喰楽

營業中

休息中

呢間餐廳擺咗入bookmark list好一段時間，今日放下午一於去食！餐廳座位唔多，枱與枱之間有屏風，非常之有日本風味，感覺夠空間。工廈中走上中上路線。主打當然係和牛，佢有唔同產嘅和牛產自日本、澳洲、美國。Meat Avenger Combo , 相當吸引！靚肉配上熱鍋～ 即刻食😋 日本和牛最有油香，入口即溶嘅感覺～ 配壽喜燒湯底好正！澳洲及美國和牛各有特色，肉質口感都幾好！除咗牛，仲有黑豚肉，肉味好香都幾好食。套餐仲有前菜，鍋入面又有豆腐之類，配飯～套餐仲有甜品雪糕杯。

午餐都可以食好啲，呢間餐廳成日好多人，上次試過Walk in冇位，今次預先book枱～午餐基本上有六個套餐可以揀，主要係壽喜燒鍋及月見牛肉丼。嚟到呢度當然要一食壽喜燒鍋～揀咗最豐富嘅肉類復仇者聯盟$228～有日本和牛、澳洲和牛、美國和牛及北海道豚肉～午市定食有三式前菜、日本雞蛋🥚、野菜鍋🍲及任添嘅日本米飯🍚，最後仲有甜品！前菜有沙律、芽菜海蜇、和風雞肉。個鍋新鮮熱辣辣，有菜、金菇、豆腐等等。主打嘅肉上檯，嘩，好靚😍啲肉全部都好靚～日本和牛真係最好食，肥美牛味香，點埋生蛋更加滑～澳洲和牛都相當唔錯，牛味都好香，而且肥瘦適中。美國和牛肉質較結實、牛香都不錯～最後仲有雪糕做甜品～呢個價錢有咁高質嘅肉食，真係性價比高！

隱藏工廈內的美食環境舒適，服務週到，店員會幫忙煮，也會講解款牛是那個位置。價格優惠，性價比高的一餐，朋友都喜歡超推介真心滿足。必須要訂位，等位都應該吃不到，因只有4台坐位。唯一要改善應該是抽氣，因都會全身有油煙味。

原來觀塘有間食和牛壽喜燒㗎重點係性價比好高餐廳好有和風家居feel，令人好舒服$228就可以食齊日本和牛、澳洲和牛、美國和牛 梗係揀呢個喇！食壽喜燒除咗牛吸引之外，個醬汁都係精粹所在醬汁味道甜甜地好惹味，甜味係恰到好處！米飯都好食喎幾有口感！巨峰車厘茄+野菜雞肉卷+牛肉漬物車厘茄好好食，好清甜嘅茄香雞肉卷都好有驚喜肉質好嫩滑！主角出場喇油脂分布好均勻，最上面2塊係日本和牛！肉質特別嫩滑有彈性仲有好濃嘅牛味，油脂香十足澳洲和牛一啲都唔差，雖然肉質相對下無咁嫩滑，有少少纖維口感，但我幾鍾意喎！而且牛味都好豐富美國和牛有啲口感，油脂唔算太多，但牛味都夠濃！除左有和牛食之外，仲有北海道豚肉肉質好軟嫩，又唔多脂肪最後仲有雪糕甜品添

今日同朋友仔去觀塘shopping 突然好想食壽喜燒 又唔想同人迫放題 OpenRice搵到間好日式格調 環境舒服嘅壽喜燒鍋試 -喰楽一入到餐廳就香噴噴🥰見到餐牌好興奮😍唔洗諗 識食一定叫「復仇者聯盟」😄😄尼個價有曬日本和牛 澳洲和牛都值 仲有北海度豚肉咩肉都試曬 多重味蕾感觀享受😜送餐好快 前菜已經好吸引巨峰車厘茄配和風沙律😃椰菜雞肉卷😍😄汁煮牛配蘿白個嘩…D肉塊塊都咁大件 職員好nice 👍🏻👍🏻服務好好 細心講解每款前菜肉類 好難得觀塘有咁好環境同服務餐廳個菜入面舖滿菜同菇類 日本和牛 雪花咁油脂分佈旺盛平均 口感軟滑 澳洲和牛 油脂和肉都好平均 口感彈牙 美國和牛好有口感 牛味好濃 仲有北海度豚肉 好香好滑食飽原來再黎甜品…讚👍🏻備註：🔺呢餐好滿晒 性價比極高 要encore下次帶媽媽黎式下

