喜記蟹將軍

營業中

休息中

喜記蟹將軍 – 品嚐正宗港式蟹宴喜記蟹將軍是一家以蟹宴聞名的餐廳，位於尖沙咀美麗華商場的二樓，裝修豪華，環境寬敞，是一個舒適的用餐場所。在這裡，我們品嚐了多款蟹點心和其他美食，讓我們一口接一口地享受著美食的滋味。首先，我們品嚐了清酒鮑魚，這道菜用切格紋的方式讓整隻鮑魚吸收了清酒的香氣，肉質鮮嫩，口感彈牙，非常美味。接著，我們品嚐了鼓椒炒蜆，這道菜以新鮮的蜆肉炒製，加入了重豆鼓和辣椒碎，汁勁十足，讓人食指大動。然後，我們品嚐了喜記的招牌菜 – 正宗辣炒蟹。這道菜使用了大量的蔥和香料，味道濃郁，蟹肉鮮嫩，蟹黃豐富，蟹肉鮮甜另外，我們品嚐了馬拉盞芥蘭煲，這道菜的香料味道很特別，馬拉盞醬的味道很香，芥蘭的口感也很不錯，是一道值得推薦的素菜。最後，我們品嚐了蟹油粉麵，這道菜的中式麵條幼身，條條分明，配上豐富的蟹油，味道非常美味。喜記蟹將軍是一家非常值得一試的餐廳。菜品新鮮、口感豐富，蟹點心更是讓人回味無窮。在這裡品嚐港式蟹宴，讓人感受到了正宗的本地風味。

喜記蟹將軍尖沙咀彌敦道118-130號美麗華商場2 期2樓268-270號舖之前已經幫襯過<喜記>食避風塘炒蟹，記得係非常滋味既，今日出左黎尖沙咀行街，經過美麗華商場見到原來而家搬左過黎呢到，即刻忍唔住衝左入黎醫肚入到餐廳職員好細心，即刻安排左我入座，感覺餐廳好光猛而且裝修好時尚，座位之間亦非常闊落，加上地點超級方便就腳，最適合就係約埋一班鐘意食海鮮既親戚朋友黎呢到一齊聚會啦金銀蛋時蔬成日覺得整金銀蛋既菜係好考功夫，呢到就整得非常出色，首先份量好充足，底層全部都係鮮嫩嘅白菜仔，表面鋪滿左皮蛋同埋咸蛋，再配合埋優質既上湯一齊烹調，真係特別滋味呀喜記富貴蝦富貴蝦其實就即係長臂瀨尿蝦，待應送到檯面真係好驚訝，估唔到咁大隻，比筷子仲要長，同我嘅前臂差唔多呀，我地選擇左以椒鹽方式烹調，貪佢最惹味，感覺到蝦肉非常新鮮而且彈牙，食落每一啖都滲透出濃濃既椒鹽香味，絕對係一試難忘

《喜記蟹將軍 - 尖沙咀》平時兩個人出街食中餐，真係叫一兩個餸就已經夠曬食，所以多數人多既時候先會選擇食中菜。今次就係剛剛喺尖沙咀行完街打算食午餐，家人話想有D飯落肚，同時又要坐得好D，所以就搵左間位於商場入面既中餐廳醫肚。餐廳既座位都闊落，坐得舒服唔會人貼人咁好迫，識合一家大細過黎食飯慶祝💁🏻‍♀️喜記富貴蝦呢個富貴蝦其實即係瀨尿蝦，個蝦身勁長勁大條，度過足足有手臂咁長呀，佢既口味辣辣地，有黑椒同炸蒜既香味，係一道好惹味既菜式，兩個人Share 食剛剛好 💁🏻‍♀️瑤柱蛋白炒飯個富貴蝦咁濃味，最適合用黎送飯啦，最好就用埋富貴蝦既炸蒜一齊食就最正啦。個瑤柱蛋白炒飯炒得好乾身，上面有好多炸脆左既瑤柱絲，咬落卜卜脆，為個炒飯加強左口感，而D菜都剛剛好為呢個炒飯減去左油膩感，令成個炒飯既口感層次再豐富D

