喜多郎日本料理 (已搬遷) 新店位置

太耐冇食過日本菜，突然之間好想食日本野，咁岩係馬鞍山探老朋友，經過比我發現到呢間日本餐廳，一去到間鋪比我發現到師傅用既刀相信唔係好多日本餐廳會向客人展示佢地用既刀。刀放在玻璃櫃入面，咩刀都有，至於邊刀用在邊，就唔太清楚。呢個壽司係一個set黎，壽司飯唔散魚生新鮮冇雪味

好多人話馬鞍山冇野食，沙漠地方，我好少入去馬鞍山呢個地方，今日咁岩係呢邊做義工，做完義工同2個義工朋友去食日本野，野食唔差，幾好味。叫左六樣野食。呢個係招牌安格斯牛柳鍋飯，牛肉粒好多肉汁，有生蛋撈埋一齊食冇咁dry,有少少飯焦脆卜卜好正。呢個係牛肉壽司，好正口入面充滿牛味，唔會好韌叫左4串串燒，有冬菇、雞腎、雞軟骨、雞皮燒得好好，唔dry,特別雞腎同雞軟骨好脆朋友叫既壽司（一人份量）朋友話好新鮮，唔腥，壽司飯唔散，唔會太硬叫左個魚生併盤，夠凍，新鮮，蝦好彈牙，好甜、冇雪味呢個係宇治金時綠茶控朋友實喜歡，唔太甜，有綠茶味，紅豆都好大粒

2個人快快手想食晚餐，好餓。見到店面好日本風就入左啦。叉燒拉麵，麵普通，叉燒都幾好食，肥肉都唔算多湯都飲左少少。另外個肉拌麵，賣相唔太好，可能得肉所以黑色咁，份量多但味道普通。

第一次寫食評，平時都係睇人寫既多。但由於老闆娘態度極惡劣，所以唔想打字都開個AC同大家講。呢間野既裝修唔錯，幾有日本風味，出面餐牌上寫既都係正常價格，所以都好像點解會咁少人幫襯。由於佢開左Pokemon Go 點，所以就同男朋友去試下。但可惜，佢地既服務十分差，冇提供出面價錢正常既餐牌，但間野既氣場恐怖，所以唔好意思走，跟著要問侍應先有出面價錢正常既餐牌。我地叫左兩樣野食，但等左30分鐘都未有，一個老闆娘既物體，掛住係箱房同熟客吹水，我地向侍應催一催單，老闆娘竟然啤住我地，但都未理到我地。出左黎之後同其他熟客打招呼，啲熟客係睇落都似有錢人，可能住馬鞍山既豪宅。但依然冇人理我地既單，我再問老闆娘，佢黑口黑面咁話再等一等啦。最後食物黎左，質素普通，但就要受氣。

侍應服務超差，伏！之前都食過幾次架喇，都知呢間野上菜慢，埋單慢，服務一般。而今次係離曬譜！由於其他餐廳都排曬隊，得呢間唔洗排，咁就食呢間啦。一入到去，咁岩今日類似老闆娘嘅員工唔係度，門面得兩個侍應，兩個都同客人吹緊水，客人問可唔可以坐房，4個人坐6-8人嘅房？！我都算喇，橫掂間舖冇咩人。佢地對話期間冇人帶位，完全冇理過我！最後係我自己穩個位坐低。坐低左5分鐘都冇人招呼，冇餐牌，茶又冇杯喝下。咁我就起身走人！突然唔知邊度彈個侍應出黎問「啲野唔岩食？」之類嘅說話，咁我「嗯」左一聲就推門走左！咁我又講下之前嘅經驗。有一次食啲比較平嘅食物，等成半個鐘都冇野食！又有一次食比較貴嘅野，類似老闆娘嘅人推介我地食燒三文魚，都知呢度野嘅食物貴，最後埋單睇番先知條燒三文魚800幾蚊，雖然係幾好味，但係超細份，兩三啖食曬。貴到冇朋友。除左老闆娘笑容好少少，服務好少少之外，其他員工果樣長期死老豆，而個老闆娘成日推介你食貴野，唔貴果樣唔推介。不過食物質素唔錯，魚生都幾新鮮，熟食都好有水準。如果唔怕比人黑面/無視同hard sell,仲有唔驚比人湯到一頸血，呢間野都係可以去的。

