喜多郎日本料理 (已搬遷) 新店位置

經open rice book此餐廳，所以不用等位，平時見dinner好貴，所以趁放假食個lunch...價錢比dinner平，但無水準，十分失望的一餐，三人食，每人四百蚊！海膽刺生不新鮮！魚生飯的魚生都不新鮮，帶子有冰鮮味的！反而炭燒咖啡最好飲！

行過馬鞍山既街頭，一間日式味濃既餐廳裝潢吸引咗我既眼球。望落門口，似係日本街頭既小型居酒屋，幾有味道，等咗一兩分鐘就入得。入面空間唔大，但俾人既感覺就麻雀雖小，五臟俱全。一行四人，我就叫咗份 麻醬照燒雞扒野菜沙律伴手打烏冬。等咗十分鐘左右，作為前菜既三文魚壽司就嚟喇。飯少，但三文魚非常厚身肥美，新鮮切開，好食跟住就嚟咗主食雞扒多汁，香，加上絕配既麻醬加沙律，好食烏冬彈牙，份量稍少面豉湯最後就有甜品，紅豆抹茶雪糕好食！總結，食物既質素真心唔錯但價錢貴，唔太大眾化。整體嚟講係上品，偶爾可以一試。

星期五的晚上，因為老豆去左飲宴，一早已經約了媽咪兩母六去撐檯腳。她說聽朋友提過屋企樓下間日本野幾好味，所以就決定去試下啦。唔需要等位，一般日式餐廳的格局，店內位置坐左七至八成滿。店員尚算殷勤招呼，但比哂熱茶餐具卻一直唔比 menu 我地，最後都係要出口問佢地先記得。一打開 menu 係有 d 嚇窒的，個價錢都算係同區最貴了吧；唔止係同日本菜比較。一個最基本的二人餐都叫價 $598，仲要內容都真係一般日本菜式而已... @.@ 媽咪都打左個突，冇諗過馬鞍山會出現呢個價位。最後都係決定散叫算了。雜錦刺身拼盤 ($298.00) - menu 內說是含五款刺身的，送上來時卻有六款呢。幾款刺身其實都很新鮮，口感不錯；最喜歡是冇咩筋的 tuna 同埋 salmon，仲有白色o個個唔知咩魚 (XD)。大蝦天婦羅 ($68) - 一客有 4 隻大蝦其他欠奉，呢個算係價格比較適中的了；但可惜個天婦羅唔夠乾身，而蝦本身都好細隻，食落兩者都冇咩質感... 蟹籽海鮮炒飯 ($125.00) - 以百幾蚊一個的炒飯來說材料也不算太多，炒得都算乾身而味道尚可 ( 食得出其實係用豉油炒出黎咖囉... ) 海鮮類有

星期四屋企人約家姐食飯，決定試新野。我媽同家姐先去喜多郎拎位，我隨後到。一入到去， 感覺D WAITER好似好急想做生意咁，勁積極咁問我几位，我勁有禮貌答佢地巳經有位喇， 佢地一聽到即刻黑面，轉身唔理我， 感覺有D 不良好。咁大間店星期四晚8：00先坐得三張枱（9 個客人左右），冷清得好緊要。佢地有三個WAITER，以為咁少客人佢地會SERVE 得好D， 點知。。。。。。我地叫左牛肉拉麵，龍蝦沙律， 鐵板鵝肝（兩塊鵝肝）， 四件三文魚， 四件牛油果軟殼蟹卷物 （加埋埋單都＄5XX）佢上茶係好有問題， 十分鐘黎左個拉麵， 賣相好普通但係好味的， 湯底好正，D 麵有吸到湯嘅精華。之後再等左二十分鐘， 咩都無上 （但店得9 個客）。跟住我家姐去左厠所，有個呀姐無啦啦拎三隻生蠔過黎上菜，我地即刻話無叫過， 佢唔知係咪想搏朦話係去左廁所果個客叫左（我家姐），但我家姐同我地全家都係唔食生蠔的。好在我家姐好快出左黎話佢無叫過生蠔。我起初以為佢俾錯枱，但原來成間店無客人叫過盤生蠔佢收番盤生蠔入廚房。唔知係咪想搏我地朦，等我地唔小心食左D 生蠔要俾錢，點解我咁講？你睇埋後面發生咩事就知。跟住黎左鐵板鵝肝

