喜記蟹將軍

營業中

休息中

提早一天同屋企人食冬至飯，咁啱見到喜記蟹將軍同國泰有合作，食飯之餘仲可以儲里數，咁就經OPENRICE BOOK枱。喜記蟹將軍位置美麗華商場2期，無為意2期商場入口，傻傻的咁行左去經常去嘅1期個邊再返天橋過2期😆😆一行4人，點了幾個餸，一場黎到一定要點蟹，就試沙嗲粉絲蟹煲，蟹肉同粉絲都好好味。就算係蟹煲，隻蟹都好大隻，有專人黎幫你鉗開個大蟹鉗，容易啲食，非常細心。其他小菜，都以海鮮為主，油鹽水浸蜆，椒鹽鮮魷拼九肚魚，味道都好啱家人口味。價錢都算合理，應該有機會都會再去試其他小菜。

好好味的避風塘炒辣蟹，避風塘嘅蒜蓉炸得好香口，蒜係有辣嘅，重可以揀辣度，好正！隻蟹好鮮甜嫩滑，重有專人開蟹。呢到服務態度好好！ 員工好勤力工作同友善！整體感覺好好。另外，個炒面都好好食，整體野食都係好味！

又到公司年尾食飯，今年應大家同事要求食炒辣蟹，訂咗尖沙咀美麗華商場2 期嘅喜記蟹將軍，喜記於上世紀六十年代創立，以招牌菜「喜記正宗炒辣蟹」聞名，曾獲法國藍帶美食大獎，成為享譽國際的地道美食。餐廳環境寬敞舒適，店面設計將中式格調及時尚融合於一起，座位亦坐得舒服。手拍青瓜、陳醋木耳，酸辣味道，令胃口大開！喜記正宗炒辣蟹，辣蟹用咗越南肉蟹，肉質特別鮮甜，配以優質蒜蓉丶豆豉及辣椒炒作而成，色澤金黃，蒜香飄香四溢，味辣而鮮甜，帶辣味又不會奪走蟹的鮮味，火候也拿揑得恰到好處。超正！椒鹽鮮魷外層香脆，鮮魷彈牙。椒鹽九肚魚充滿香港風味，外脆內軟，送酒一流。螺頭燉雞腳湯，天氣寒冷，來一盅滋補湯水暖下身，夠火候又足料，啖啖都係精華，又香又甜。鮮茄濃湯浸時蔬，用奶白色的濃湯浸蔬菜，濃湯有蕃茄嘅甜味，清新得嚟亦為蔬菜增加本身嘅甜味。紅燒乳鴿金黃香脆，肉一嫩汁多，吃到嘴裏充滿肉汁，真的滋味無窮。招牌蟹油炒麵：用蟹油取代傳統食油烹調，彈牙的麵條沾上蟹油味道咸香，加上芽菜和韮菜，口感更佳。蕃薯糖水，蕃薯林甜，糖水清甜可口。

屋企提早做冬, 媽咪係OpenRice買咗個優惠四人套餐HK$1288 (原價HK$2033), 當中包括了餐廳人氣必食嘅炒辣蟹, 今晚同屋企人食得好滿足!餐廳地方企理, 設部份沙發位, 坐得舒服。食物上檯速度快。手拍青瓜拼陳醋木耳: 青瓜同木耳同樣爽脆, 酸尾尾, 清新又醒胃。螺頭燉雞腳湯: 每位燉湯上檯, 非常足料! 味道清甜潤喉, 滋補養顏。椒鹽雙拼: 兩款炸物嘅炸皮鬆脆不油, 九肚魚外層鬆化內裡嫩滑得入口即化, 鮮魷爽而不硬。喜記正宗炒辣蟹一隻:可自選辣度, 揀咗少辣, 辣蟹切件後堆拼返原隻蟹上檯, 盡顯賣相氣勢; 蟹肉有鮮味, 肉質介乎實肉同林之間, 伴有大量避風塘炸蒜, 微辣香口又惹味。 鮮茄濃湯浸時蔬:湯底清甜, 主要有白菜、芹菜、蕃茄、秀珍菇等, 索咗個湯汁, 清甜味更加出。紅燒乳鴿兩隻:乳鴿炸得金黃脆口而不油, 算係幾厚肉, 而且juicy, 點少少淮鹽食, 味道更提升。招牌蟹油炒麵:炒麵麵質彈牙, 頗有穫氣, 夾集了芽菜、蔥段食, 香口有層次。最後餐廳還送上蕃薯糖水做甜品。 