父親節好多人都會同老豆去飲茶，或者食飯。即使食飯都是食中餐！而我就趁父親節前夕，book左兩位，淨係同阿爸黎食日本料理，當慰勞下辛勞嘅父親！我點左D刺身、串燒，亦點左支清酒😊頭盤芒果沙律，芒果香味撲鼻，食得出係即叫即整  刺身拼盤：有6款，三文魚厚切，脂肪分布均勻，口感厚實；帶子鮮甜；吞拿魚鮮味濃郁；劍魚腩，八爪魚爽脆，仲有一款唔知叫乜魚，都鮮味十足而唔腥，各款魚生都相當新鮮  刺身拼盤配茶漬飯：這個起源於日本戰亂時期，為了給武士補充維生素C，於是將茶湯淋在飯上，這種方便又省事的食法便流傳至今！最後當然係讓阿爸來充當一回武士啦😉日本清酒玉乃光：順口清爽的口味，香味獨特，阿爸都好鍾意飲！壽司，油甘魚新鮮大件 ，飯團適中，好食  雜錦串燒: 有4款，牛肉粒大件，食落好腍，雞軟骨、雞腎爽脆，多春魚就普通D！最後食埋個甜品，紅豆粒配綠茶雪糕，粒粒紅豆增添口感，味道亦好夾！自從畢業後都很少和父親單獨食野，今次喜多郎俾到很美好的回憶，而且此店食物味道出色，環境舒適，我地食得開心，會再幫襯！

一直都想試下屋企附近間日本料理“喜多郎”，趁今日屋企唔開飯，收工就同老公一齊walk in去試下！晚飯繁忙時間，都等左一陣先有位！入到店內，環境裝潢係令人舒適的居酒屋格局！我地都好肚餓，嗱嗱聲order左D野食，雖然好多人，但上菜都算快！首先上黎份“芒果蟹籽沙律，一上枱，芒果嘅清香撲鼻而來，芒果粒好多好香甜 刺身拼盤配茶漬飯刺身拼盤，集三文魚、帶子、北寄貝、油甘魚等，每款都好新鮮而且厚切，選料絕非一般放題的貨色，吃後令人滿足。三文魚肥瘦均勻，北寄貝爽脆肥美，帶子鮮甜肉厚，推介茶湯“茶漬飯”，雖然食過唔少嘅日本料理，茶漬飯還是第一次食，如果唔係刺身拼盤配，我稔我都係唔會叫，因為總係覺得茶撈飯會好怪，既然係送就一試無妨，點知食落又幾好味，好鐘意果種清香的味道！三文魚頭、鲛，魚皮脆卜卜，啖啖肉而且仲好滑串燒，樣樣都想食，所以叫左好多款，有雞軟骨、雞腎、牛肉粒及多春魚等，每款皆好味！綠茶雪糕，綠茶味濃郁，入口好滑，加左紅豆令人更有滿足感！

星期一，同老婆補祝母親節。因為老婆摯愛日本菜，所以就打算帶佢去尼間係馬鞍山好出名的日本料理吃飯。其實我都係第一次黎吃。心中有D忐忑，因為尼間野的新聞太極端，一係就話佢好得不得了，一係就彈到衰到冇人有！😄😄我們大約7點去到，唔係太多人。侍應生姐姐比左房間我地（有最低消費2500）好好坐，好舒服。生蠔新鮮，不過價錢泊的住銅鑼灣。我們入房的時候，咁岩見到佢地返菲機貨，一箱箱發泡膠箱。我們叫左海螺，平目魚，海膽，活北寄貝等等。真心好吃，一路吃唔記得價錢。因為實在好味！好似係北海道咁。然後都吃左串燒，天婦羅。佢地的天婦羅炸的好鬆軟。串燒牛舌好特別。不過真係唔夠人手，得一個樓面，個女仔做到停唔到手，不過，最好佢好識做，請左個北海道甜品大拼盤比我太太。多謝曬佢！埋單$3800，8個人，我們自帶酒水，免開瓶費。比起銅鑼灣，又真係平好多。不過，個師父真係好cool架。唔講野，一路係度好認真咁做野。下次都會再黎，想試下佢的定食，見到好平。大約一個定食都係60-90到。總之，整晚感覺良好啦！食物好驚喜。估吾到，馬鞍山區有D咁有要求的日本料理，第日吾使山長水遠走去銅鑼灣先吃到好的日本菜啦。不過又要更加努力搵錢