好姊妹約我出黎食生日飯, 知我中意食牛, 特意搵咗間位於觀塘工廈一間餐廳食和牛。餐廳面積細, 只有四張四人檯, 佈置簡單, 環境企理, 暗淡燈光營造和式氣氛。lunch set有數款定食, 有關東風壽喜燒鍋、丼飯等, 一場黎到當然想試多D款,就揀咗 【肉類復仇者聯盟】HK$228可以一次過品嚐四款唔同地方產嘅和牛, 包括: 日本產和牛、澳州產和牛、美國產和牛、北海道豚肉。LUNCH SET更附三式前菜、日本雞蛋、甜品。三式前菜不定時更新, 是日就有自家醃製蕃茄仔沙律, 蕃茄仔外皮已被去除, 令醃製過程中更為入味。甜酸交錯, 很醒胃!蟹膏甜蛋: 蟹膏濃郁甘香, 配上甜蛋, 配搭驚喜好味雞卷: 滑滑雞卷加上木魚絲, 微鹹帶甜壽喜燒鍋有小火興住, 湯底清甜, 味道剛好, 唔會太淡太鹹,入面有大量索湯嘅娃娃菜、金菇、芋絲、豆腐、東菇。每款和牛色澤嫩紅, 盡顯新鮮!日本產和牛: 含脂肪最多、分佈最平均, 肉質極之嫩滑, 牛味濃郁澳州產和牛: 肉質厚實一點, 但不是好鞋起渣果種, 肉味重美國產和牛: 脂肪最少, 口感適中, 介乎日本同澳州肉質之間北海道豚肉: 估唔到豚都可以咁嫩, 食完咁多款牛再食

喜歡食壽喜燒嘅朋友，這裡又係一個十分正嘅地方，不過一定要先訂位，因為這裡座位較少，因為想食客有一個舒適嘅環境可以享受一餐美味嘅壽喜燒，因此餐廳取捨密麻麻嘅安排！否則上到來等都沒有空位安排！望了餐牌，有A-E五款選擇選，我今晚點了D 嘅選擇有澳洲產M9和牛和日本產A5和牛，一次過有兩款頂級質素和牛！落單前店員先奉上壺白桃烏龍茶，個茶味有香濃嘅桃香，入口帶點甘香，留意好熱盪盪！先上三色前菜，有帆立貝，自家製漬物，接住店員按選擇嘅餐上了菜，一份野菜拼盤及一碟切好了嘅頂級和牛，起初我以為是自己操刀，但原來係店員為我們燒，在爐上加上壽喜燒汁，先將日本產A5和牛牛肩位置燒，店員用純熟手勢，兩三下就可以享用，牛肩肉配上日本雞蛋味道更加嫩滑軟熟，當然就咁食肉味都十分濃郁！接住就係沙巴當，望見未燒前肉片上嘅油花多，燒完後入口肉味濃，比牛頸脊更淋，真正入口即溶，正！店員中間時間會間一間開，煮一下野菜拼盤內嘅疏菜，一樣用上壽喜燒汁煮，疏菜十分入味，個香菇煮得十分香軟入味！再來就係三筋位於肩甲骨內側連著三條筋腱的部分，不是最多油脂，但霜降分佈一流，而且牛味非常濃郁，被稱為「幻之肉」，今次可以品嘗到佢嘅味道，配

閨蜜對壽喜燒有不解的情意結，早前帶我到觀塘工業區，享受了頓 CP值超高的壽喜燒套餐，在有限的彈藥中，吃出最高價值！『喰楽』只有4張枱，這次即興等位，半小時就可以入座，好好彩，店內裝潢簡約雅緻，燒肉少有地全程有店員幫忙，令人感到非常放鬆！甫坐下，店員就送來超香的白桃清茶，啱晒食完牛肉飲，好解膩呀！！晚市主打關西壽喜燒，餐牌內有不同款式的肉類套餐可以選擇。店員介紹 E 餐包含美國牛肉，澳洲M9 和牛， 熊本縣A5 和牛，還有三式前菜，野菜拼盤，雜炊飯，甜品，非常豐富， 馬上開餐 ！！！ 🔸 E - 肉類復仇者 $458 （位）前菜：貝柱沙律＞漬物拼盤＞野菜雞肉卷貝柱沙律加入了櫻花蝦和黑醋，清新又開胃。漬物拼盤最特別，釀茄子吸滿壽喜燒湯汁，柚子大根爽脆， 巨峰提子漬物味道甜酸獨特。野菜雞肉卷都唔錯，包住青豆同甘筍，配上日式燒汁， 香口又惹味。 🎯 肉類復仇者拼盤有圖有真相，和牛色澤鮮紅亮麗，油花細密得令人眼前一亮，想不到在工廈都能食到如此高質的靚牛！！重頭戲，店員熟練的用牛油及大蔥開鍋後，加入秘製壽喜燒醬汁和清水煮滾後，就開始煮牛啦，陣陣牛香撲鼻～～A5 和牛肩胛芯燒好的和牛肩胛芯

