嘉寶漢堡 (已搬遷) 新店位置

餐版選擇多，而且價錢唔貴，雞牛豬羊任供選擇！好掙扎，想試烤布利芝士牛堡，因為好鍾意brie cheese，不過又好想試蜜糖芥末，仲有我最愛既菠蘿。最尾要後者。即叫即整所以要等啲時間。上枱時熱辣辣的。牛肉唔算勁靚牛，不過以呢個價錢絕對物超所值。包脆，菠蘿都烤熱得適中。唯一係略嫌蜜糖芥末唔係好出，同食到一半個包出水都幾勁，就變得唔脆。跟餐要左薯條，都好熱辣辣的！幾好食！佢仲有炸燒賣！好正！好耐無食過。佢好脆而入面質感都幾好。