昨天係母親節。媽媽喜愛日本菜。但係馬鞍山周圍都排曬長龍。喜多郎門口都好多人等緊。我入去攞籌。係尼個時候，有位侍應生走出黎，話，先生，你家人訂左台啦，入黎坐啦！原來，個位姐姐見到我媽咪年紀大，唔想佢等太耐，但係突然比位我們，其他客人一定吵到拆天。所以佢就運用小小技巧安排左座位比我們。已經很感動。其實之前係網上都睇到好多尼間餐廳的差評。所以一直都唔敢黎試。我們個晚都係吃定食，然後升級壽司刺身，飲品。刺身厚切，壽司的飯係暖的，師傅即時手握，壽司個件魚生好厚身，係其他餐廳的兩倍有多。所以我明白點解佢地的價錢係高，但係其實你認真去品嚐的話，你會知道其實佢地真的一分錢一分貨。天婦羅入口即化，一定係既炸，炸豆腐必吃，自家出品。唯一美中不足就係個晚是在太多人，要提醒佢地倒茶！成晚吃的好開心，特別係媽媽，佢老人家不停咁講野，捉住個侍應生，人地忙得不得了，又唔好意思唔理我媽媽。尼間餐廳睇得出係做熟客，見到個個客人都幾乎可以叫得出名字。個師傅應該係老闆，做野好專注，成晚一直切切切，腰一直灣住，D出品好靓，我下次都想試下隔理台的原條魚生，我見D人吃到讚不絕口！祝媽媽身體健康！明年再吃日本菜！

had the worst dinner with family.The service s extremely poor. The staff are polite only to the clients ordering fresh seafood. I complained to the staff, her answer was that the shop is sound for serving usual customers. She said she was satisfactory to her own performance. She said if we are not always coming, we are not very welcomed. Ttly unacceptable!

兩個月前黎過一次，一個字：服務超差！本來打算唔會再黎第二次，但因為其他餐廳都要等位，今次抱住會有改善既機會，於是決定食第二次。點知，又係惡魔既開始⋯ （賣相太差，冇影相，不過真經驗，真差）一入去，唔洗等位，好開心坐低左，但係完全冇人理會，茶又冇，menu又冇，要叫佢地先比。跟著叫左兩個定食加一條秋刀魚，雞排定食同秋刀魚話「即叫即燒」，需要15-20分鐘，心唸都可以等，於是照落單。一等就係半個鐘，完全冇任何野食，期間隔離幾檯都有人投訴野食好慢。呢個時候，突然擺低一碟野食，仲好開心以為終於有野食，點知，係一碟壽司。我地就講返唔係我地架啦，佢地好亂咁搵係邊個order既。之後黎左三四碟唔係我地order既野食，真心無奈。問d staff點解咁耐，第一個唔應，於是問第二個，話：「好，幫你追追。」但之後見住佢繼續serve其他客人，完全冇真正去追。頂唔順話要走人，先有人大大聲話追下。再等多20分鐘，都係冇任何野食。頂唔順都要走人，佢地又話：「好快好快！」由於都等左咁耐，都係照等。終於黎到啦，第一個，豚肉定食，食落都唔差，不過一路都好擔心另外兩個餐話要即燒，唔知會唔會等更耐。點知食左10分鐘，都黎

今日黎到馬鞍山辦事～Luch time 去醫肚～平時趕時間就經常幫襯D大集團的快餐～難得今日可以慢慢嘆～經過呢間“喜多郎”日本餐廳就入去試下～等左一陣就有位啦環境都晤錯，坐得幾舒適～餐牌上的午市套餐有好多選擇和風野菜沙律清新爽口黑醋汁香濃日式炸雞，炸雞係好多人都鐘意嘅食物，我都唔例外～炸雞外脆內軟，炸漿薄，雞肉好入味意想不到的美味味噌肉醬拌稻庭烏冬上面有D芽茱、青瓜配合香口而不油膩的肉醬而烏冬富有彈性，口感十足味道恰到好處餐廳喺服務、質素方面都唔錯，下次會再黎！

