喜點.鮮鍋粥底火鍋點心專門店 (已結業)

步入秋天,飲食習慣隨之而改變,今日收工後和同事去左試粥底火煱,地點係青山道天悅廣場喜點,之所以揀呢間,除左係交通方便之外,最想試佢地$258海鮮粥底火煱餐廳位於青山道那邊地鋪,餐牌有多款火煱生料,海鮮,刺身供點選,連生蠔都有,但我地最想食都是粥底火煱套餐套餐包竹蔗水及豆漿任飲,竹蔗水自家製,唔算甜幾清潤套餐包大大個海鮮拼盤,有海蝦,黃金蜆,貴妃蚌,鮑魚,蟶子,頂級肥牛,當然唔少得每位半隻生猛龍蝦龍蝦即劏即食,勁多羔,而且肉質爽彈,味道鮮甜,勁正鮑魚彈牙有咬口貴妃蚌相當鮮甜,廚房已劏乾淨,可以成隻食用海蝦係最大隻級數,當然夠晒鮮味蟶子十分爽口,淥三分鐘即食,味道鮮甜頂級肥牛真係好頂級,牛味濃肉質又夠腍,極高質套餐還包八款散叫生料豬潤大塊又新鮮,非常爽口, 炸魚片大大塊夠彈牙即炸魚皮極之大塊,店員話可即食,果然夠脆口,有魚香味順德釀冬菇,冬菇釀左魚肉,味道提鮮很多,魚肉彈牙自家製墨魚丸,是手打,墨魚味濃又夠晒彈牙,必點食完火煱加入南瓜,芋頭粒,即變成海鮮粥,粥底吸收左各類海鮮精華,鮮味十足,吃完飽晒,超級滿足

長沙灣一向是各國美食的卧虎藏龍之地，今次光顧的這間火鍋店，以海鮮聞名，就等我們這班餓底潛入一窺究竟！粥底火鍋海鮮套餐有兩種選擇，我們點了龍蝦海鮮拼盤，該定食套餐加配八款任選食材，每位只收200幾，抵食啊！ 海鮮拼盤除了有每人半隻生猛龍蝦外，還有多寶魚、海蝦、鮑魚、貴妃蚌、紐西蘭蟶子皇、黄金蜆……頂級肥牛、炸魚皮、脆皮芝士腸、日本黑豚肉、花膠、順德釀冬菇、炸響鈴、鯪魚滑、魚皮餃等。 每枱附有品嚐各種海鮮所需的時間(分鐘)，這樣就可以跟著放湯、計時，煙靭度適中，不會灼得過老失鮮味，又不會唔熟吾食咁危險！！-) 這兒的海鮮用料上乘，最適合海鮮控。食完仲可以加上南瓜、芋頭、粟米混入粥膽同配菜：豬油渣、莞茜、菜莆、大頭菜及冬菜，滾它5至10分鐘，一鍋充滿肉汁和海鮮精華的粥品即可品嚐。飲品方面，有無限量添飲的竹蔗水、豆漿、涼茶、汽水等。

一直以來, 我好少去長沙灣找尋美食的, 但因旺角, 尖沙嘴, 銅鑼灣實在開飯太多, 近期想尋找新地方享受美食, 今晚同友人去食位於長沙灣青山道天悦廣場地下的"喜點.鮮鍋粥底火鍋點心專門店"試一試！因為今期新勢力是粥底火鍋~多以套餐形式供應, 配料以新鮮海鮮為主！首先我們用米粥底品嘗多款食材！今晚主食是生猛龍蝦(每位半隻)~爽口彈牙, 啖啖肉的！多寶魚~嫩滑無比, 大大條！生猛海蝦~彈口非常, 滿口鮮香！ 新鮮鮑魚~軟綿Q彈, 鮮甜美味, 令人回味無窮！貴妃蚌~ 大大隻的, 爽嫩多汁！紐西蘭聖子皇~足足有三, 四吋長, 爽滑富彈性！黄金蜆~QQ的, 鮮味十足!同頂級肥牛~牛油花分布均匀, 帶有恍如大理石的紋路, 牛味突出, 油脂豐膄甘香！其他配料還有炸魚皮~全晚最有驚喜, 新鮮即炸, 上桌還熱辣辣的, 帶點辣味, 脆口之餘, 惹味十足！脆皮芝士腸~一咬爆開, 滿嘴都是芝士香！日本黑豚肉~煮好後還保持肉質嫩滑, 肉味濃厚, 食完一件接一件！花膠~滋補養顏, 入口順滑, 據說對身體很是有益的,令我食到停不了口！順德釀冬菇~將魚滑釀入冬菇, 口感豐富, 健康無負擔！炸響鈴~即炸即上桌, 外脆內