近日朋友從澳洲回來, 知她比較喜歡食中菜同海鮮, 上網search 到尖沙咀美麗華喜記蟹將軍口碑唔錯, 係openrice訂購仲有折扣, 一於去大吃一餐!餐廳地方光鮮企理。我哋四人買咗個以優惠價 HK$1228嘅套餐 (原價要$2033), 真係平咗好多!手拍青瓜拌陳醋木耳: 酸酸辣辣, 口感香脆, 先開開胃。螺頭燉雞腳湯: 非常足料, 有雞腳螺頭、松茸等, 味道鮮甜, 滋陰養顏!椒鹽雙拼（鮮魷、九肚魚）: 鮮魷炸得夠酥化, 九肚魚表皮酥脆可口, 嫩滑中帶口感, 兩者炸得夠乾身, 加上蒜粒, 十分惹味！招牌避風塘炒辣蟹（一隻）: 辣度可自由選擇, 我哋選擇微辣, 超大隻蟹, 配料炸得金黃, 連同蟹炒成一大碟, 肉質鮮甜肉嫩, 夠鑊氣又入味, 配埋炸蒜一齊食, 大滿足！妙齡乳鴿兩隻: 外型結實飽滿, 皮炸得相當香脆且不油膩, 肉質夠嫩滑, 可見火喉控制得宜。鮮茄濃湯泡田園蔬菜: 材料豐富, 混合新鮮蕃茄、白菜、芹菜和多種菇類, 味道鮮甜清爽。招牌蟹油炒麵: 麵炒得夠爽身又彈牙, 蟹油雖然被麵吸收但都不會油膩, 連蔥同芽菜都爆得好香, 味道幽香而微辣！最後仲有蕃薯糖水, 蕃薯林甜, 配上帶

臨近冬至，老公訂咗尖沙咀喜記蟹將軍一家人食飯，餐廳於上世紀六十年代創立，國內和香港都設有多間分店，其中的招牌名菜『避風塘炒辣蟹』，更是不容錯過。餐廳裝修雅致時尚，座位寬敞舒適。手拍青瓜拼陳醋木耳，兩樣都係爽口前菜，酸酸辣辣好醒胃。螺頭燉雞腳湯：熱騰騰原盅上枱，一打開蓋即時香氣四溢，湯汁鮮甜好足料。椒鹽鮮魷拼九肚魚：魷魚炸至金黃色，肉質彈牙結實。九肚魚表皮酥脆可口，魚肉乾身，嫩滑中帶口感。喜記正宗炒辣蟹：用新鮮肉蟹配合大量的蒜酥一起炒，蟹肉炒至入哂味，穫氣十足，味道香辣鮮甜好惹味。正宗避風塘炒辣蟹！鮮茄濃湯浸時蔬：湯底鮮甜，加上鮮甜嘅蕃茄、爽口嘅菇菌和林甜嘅蔬菜，又好味又健康！紅燒乳鴿兩隻：乳鴿油溫炸得剛好，鴿皮吃時十分香脆， 入口肉很嫩滑，點些椒鹽伴食更惹味。招牌蟹油炒麵：麵條炒得乾身，帶上鮮味的蟹油香，令人越吃越滋味。最後還有番薯糖水，清潤香甜。

爸爸中意食蟹，今晚就帶佢黎到尖沙咀嘅<喜記蟹將軍>食返個招牌菜炒辣蟹先~ 喺平台訂位有七五折，折左都幾抵食，以下價錢未折嘅。清酒鮑魚 $88/隻鮑魚鮮嫩厚實，口感煙韌帶有嚼勁，並以清酒帶起鮑魚嘅鮮味，食落有啖啖嘅清酒香喜記正宗炒辣蟹(細) $788輪到主角登場，一上枱已經聞到好香，份量澎湃嘅炸蒜及辣椒隨即引起我地嘅注意🤩 蟹肉炒得好入味，味辣而鮮甜；蟹鉗啖啖肉，惹味開胃，我地都食得好滿足蒜蓉炒時蔬 $78好夠鑊氣！白菜仔新鮮嫩綠，加入蒜蓉炒香已經好好味招牌蟹油炒麵 $88麵條炒得夠乾身，用上炒過蟹嘅油令麵條充滿蟹香味，整體惹味香口，又唔會好油膩，贊👍

