喜記蟹將軍

這間餐廳非常地道及有風味~店員有禮,而且環境又大又乾淨~仲有好多遊客及本地客光顧的~有天來吃一頓美味海鮮餐。這間餐廳的蟹十分出名。看到每一台食客都必會點蟹。蟹都有多種不同烹調煮法，有避風塘蟹、薑蔥炒蟹、蛋白花雕蒸蟹、沙茶粉絲肉蟹煲、黃金蟹等等，蟹仲可以自選大細。今天叫了一隻細細的黃金蟹～賣相相當吸引，金黃色的外皮，香脆惹味，鹹蛋味充足。雖然細份量的蟹，但是蟹都非常大隻。餐廳已把蟹斬成了一件件方便食用，而且還有店員會幫忙剝蟹，真的是貼心服務，這樣不用花氣力和弄污糟雙手都能吃到啖啖蟹肉。黃金蟹外皮惹味，中間的蟹肉鮮甜無比啖喔肉超滿足。十分喜歡這餐廳的蟹宴。除了蟹之外，我們還點了椒鹽富貴蝦，富貴的瀨尿蝦大大隻相當吸引，我都是第一次吃那麼大個子的瀨尿蝦，當我在擔心不知道怎樣剝殼，店員提供貼心服務會把蝦殼清理好，然後便可以啖啖肉吃。瀨尿蝦鮮甜無比，肉質厚實爽口彈牙，啖啖肉超豐富，令人十分難忘的巨大瀨尿蝦。招牌蟹油炒麵，看似平平無奇的炒麵，當把炒麵放入口中，蟹味香濃，炒麵十分惹味，令人一試便愛上，而且炒麵份量也很多，非常抵吃。油鹽水浸蜆，看到超多蜆～蜆肉鮮甜，而且仲有粉絲，粉絲吸入了鮮甜蜆肉味道，仲有鮮甜的湯汁，粉絲非常可口美味。吃飽飽豐富晚餐還有甜點贈送，是日提供了番薯糖水。番薯糖水甜度適中，番薯軟糯～非常滋潤清甜～正。下次又可以再約朋友來吃~試一試其他菜式~…查看更多

提起銅鑼灣避風塘，我相信不少人都會想起60年代在避風塘上打響名堂的喜記避風塘炒辣蟹。🦀招牌的避風塘炒辣蟹鮮香四溢，蟹肉鮮嫩，搭配滿碟脆口的香脆蒜蓉醬，此醬用上12 種配料，味道複合，讓人回味無窮。🦞招牌椒鹽瀨尿蝦，有成年人小臂咁大隻，外脆內嫩，鮮味十足，用椒鹽做法，非常香口惹味，好滿足~🥃清酒鮑魚的鮮美與口感也令我驚喜，完美平衡了油膩感。🐟椒鹽九肚魚則帶來另一種風味，色澤金黃，外脆內嫩，鮮香的調味讓整道菜色更加豐富。值得一提的是，店內目前推出的🥮中秋限定流心月餅，包裝可愛，仲有只蟹仔係上面，適合送禮或自用，完美呼應了中秋的團圓氣氛。海鮮的多樣性，周到的服務及舒適嘅環境，喜記是一個值得再訪的好地方。…查看更多

講到避風塘辣蟹，點可以唔提「喜記」？尖沙咀分店地理位置超方便，對於我呢個為食鬼來講，絕對好消息！🦀招牌避風塘炒辣蟹上碟勁多炸蒜！炸蒜超香超脆，食落完全冇油膩感，炸蒜惹味🤣！蟹肉鮮甜又多汁，可選自己喜歡的的辣度，食到停唔到口！侄仔仲話：好似蟹蟹係沙灘玩緊沙(炸蒜)咁～🥩金牌牛肋骨肉質軟稔鬆化，原本這牛肉燉了5小時才有這口感。濃郁牛肉脂香充滿成個口！🦐椒鹽瀨尿蝦瀨尿蝦超大隻，啖啖肉，炸得外脆內嫩，🧂椒鹽味道恰到好處，唔會太鹹，食落仲保持到蝦肉嘅鮮甜！每一啖都係享受，送啤酒一流！🍻🥬金銀蛋時蔬食完濃味嘢，點都要叫個菜平衡下！金銀蛋配時蔬，味道鮮美又解膩，絕對係完美配搭！最後，走嘅時候仲見到中秋推出嘅🥮月餅禮盒，有傳統月餅，仲有創新口味月餅，三拼禮盒一次滿足三個願望~ 媽媽話過節要買返盒！…查看更多