男人的浪漫唔一定係豆腐火腩飯，去「滾」就係我老公的浪漫首選，唔好誤會，係講緊打邊爐啫😅。老公生日梗係食佢最鍾意的海鮮粥底火鍋啦。上一次黎食已是個零月前，個餐有少少唔同左，除左冇左加錢轉任食，海鮮主食的款式都少左，沒有桶蠔，改上黃金蜆，海沙白也沒有了，要另外order。值得一讚個聖子皇，真係超大隻👍🏻，龍蝦鮑魚都好鮮甜👍🏻。叫左個三文魚刺身做餐前小食，雖然唔係叫三文魚腩，但都相當肥美，餐牌上寫明足1磅，只有8片，應該唔夠秤，但只係$68，算抵食丫～飲品方面，雖然保持任飲，但款式少了很多，所有罐裝飲品，如汽水、烏龍茶都沒有了，只有豆漿及竹蔗馬蹄水，我大肚唔敢飲竹蔗馬蹄水，老公話味道好淡，好似冰水👎🏻，豆漿還可以，唔太甜啦。頂級肥牛本來係喜點同大煲皇的招牌配料，可惜今次令人有點失望，沒有牛味，而且雪味重👎🏻，美國肥牛比頂級肥牛仲好味。火鍋配料增加至8款，我哋叫左手切肥牛、日本黑豚肉、滑牛、滑雞、即炸響鈴、雲吞、自家製墨魚丸、魚皮。睇前人的食評，話份量少左，我見今餐同個半月前的份量相約，並没有減少，雲吞、墨魚丸、響鈴等，每人都有兩粒，份量夠的。最後食左兩碗粥已太飽了，唔想嘥左個粥底，還打包左碗

成日收工 經過見到 呢間野 每次都幾多人 一直想試，終於同女朋友2人book左6點半 ！入到去，環境夠大 坐位夠舒服！叫左侍應幾次都無人黎比餐紙我 雖然我見到係好多客，咁終於有個女侍應比左張餐單我地 、有龍蝦餐258$同蟹餐198$ ，我地二話不說 就叫左2人龍蝦餐 ，吾洗2分鐘 一鍋奶白色粥水上台了（我心諗洗吾洗咁快）再隔1分鐘 2人龍蝦海鮮盤同一碟肥牛就係面前 ！比個讚！有心機！擺得靚！（見圖）我女朋友就手機食先、海鮮包括有 一隻大龍蝦 成隻手咁大 ！帶子...洗得好乾淨 ！包魚 望落大隻！仲有吾知咩魚肉 ！吾理 開餐！有餐牌教你煮幾耐 我地跟足餐牌時間 超正！但我地發覺係無龍蝦時間 ！跟住問侍應 ！佢叫我地煮10分鐘 ！ 果然無呃我地 剛剛好 ！跟住有8樣火鍋料揀 揀左墨丸 同 超長蟹捧 ，貢丸 同菜 墨丸好食 值得推介 食完 叫過侍應幫我地落粥 佢羅碗粥過黎放低就走左 ，我食過兩次鍋心都會有人幫煮粥 呢到就無算數 自己黎 ！一樣好食 兩人埋單56x 貴鍋心小小 食物同環境 好好多 只係無人幫手煮粥 ！希望下次黎會改善到！

已經有好一段時間沒有和媽媽出外打邊爈了，近日同事介紹了這一間粥底火鍋店給我，放工後，就與媽媽一同前來。餐廳的佔地非常大，感覺開揚，裝修新淨，感覺整潔。待應亦非常風趣幽默，主動向我們推介食物。凡點選粥底火鍋，飲品都是免費及自取，當中包括豆漿、庶汁及夏沽草等降火飲品。我揀了竹庶水來喝，味道不會過甜，非常消暑解渴。粥底火鍋分了好幾款，價錢由HK$198起，全部都是兩位起。由於我與媽媽都愛吃海鮮，所以點了每位HK$258位的粥底火鍋。內裏的材料非常豐富，包括時令生猛海鮮盤，多寶魚、頂級肥牛，還可以自選8款火鍋配料。記憶中我好像第一次吃粥底火鍋，確實有點「大鄉里」，開始時還以為形式會蒸氣火鍋，上層放海鮮，下層就是米粥，但原來是將材料直接放粥底內涮。頂級肥牛這裏的肥牛非常好吃，牛肉脂甘味重，肉味香濃，口感鮮嫩。多寶魚多寶魚相當新鮮，魚肉味道鮮甜，有魚味，只是魚骨有點多。海鮮盤內包括有龍蝦、鮑魚、貴妃蚌、海蝦、蜆等等。龍蝦雖然不是很大隻，但勝在夠新鮮，而且肉多，入口時蝦肉超爽彈，味道鮮甜。吃飽後我們還將龍蝦殼放在鍋內餚湯，令粥底變得更鮮味。鮑魚口感軟熟得來又不失彈牙，而且鮑味濃郁，一啖放進咀裏，相當