今日想介紹一間我好欣賞的觀塘小店，堅持堅持做到最好，欣賞佢一個舖位只接四台客人，保持服務質素，店員跟食客有交流，上菜節奏控制得剛剛好。記得要預先訂咗位，walk-in 可能會冇得食㗎！白桃烏龍茶🍑喜歡優雅的裝修，充滿日式風情，首先飲一杯白桃烏龍茶，清一清喉嚨。三式前菜擺盤別緻優雅，小小的前菜盡顯心思：刺身小貝柱沙律、自家製漬物、野菜雞肉卷🫔 十分開胃美味。Combo D 澳洲產M9和牛 & 日本產A5和牛 $398/一人前澳洲產M9和牛店員首先奉上澳洲產M9和牛，牛肩位～ 西冷位置，脂肪油花漂亮到不得了。壽喜燒和牛滿滿的鋪了一桌，和牛每一片都有手掌般大，值得細心欣賞雪花般密佈的大理石紋，未開始食已經感覺到幸福。澳洲產M9和牛店員會用和牛的牛油刷鍋打底，再把牛肉放煎烤，七成熟剛剛好。澳洲產M9和牛西冷位置口感軟嫩，配上關西風壽喜燒湯汁一起煎煮，味道濃郁可口。日本和牛 軟墊 部位 ～Zabuton 沙巴當沙巴當名字很特別，即是上肩里脊肉，一般都是高級靚牛獨享嘅稀少部位，極度珍貴，特點是油花多、肉味濃，肉質更淋，真正入口即溶。入口香嫩順滑，肉味越嚼越濃，還有喜歡壽喜燒特有的微甜。日本和牛 三

今日放工 想食啲高質壽喜燒就約朋友去了在觀塘的喰樂前菜是柱貝 醃製過的巨蜂提子加上櫻花蝦/柚子豆腐軟林清甜/蟹膏蟹肉燒玉子蟹膏份量十分味道濃郁前菜已經覺得很出色美國西冷壽喜燒煮法更入味/澳洲牛板腱牛味濃 油脂適中肉質新鮮/日本和牛有牛腰尾脊這部位比較彈牙乾身 爽口/牛肩脂肪多啲油脂令牛肉更香口肉質軟綿入口即溶/三根位置脂肪適中新鮮靚牛/赤身肉味較重脂肪少整體上和牛都是非常高質還有疏菜盆有洋蔥 菇菌 娃娃菜 可以消除肥膩感覺十分豐富最後仲有日式炒飯腱蛋漿造出黏結的口感 味道不錯食埋甜品 非常滿足整體上服務有95分非常貼心 而且會在旁協助燒食物令火喉味道保持高水準

和朋友慶祝生日特地預約了這一間 — 喰楽一嘗正宗日本壽喜燒簡約裝修 有種溫暖和諧的感覺不同肉類種類的晚市套餐我們都選擇了肉類復仇者 樣樣都試到是夜 — 伯爵茶店員服務細心 會留意著茶的濃度三式前菜粒粒柱貝沙律配上櫻花蝦 並以和風醬最特別的是調味醃製過的巨峰提子 多重滋味柚子蘿蘿豆腐 味道清新蟹膏蟹肉玉子 入口濃濃蟹膏香 口感也不錯 正肉類復仇者包捨美國產牛肉 澳洲產M9和牛 日本產A5和牛不同部位 不同滋味 而我最喜歡的還是日本和牛日本和牛配上壽喜燒是最佳拍檔片片A5和牛帶雪花紋 望見已經好吸引以甜甜的壽喜燒汁略煮後入口味道更鮮甜 不禁吃完一片又一片吃壽喜燒當然要配鮮雞蛋略煮後的和牛沾上生蛋質感更細滑 味道更多層次 配有蔬菜 如鮮冬菇、皇帝菜和蘿蔔等與肉類間隔著吃 好味道之餘又能解貳 壽喜燒必備最後還有特製的飯點是第一次吃的風味 特別得來也不錯吃男士來也不用擔心分量問題 絕對飽腹而歸

之前在網上見過lunch set抵食...但只有一至五提供...唯有就啱時間先可一試...全場得十六個位...疫情期間枱距離分隔得很好...亦是加分地方...店員會介紹是日前菜係咩...選了澳洲和牛...牛味重...跟餐日本米煮既飯可添加...由於個人喜歡烏冬加$10轉了...火鍋湯底不會太重...好清..可食到食材鮮味...是日甜品係海鹽雪糕整體來說環境舒適...服務很好...食物有水準..lunch 抵食...下次要試日本和牛😄