係iSQUARE開咗🔟幾年嘅喜記蟹將軍🦀，剛剛搬左去美麗華商場，新店開張，今日就約埋7️⃣位朋友去試下，睇下可唔可以保持到水準😆。店舖位於美麗華商場2️⃣期，即酒店那邊，不要去咗1️⃣期。店舖屬於半開放式，好有空間感。另外，除咗有2️⃣間房(可以打通成一間)可以訂之外，仲有間廂房可以唱K🎤，大家唔洗擔心，呢度隔音設備一流👍，外面係完全聽唔到聲🥰。酸薑流心皮蛋 $128皮蛋大大隻，全部都係糖心😍，口感滑溜，最重要係完全沒有異味😋；由於皮蛋性寒，配上酸薑一齊食就係絕配🥰。京式素鵝 $128外皮香脆，炸得一啲都唔油膩🥰，外皮薄薄但餡料異常豐富，好食到停唔到口😋。清酒鮑魚 $88/隻鮑魚好大隻，由於用清酒🍶慢煮而成所以特別鮮嫩彈牙😋，每啖都滲透著淡淡嘅清酒🍶味道，好想慢慢地享用~麻煩刀叉呀🍴唔該。紅燒乳鴿 $68/隻乳鴿🐦唔似坊間一般酒樓咁細隻，講真好耐未試過食咁大隻嘅乳鴿啦🥰，最重要係燒得外脆內軟，味道剛好，十分惹味😋。豉椒炒蜆 $108 x 2這是2️⃣碟份量，蜆唔算大隻，但隻隻鮮甜惹味😋，鑊氣不比大排檔遜色😍；最後要讚一讚蜆肉全部開口無沙😋。喜記正宗炒辣蟹(小) $788 x 2因為有朋友唔食蟹

今日突然間好想食螃蟹，但又唔想去太遠，所以當然會提議去尖沙咀嘅喜記蟹將軍！呢到除左方便，坐得都好舒服！其實之前都來過幾次，每次d野都好好食，所以今次一樣任我朋友發辦，隨便叫左幾樣嘢，結果都好好味。喜記正宗炒辣蟹呢個真心必點，超有風味，醬汁好好食！蒜蓉粉絲蒸扇貝呢碟唔好睇佢咁簡單，要煮得好食，其實都好考功夫，最後扇貝都做到口感好好，冇overcooked！豉椒炒蜆呢隻頭好似街頭小炒咁樣，超級有鑊氣。最後點埋個招牌蟹油炒麵，超香蟹油味，每一條麵都被蟹油包住，麵又冇過淋，平時唔鍾意食澱粉質嘅我都覺得食得好過癮！呢到啲夥計都好好禮貌，所以如果有朋友喺外國返香港，我一定會叫佢哋嚟呢度食！

有水準之《喜記蟹將軍》話哂今個月生日，梗係要食好d，今日一丁友做完野，行過美麗華，見到《喜記蟹將軍》，諗都唔諗就入左去，因為好想食炒辣蟹，餐廳裝修時尚光猛，座位十分闊落，餐廳仲有vip房，消費$5000有細房，$10000有大房，私隱度高，喜記正宗炒辣蟹：一上台，香氣濃郁，用大量蒜去炒，蟹肉扎實鮮甜，蒜酥炒既香辣又不油膩，辣椒香氣都能炒入蟹肉中，超滿足，黑毛豬叉燒皇：叉燒皇肉質鬆軟，有蜜汁味，仲有少許燶邊位，叉燒肉質鮮嫩，口感淋身，蜜汁甘香，肥瘦適中，完全不會膩，相比一般燒臘飯店相比，此店確勝一籌，呢餐晚餐自私食真係好滿足，下次要同朋友一齊食先。

最近去Mirar行街，發現開左間新餐廳，主打食蟹。趁今日放假就同朋友去試下。呢間中菜館，環境優雅高級，服務人員態度親切，最重要嘅就係菜色賣相靚，味道更是一流。朋友鍾意食海鮮，我地點左其中兩道招牌菜：喜記正宗炒辣蟹同清酒鮑魚。喜記正宗炒辣蟹肉質鮮嫩，配上佢個辣味，令人食到停唔到口，每一口都能感受到師傅嘅功力同用心，鍋氣十足🦀至於清酒鮑魚，就更加不得了。鮑魚鮮味濃郁，爽口彈牙，配上清酒嘅香味，令人回味無窮，完全係頂級享受😋如果你都係鍾意食海鮮之人，我強烈建議你試下呢兩樣菜式👍🏻