突然心血來潮想食粥底火鍋，但一街之隔的鍋心如果冇提前book位既話除非11:00後宵夜時段，根本冇可能walk in有位，所以決定試呢間，雖然開咗一排，但今次係第一次試食，一入到去就sell貴果個龍蝦套餐，當我們示意食蟹果個套餐即面露不悅，沒人招乎，海鮮還可，其他配料唔得，個鍋會痴底，到打完邊爐食粥完全沒有人幫手隔渣同煮粥，只放底粥就叫我地自己黎，我地外人點知份量，結果煮完好難食就冇食到，想抄人地又抄唔足，完全失望，唔會再幫𡤅

屋企附近開左間超正粥底火鍋，以後唔洗搭車出去，行兩步就食到好野店內有散點有套餐，而我地一人四行就揀左$258一位既套餐，包七款海鮮，一份手切牛，8款自選配料，豆漿涼茶任飲，本來仲擔心唔夠食，最後係食唔哂做左大嘥鬼，原來每樣野份量都好大~師傅預備海鮮時，我地食住牛等~手切牛紋路清晰，色澤紅潤，口感鮮嫩~卓一卓就食得~yummmmm海鮮多到要分三盤上，第一份係龍蝦，聖子王，貴妃蚌~啖啖肉好滑既多寶魚~海蝦，蚬，鮑魚~全部都好新鮮~海蝦永遠都係我最愛，爽彈鮮甜~鮑魚size一d都唔細，夠厚身~自選配料當中，釀冬菇必食，鮮冬菇釀入魚肉，口感豐富，家鄉風味濃濃~脆肉鯇都係火鍋不可少~雲吞同墨魚丸都不錯，雲吞包住鮮蝦，漲卜卜，平薄餡爽~墨魚丸滑身，仲食到粒粒墨魚肉~最後就要加米糊落個充滿海鮮同各種配料精華既湯底入面住食粥，雖然已經好飽，但都忍唔住食左成碗~

爸爸今天忽然放早, 打電話約我去食打邊爐, 想起上星期和好朋友經過長沙灣天悅廣場有間叫"喜點.鮮鍋粥底點心專門店, 看來好似唔錯, 所以就約左爸爸來這裡打個邊爐~ 喜點.鮮鍋這裡主打有米粥鍋 + 邊爐, 有二款可選, 一是HKD 258 (二位起)/ 位, 限時2.5小時,有生猛龍蝦, 多寶魚, 海鮮, 鮑魚, 貴妃蚌, 聖子皇, 黃金蜆, 肥牛而另一款平少少的就HKD 198 (二位起)/ 位, 同樣限時2.5 小時, 有肉蟹 (每位半只), 多寶魚, 海蝦, 鮑魚, 貴妃蚌, 海沙白, 黃金蜆, 肥牛我們點了有 龍蝦那款~ 服務員很快送上湯底, 亦送上一碟有粟米, 南瓜, 芋頭粒用來作之後的米粥用他着我們先放上粟米在湯底上, 就可以先打火鍋, 我試了湯底都幾清甜, 就快快送上粟米來開始了~ 海鮮盤都很快送上來, 份量十足, 這個是二人份的, 包括剛才提到的有生猛龍蝦, 多寶魚, 海鮮, 鮑魚, 貴妃蚌, 聖子皇, 黃金蜆~ 肉眼望上去, 全部海鮮都非常新鮮, 亦有海鮮淡淡的香味~ 鮑魚 - 每人一只, SIZE唔算細, 都幾大隻, 肉質又爽又厚, 食落去好彈牙, 正! 貴

上星期二晚上，突然好想吃火鍋，所以好友就帶我去了這間火鍋店火鍋。店鋪裝修很不錯，乾乾淨淨的。座位也很舒服。我們叫了粥底火鍋B餐。他們一來就來了一碟肥牛。肥牛很新鮮，脂肪比例非常之平均，厚度也不錯，而且牛肉味，很好吃。再來有海鮮拼盤。想不到他們有奄仔蟹，奄仔蟹非常鮮甜，蟹肉彈牙，很新鮮。更想不到他們有鮮甜嫩滑的多寶魚。多寶魚很好吃。還有4隻新鮮大蝦和大隻鮮鮑魚。聖子超大隻，又鮮甜又爽口。蜆也是甜美的。我很滿意他們的海鮮拼盤。他們的湯底也不錯，有甜粟米和南瓜和芋頭粒。其實我們點的菜也不錯，尤其是墨魚丸，非常彈口，又有墨魚鮮味。食物很好吃，所以我們叫了啤酒來一起吃。總概來說食物很新鮮，價錢也抵吃。

