嘉寶漢堡 (已搬遷) 新店位置

一直都有食開呢間，不過平時多數都係外賣，今次見早左出門口又未夠鐘返工，於是就堂食☺️🍔 黑松露芝士牛堡加煎蛋 $56真係平民價錢 高質享受😋牛肉係先經慢煮然後再煎香，勁多肉汁真係一邊食一邊滴汁🤤🧀 炸芝士 $22即叫即炸，芝士怪必點🤩🤩🤩小店位置真小，坐位不多！想試嘅朋友真係要比啲耐性！不過，有樣嘢真係希望可以改善下，就係店內某位戴眼鏡嘅女侍應嘅態度，落單時已見佢西口西面，語氣亦唔友善，唔知以為我哋得罪左佢啲咩😒衰啲講句，我哋係嚟消費嘅，有需要受你面色嗎?!

間野都幾多人...叫左個外賣...等左15分鐘左右等堂食既冇郁過不過等既時間係值得既d野食真係好有誠意呀叫左個BBQ波蘿雞扒堡外賣加左薯條同7up雞扒煎得好香同埋唔會食到成塊雞皮口感都好好BBQ Sauce係融左入雞扒入面好入味亦都融入左Pineapple入面Pineapple 好甜食落係超多汁而且份量都唔係細起碼大過日本連鎖果d薯條又係勁好食一d都唔油!!!厚度又剛剛好好好食有機會一定要試下丫....

今次第二次幫襯，對上一次係6月前，我一心來支持嘉寶，但意想不到今次經歷很沒禮貌的服務態度。我到達時店外好長龍，在店外等了半小時，雖然等了半小時，但都一心要支持同路人，差不多輪到我時，我見到一位門面服務員，同時是收銀員，態度極差對每一位進店的客人，每位客人一入店內order食物時，個一位女服務員黑面加”妙”嘴，我當堂呆左！輪到我時，我不知道套餐連汽水，二當我想唔要汽水時，個位女服務員”妙”左我一位，加透大氣，我發誓下次唔想再幫襯。嘉寶一店掛住支持同路人、齊上齊落， 但唔好忘記黃店並不是免死金牌，食店須達到基本標準要求先可以留住客人，並不是掛住黃店招牌，之後黑面”妙”完個客，然後掛返個黃店招牌，客人會唔記得晒。每位客人都被你不禮貌對待，他們親自支持你，但感受並不好受。畢竟每位客人是親自行黎黎幫襯你支持你。

今天下午外出吃飯，經過尖沙咀金巴利道發現一間小店嘉寶餐廳，原來這裡售賣各種不同漢堡包，除了外賣，還可以堂食。雖然地方細小，櫃面購買後就可入座，這裡有2-4人或單人也可坐酒吧位。職員由落單到上菜都快而準。 首次吃還是試試芝士牛吧 ！ 等了一會兒後，熱騰騰香噴噴的送到了🤩 芝士溶化在牛肉上很正！枱上有紙巾供應，使得我不會太狼狽。開放式廚房所以香氣如薯條等等都向鼻子沖過來 總括服務態度、食物質素等都大致滿意, 可回頭！

最近好多人推薦一間本地即叫即整嘅burger 於是同朋友收工決定試下開頭心思思想嗌羊肉漢堡但最後都係決定嗌個經典啲嘅「香辣煙肉蘑菇芝士牛堡」（$42）羊堡唯有下次再試朋友就嗌咗個「烤菇芝士牛堡」（$50）同埋「蕃薯條」（轉套餐加$5）（由於店面比較細，所以要有心理準備坐逼少少）等咗十五分鐘，兩個漢堡黎終於黎啦我個香辣煙肉蘑菇芝士牛堡嘅醬汁好驚喜唔算好辣但夠哂惹味，同牛肉超夾！淨係賣相都夠哂吸引好食到唔記得影相添呀！之後我試咗朋友嘅烤菇芝士牛堡個烤菇又大隻又多汁有種好fresh 嘅感覺岩岩中和到牛堡嘅油膩感即刻想同朋友交換🤣但又唔捨得手上嗰個食到一半蕃薯條終於登場果然壓軸登場嘅都係好嘢！蕃薯條唔會太乾，口感結實，唔會太甜Feel到係用天然無添加嘅蕃薯塊炸出黎係其他地方好難食到蕃薯條真心推薦大家嗌套餐果陣加$5試下！對比起出面七八十蚊一個burger 嘉寶漢堡$40-$50就可以食到唔同風味嘅漢堡抵食之餘質素絕對拍得住連鎖漢堡店😜