60-70年代風行一時，銅鑼灣避風塘夜夜笙歌、歌舞昇平，在五光十色的海面上嚐一口避風塘海鮮，實是香港一大地道特色，當中避風塘炒蟹、豉椒炒蜆、炒韭菜花等，等等的經典菜更為津津樂道，更曾經因為牌照問題而一道所有成為香港人惋惜，當中更有於灣仔開設新店，更演變成橋底辣蟹，喜記便是其中一家，近期更進駐尖沙咀，讓大家試到正終的避風塘炒蟹。🦀避風塘炒蟹選用越南肉蟹會比較大隻多肉，而且肉比較實，避風塘炒法先要把蟹走油令肉比變實及更香口，再加上大量炸過的蒜、面包糠、蔥及辣椒炒，充滿蒜香同鑊氣。蟹鉗位餐廳已預先幫手扑開咗，輕輕一壓就食到，好方便，待應仲話有從前更會客人會打包炸過的蒜及面包糠，回家送米粉或白粥。(雖然香口，但都幾肥仔🤣）🌊豉椒炒蜆豉椒炒蜆要煮得好食，控制火候相當是非常重要，如果太熟蜆肉會縮水變韌，而且出水變得水汪汪，呢碟豉椒炒蜆火候控制恰到好處，每粒蜆肉都大大隻，掛上濃濃的豉椒汁，好味。🐠陳皮蒸游水泥鯭果皮蒸泥鯭，是水上人的簡單的家常海鮮菜，泥鯭上面放着陳皮蒸，除了可以去除腥味外，還可以大點果皮的芬香。如果大家想尋回舊香港既味道都可以去試下。

今日放工同老公行完Donki就去咗對面美麗華商場搵野食，蟹后嘅我見到間《喜記蟹將軍》決定要試下🤤🥢喜記正宗辣炒蟹佢哋嘅蟹係有4個size選擇，而且仲有7種唔同嘅煮法俾你選擇，蟹肉鮮甜而且每一啖都有肉感同鮮味，整體菜式都係鮮豔嘅紅色，好吸引眼球😍🥢蒜蓉粉絲蒸扇貝扇貝大隻而肉質鮮嫩，啖啖肉之餘仲有滿滿嘅鮮甜味，粉絲完全吸收咗扇貝嘅精華鮮味更有蒜蓉嘅香氣🥢金銀蛋時菜時菜嘅綠色鮮亮煮得保持鮮嫩恰到好處，椰菜嘅湯底有金蛋帶嚟嘅皮蛋同鹹蛋嘅香味總括嚟講餐廳嘅座位闊落坐得都幾舒服等我可以慢慢享受蟹嘅滋味，餐廳嘅食材都好新鮮，值得一試

屋企人話想食海鮮又唔想咁隔涉，所以去咗美麗華商場搵，原來有間新開喜記蟹將軍就入咗去試吓🦀叫咗幾款海鮮都高質，等我介紹幾款～🦐喜記富貴蝦手掌咁大隻瀨尿蝦，用避風塘調味爆香，食落好惹味。肉質好實在彈牙又啖啖肉。🐟蒸泥鯭估唔到細細條好鮮味又多肉，蒸得啱啱好又唔會太熟，肉質唔會太硬太實，而家滑滑的。🐷黑毛豬叉燒皇味唔會太濃，叉燒半肥瘦適中，肉質好有咬口又有油份。估唔到新開都咁有水準，下次可以再同屋企人去✨

喜記蟹將軍搬新鋪去左尖沙咀美麗華商場2 期2樓地理位置更方便。新店設有三間包廂，裝潢優雅，寛敞舒適，一間房可以容納12人，一班人聚會或慶生日都唔驚被打擾，今晚就食粵菜喇豉椒炒蜆 蜆質鮮嫩，豉椒調味濃鬱，使得整道菜品口感豐富，豉椒的鹹香與蜆的鮮甜相互融合，有種獨特的味覺享受。它能激發食欲，讓人回味無窮。蒜蓉粉絲蒸扇貝鮮嫩多汁，搭配蒜蓉的香氣和粉絲的嚼勁，帶來濃鬱的海鮮風味，口感豐富，蒜蓉的香味與扇貝的鮮香完美融合，粉絲的軟滑質感與扇貝的鮮甜形成了對比，使這道菜成為一道令人垂涎欲滴的美味佳餚。