好耐無食過海鮮啦，今日專登叫朋友陪我黎食呢間粥底海鮮餐廳，皆因我見佢網上面好多好評，咁我當然不容錯過。我地點咗兩個$198套餐，食完海鮮後仲可以揀8款火鍋配料。湯底係奶白色既米水：奄仔肉蟹好多膏，睇見都流口水🤤一大盤海鮮蝦肉好彈牙新鮮！！鮑魚係我至愛，好煙韌唔痴牙貴妃蚌好鮮，夠晒肥美大隻！海沙白都好肥，煮熟咗之後脹卜卜，食落仲有啲海水味黃金蜆隻隻都好新鮮，一落水就開晒殻，好甘甜！食完海鮮就打邊爐，但係食火鍋料之前落咗啲南瓜芋頭先，令到個湯底豐富啲同埋甜啲，準備一陣加粥！安格斯肥美好惹味，肥瘦分明，牛味濃！最後煮粥，吸收晒湯底精華，粥底勁綿，黃金色一大盤，正！

一行9人點左$258餐，海鮮聖子唔錯，貝殼類沒有沙，分量頗多，其中多寶魚好好食，牛肉唔錯，自選豚肉、墨魚丸好味，食到最後食埋鮮味嘅粥好飽。任飲豆漿亦唔錯。以呢個價錢好抵食。

今晚約左朋友係長沙彎食粥底火鍋，朋友話想食海鮮，但出面食得粥底火鍋海鮮基本都要$300+，月尾時候當然要精打細算上Openrice見呢間食評唔錯，價錢合理，又近朋友收工，就決定一試😎店內坐位寬敞舒適，地方夠大，又有大電視$258同$198分别係龍蝦同聖子強烈建議比多$60揀A，因為隻龍蝦絕對值回票價$258包指定7款海鮮+頂級肥牛，另再自選8款火鍋配料，另竹庶水豆漿任飲餐廳好體貼，每枱都有餐牌教食呢個粥底既次序，亦都有寫明每款海鮮要烚幾耐原隻龍蝦，非常新鮮烚起好易去殻，原條龍蝦肉入口肉質爽口彈牙，而且非常鮮味海鮮盤，每款都好鮮味又新鮮，抵食大大隻鮑魚除左鮮味重好彈牙有咬口頂級肥牛雖然海鮮係主角，但頂級肥牛都絕對不容忽視🤤肉質嫩滑、肉味濃蜂巢豆腐、貢丸、釀冬菇釀冬菇都絕對要試豬潤炸魚皮，夠脆，淋上少量辣粉提味更惹味油麥菜、鮮雞件、肥牛非常滿足

上星期日(22/7) 同朋友黎呢度打邊爐，㨂咗$198 海鮮好新鮮，奄仔蟹超多羔，自選8款食物份量足夠，每款每人都有兩件，食物份量岩岩好！相隔4日(26/7)，再同朋友黎食粥底海鮮餐，發現自選食物份量減了一半，墨魚丸前幾日黎食每人有2粒，今日黎食就每人得1粒，超失望。問舖頭啲人點解份量少咗，佢哋話係呀，減咗份量🙄🙄減咗份量又唔見減埋個價錢？😤😤 如果呢個價錢得呢個份量，我以後應該唔會再幫襯😑😑應為係唔會食得飽🤷‍♀️

近年粥底海鮮火鍋選擇越來越多，見到上網推介呢間好平十足，而且價錢公道，今日一於約埋朋友過嚟一試！首先套餐有得選擇平啲嘅$198餐，或者貴少少嘅$258餐，最大嘅分別就係在於一個食龍蝦一個食蟹，我同朋友決定豪一豪就揀咗食龍蝦餐！叫完套餐之後就可以自己出去調醬汁，雪櫃嘅飲品全部都係任飲！首先嚟咗粥底水同粟米、南瓜、芋頭，呢啲嘢就唔需要落住，等食晒所有海鮮同埋火鍋配料之後，一次放落去滾海鮮粥食🤓海鮮拼盤十分豐富😍有成九款唔同既海鮮，而且海鮮分量十足，仲非常新鮮，鮑魚同埋蝦仲識郁，龍蝦長過男人既大手板！蜆類既份量係夠多到食唔曬，性價比確實相當高！之後我哋仲有六款唔同嘅火鍋配料可以選擇，而配料選擇種類都有好多，大致新鮮，值得一讚嘅係手打墨魚丸，爽口彈牙😋食完之後最後將所有粥底配料放落去滾海鮮粥，海鮮粥鮮甜，精華所在！