之前有食過幾次嘉寶嘅葵興本店，今次出去尖沙咀就去試分店，特登等佢未開舖就去等，點知原來已經有更多人比我地早到，等咗半個鐘左右終於有得入坐啦，一開門就己經全舖滿座，原本好味嘅舖頭加上係良心小店，更多人會黎懲罰。 呢度嘅menu 大致同葵興店嘅一樣，重點係少咗薯粒(雖然我好鍾意食佢個薯粒)，包少咗一兩個option。 最後兩個人叫咗2個包，一個係黑松露芝士牛堡加生洋蔥，另一個係烤菇芝士牛堡加生洋蔥，1個加餐，再追加2隻雞翼。 等咗一陣就有得食啦，正～ 個包面同底都係焗過嘅，少少脆得黎帶啲鬆軟，咬落又唔會成個包散晒，餡料方面都係滿滿嘅，熔咗嘅芝士，加慢煮牛漢堡，仲有烤菇，仲有熟洋蔥，生菜，番茄， 成日都話食burger 都要加生洋蔥，因為係真係好夾架。 有啲人見到有支籤拮住包就會拎走佢先，但呢個烤菇牛堡實在太高，所以留返支籤係度做固定黎食會比較易食啲，而成個包非常juicy，烤菇同番茄都多汁，加上嘉寶最特別嘅慢煮牛漢堡扒，唔會煮到塊扒好乾身，咬落有好香嘅肉味同豐富嘅肉汁，記得搵野承住個底，因為實在好juicy。 至於黑松露芝士牛堡，松露醬嘅香味一攞就己經聞到，由於無咗烤菇，黑松露牛堡相對無咁

一去到門口就好多人排緊隊啦，六點幾去到排左廿分鐘先入到。店面細細，全場都係後生仔女居多。採取先排隊點餐後入座既方式。揀左芥末菠蘿漢堡轉牛肉，配薯格，加配炸芝士。漢堡醬汁有少少唔夠，但肉味新鮮，菠蘿又幾香甜，都幾香口🤩薯格好惹味，朋友既薯條亦唔錯，炸芝士就比較一般，食完無乜記憶點。好可惜既係想加點燒賣但係已經sold out😭 七點就已經賣哂，真係唔知講咩好😩整體黎講好值得一試，成個餐食飽飽只係六十幾蚊，不過要排長龍既話我就未必會再等啦。😝😝

今次第二次幫襯，外賣烤雞漢堡加原味雞翼，即叫即整熱辣辣，個包幾有咬感，額外加左烤菇都好juicy，雞件厚身亦系即烤，雞翼如果系全隻會更加正～呢個價錢尖嘴快食算唔錯了！

呢間朋友極力推薦！周六嘅下午一點幾嚟到，漢堡包款式已經賣剩牛肉同雞肉t^t，原本想嚟試羊肉漢堡，唯有下次再早少少嚟！最後點咗香辣煙肉蘑菇芝士牛堡同BBQ雞肉菠蘿漢堡；加配套餐—蕃薯條同薯格。等咗大約30分鐘，終於有得食了。蕃薯條同薯格都炸得好香脆，蕃薯條本身嘅蕃薯甜味好出，即使唔點茄汁食都好夠味；而薯條都有調味，帶點辣，好惹味。我點嘅香辣煙肉蘑菇芝士牛堡，漢堡肉好厚實，醬汁辣辣地幾惹味，好唔錯呀！而朋友叫嘅BBQ雞肉菠蘿漢堡bbq汁同菠蘿好夾，雞肉滑身煎得唔乾身；女仔食完一個包都好夠飽。會再encore！