喜記蟹將軍位於尖沙咀美麗華商場二期。餐廳環境舒適，座位非常很闊落，鍾意食蟹嘅我同朋友放工一路拆蟹，一路傾偈，時間過得很快呢！🥢清酒鮑魚鮑魚都幾大隻，鮮嫩入味，口感彈牙，配上清酒的香氣，令人回味。🦀喜記正宗炒辣蟹 小 $788嚟到呢度，當然要叫佢地嘅招牌炒辣蟹，有得揀辣度㗎。蟹肉鮮美誘人，蟹鉗啖啖肉，連埋炸蒜一齊食，香口又惹味，而辣椒的香辣味道恰到好處，令人垂涎欲滴。咬下去，蒜香辛辣與蟹肉的鮮甜交織在一起，正👍。🥬蒜蓉炒白菜簡單加蒜蓉去炒，保留了白菜嘅鮮嫩口感，蒜蓉的香氣使其更加美味。🥢招牌蟹油炒麵 $88炒得香氣四溢，每一條麵都完美地吸收了蟹油。麵條的彈性和蟹油的香濃交織在一起，好食。番薯糖水唔太辣同太甜，味道剛好，番薯鬆軟，食完重口味辣蟹，飲番碗熱辣辣嘅番薯糖水堅係正‼️

同成班friend去嘆大閘蟹最開心最近推出了超值四人大閘蟹套餐！推薦他們家的蟹粉伴炸饅頭！🦀🥟外皮香脆，內裡滿滿的蟹黃那融合的口感和豐富的味道絕對欲罷不能！👌然後是杏汁白肺湯，醇厚的杏仁香氣😋讓整個湯都變得口感豐富起來。喝上一口，感覺整個喉嚨都被溫暖了。清蒸大閘蟹乸🦀和大閘蟹公🦀這兩個菜都是以新鮮的大閘蟹為主角，用傳統的清蒸方式烹調，保留了蟹肉的鮮甜和彈性。每一口都讓你感受到大閘蟹的獨特風味。還有肇慶花雕酒🍶，以肇慶獨特的釀酒技藝醞釀而成，酒香濃郁而不刺鼻，入口順滑，回味悠長。喝上一口，感覺整個人都放鬆了下來。最後就是蟹粉蔥炒蟹🦀🧅，蟹粉扒西蘭花🥦和一碗蟹粉撈麵🍜蟹肉的鮮香和蔥的香氣，每一口都讓人陶醉那碗蟹粉撈麵撒上豐富的蟹黃，簡直太滿足了！最後甜甜蜜蜜來一碗薑汁芝麻湯圓🍡，甜甜蜜蜜的驅走蟹的寒氣，滋潤一下身體~

朋友提議吃辣蟹，當然要去🥰餐廳裝修不錯，座位寬敞、還有房間可以包房，又有卡拉OK今天我們叫了清酒鮑魚，清酒香味入哂飽魚炒辣蟹是主角沒有令人失望，一上枱已有驚喜。香噴噴的蒜蓉蓋在蟹上，蒜蓉味道極好，炒得很香🥰蟹炒得夠火候將蒜蓉鋪上蟹吃非常滋味，蟹肉鮮味，大滿足❤️我很欣賞這間酒樓員工的服務態度。進入餐廳時侍應已經笑面迎人，更驚喜的是侍應主動說餐廳有提供拆蟹服務。對於鍾意食蟹的我但又怕動手，這個服務簡直貼心到不得了🎉🎉蒜蓉炒時蔬看似簡單的菜式，但也炒得味道不錯, 可見廚師很用心瑤柱蛋白炒飯一向是我的至愛比較健康。這個炒飯炒得夠乾身，瑤柱多，十分美味番薯糖水薑味夠濃，要比讚

我一向喜歡吃蟹見這間專食蟹的店舖新搬到美麗華廣場，今個週末便去試一試清酒鮑魚十分美味，鮑魚大大隻，有濃烈的清酒香味正宗炒辣蟹是這間店的招牌菜當然冇令人失望。顧客可因應喜好選小辣、中辣、大辣等。我們選了小辣，用特製的蒜蓉炒蟹非常香口、夠鑊氣又惹味。將蒜蓉拌着肥大肉厚的蟹以來吃，好味道唔停得口🎉🎉平時在餐廳吃蟹，最怕要自己動手擦蟹。這間酒樓的服務很貼心，有侍應專門協助將蟹鉗拆開，值得一讚👍🏻蒜蓉炒時蔬清清地有點蒜蓉味，配搭蟹一起吃也不錯，可以調和辣蟹的味道瑤柱蛋白炒飯炒得夠亁身番薯糖水不會過甜，夠薑味

