喜多郎日本料理 (已搬遷) 新店位置

不知道甚麼時候開始馬鞍山被冠以「美食沙漠」的謔稱。多年前曾經在馬鞍山工作過一段短時間，也因爲有熟人住在區內而一度頻繁地到訪，我卻少有為沒有好東西吃而感到懊惱。也是的，這些年來，不少我喜歡幫襯的食店都已結業，最新近的是本月初執笠的麻酸樂。數下去還有街市的烙樂串串、新港城的The chocolate room、潮州好棧、金滿庭、薀莎等等，俱往矣。本來是想看看這間一直沒有嚐過，印象中在周末有早餐吃的日本料理。也看不出來究竟有沒有，但反正是午飯時間，就乾脆進去吃吃看。午市套餐選擇不少，目測すき焼き風味的牛肉鍋是其中一個比較熱門的選項，端上來的時候已經煮好了，除了圖中所見的那顆生卵和半熟的牛肉片。作為配料的大蔥、洋蔥、香菇沒有甚麼造型可言，但味道是正常、大路的，可以接受的。向好的方面想，和民旗下的和亭起初也主打賣すき焼き，以前有就腳的店我放飯會去，間中也要求店員煮好才拿出來，否則吃完飯一身上一頭髮火鍋味兒可不方便見客呢。不過，那應該是方便我，而非方便店員吧，哈哈。但我覺得只是一點小事，不必介懷。另一客選了當日的精選關西風菜花煮豬腩肉，附米飯、麵豉湯。菜花看上去是深啡色的，跟滷煮過的豬腩肉那色調幾

老婆突然想食海膽，又想食日式火鍋，住係馬鞍山，真係幾頭痛。漫無目的甘係新港城附近行，突然見到有日本料理，就入去試下，點左一個二人火鍋，再加左海膽壽司同三文魚腩壽司。先黎壽司，已經見到d海膽爆晒出黎，食落好新鮮，好飽滿。之後試三文魚腩，好肥好鮮，味道口感一流。之後就食火鍋，牛同豬，新鮮有味道，唔會成陣雪藏味，其他配料有雜菜，菇，豆腐，品質可以，最後食鳥冬，口感煙靭。可能第一次散叫日本料理，平時只吃放題，似乎唔夠飽，但已over budget, 所以唯有下次再試。個人覺得，用料新鮮，比任食的好食。

個老闆娘當住客面大聲訓下屬，仲要勁張揚食野無理到客，叫距order黑曬口面，d野食到左發現錯左搵距，距勁串話落錯左唔要幫你退左就收左野，自己係度食，都無幫我地轉翻，有個女侍應態度都幾好，無辦法啦一粒老鼠屎毀左成碗粥，仲有個侍應好似新人唔知期間做錯咩被老闆娘當住客面鬧，好心你教新人或者食野都收埋d啦，有客埋單話唔夠200唔祿卡，轉頭又話唔夠500唔祿卡，你挽曬啦，直接話本餐廳唔接受信用卡埋單啦，唔怪知間鋪無生意啦，服務態度“咁好”自然與生意成正比，大家要小心，分分鐘餐飯等半個鐘上錯曬仲要比人串，要預備定搵第二間食

晚餐時間到旁邊韓國餐廳吃飯但冇位，經過這家日本餐廳見仍有空位便進內，一入去已經有股難聞氣味，但見到其他食客都從容進餐，我又不想再出外尋覓所以就留下了。吃得一肚氣回家才上open rice查一下，發現劣評如潮，方知自己中伏。正如其他食評所說，侍應服務其差，尤其是一個貌似領班的女士，落完三樣食物我話一陣齊人再叫，點知等咗一輪佢先話冇幫我落個火鍋，話因為我頭先叫叫下問佢嘢，但實情係佢寫寫下單走開咗去照顧其他客，之後冇返過嚟。再之後嚟咗個我冇點嘅嘢，佢又一口咬定覆單時有講呢樣嘢，一直迫我要咗佢。我嫌煩，就唔堅持梗咗佢。一開始話有四人枱會調返我地離開張bar枱，但D四人枱來完又去，跟本冇諗過會同我地換。成餐飯食到好唔開心，又貴又慢。冇嘢食都唔會再去。我們點了冷麵（烏冬）、泡菜鍋套餐、雪魚定食、雞軟骨及免治雞肉串、豬扒定食，食物質素一般，不過不失。但以這店的價格來衡量，有被騙的感覺。