又係輪到食蟹的季節，今次嚟到有60 年歷史的喜記 尖沙咀旗艦店，一於食餐飽🫶🏻食後感1. 喜記避風塘炒辣蟹以新鮮肉蟹為主料，搭配特製的避風塘醬，有蒜蓉、辣椒，十幾種香料經過長時間發醇，炒製後的蟹肉夠嗮香，外殼已經酥脆，蟹鉗有拳頭咁大，蟹肉鮮甜，香氣四溢，搭配白飯更是絕配。2. 清酒鮑魚將鮑魚用清酒慢慢燉煮，使其吸收酒香。鮑魚質地軟嫩，帶有淡淡的酒香和海味。3. 招牌椒鹽瀨尿蝦椒鹽瀨尿蝦絕對唔可以錯過，蝦炸至金黃酥脆，然後撒上椒鹽，香氣撲鼻，仲有專人開蝦殼，服務冇得頂，而且味道鹹香惹味。4. 蒜蓉菜心菜心爽脆新鮮，中和咗其他重口味嘅餸，整餐更為均衡。中秋限時推出月餅🥮中秋節的月餅有各種口味，可以選擇傳統的月餅，或是創新的蟹味叉燒果仁月餅，搭配茶品，好感受到中秋的團圓和祝福。這頓飯不僅美味，仲充滿節日的氛圍，感到好溫暖和愉悅。…查看更多

環境🏠 餐廳裝修得好闊落，木系天花板同燈飾搭配得幾好，光線夠晒柔和，坐得舒服～牆上面仲有好多相，感覺好有故事，好有粵式酒樓嘅情懷添✨ 出品🍽 *避風塘炒辣蟹*🦀：重點來啦！成隻蟹有人嘅頭咁大，蟹好入味，蟹肉鮮甜，避風塘嘅蒜蓉、辣椒炒得好香，仲加咗秘製香料，惹味到爆🤩 *椒鹽瀨尿蝦*🦐：蝦身夠晒酥脆，肉質彈牙，調味又好，食到停唔到口😋 *蒜蓉粉絲蒸蟶子皇*🦪：蟶子夠大隻，肉厚又新鮮，蒜蓉香氣好出，粉絲吸曬啲汁，成道菜好鮮甜，正啊👍 *炒油麥菜*🥬：菜好嫩，蒜蓉炒得好香，好清爽嘅一道青菜，食多幾舊蟹都唔怕膩～ 服務💁‍♀ 侍應好有禮貌，落單、上菜都好快手，仲會幫手開蟹，服務好貼心～ 呢餐食得好滿足，無論係環境、出品定服務都好唔錯😎 （ps：避風塘炒辣蟹真係必點，食到我回味無窮啊～）…查看更多

今日去咗一間餐廳，真係大開眼界又大飽口福🥰！餐廳環境好唔錯👍。裝修有種現代同傳統融合嘅感覺，牆上嘅裝飾好有心思，座位之間嘅空間都夠寬敞，坐得好舒服。白色枱布睇落好乾淨整齊。「避風塘炒辣蟹」🦀超正！蟹肉好鮮甜，而且好飽滿，蟹鉗咬落去啖啖肉。外面嘅避风塘料炒得金黃香脆，蒜香味濃郁，冇用麵包糠，全部都係實打實嘅金蒜，還包含中西合璧的香料經過長時間發酵而成，香濃醇厚與別不同！同蟹肉搭配得簡直天衣無縫，每一口都充滿住幸福嘅味道🤤「椒鹽瀨尿蝦」🦐 超級大！有小臂咁長，肉質彈牙，椒盐嘅味道調得好啱，唔會太鹹，又能突出蝦本身嘅鮮味。上面灑滿嘅炸蒜蓉，增加咗口感嘅層次，越食越上癮😋「臘味炒芥蘭」🥬炒得清脆爽口，平衡咗整餐飯嘅油膩感主食方面，叫咗「蟹油炒麵」🍝加上蟹油去炒，陣陣蟹香，又有蟹的鮮味，而且炒得乾身唔油膩，鑊氣十足。火候控制得好好，再加上芽菜同蔥段嘅點綴，味道好豐富喜記已經係老字號嚟啦~ 出品水準唔錯，每次有朋友來香港，指定帶佢哋去食飯的地方😎…查看更多