食物質素一般沒關係 但問題在於服務態度發現麪豉湯有蚊好心提醒店家 那位應該是老闆娘的員工聽到後一副晚娘面口說那是“紫菜碎”就走開了一大碗麪豉湯剛巧只有一條小的“紫菜碎”？“紫菜碎”有腳和翅膀的嗎？我沒要求店家換過一碗、退錢還是怎樣 但好意的提醒卻換來這樣的態度 恕小弟實在不敢恭維另外亦想提醒各位看清楚他們上的菜 沒點的切記不要讓他們放下據小弟與朋友就親身經歷 此店不知道是有意無意地會上了你沒有點過的菜 你吃了的話就得付錢其實其他食家亦有提及在此店的類似經歷 詳情可以看看他們早前所寫的食評

在云云眾多菜式中，我最喜歡的是日本菜。除了是個人口味外，我想也大概因為日本人對飲食有一種莫名的執著－－由食物質素、餐廳餐具，以至侍應待客的態度皆甚有要求。然而，香港雖有很多日本餐廳，但質素大多參差不齊。今晚，我和朋友三人一行決定試試馬鞍山一家叫價頗高的餐廳。晚餐時段，加上是星期五，客人數量比平日多了兩倍。我們大約六時半到達，已發現餐廳竟已滿了八成！眼見餐廳深得區內客人歡迎，我想食物也不會差吧！餐廳主要可分為寿司吧和普通座位兩部份，寿司吧可以看著師傅製造料理的過程，格局似足日本地道的居酒屋。餐廳的內部裝修也簡約清爽，舒適怡人，感覺乾淨。是晚我們共點選了喜多郎魚生飯和三色魚生飯，並升級加了三文魚刺身。歡談片刻，食物已陸續上桌。首先端上的是三文魚刺身。甫上桌已被其鮮艷的色彩和厚度所吸睛。三文魚屬厚切，色澤澄鮮明的橙色，鮮嫩明亮，而且充滿光澤，一點也沒有“霉”的跡象，表面看應是非常新鮮的貨色。吃進口中，三文魚刺身肉質肥美非常，很是新鮮，而且脂肪分佈平均，不會有任何部份特別令人感到異常肥膩。刺身味道絲毫沒有腥味，亦沒有未完全解凍的雪水、雪霜的氣息。值得一提的是，師傅所預備的三文魚刺身份量確實隨心

今日慶祝生日, 咁去開馬鞍山又想食日本野, 見呢間可book位, 就中伏了.原來是間幾取巧的餐廳, 食客真是要小心!!去到餐廳, 見星期5晚都坐唔滿, 在馬鞍山呢D四圍都要等位的地段, 覺得好奇怪下, 但都去到, 照入啦.點菜時, 個待應upsell我地有set話剛剛推出, 6百錢蚊, 有一盤壽司, 一個鍋, 一碟沙津, 同2杯野飲及甜品. 就中左招.一盤壽司:~~待應話︰一大盤, 夠哂你地食啦, 仲件件都貴野, 單點要成4百幾蚊架.~~真相︰有3件小卷, 同8件好一般的壽司, 蟹籽, 八爪魚, 三文魚, 帶子果d, 最貴應是有件吞拿魚同蝦 (待應話隻蝦要百幾蚊一件喎!), 連海膽, 三文魚都欠奉，咁都叫好多貴野食? 而且大部分魚生質素其實算新鮮但咁嘅價錢都比咁細件, 超唔抵食。賣相算OK, 壽司放得整齊, 但好零落, 仲要將我地散叫既壽司放埋一碟, 先覺得多D壽司. 呢件蝦壽司睇極都唔知點可以值百幾蚊一件啦? 呢件真差D，肉質霉霉地，仲有D乾身，唔好食。一個牛肉鍋~~待應話︰個鍋成3百幾蚊架!~~真相︰都算幾多料, 有菜有肉，但只是好普通的一個鍋, 又唔是大份, 出面比盡值一百尾.