今晚跟親人到這店吃日本菜, 怎知吃得ㄧ肚子氣, 食物只算是勉强合格, 到結賬時叫ㄧ身形高大的女侍應幫忙, 怎知她隨便答ㄧ聲便不理我, 只顧先舆自己同事説私事不去埋單, 當我再催促她便發脾氣, 「擲」下埋單簿又不説話便走開, 態度傲慢, 要我自己去揭開單簿, 簡直是趕客, 我向其他侍應投訴, 她還叫我以後别去幫襯! 奉勸大家不想看面色便別要去!

8號波落左之後,即刻落街睇下有咩食咁岩想食日本野,又諗起呢間有定食就落地下睇下呢間有冇開門估唔到都開左門,唔洗等初初D人既態度都普普通通,機械式講句日文歡迎光臨(P.S. 之前其實都食過幾次,都知態度並非有禮)叫左2個定食,見到餐牌有生蠔叫但無寫價錢就叫個侍應黎問下啦,操唔純正廣東話既一位女侍應,已經唔多耐煩回答我地既問題,話生蠔要叫半打問佢有咩產地既生蠔就攞個牌黎指住話呢幾隻啦跟住問下有冇得逐隻嗌,半打我地真係食唔哂價錢都無答,兜兜轉轉搵左個應該係高級D,年紀大D,化濃妝既女人黎呢位之前我都見識過佢當住D客面前鬧伙記好強勢既女人,最終我地叫左一隻法國生蠔講返正題,2個定食(照燒雞扒吉列炸蝦飯同天婦羅海魚飯)雞扒味道OK,炸蝦得一條,味道都麻麻灑係飯上既味粉好似食緊章魚小丸子天婦羅魚其實就係三文魚,不過勝在夠熱,幾好食一食完擺低碗筷無耐,明明都無人等又有吉位,同埋我地由坐低到食完都係大概30-45分鐘左右,佢地已經收哂我地所有野想趕我地走,只係淨低杯茶,但其實生蠔都未黎,睇怕都係漏左單(我諗如果係D伙記漏單,實俾佢鬧到狗血淋頭,可惜今次係佢自己)我地都廢事出聲催,繼續坐係到飲多D茶唔好

三大人一小朋友，和家人吃飯，賣單 $678 非常失望！在馬鞍山吃日本餐也有品質一般心理準備，可是這家餐廳令人大失所望。串燒一定要打孖點，各位請當心，這樣「打孖點」會令埋單好貴。一串雞肉棒已經 $30。雞腎串燒是臭的。向店員說，她還辯稱是新串起的，幸好她最後願意取消這個下單。店員推介牛舌串燒，到桌立即放入口卻是冷的。蛋和年糕串燒也是同一個醬汁同一個味道。牛肉湯烏冬和豬軟骨拉麵不過不失。重點是，點粟米壽司給小朋友，粟米壽司不在菜單上所以沒價錢，賣單發現一件粟米壽司竟索價 $20！無通知下直接上3件上碟索價 $60。難道是 hidden menu？點三文魚腩壽司聲稱買二送二，單據上明顯見仍有收費。馬鞍山吃日本餐卻是這樣子，真心希望大家小心留意餐牌價錢。