聽聞尖沙咀呢間喜記開咗60年，今日終於約埋老友過嚟試吓！未到門口就見到排隊人龍，好在早兩日book咗位，牆上掛滿舊照片，仿佛講緊半個世紀的味道故事✨招牌避風塘超辣蟹🌶上枱個陣真係嚇一跳！隻蟹大到幾乎遮住成個碟，蟹殼紅到發亮，上面鋪滿金黃脆蒜同辣椒粒。蟹肉都吸晒避風塘的惹味。咬落第一啖，辣勁慢慢滲出來，辣到舌尖發麻但又停唔到口😂豉椒炒蜆🦪蜆肉個個飽滿，冇一粒沙，豉油香同辣椒味融合得剛剛好。猛火快炒令蜆殼微微打開，汁收得好濃，撈埋白飯簡直是絕配！臘味炒芥蘭🥬呢個菜夠晒镬氣！芥蘭翠綠爽脆，唔會老，臘味嘅油脂滲入菜裡，鹹香夠味，咬落油潤不膩，係經典小炒😋蟹油炒面🍜最後上呢個簡直是彩蛋！用蟹油炒出來的麵，每條麵都裹滿金黃色的蟹油，帶住陣陣蟹香。麵身彈牙，連埋少少蒜粒，簡單又滋味！認真的樣子睇得出60年的堅持👍呢餐真係辣得過癮、鮮得滿足，下次一定再嚟試其他菜式！…查看更多

夜晚的尖沙咀人流如織，行到呢間有60年歷史嘅喜記旗艦店門口，隔住玻璃已經見到裡面坐得滿滿當當，陣陣香辣味飄出嚟，即刻肚餓到打鼓🥁避風塘炒辣蟹🦀🦀必點菜式！紅彤彤同金蒜鋪到滿瀉，配料用上中國的大蒜🧄歐洲的桂皮，印度的薑黃，小茴香，東南亞的小雀椒🌶紅蔥頭等等🔪然後經過一週的發酵，香味複合醇厚，口感香脆，鮮甜味美，更能帶起螃蟹的鮮甜味道👍蟹肉雪白彈牙，蒜粒同辣椒粒鋪滿整個碟，撈埋一齊食，辣得舌尖發麻又停唔到口🤤​椒鹽瀨尿蝦🦞都好誇張，隻蝦大到幾乎有手臂長，已經剪開成細段，一剝就見到肥嘟嘟嘅蝦肉，仲好重膏，調味好過癮好香口，果然夠晒「椒鹽」水準👍唔想淨係食海鮮？豆豉鯪魚炒油麥菜夠晒惹味，油麥菜脆嫩冇渣，豆豉同鯪魚香味滲晒入菜裡面，送飯一流😋點咗個主食瑤柱蛋白炒飯，粒粒飯分明，瑤柱絲勁香，蛋白滑溜溜，連平時唔多吃飯嘅都忍唔住食🍚​呢種熱鬧又美味嘅時刻，先係尖沙咀夜晚嘅正確打開方式嘛✨暑假再帶埋屋企人嚟食翻餐！…查看更多

一直都想去吃一頓 避風塘炒蟹，終於去完日本回來有時間，立即找到這家來試。 地點很方便，就在尖沙咀，逛完街去剛剛好。 餐廳平日都很多人，建議要先book 位。 喜記正宗炒辣蟹（中）- 絕對是喜記的招牌。蟹肉鮮嫩多汁，辣味適中，配上超多香脆的蒜蓉和辣椒，水準極高。 每一口都能感受到蟹肉的鮮甜和調味的完美結合。最好的是有專人幫你拆好蟹肉蟹鉗， 只需要坐定定，就可以嘆到了，不用自己落手去拆。 喜記椒鹽富貴蝦 - 其實就是巨型瀨尿蝦，今次這隻蝦有蝦膏，結結實實的，肉質鮮甜，經過椒鹽調味後更顯得香脆可口。 椒鹽九肚魚 - 九肚魚外脆內嫩，椒鹽調味恰到好處。魚肉鮮美，口感豐富，是一道非常適合下酒的小菜。 招牌蟹油炒麵 - 炒麵充滿了蟹油的香氣，麵條彈牙，配料豐富。蟹油的濃郁味道讓整道菜更加美味， 我覺得配招牌炒蟹來吃是一絕。 豆豉鯪魚油麥菜 - 油麥菜清脆爽口，搭配豆豉鯪魚的鹹香，非常開胃。…查看更多