呢間橋底辣蟹開到嚟尖沙咀‼️地理位置方便，而且仲有得係廂房唱K，將會成為我哋每次聚餐嘅首選由走廊走向餐廳時，已經聞到撲鼻而嚟嘅避風塘嘅蒜香味，令我哋更加期待美食清酒鮑魚鮮嫩多汁 搭配清酒的香氣，令人食指大動～主角登場 — 喜記正宗炒辣蟹整隻蟹完全被辣蒜香包圍住散發著濃郁的辣椒+炒蒜嘅香氣，令人欲罷不能‼️蟹肉鮮甜實淨，配合辣蒜一齊食，足以刺激味覺另外，呢度仲有個貼心服務 就係店員會幫手拆蟹鉗可以輕輕鬆鬆咁食蟹肉豉椒炒蜆蜆肉特別鮮嫩豉椒醬汁嘅鮮香和微辣完美結合，真係lam lam脷椒鹽九肚魚肉質非常飽滿嫩滑炸得金黃酥脆，簡直係外鬆脆內嫩滑，炸粉亦好夠薄金牌牛肋骨牛肋骨烤得恰到好處，口感嫩滑多汁‼️紅燒乳鴿乳鴿好厚肉，皮脆肉香招牌蟹油炒麵麵條加左鎮店之寶「辣蒜」，四味道更上一層樓蟹油香味滲透其中，增添左一份獨特嘅風味飯後仲有番薯糖水送薑汁味非常香濃，好岩我口味

有很多外國的朋友問香港有什麼特色食品,其實香港大部分的食品都是從中國,外國或東南亞來的,可能避風塘炒蟹就是其中一款必試香港特色名菜。先來紅燒乳鴿,肉質嫩滑多肉汁,沒有破皮使油封在乳鴿肉。清酒鮑魚,大廚掌握火候的功力是抵讚的,鮑魚肉質綿滑得來帶有咬口,清酒的香味沒有蓋過鮑魚的鮮味。豉椒炒蜆,這個是必推之一的,首先爆炒的蜆肉爽脆鮮甜,加了適當份量的蒜及豆豉使整體很惹味,但同一時間沒有因調味料影響蜆肉的鮮味。椒鹽九肚魚,魚肉滑溜可口,而且很鮮味,大廚做到外脆內軟,粉漿如紙一樣薄,還有尺寸夠大使人很滿足。喜記正宗炒辣蟹,這是必試的,避風塘炒法的炸蒜是靈魂,炸蒜香脆帶點甜辣的味道用來送飯一流,真的不自覺地一吃再吃,蟹是主角,肉質結實,味道清甜,新鮮味道豐富。招牌蟹油炒麵,麵炒得夠乾身沒有油淋淋的感覺,炸蒜又是一個重點來,麵的味道提升不少。番薯糖水,真的夠薑,很有驅寒的感覺。味道: 值得一試環境: 舒適衛生: 整潔服務: 尚可價錢: 超值餐廳: 喜記蟹將軍地址: 尖沙咀彌敦道118-130號美麗華商場2 期2樓268-270號舖電話: +852 2366 7565#foodie #food #fo

一大班人食飯，最好係揀中菜，可以食到多款菜式。🔸酸薑流心皮蛋皮蛋的心呈半融，酸薑酸得來帶點甜，令人開胃。🔸京式素鵝裏面脹卜卜，鋪滿蔬菜餡料，腐皮煎得香脆可口。🔸清酒鮑魚用了九孔鮑魚，鮑魚的肉質鮮嫩彈牙，以清酒煮過，伴隨酒香。🔸豉椒炒蜆蜆的外型細細隻，蜆肉大粒，口感爽嫩，配上豆豉和蒜蓉炒，勁有鑊氣！🔸椒鹽九肚魚外表炸至金黃色，皮酥脆唔油膩，魚肉嫩滑中仍然有口感，加上蒜粒更惹味。🔸喜記正宗炒辣蟹用了越南蟹，蟹肉唔會一絲絲，肉質肥美紮實，配了大量的蒜蓉炒，味道特別香濃。🔸金牌牛肋骨牛肋骨肉質鮮嫩多汁，帶有微微焦香。🔸豆豉鯪魚油麥菜油麥菜爽脆，炒香過的豆豉鯪魚更可口。🔸紅燒乳鴿乳鴿都幾肥美，肉質都頗嫩。🔸招牌蟹油炒麵蔥和芽菜仔爆得香，油麵炒得爽身，蟹油雖然被麵吸收，但唔會覺得油膩，加上蒜粒，味道更香。最後仲有薑味極濃郁的蕃薯糖水，正呀!每碟餸份量多又足料，味道濃郁鮮味，多得朋友安排飯局，先可以食盡喜記的招牌菜，感謝🙏🏻。📍喜記蟹將軍 (尖沙咀)尖沙咀彌敦道118-130號美麗華商場2 期2樓268-270號舖#foodie #food #foodpic #foodphoto #hkfood #