昨天家人吃飯 剛好在馬鞍山 去試試 但非常失望。從來未寫過食評 都要提出來 望大家好好考慮。 首先 壽司單、串燒單 一件價 兩件起訂 很亂。叫了兩串三文魚 牛肉 話有秘製酱汁三文魚尚可 牛肉乾增增，雞軟骨細串又細粒 物非所值。 叫烝蛋 服務黑哂面話要45分鐘 我照下單 但三催四請 一時后才到 半蛋半水 從未食過咁差的。 叫柚子蜜 又黑面 原來水吧冇人 服務员又要去冲 又等 15 分鐘。 寿司和手卷 不過不失 但贵過尖沙咀。 鼓油無味道 期間我們加單 加水 都要等黑面服務员 有些忙 有些同熟客吹水。 最后 埋單又十分鈡。 兩大人 一小孩 承惠 1200。 大家小心。

蒸蛋要等45分鐘,50分鐘後追問還未有，她說剛特別要開爐蒸比你，再強調已特別開爐蒸，叫我們再等。（心諗：是我的錯嗎！）最後蛋冇蛋未，仲有部分水蓋面！柚子茶20分鐘都未到。想落$598魚生併盤，問她有什麼，她負氣說有魚同其它。之後叫很多嘢都話賣哂，當時晚上七點多些！叫她加茶，她把最大的銀色水壼放在我旁，便立即閃了，我要開來望望是茶還是水！結賬比了信用咭五分鐘都未回來，吹她，她才過咭機！兩大一小朋友$1110，超不值！

朋友聚會可以當團年飯，我地去食日本野，當團年飯當然要豪爽地叫左好多唔同刺身，唔講以為係放題，呢到所有食物是單點。超靚超大隻刺身船，所有刺身都新鮮，船上有八爪魚，章紅魚、帶子等等，雪味不太重，玉子好正，暖暖地呢到壽司整得唔錯，飯同醋都剛剛好，壽司飯唔會鬆散超級新鮮蠔，我就唔食蠔唔清楚味道如何，size也不大，咩品種不太清楚鰻魚飯正正常常，我覺得汁可以少d，鰻魚都算大塊，呢樣抵讚呢隻毛蟹冇咩肉食，但都好新鮮。鮮甜好過食蟹柳😬忘記個刺身名，好爽好新鮮，價錢就有點貴，但都值得一試呢個唔記得叫咩魚，味道唔太差，我鐘意食魚皮呢個係象xx刺身，鮮甜爽口，唔知道係唔係活生，但都唔錯。總括黎講：餐廳食物質素不錯

又過新年拉，估唔到2017第一餐就貢獻畀日式料理拉～系覓食期間經朋友介紹就同老公黎左馬鞍山呢頭既喜多郎～個名聽落都好喜氣，啱噻新年。初初黎到都系抱住幾大期望，入鋪頭就有侍應安排就座呐。睇見個餐牌都夠噻開胃，就等出菜見廬山真面目。一開始點佐人頭一個招牌安格斯牛柳鍋飯，飽肚先。再黎食佐牛肉壽司，樣靚味道正。牛肉韌度啱啱好。跟著我地點佐2份一人壽司，一人寿司份量好足，有8樣基本魚生寿司，三文魚丶吞拿魚丶带子丶蟹柳紫菜卷⋯⋯都好大件。二人日式燒肉餐，有沙津丶黑毛豬丶安格斯小牛排，配飯丶紫菜丶甜品。柴菜包住飯同肉一起食，好美味，份量足，都係得$398。刺身拼盤，魚生件件都厚切，飽滿鮮甜，分别有三文魚丶帶子丶北極貝丶魷魚⋯仲有阿拉斯加长脚蟹呀！成个蟹身有两个面咁大，正！肉質都夠新鮮。喜多郎既莱式真係夠創意呀!有三文魚刺身海膽蛋糕，各種魚生整成既蛋糕走一個係好睇得黎又貼心。食飽見到有專門既刀櫃，入邊摆晒各種各樣既刀，至於咩刀切咩食村就要請教店長呐。系喜多郎開餐真系滿足你三個願望呀！滿足你味覺，視覺，同埋好奇心。