晚餐時間7點左右去到已經排緊隊，等左兩張枱左右店內座位唔多，BAR枱單邊位4~5個，對坐位10~12個位，店內空間比較狹窄。如果住附近外賣番去可能仲好，唔洗等位又唔洗同人逼。當晚都見到不少人外賣拎走。餐牌友人點左: 蜜糖芥末菠蘿豬堡見佢一路食一路滴汁我點左：黑松露芝士牛堡都一樣勁多汁，即叫即整熱辣辣，牛味香濃不過食漢堡就係有D"呢HEA"，成手汁，個口又唔夠大跟餐再+$5轉蕃薯條，個人十分喜愛蕃薯佢呢個好食係好食，但又唔覺得佢特別驚喜。下次再食唔會加錢轉LU，薯條一樣咁好食。講到全晚最好食........炸。燒。賣！！！！小弟孤陋寡聞，真係冇諗過燒賣原來可以炸。炸燒賣個口感真係好特別好過癮，外面脆卜卜，內裡仲好軟糯，加埋沙律醬真係十個屋企自己都可以試下整呢到味道一流，貨真價實缺點係好多即棄餐具基本上所有器皿都係即棄....但係我都好明白紙盒成本係低過請個人洗碗

老實講一開始我期望並唔高 以為只不過係一啲低質嘅漢堡包餐廳，但我想講真係好好味，一個$50漢堡包可以去到咁高質，對於香港來講真係好難得。老實講依家食一個漢堡包都差唔多要80至$100以上，仲要咁嘅價錢都唔一定食得好味。相反呢間漢堡包價錢非常平民，質素亦都比出邊好多餐廳高尤其是個黑松露漢堡包，只係$50牛肉煎得來有咬口同埋鬆軟，而黑松露浸味非常非常突出，食得出餐廳用咗好多材料。加個餐只係10幾蚊喺出邊根本冇可能搵得到

呢間金黃店由612開始，所有罷工既日子佢地都有罷工架👏🏻～ 其實未有反送中運動之前，排隊食嘉寶既人龍已經唔短，化身成黃店之後就更加爆😆。專登趁平日既下午過去撞下彩，成功唔使排隊就入座🥳～佢既地址喺美麗華同諾士佛臺附近，都算易搵，而且黎遠已經聞到煎漢堡扒既香味🤪。-黑松露芝士牛堡 $50等左大約五分鐘左右已經食得！漢堡包外皮烘到微脆🍔，入口鬆軟，口感好正。漢堡扒經過90分鐘既慢煮，牛肉汁鎖哂喺漢堡扒入面🐮，食落超級Juicy💦，而且牛味同黑松露味都好濃郁🤩！黑松露混左少少沙律醬，所以入口酸酸甜甜，加埋生菜同蕃茄🥗，可以中和返漢堡扒既滯膩感✨。你見我有讚無彈就知真係好好食👅，食漢堡包唔一定要食M記，比多少少就有好西食😼-另外仲可以加$15轉套餐，包野飲同一款小食🍟，見到隔離食得好滋味，好想試下佢地既蕃薯條、薯格同炸燒賣🥺，可惜自己一個試唔到咁多。下次一定要帶埋男朋友陪我食🤪！

