喜點.鮮鍋粥底火鍋點心專門店 (已結業)

粥底火鍋近兩年開始興起，我只係食快餐店既粥底火鍋，今次就等我試下一個正宗既粥底火鍋先呢間餐廳係以人頭計，有兩種套餐可以揀，主要係包果8種主食唔同我地就揀左$198呢個套餐，除左8種主食之外，仲可以自己配搭6款配料，55款配料，實有一種岩食因為係第一次食粥底火鍋，所以其實都唔知煮粥底火鍋既步驟，餐廳係呢方面非常貼心，除左有介紹粥底火鍋既來源之外，仲準備左個詳盡既教學比食客參考由於呢間餐廳既粥底火鍋係主打海鮮，所以每一類海鮮佢地都有建議既烹調時間，我地有呢個guideline跟住黎煲，一定唔會煲過左火個湯底黎左喇，就咁睇好似米水咁既色，但其實食落好夠味！呢一大盤係個套餐包既8種食材，包括：奄仔肉蟹(半隻)、多寶魚、生猛海蝦、新鮮鮑魚、貴妃蚌、海沙白、黃沙蜆、頂級肥牛，我特別欣賞下面果幾種食材：一人一隻又大又肥美既鮑魚半隻奄仔蟹，蟹殻有少少蟹膏，蟹肉好鮮甜！黃沙蜆，每一隻都好新鮮，放10隻落煲，10隻都開口，肉質彈牙，又有鮮味！呢碟頂級肥牛真係要讚一讚，最中意既係D牛唔會好肥，而且好有牛味，估唔到除左海鮮出色之外，連肥牛都咁出色！根據教學，食晒D海鮮之後，就要將南瓜、芋頭同粟米放入個煲入面慢

星期二，我地好乖咁陪媽咪去長沙灣睇醫生，睇完醫生之後，我地就諗住係附近食埋晚飯先返去。行左一陣，就發現左呢間餐廳，係食海鮮粥底火鍋，因為媽咪想食，所以我地就揀左呢間。我地就揀左個$258既餐，可以有多d海鮮首先，已經嚟左個粥底先，但係已經好快咁上左d海鮮，真係好豐富。好似有龍蝦、鮑魚、帶子、蝦、蛽...真係應有盡有個龍蝦真係好新鮮，放係個鍋度，仲好生猛，而且龍蝦肉好爽好鮮甜，仲有蝦膏添仲有成條魚，真係好豐富，真係食海鮮都飽喇仲可以揀6款配料，上面個個係美國肥牛，下面個個係西班牙豬肉，估唔到個美國肥牛都好好食，有牛肉味，肉質仲好滑。西班牙豬肉脂肪比較多，但係好爽口呢個係滑雞，都有成大蝶。放埋d雞入個鍋度，加埋d配料，就可以成為雞粥

上星期同朋友一行二人慶祝生日，大家都很想食海鮮，但早前已經去過食蒸氣海鮮鍋，於是就找這間粥底火鍋店，同樣有海鮮食但食法就不一樣。店舖有兩款粥底火鍋可以選擇，分別在於主食，一款有龍蝦、聖子配桶蠔，價錢比較貴一點，另一款有蟹、海沙白配蜆，價錢就平一點。兩款都配有鮑魚、海蝦、貴妃蚌、魚和肥牛，作為蟹的忠實粉絲，我們選擇了較便宜的肉蟹粥底火鍋。選擇主食之後，就可以從餐牌下面的配料中揀選六款，共有50多款可以選擇，每人多加＄30就可以無限選擇。我和朋友都選擇困難，打算加＄30來一個放題，但旁邊的店員建議我們先揀選基本的六款，不夠吃才轉食放題，更說上菜時食物會放滿整張枱，見他說得如此誇張，我們便努力地選出最想食的六款。最先上菜的是海鮮，整盤海鮮都十分新鮮，肉蟹和海蝦更加還會郁，值得一讚，餐牌有各樣海鮮的建議烹煮時間，但我認為只能作參考，還是以個人經驗去判斷生熟會比較好，肉蟹按照建議時間10至13分鐘好像還有點生，最後滾耐一點當蟹粥食就更美味。其他海鮮也很有鮮味，原本以為粥底滾過的海鮮會比蒸海鮮減少鮮甜味，但綜合各款海鮮的美味程度，我是比較喜歡粥底鍋的海鮮配料方面主要揀選一些新鮮食物，黑豚肉和鯇魚片

要食粥底火鍋，第一時間梗係要來個粥底先，粥底火鍋，貨真價實真係以奶白色的粥水做湯底，粥可以下火，我諗平時打邊爐咁上火，如果用粥底做湯底點都好啲，一定冇咁熱氣啦。上枱第一時間嚟埋一籃海鮮，有貴妃螃、蟹、海蝦、鮑魚等等，海蝦仲識郁，烚熟後入口超甜超新鮮，蟹有好多膏，一路放喺個粥底到煲，之後不日本蟹粥嚟食，粥水超甜，蟹膏味濃郁，所以唔好浪費左個湯底，起碼都要飲一碗。貴妃螃亦都很新鮮，洗得很乾淨，沒有沙，一定要食。

今日同兩個朋友黎食火鍋，佢系粥底火鍋，即刻感覺食火鍋無甘熱氣，湯底米水味濃郁，配上火鍋配料每一款食物煮熟後，外層都好像一膜包著一樣。就似食肥牛一樣，肥牛原本肥瘦均勻，有牛味，放落粥底鍋煮熟後另到肥牛有一陣博博的滑滑的一層膜，所以食落特別滑身，一點也不鞋口。海鮮拼盤，佢跟返每一個人頭比幾多件的，貴妃蚌厚肉，鮮甜，無沙。鮑魚仔每一隻都好大隻，一點也不醒，唔靭，容易咬，鮮甜。蟹大大隻，好多肉，好甜美，多蟹膏。