如題：收茶介嘅日本料理你試過未？想了又想，終於忍不住要在Openrice報告一下。做咗咁多年人，真係人生第一次有日本料理收我茶介，我即刻O咀！開咗一年以上，食物一向不錯，都吃過幾次，最多都係waiter冇乜笑容。價錢貴咗可以接受，可能因為食材啦！$42 變 $58 都照食算數啦！又係租金加咗嘛！但去到收「茶介」，真係接受唔到囉！我冇睇清楚午餐餐牌有冇茶介呢樣嘢係我錯，不過好想知，下次去其他日本料理，係咪應該問問waiter「收唔收茶介？」

喜多郎的晚市一向偏貴，平日中午經過看見有特價午餐，今天便專誠去嘗試。這天一點半入座，整個餐廳只有另外一枱客。特價午餐最便宜的只需要$38，但選擇不太合意，便點了午市套餐(蒜片牛柳飯+味噌湯)$88。服務員收了餐牌後又遞回來，問我要跟甚麼小食。幸好我早以仔細看過餐牌，知道要加$28，她並沒有告訴我要加錢，有騙錢之嫌，但最後還是選了三文魚刺身送紅豆抹茶雪糕($28)。最先來的是三文魚刺身，三片既三文魚非常厚身，咬下去暖暖的，味道鮮甜，口感不錯，並不會太韌。然後來的是蒜片牛柳飯 雖然不是大大的一碟，但份量適中。 材料豐富，飯非常有嚼感，並有許多軟腍腍的牛肉粒；整個飯異常香口，充滿蒜香味。與飯一起上的味噌湯，濃濃的，沒甚麽特別。 最後上的是紅豆抹茶雪糕，雪榚非常嫩滑，抹茶味很吸引。整體上感覺食物份量還算適中，價錢是同區中較貴的，但也算物有所值，相信會再之嘗試。 三文魚刺身: 7分蒜片牛柳飯: 9分味噌湯: 5分紅豆抹茶雪糕: 8分

之前仲係西貢已經一直幫襯，但係無諗過搬左黎馬鞍山之後會令到我唔想再去！我同阿媽去食晚飯，還好不用等位不過只有sushi bar 有位。坐左5分鐘左右先有人拎茶同meal畀我地！價錢唔平，兩隻雞翼都要50蚊！最後我決定食牛肉飯，我媽食照燒雞飯，之後就叫人落單！我只係問左一個好簡單嘅問題：「個飯係定食定係一碗上？」佢嘅答案已經令到我有20%唔會再黎，佢答：「er...我幫你問下！」其實呢個問題都唔係好難姐對於一間日本料理黎講！好！我又等再3分鐘，中途佢走左去幫人埋單，加茶 之後就揾左另一個更無禮貌嘅waitess黎落單！又再一次重複我個問題，自問無粗聲粗氣。但係換來毫無禮貌嘅回復！佢答：「成碗上！無定食！」呢到呢個moment，唔會再黎嘅percentage已經去到60%喇等左成20分鐘先有得食，中途嘅事先係令到我以後都唔會再黎！見到有一枱客落單時候講到明壽司唔要wasabi，都聽到waiter同師傅講1號枱壽司唔要wasabi！點知拎到去1號枱發現有wasabi，客人當然唔收貨要重做！之後個老闆娘就拎轉面同伙記講：「係咁忙嘅時候唔好接呢D單！」我心諗咁都得！仲有就係因為我坐壽司bar嘅關

晚市價格較貴,愛吃日本料理的讀者們不妨一試.是次小弟叫的是一般日本料理中常見的叉燒拉麵,價格如下:午市38,晚巿68,另加一服務費.湯底為豬骨清湯,濃淡適中.麵質又滑又彈牙,無鹼水味,份量足.另外的是抹茶雪糕,完全自家制,茶多奶少,茶味香濃,雪糕香滑,甜度適中.其次,店內環境非常日式,牆上掛有浮世繪.服務周到,如同傳統的和風料理.

馬鞍山近來開了不少新食肆, 日本菜都有好幾間, 此間位於大馬路上, 要走出街先行到, 位置上有點吃虧!7點15分到, 星期四晚, 大把位, 新裝修, 好光猛, 仲有2間房仔, 適合5-6人, 服務都唔錯, 2個人坐4個位 (2張2人檯), 8點後人多, 要等位, 都無叫我地騰番張檯出嚟, good!星期一至四夜晚有優惠, 部份魚生, 壽司, 燒烤38元一份, 都有20-30款揀!我地叫咗一份燒廣島蠔, 2隻, 幾大隻, 好香芝士, 可惜有點鹹! 黑豥肉煱飯, 份量足, 味道都ok, 可惜飯有點濕!牛肉 sukiyaki 加烏冬, 送嚟時所有材料已經落晒, 所以d牛肉愈食愈硬, 其他配件就ok, 不過都係有點鹹! 成128元, 烏冬另加30, 即158+10%, 貴得唔抵!2個人3樣嘢, 埋單315元, 可算是全區最貴的日本菜! 不過睇得出d 材料係靚d!見旁邊人食魚生, 好似幾新鮮, 而且全部係厚砌, 三文魚壽司塊壽司好長, 所以決定俾多次機會佢, 下次嚟試多一次!