🍴🍽🍴🍽🍴🍽🦀🦀🦀🦀🦀🍴🍽🍴🍽🍴🍽-🥢喜記正宗炒辣蟹 炒辣蟹上枱時熱辣辣，店員好貼心咁幫我地拆殼。炒蟹以辣椒同炸香蒜去炒，份外入味！蟹鉗肉質鮮甜，份量唔少，整體惹味到我同朋友都想再encore😍。🥢黑毛豬叉燒王 叉燒半肥瘦，蜜汁味香甜，肉質鬆軟鮮美，經炭火燒後呈金黃色，好有光澤，加埋少少燶邊，咬落焦香爽口😋。🥢瑤柱蛋白炒飯 $88 炒飯粒做到粒粒分明，飯底夠晒乾身。配料方面有瑤柱、菜芯頭、蛋白、蔥花，瑤柱香氣撲面而來，口感脆口，加埋其他配料層次更加豐富。🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10整體 𝗢𝘃𝗲𝗿𝗮𝗹𝗹 7/10-🍴🍽🍴🍽🍴🍽🦀🦀🦀🦀🦀🍴🍽🍴🍽🍴🍽-🗺 喜記蟹將軍 (尖沙咀)尖沙咀彌敦道118-130號美麗華商場2 期2樓268-270號舖

早幾日起尖沙咀行行吓街想食下海鮮就去咗美麗華嘅喜記蟹將軍。佢地最出名嘅就係蟹同海鮮，絕對係最新鮮嘅！今次得自己一個食就無叫到蟹，淨係叫咗蒜蓉粉絲蒸蟶子王、辣酒煮花螺同個好啱送飯蒸肉餅～ 蒜蓉粉絲蒸蟶子王 蟶子大隻厚肉，肉質鮮嫩，粉絲索咗蟶子嘅汁加埋啲蒜蓉，味道特別香濃既蒸肉餅咬落係好鮮味，啖啖都係肉汁，豬肉肥瘦比例好好，口感唔錯，加埋面頭隻鹹蛋黃真係送飯一流 最愛食辣既我叫左碟辣酒煮花螺，花螺新鮮大粒，竟然冇死螺~酒香加上辣味嘅湯汁好惹味，食到停唔到口，餐廳環境都舒適，服務態度仲幾好，下次要同朋友或者屋企人叫多幾款海鮮同埋蟹食！

今日同朋友仔係美麗華行街，無意中見到呢間喜記蟹將軍中菜館，之前見到人介紹一直都想食，呢度出名炒蟹同小炒。不過我哋二個人食唔哂，今次叫咗海鮮蟶子王同小菜，留返下次多啲人先食過炒蟹。蒜蓉粉絲蒸蟶子王 超巨型大大隻，再加上大量濃郁的蒜蓉作調味，味道非常鮮美。蟶子王蒸熟後肉質鮮嫩彈牙，配上了粉絲增添了口感的層次感。另外一道小菜是蒸肉餅，肉餅蒸得剛剛好，保持了肉質的鮮嫩，口感十分滑嫩。淋上一層鮮美的醬油，新鮮的鹹蛋黃沙沙滑潤的口感，色澤金黃，更加提升了整道菜的風味。最後，食碗薑汁番薯糖水飯後甜品。番薯煮得軟爛，搭配上濃郁的薑汁糖水，既甜美又帶有微微辣味，非常開胃，有助於消化，是一個完美的結束餐點的選擇。

又到食蟹既時候啦!今日我地抌低另一半…四位美女一齊黎 「喜記蟹將軍」!喜記蟹將軍（Hee Kee Crab General）係位於香港油尖旺區的知名餐廳,以其美味的蟹料理而受到讚譽! 喜記蟹將軍以其新鮮的大閘蟹、霸王蟹和其他美味海鮮料理而聞名。如果你想品嚐正宗的避風塘美食，這裡絕對值得一試！🦀🦀🦀我哋今次叫咗個大閘蟹四人套餐 $1288蟹粉半饅頭餡料中加入了蟹肉或蟹黃,更加豐富和美味!如果你喜歡蟹的味道,這款蟹粉半饅頭絕對值得一試!杏汁白肺湯我最喜愛的傳統燉湯之一,滋潤肺部並有益於美容,飲完立即變靚清蒸大閘蟹是一道美味的中式蟹料理，讓人回味無窮,有公有女!一定啱大家食薑蔥炒蟹是一道令人垂涎欲滴的中式蟹料理, 蟹黃爆膏,美味無比!姜絲添香,蔥花點綴,滋味濃郁!避風塘牛柳粒冬菇香氣濃,脆皮炸漿,美味無窮, 湯汁濃郁, 每一口都是驚喜,讓人流連忘返!蟹粉扒西蘭花結合了鮮美的蟹黃和瑤柱,搭配上西蘭花,讓人回味無窮! 滋味濃郁香,瑤柱蟹黃交相輝,鮮美在舌尖!西蘭花爽脆綠,口感更加豐富!蟹粉撈麵滋味濃郁,配合瑤柱蟹黃,絕對美味!麵條彈牙,湯汁入味,瑤柱的香氣,每一口都是享受!薑茶湯圓食左咁多蟹,體