熱辣辣的！幾好食！佢仲有炸燒賣！好正！好耐無食過。佢好脆而入面質感都幾好。

完全無諗過咁高質，根本佢可以賣貴一倍價錢！平日2點半去仲要等一陣位，超受歡迎呀～—————————————————🔹 蜜糖芥末菠蘿雞堡 $39 ( +$15 轉套餐 )..本身呢個combination 係豬🐷但小pin轉咗雞！即叫即製都等咗10分鐘先有得食，一嚟到....嘩好有份量！絕對無將貨就價比個萎縮包你！搞到小pin勁苦惱點先可以一啖咬哂所有材料😭erm 最後搞到成面都係醬🥶摸上手個包熱辣辣，採用英式做法——包面兩邊都會稍烘熱，所以唔會因為水氣而變稔🤪就算我有菠蘿都唔會搞到塌哂皮，咬落去麵包微脆、鬆軟帶麵粉香，呢d咪叫認真製作！🍔 ..講開菠蘿🍍佢都有燒至微焦先夾入漢堡，所以一咬就會噴啲碌熟條脷嘅汁！好似食放題嘅菠蘿串燒咁，好正呀！😚塊雞扒都超juicy，唔會炸到乾哂，仲要厚肉又大塊！🤯小pin覺得今次自創嘅芥末雞堡好鬼夾哈哈，個醬有小小wasabi味夠解膩，唔會嗆喉、我就幾鐘意啦！😋..🍟強烈建議大家要預時間等位哈哈！套餐包厚切薯條/薯格同汽水，都幾大份架！當然可以加5蚊轉沙律或者蕃薯條😍

烤菇芝士牛堡 $55漢堡唔係剩係得某d快餐店先有得食嘅，呢間本地漢堡店裡面嘅漢堡標榜用慢煮而成，肉質偏嫩身，一路食一路滴汁😂幾塊芝士燒到半溶🤤🐷而且成個漢堡包好厚，如果大大淡咬就要唔理儀態🙈漢堡裡面嘅烤菇加左唔少分，大大塊同d牛肉好夾🙌🏻加15蚊係套餐價，番薯條就要再加多5蚊，價錢唔係特別平，不過番薯條炸得好好，大大條仲要外脆內軟，亦都好香番薯味😼 個人覺得好味過一般嘅薯條🙈❤️必嗌～

在公司附近想吃漢堡又不想消費連鎖店，就找到嘉寶漢堡，一吃就已經成為忠實粉絲！黑松露芝士牛堡，是拉差芝士蛋豬堡份量充足，漢堡扒juicy，配菜新鮮，漢堡包也有用心烘過，2款漢堡一樣出色！天呀！嘉寶漢堡的質素比好多售價$1xx好好多，售價竟然只係$70內（漢堡包連薯條加汽水）良心小店一定要再回顧！因店舖地方有限，就一定會有小小油煙味如果怕油煙味，就建議外賣～

Visited this place couple of times and the food especially burgers are great! However, the staffs attitudes remains terrible. It’s as if they hate their job and they ask people to wait outside when its full (which is okay) but they take forever to let those standing outside in — which confuses those who just randomly come in as there are available seats.

終於一訪這間溝堡小店，聽朋友講得多，但一直未有機會去試，今日放假特意拜會它。它在街角，不難找，但也不近地鐵。下午四時半，人未算多。小店只有十來個座位，坐了兩枱人，加上我們，幾近半滿。點了最簡單的芝士牛堡加$15跟餐。第一次當然要先食最平實的款式試真章。先下單付錢再等餐，上餐速度有效率，薯格和薯條都是厚身的，熱辣辣新鮮炸起，點茄醬已經好好味。牛堡是搶眼的是半溶芝士，夾著生菜、番茄和牛肉，沒有厚厚的。但這個size剛好可以一啖咬晒咁多款材料。這裹的牛肉是慢煮的，入口比較綿，我較喜歡挺身帶筋位的那種。所以對我來說一般，但朋友好喜歡。下次黎可以試下雞堡和羊堡，相信小店出品水準也不會令人失望。

包面有烘過，菠蘿夠曬大塊，同塊漢堡差唔多厚，一啖咬落去口感非常豐富，只是芥末味略不足，只吃到沙律醬味，但都不影響整味十道。薯條有薯皮連住，好重薯味，而且入面好飽滿，M記個d雪藏薯條完全無得比，但要小心佢係即炸，所以記住要攤一攤先好食。..即叫即做，夠曬熱辣辣。個包有烘過，塊牛肉漢堡幾香，再放塊芝士係面，用漢堡既熱力令到芝士達到半溶狀態，十分野味😋。..雞翼雖然炸得好脆，而且好多肉汁，但是孜然味唔重，似平時茶餐廳嘅生炸雞翼。..🥡散叫漢堡都係$39，跟餐飲同薯條就加$15，雞翼就另外加$10的。尖沙咀黎講係好抵食，性價比高👍🏻。

間店鋪好細 夜晚黎食已經有唔少人排隊 等位都等好耐 不過見咁平都想試試 點知佢生意太好 排到咁上下已經冇哂牛堡 唯有食P1羊堡 感覺好juicy 塊羊亦冇羶味 不過完全唔食得辣既朋友真係唔好試 都真係幾辣下😂加$15就可以有成個套餐 仲有薯條薯餅燒賣沙律揀 我揀左薯餅 男朋友揀炸燒賣 薯餅岩岩炸起又熱又脆 仲有份量好足 絕對唔係hea你 炸燒賣超好食 佢有配蛋黃醬加椒鹽 好match 🤩野飲都好多選擇 唔單單得汽水🥤呢個價錢真係好抵 但大家如果要食就最好7:30前黎 因為到8點已經冇哂漢堡包賣...

