嘉寶漢堡 (已搬遷) 新店位置

係尖沙咀返工有時候都會去韓國街食午餐，但有時候食得多韓國野都悶。所以最近經過韓國街反而去食【嘉寶漢堡】而唔係韓國野！本身以爲係港式漢堡，店鋪裝修啊野食都會好港式，但同我想象中唔同。店鋪裝修好新潮、内裏都比較細，不過都可以大概坐13/14人。漢堡有非常非常多選擇，有豬牛雞羊等等。除左漢堡外，都仲有好多特色小食。不過我爲求食個快既午餐（香港打工仔悲哀）就無考慮，直接叫左芝士牛堡套餐（套餐加$15有小食加飲品），番薯條控既我就加多$5改番薯條。全部都係新鮮炸同煎，所以要等等，但食物非常新鮮！漢堡麵包外脆内軟、漢堡肉juicy，不過略嫌漢堡入面千島醬鹹左D！不過整體都好高質！番薯條又係外脆内軟，厚肉薯條！分量都好多。唔會太鹹但唔點醬都好夠味！！如果唔係距離我公司比較遠，我應該會經常幫襯！