週末午後嘅尖沙咀，遊人仲未擠爆街道，我帶住第一次黎香港嘅朋友，專登兜去「喜記」，朋友第一次黎到，梗係要帶佢試下香港60年老字號呢啲地道港味菜式！​招牌避風塘炒辣蟹上台時，朋友「哇」一聲 —— 隻蟹大到幾乎橫放係盤度，金蒜鋪得像小山⛰，紅辣椒粒點綴。仲會有人嚟幫手排開蟹腳，雪白蟹肉即刻彈出來，朋友咬第一啖就豎起拇指：「原來蒜香可以同蟹咁夾！」​椒鹽瀨尿蝦炸得金黃，蝦殼好易開，連肉帶膏拉出黎。鹹香帶少少辣，調味調得啱啱好，朋友邊吮手指邊話：「呢個同係海邊食過嘅一樣新鮮」🦐​油鹽水浸蜆上枱時還係滾燙，蜆殼已經開嗮，湯汁帶住薑絲清香。豉椒炒蜆就食得多，呢個係另一種風味，辣完食呢個，喉嚨即刻舒服晒～🧊​最後上嘅蟹油炒面，師傅炒到「鑊氣」十足，每條麵都裹住金黃蟹油，可以撈埋金蒜一齊食~埋單時見到餐廳掛住好多舊相，六十年堅持做同一個招牌菜，呢份執著真係好犀利！要記住呢個味道😆…查看更多

提起銅鑼灣避風塘，我相信不少人都會想起60年代在避風塘上打響名堂的喜記避風塘炒辣蟹。還沒有進門就能看到整面明星打卡牆🌟梁朝偉，陳奕迅，古巨基，容祖兒，謝霆鋒等一眾明星都愛這家吃蟹！🌶 招牌避風塘炒辣蟹重口味之選！成碟裝滿晒， 隻蟹大到要拆開先方便食。蟹肉夠鮮，咬落去啖啖都係肉。避風塘嘅調味加埋蒜蓉炒得金黃香脆，一啖落去，蒜香同埋辣椒嘅香辣味即刻喺口腔爆開，辣得啱啱好，唔會嗆到喉嚨，反而越食越想食。金蒜嘅調味同樣好絕，食唔嗮用來撈飯或者撈麵都一流～真係名不虛傳！🧡 原汁蠔皇扣鮮鮑魚鮑魚大大粒打卡一流！鮑魚超滑，蠔皇汁好入味，食落超彈牙新鮮，啖啖鮮味！🧄 蒜蓉粉絲蒸扇貝蒜香超濃，帶子大大粒，口感好滿足，唔係一般蒸扇貝咁簡單，底下嘅粉絲都吸嗮汁，更加鮮🧂 椒鹽九肚魚外脆內嫩，椒鹽味唔會搶晒魚味，好啱鍾意食小炒嘅朋友！📸 環境唔錯，坐得舒服，還有開蟹鉗服務，服務很好～食完成晚都回味緊，真係值得再嚟。📍地址：尖沙咀彌敦道 118-130 號美麗華商場 2 期 2 樓 268-270 號舖…查看更多

香港曾經係一個漁港，以捕魚業維生，所以就產生了極具特色嘅避風塘風味海鮮。當中比較有名的店舖，莫過於喜記避風塘炒辣蟹，年中也有不少名人和遊客都稱讚這裏的炒蟹非常出色。喜記係香港已立足60 年，係香港老字號，又地道，所以今日特意帶朋友來試吓。招牌避風塘炒辣蟹招牌菜💥佢地特殊嘅避風塘調味，因為冇用面包碎代替所以味道特別香辣惹味，獨特的蒜香、辣椒和蔥段同埋香料撈勻炒，令到隻蟹提升鮮味。另外，蟹都好多肉食，兩隻蟹腳夠嗮大隻～最讚的是有開蟹鉗的服務，食起來超方便。👍🏻金牌牛肋骨成條連骨上，一隻碟咁長，肉質感柔軟、腍身但係又有嚼頭，啖啖肉，要配埋旁邊佢哋自家調製嘅醬汁。醉鮑魚頭盤小食，鮑魚爽口彈牙，酒味濃香，原隻冇切片咁，食得特別過癮～椒鹽九肚魚炒辣蟹之外另一個香口嘅菜式。九肚魚外酥內嫩，皮炸得夠薄身唔會有好厚粉漿，微微椒鹽粉輕輕調味，配住啤酒一齊食係最夾～喜記尖沙咀旗艦店嘅餸菜無論味道、份量、環境及服務也冇得彈，真係食得開心又抵食。下次想歎返餐海鮮，肯定會再揀呢度🌟…查看更多