係尖沙咀返工有時候都會去韓國街食午餐，但有時候食得多韓國野都悶。所以最近經過韓國街反而去食【嘉寶漢堡】而唔係韓國野！本身以爲係港式漢堡，店鋪裝修啊野食都會好港式，但同我想象中唔同。店鋪裝修好新潮、内裏都比較細，不過都可以大概坐13/14人。漢堡有非常非常多選擇，有豬牛雞羊等等。除左漢堡外，都仲有好多特色小食。不過我爲求食個快既午餐（香港打工仔悲哀）就無考慮，直接叫左芝士牛堡套餐（套餐加$15有小食加飲品），番薯條控既我就加多$5改番薯條。全部都係新鮮炸同煎，所以要等等，但食物非常新鮮！漢堡麵包外脆内軟、漢堡肉juicy，不過略嫌漢堡入面千島醬鹹左D！不過整體都好高質！番薯條又係外脆内軟，厚肉薯條！分量都好多。唔會太鹹但唔點醬都好夠味！！如果唔係距離我公司比較遠，我應該會經常幫襯！

想食漢堡包 m記已經滿足唔到你 shakeshack嗰啲又太貴？咁你一定要嚟喱間小店支持下喇🤓喱度除咗常見嘅牛、豬、雞包之外 連羊、牛脷、蝦嘅包都有得俾你揀添呀！重點之中嘅重點全部唔過$60！！！ 仲要係慢煮出嚟有水準 真係講出嚟都嚇一嚇呀🤯.🍴烤菇芝士牛堡 HKD$55（套餐價+HKD$15） 小店實行即叫即整 但點完餐好快就有專人送上熱辣辣嘅burger喇個包有微微烘過少少脆身 夾住爆汁嘅大啡菇、半溶嘅芝士、超juicy嘅漢堡、炒過嘅洋蔥、生菜、蕃茄同沙律醬 個嘴細少少都一啖咬唔曬呀！大啡菇同塊牛都一啲都唔dry 大大舊絕對無偷工減料女仔嚟講 lunch單食一個包都夠曬滿足.推薦度：9/10

黎得尖沙咀又唔想排隊食晚餐嘅話就一定會黎嘉寶！ 平靚正！ 又唔洗同人排隊食物又正物超所值！ 難得媽媽未試過呢一間又鍾意食漢堡包！ 今次就帶佢嚟咗呢一間香港本地嘅漢堡包店！ 朋友介紹過一次之後就一直推薦左好多朋友嚟！ 憑良心講我個人認為香港最好食嘅漢堡包就係得呢一間！ 唔係講笑 呢一個價錢 一個人買單連啤酒可能$100但係香港地鋪租連人工仲要食物係咁好食有質素係你面前煮既餐廳真係唔多呢次就叫咗兩個餐加單買一個漢堡媽媽個餐嗌咗牛肉連蛋加培根漢堡 薯條價錢轉左番薯條。佢第一次食 食到讚不絕口男朋友就叫咗普通牛肉burger薯條轉薯格我就加埋叫咗一個羊肉漢堡我差唔多次次黎親都叫羊肉漢堡因為本身自己唔食牛而且好難得有地方會做羊肉漢堡其他地方都可能會有雞肉漢堡 但羊肉真係好少飲品就轉左本地嘅啤酒一個餐連嘢飲除翻平均都係$100以下喺尖沙咀食晚飯三個人只要$300就搞得掂又唔使排隊受人氣 可能你會覺得我讚得好誇張但係你自己試一次就會知道絕對冇誇大！ 好食過嗰啲過江龍嘅漢堡包店多多聲！

嘉寶小店原先係葵涌開業，今次係尖沙咀開漢堡包店，唔洗去到咁遠都可以品嚐到😋店舖係十字路口位，街道人流不多環境清靜，加上有一邊係落地玻璃設計，客人可以選擇坐高檯，一邊食一邊望街景，感覺舒服😌漢堡款式種類有好多，除左常見牛雞豬之外，仲有蝦堡同羊堡🙈🙈價錢仲要唔貴，最平$36就食到一個漢堡包🍔－－－－－－菜式1. 烤菇芝士牛堡 4.3/5👍🏻👍🏻小店漢堡雖然係即叫即整，但等候時間唔長。另外小店堅持以慢煮做主打，牛肉多汁之餘唔會散開，肉汁真係滴哂出黎😋建議可以效法西方漢堡包店，用紙包好一半漢堡方便客人，唔會食到成手都係🙈