途經西沙路, 看見有一間日本料理新開的, 當然要試試看,因在馬鞍山, 很少這些日式居酒屋, 聽老闆娘說這喜多郎是由西貢那邊擔出來的. 今天是年初三, 想不到人也不太少, 地方新但也不太整潔, 可能我坐近廚房吧.點菜時, 那個侍應他可能覺得自己可以一心二用, 又幫我們落單, 格離枱又叫他, 他又不請他的其他同事幫手, 終於壽司來到, 是錯了, 我叫的是喜多郎壽司拼盤, 應至少也有十六件, 但碟上只有九件, 再問那侍應, 那侍應對師傅說1號台應是十六件呀. 真不知是誰的錯. 整體壽司也很新鮮, 愛吃壽司的人不要錯過了.喜多郎壽司拼盤應是他們的招牌壽司吧, 每次也可能有所不同. 但那些壽司, 真的是很新鮮, 很好吃, 真的是要推介這裡的壽司, 除了魷魚壽司, 因魷魚太韌了.銀雪魚燒本來是叫銀雪魚骨燒的, 但侍應又弄錯, 真無奈....... 也很香口, 不錯.燒雞泡魚干帶點咸, 醬汁多了一點, 因此少了一些的香味.燒汁魷魚 魷魚硬了一些, 醬汁多了一些, 整體也不過不失滑蛋燒雞飯飯好滑, 燒雞好好咪, 直得推介.手卷 OK

近日區內有不少新的店子, 是晚就一試這家日式店子. 星期三的晚上, 人客不太多, 始終這裡地段問題, 人流一定比不上商場. 看看餐牌, 價位是定的比較高, 一人定食要$248, 但又要食文迪不吃的刺身. 既然如此, 還是散叫吧.生薑燒黑豚肉鍋飯 $88: 8分, 一客份量不少, 兩個人分吃也足夠. 其實只是簡簡單單的生薑燒黑豚肉, 加隻蛋, 但蛋汁撈飯是相當好送飯, 而黑豚肉也不會太實, 肉質幾好. 是晚見好幾檯也有叫這個鍋飯, 看來是幾受歡迎的項目.銀鱈魚西京燒 $98: 8分, 燒得火候剛好, 幾香口, 銀鱈魚肉夠嫩滑, 不會有腥味. 但是賣到$98一客, 份量就比較少.牛油果炸軟殼蟹卷 $60: 5分, 做得比較實, 飯粒是握得過緊, 牛油果是幾靚的, 但軟殼蟹就炸得太乾, 加上冷冷的, 水準麻麻.這裡食物水準還不俗, 環境也幾好, 但服務態度就是一般, 人客少都有漏單的情況, 未吃完的食物也一聲不響地收走. 加上價位在這區內實在不便宜, 整體來講還不算是滿意的一餐.

近日區內有不少新的店子, 是晚就一試這家日式店子. 星期三的晚上, 人客不太多, 始終這裡地段問題, 人流一定比不上商場. 看看餐牌, 價位是定的比較高, 一人定食要$248, 但又要食文迪不吃的刺身. 既然如此, 還是散叫吧.生薑燒黑豚肉鍋飯 $88: 8分, 一客份量不少, 兩個人分吃也足夠. 其實只是簡簡單單的生薑燒黑豚肉, 加隻蛋, 但蛋汁撈飯是相當好送飯, 而黑豚肉也不會太實, 肉質幾好. 是晚見好幾檯也有叫這個鍋飯, 看來是幾受歡迎的項目.銀鱈魚西京燒 $98: 8分, 燒得火候剛好, 幾香口, 銀鱈魚肉夠嫩滑, 不會有腥味. 但是賣到$98一客, 份量就比較少.牛油果炸軟殼蟹卷 $60: 5分, 做得比較實, 飯粒是握得過緊, 牛油果是幾靚的, 但軟殼蟹就炸得太乾, 加上冷冷的, 水準麻麻.這裡食物水準還不俗, 環境也幾好, 但服務態度就是一般, 人客少都有漏單的情況, 未吃完的食物也一聲不響地收走. 加上價位在這區內實在不便宜, 整體來講還不算是滿意的一餐.