經過呢間專門食蟹的在門外聞到很香，吸引力法則😆招牌辣肉蟹細肉蟹都幾大隻，二人吃一隻細的都足夠，還可以叫服務員幫忙拆開蟹肉，服務周到😃 蟹肉頗多鮮甜，有乾辣椒京蔥炒蒜很乾爽，撈飯一流。豉椒炒蜆用豉汁炒蜆每只蜆都有肉，洗得很乾淨，美味可口。喜記椒鹽富貴蝦瀨尿蝦好大隻，有好多蝦膏，用椒鹽烹調肉質厚實。金銀蛋浸時菜莧菜清甜爽口，正好中和吃辣的味道。招牌蟹油炒麵炒麵滿蟹油味道，面質彈牙不肥膩。番薯糖水糖水充滿姜味，番薯好甜好食😍整體上都算滿意👍🏻…查看更多

60年嘅老字號依舊保留住大排檔嘅靈魂😋，尖沙咀鋪面夠曬闊落，一入到來就聞到香氣十足，夠晒過癮！​🦀招牌避風塘炒辣蟹​鎮店之寶，來到必點！揀咗好重手嘅靚蟹，蟹肉雪白飽滿，蟹膏厚到好似流心狀，蒜粒炸到金黃焦香，聽聞用咗好幾斤蒜，完全冇用麵包碎代替！辣度岩岩好帶出蟹嘅鮮甜🌶️，連蟹腳都斬開方便拆食，吮埋隻殼都夠味！​🦐椒鹽瀨尿蝦​隻隻都係膏滿肉肥，蝦殼炸到脆卜卜，咬開仲有鹹香椒鹽粒，蝦肉緊實到彈牙，啜埋啲蝦膏真係鮮到痹🤤​​🍚避風塘炒牛河​師傅炒得夠晒快手，河粉油潤唔黐底，牛肉嫩滑有肉汁，每啖都有濃郁嘅香，經典中的經典😋​🐚蒜蓉粉絲蒸扇貝​扇貝肉厚到睇到都開心，粉絲吸晒貝汁同蒜蓉香，蒸得剛剛好唔會老，蒸出嚟啲汁原汁原味夠嗮鮮甜，保留翻海鮮原始嘅味道😌​​原來尖沙咀鬧市入面，仲有咁貼地嘅滋味～ 無論係同朋友吹水，定係帶遊客體驗地道風情，呢度都係首選！🥢💖…查看更多

喜記尖沙咀旗艦店，紅色招牌在霓虹燈下閃令令，好似講緊呢間避風塘菜館 60 年嘅故事。還沒有進門就能看到整面明星打卡牆🌟梁朝偉，陳奕迅，古巨基，容祖兒，謝霆鋒等一眾明星都愛這家吃蟹！晚黑七點，鋪頭已經坐滿人🎶🪄喜記招牌避風塘炒辣蟹絕對係鎮店之寶！揀新鮮靚蟹，蟹殼紅卜卜夠硬淨，拆開之後蟹肉雪白飽滿，連蟹鉗都被師傅細心敲裂，方便食客。🦀避風塘炒辣蟹用料包括了中國的大蒜、🧄歐洲的桂皮，印度的薑黃，小茴香，東南亞的小雀椒🌶️紅蔥頭等等🔪然後經過一週的發酵，香味複合醇厚，口感香脆，鮮甜味美，更能帶起螃蟹的鮮甜味道👍但由於製作成本偏高，香港很多地方為了節省就會用麵包碎做原料但導致吃不到最原始的味道！🪄豉椒炒蜆一樣咁正，蜆肉大粒飽滿，每一啖都鮮味十足。師傅火候控制得啱啱好，蜆肉彈牙唔柴，連汁都想撈飯食🍚🪄蒜蓉粉絲蒸扇貝，扇貝肉厚身彈嫩，粉絲吸晒扇貝嘅鮮汁同蒜蓉嘅香味，軟糯入味，鮮甜喺爆發食咗咁多濃味餸，上湯菜苗啱啱好中和下口感。菜苗翠綠爽脆，上湯濃郁鮮美，帶住瑤柱嘅香氣，清熱解膩，等味蕾喘吓氣🥬呢度唔止有好食嘅餸，仲有香港地道嘅飲食文化同人情味。有親朋戚友來到香港，也會帶他們來👍…查看更多