~以下內容比較長 一句講晒就係值得一試~呢間小店唔大 面積與公屋二人房相若只有寥寥四張枱 所以隔離枱稍為大聲少少就已經好嘈事關席前料理來說 店員嘅介紹都係重要一環小編就非常不幸遇到中意大聲傾計嘅隔離枱🥲以至於店員介紹嘅時候我「咩話」左幾次都聽唔清最後放棄左(寫錯或寫得唔清楚嘅話大家多多體諒🤣)雖然只有4張枱 但係座位闊落坐得好舒服而且枱與枱之間有日式屏風隔住 感覺上私隱度會高啲.一坐底店員已經奉上一壺白桃烏龍 已經覺得好溫暖❤️Dinner Menu有4️⃣款可以選擇:👉美國產牛肉 $358/person👉澳洲產M9和牛 $358/person👉日本產A5和牛 $458/person👉澳洲產M9和牛 & 日本產A5和牛 $398/person👉肉類復仇者 $458/person (簡稱乜都有😂)自從食過所謂平價omakase之後上左一課學到一係唔食 要食就食最好😍所以果斷選擇最貴嘅日本和牛🇯🇵大食嘅朋友亦可以選擇之後追加小食同牛肉小編同朋友食晒成個set就已經覺得非常足夠👍.🎈三式前菜店員建議我哋由左邊到右邊開始食👉刺身 當日嘅刺身係小柱同沙律 日式沙律醋酸酸甜甜非常開胃👉漬物 有蕃茄 茄子

上一次來到駱駝漆大廈3期，搜尋到幾間日本料理，最後光顧其中一間；而這一次來到附近，便前去試試另一家有興趣的餐廳位置（8/10）：設於工廈9樓，不是先搜尋基本上不會發現。不過工廈位置本身夠方便。由港鐵觀塘站B1出口步行約3分鐘環境（9/10）：餐廳走日式簡約路線，燈光明亮，座位寛闊，空間感足，環境舒適，走親民路線服務（10/10）：設梳化供客人等位及在座位提供消毒潔手液，相當貼心。店員會全程幫忙燒煮壽喜燒各種食材，席間會跟客人交流，比不少高級日本料理有更好的服務食物（9/10）：餐廳主打關西壽喜燒，食材來自日本、南韓、澳洲及美國，質素高而新鮮。由於不像關東的壽喜燒般用鍋煮食，而是用煎盤燒，用時更長，卻更能帶出食材的美味肉類復仇者 ～ $458/位我和太太選了二人份的肉類復仇者套餐，主要因為各種牛肉我們也想試試白桃清茶先上的是一壺白桃清茶，帶有一股淡淡的桃香，味道微甜有點潤喉的感覺，是很清新的花草茶三式前菜貝柱蝦乾沙律～在沾上酸醋的沙律上加入大量蝦乾及貝柱，既鮮味亦開胃漬物～有壽喜燒釀茄子、柚子大根及巨峰提子。茄子用店家自調的鮮甜壽喜燒汁處理，並切成菇狀，甜美鮮味。漬物蘿蔔酸酸甜甜，加上柚

自己不常吃壽喜燒,但今天與朋友來到的這家日本店卻讓我感覺很不錯. 我們2點來到, 坐下之後店員斟白桃烏龍茶, 桃香味不錯. 我和朋友很餓, 叫了 "肉類復仇者聯盟" 就是4種肉都有: 日本, 澳洲, 美國和牛 還有北海道豚肉. 大概等了15分鐘就上來咯. 三式前菜包括自家釀番茄仔沙律,海蜇 還有一口鷄肉卷. 番茄仔很Juicy, 又夠甜, 很特別呢! 而海蜇&鷄肉卷發揮正常.野菜鍋不久也滾了,我先吃日本和牛, 油脂很足, 入口的飽滿感是幾種肉之中最足的. 然後澳洲牛肉質是很嫩的, 配上蛋漿吃滑滑的更不錯. 美國牛的牛味較重, 吃到後面也能感覺到牛的味道. 而豚肉發揮則正常. 朋友吃完一碗飯覺得分量很夠, 不過我還加了個烏冬呢, 可能是太餓吧哈哈. 將烏冬放進滲著不同牛的湯底, 吸收精華, 也非常好吃! 這一頓壽喜燒我很滿意.總的來説, 這家會推薦給喜歡壽喜燒的朋友呢!