長沙灣好多小店，在橫街小巷中，一有時間我就會在附近覓食。今日火鍋癮發作，而附近碰巧有一間新開張的粥底火鍋店，見門面光鮮，舖頭亦大，座位睇落亦舒適及唔會迫，而且又有世界盃睇，所以就一於試試。我們每人叫了一個$198粥底火鍋套餐，包括粥底、多款海鮮、頂級肥牛及自選配料6款，套餐份量巨大，連食量驚人的我們都飽到抱住個肚。海鮮的擺盤好靚，而且好新鮮。奄仔肉蟹很大隻，非常肥美，而且還爆羔，鮮味無比，超正；新鮮鮑魚，洗得非常乾淨，新鮮爽甜；貴妃蚌肉厚而且爽口彈牙；海沙白、黃沙蜆無沙，而且都新鮮，隻隻煮完都賬卜卜；生猛海蝦，頭無黑色的，非常新鮮，爽口鮮甜；多寶魚件，超滑，魚味濃，整個海鮮拼盤都超高水準。頂級肥牛新鮮，正。食完海鮮拼盤其實都飽得八八九九，但套餐還包括自選配料6款。兩人份量的日本黑豚肉、西班牙豬腩片及美國肥牛份量驚人，是平時火鍋店的一大碟份量，而且每片都是厚切的，肉味濃郁，肥瘦比例適中。雲吞入面有大大隻蝦。鮮滑雞，雞味濃郁，而且有少少醉雞味，正。鯇魚骨腩，新鮮而且仲有魚腩。食到咁上下，店員就幫我們加入南瓜粒、芋頭粒及米糊，將湯底變成粥底。每口粥都充滿著海鮮的精華，鮮甜無比。難怪我們都飽到

今年自己第一次包稷，攞去家姐屋企送比佢食。家姐住長沙灣天悅廣場對面。家姐話新開咗間粥底火鍋。“喜點.舛解鍋粥底火鍋點心專門店”坐位都幾寬敞，燈光火猛。都幾多人架。不過好彩有位。自助調味bar家姐話我包稜咁辛苦，所以請我食$258套餐。湯底係用粥水的. 比較特別套餐包括以下食物生猛龍蝦（每人半隻）真係好生猛，就算已經斬開咗，但個鉬仲郁哦。而且肉質爽又彈牙。蝦鉬好厚肉新鮮鮑魚（每人一隻）size都算1大隻，而且烚得剛好，唔靭又厚肉多寶魚（每人3件）其實好多食肆都係用龍躉或石班魚。但喜點係用多寶魚。而多寶魚肉非常清，又冇咩魚骨。我個人意思就比較鐘意多寶魚紐西蘭聖子皇（每人一隻）大大隻，條聖子1肉好鮮甜又爽。而且清洗得好乾淨，冇沙貴妃蚌（每人2隻）size不算大。但好新鮮美國桶蠔（每人一隻）超級大隻，又厚肉，脹卜卜。咬落去d汁 bit 晒出嚟。好正生猛海鮮（每人2隻）size一般般。新鮮中蜆及細蜆一大堆鮮竹甜，冇沙頂級肥牛雖然細碟咗少少。但好正，肉軟再加自選6款火鍋食品。花膠仔/鮮膺竹/西洋菜餃子/自製手打墨魚丸/日本黑豚肉/新鮮雞西洋菜餃子，必食。皮薄冇肉。西洋菜&蝦。食完唔覺漏自製手打墨魚

今日同同事出去見客，見完客都已經係放工時間，就係附近搵野食，見門面都光鮮，餐廳格局都好闊落，就入去食啦！原來係打邊爐的，既然落咁大雨就打下邊爐等雨停吧！我地要左個粥底火鍋，有埋海鮮添飲品是任飲的，仲有自家製竹庶水添，味道一啲都唔甜，岩哂我飲登登登登啲海鮮好有睇頭有龍蝦、鮑魚、貴妃蚌、桶蠔、蟶子王、海蝦，見到已經急不及待要放入個鍋了全部都洗得好乾淨又新鮮龍蝦啖啖肉架爽甜味美仲有手切新鮮肥牛，牛味濃，見到色澤一點也不遜色之後可以再揀6款火鍋料，西班牙豬腩片好好味，肥瘦適中最後就加埋米粥、南瓜粒、芋頭粒慢慢淆成粥，成鍋粥都鮮味滿瀉不過服務員臨尾加左好多水，搞到要滾一段時間先變成有口感的粥

放左工喺屋企附近食打邊爐，環境不錯，坐得舒服，買單唔使＄300一位，但係有海鮮同埋任食打邊爐，都幾抵食飲品可以喺出邊拎，我哋兩個人飲咗兩支豆漿，個豆漿唔太甜，而且豆味很重醬料都可以自己係出面自己攞一去到就揀咗個湯底先，我哋揀咗番茄牛腩，入面有幾舊牛腩之後就上咗海鮮，每樣都大大件，好新鮮，我人最鍾意鮑魚，又彈牙，聖子都勁大件，煮完都仲有好大隻仲會送一碟手切本地牛肉，呢個好正，牛味重，好紅好新鮮之後我哋再點咗一啲火鍋料，質素都係有保證