2019.12.30既一餐晚餐...坐下在尖沙咀區那個嘉寶漢堡店所謂店內雖小，肝膽相照相信大家對呢間舖都吾會陌生，主店在葵芳，分店尖沙咀，兩間店小弟都有幫襯過，質素依然係到店舖環境都比較細小，如果想坐得舒服絕對吾會，但因為坐位格局窄，加上播放一些流行音樂，相反令到同旁邊既人有種親密既感覺。PS:食飯途中，見到待應會用一些清潔液抹下客人用餐後的枱，再安排新客人就坐，呢點係做得吾錯！當晚去到已經是晚上9點，門口還有條人龍，約8個人，由於店舖快要關門，店員有數人數，然後亦有禮地告知客人可能要明天請早。(我係被選中進店的尾二小朋友)食物方面我點了一個B1 芝士牛堡 (含烤洋蔥)加煎蛋，薯條，罐裝汽水大佬出場(芝士牛堡)個麵包脆和軟，包含蕃茄，生菜，煎蛋，牛堡，秘製醬汁。一啖咬落去所有醬汁肉汁咇哂出黎牛堡自家製 多肉汁 無因為趕收工 煮過熟煎蛋做得出色 ，成個漢堡咬落去，吸哂啲蛋汁，令到個漢堡再昇華薯條(一定要試蕃茄醬)係粗身薯條但比較淋，小許鹽，咬落去有薯泥，吾會係啲空心薯條，但可惜我喜歡的外脆口感，上枱時油份都比較多。但個＂蕃茄醬＂就一定無得輸，係我想要既野，一定要試其實呢間漢堡店CP值真係

這次來到尖沙咀的韓國街不再是吃韓國菜了，而是去到街尾那間經常大排長龍的漢堡店朝聖！本想避免因繁忙時間而要排隊等候，我們早就在餐廳開店時間12時來到。到達後才發現餐廳大閘緊閉，店員仍在準備中，大概等到12時半才真正開門營業。✨ 烤菇芝士牛堡 ✨漢堡包中間夾着滿滿的配料，有烤菇、牛肉和蔬菜等，堆疊得又高又厚，非常足料。面頭的麵包經過烤焗，口感香脆，而主角牛肉漢堡每咬一口都溢出帶油香的肉汁，很好吃啊。大烤菇也烤得不錯，入口軟腍，跟芝士一起吃很夾。加$15可以升級成套餐，包一客指定小食和飲品，我們選的粗薯條是即叫即炸的，上枱時仍然熱辣香脆。✨ BBQ菠蘿雞扒堡 ✨另一款我們選了雞扒漢堡，雞扒外層煎得微微焦脆，內裏則是嫩滑多汁的雞肉。中間夾着又大又多汁的菠蘿，酸酸甜甜的消減了油膩感。麵包塗上了BBQ醬，令漢堡除了酸和甜味外更多添咸味，層次很豐富。跟套餐的薯格份量都不少，味道跟連鎖快餐店的差不多。雖然餐廳用餐環境比較狹窄，需要貼肩而坐，但整體價錢便宜又好吃，下次還會再來的！

🍔尖沙咀即叫即做鬆軟厚肉漢堡包 🍔請支持即刻俾心👍🏻仲有follow @eatgoodwesteatbadwest🍔尖沙咀金巴利道呢條街令人想起是好多韓國餐廳的地方，除了食韓國餐之外，其中有間人龍不斷的本土漢堡包小店，之前一直好想去食，因為佢成日罷工的日子佢又會唔開門，所以見到有開門即刻要去試下🍔B4烤菇芝士牛堡$55 + 套餐$15  上檯時個包四五吋高，入面有厚厚的大啡菇，同厚厚的牛漢堡，大大一個真心抵食，味道夾雜咗芝士洋蔥的香氣，漢堡肉質軟熟，好香牛肉味道，包烘得很香鬆軟，食完個包都飽🍔套餐跟了薯條薯格，即炸的薯格熱辣辣，餐飲選了熱薑蜜下下火🍔B2 黑松露芝士牛堡 $50+套餐$15🍔牛肉漢堡上有好多的黑松露醬，黑松露的香氣誘人，整體個包都超級香口，而且食落好軟熟成個充滿肉汁所以真係好好食🍔整體來講用呢個價錢買到新鮮即製漢堡真係抵食，而且食左兩款包都味道很唔錯，難怪無時無訂都要排隊,但等候的時間唔算耐