係馬鞍山呢頭返工，lunch時間將呢頭基本既快餐店食肆都試過晒，今日放工捻住約同事食下日本料理，就上網搵左間名叫喜多郎既日式料理鋪，見個名都起得幾好聽就選左呢間試，鋪頭都幾易搵，就係馬鞍山中心商場地下A2鋪。初初入去見到有個刀櫃都好奇去望左下，各種刀具，唔知做咩㗎呢。跟住我地就埋位就座，開始叫野食，點左個芒果沙律，芒果就唔係好多，不過ok好食日式定食點左個雜錦刺身配茶漬飯，刺身盤擺到成朵花咁，厚切既，有幾樣，三文魚、吞拿魚、八爪魚、帶子等，每款都新鮮。茶漬飯面上有紫菜絲，仲有類似餅乾條增加口感，個飯茶味都幾濃，份量適中叫左樽清酒，熱愛三文魚既我再額外點左三文魚壽司，賣相ok，刀工唔錯，唔知用刀櫃邊把刀切㗎呢，開始佩服日式料理既製作精神，味道唔講先，刀工確實係一流。中間仲有片綠葉點綴下～仲食左燒雞腎同埋牛肉串，我鍾意落d檸檬汁吊下味，食落雞腎爽脆，牛肉嫩滑最後食左個紅豆綠茶雪糕都算唔錯既一次晚餐，雖然份量唔多，但食得精緻，係放工味蕾relax既好地方，會再幫襯

My sister and I were just looking for something simple for our lunch when we passed through this restaurant. I first glanced at the menu; all the items were expensive. However, just as we were going to leave, one of the waitresses came out and introduced the set lunch menu to us. Those offers first were appealing and the waitress also mentioned that since we're students, we could have a free appetiser and have cold drinks without costing us. It didn't take long until we decided to eat there.We s

從來未寫過食評，忍唔住要寫一寫，希望不再有其他受害者。看見門口裝修很好，有套餐，便與先生入去試下。坐下來，先給你一本menu 但沒出門外的午市套餐，本想問店員，但她極力推介$398二人餐，並稱廚師精選推介。諗住食好d,概然是推介，即管一試。沒想到是這麼差，二人餐包1）蟹籽沙律(沒有特別）2）海膽炒飯 (很少海膽，味道很一般的炒飯）3）燒魚，原本第一口，感覺很香的，但再食時，發現條魚未熟，店員取回再整，哈哈，之後條魚鞋到無朋友。最後只好飲埋餐飲同食甜品，幸好食左甜品，芝士蛋糕之後，個心較為好一點，唯一的安慰。结脹前，隔離枱客人叫好了東西後，發現原來有午餐menu,他們即時更改餐點。可惜，我們知道時也是結脹時。回想一下，相信這是這店的手法。不會再幫襯第二次，完。

作為一個正宗嘅中餐胃，平時我都好少食日本料理，不過friend話要帶我轉下口味wor，成日食中餐好dry，於是就帶咗我黎喜多郎啦聽個店名都夠曬日本，時間尚早客人唔多，一坐低就有侍應招呼啦因為我鐘意食芒果，前菜就點咗招牌芒果沙律啦，酸酸甜甜嘅芒果加埋D蔬菜都幾爽口雜錦刺身擺碟都幾靚，睇上身就好有食慾，三文魚都好厚身下，其他刺身都ok，食落無雪味壽司盛包含幾款壽司，都幾好吃嘅，不過D壽司飯就可以再改善下口感點咗條秋刀魚，幾新鮮冇咩腥味，friend點咗幾串串燒，外相都唔錯，上枱香氣撲鼻聞落都流口水，我就鐘意食烏冬，嗌咗軟殼蟹湯烏冬，湯底夠鮮，烏冬夠嚼口，唔錯甜品就食咗綠茶雪糕啦，侍應介紹嘅，好香綠茶味差唔多食飽我地就好似大鄉里咁去睇餐廳展示嘅廚師會用嘅刀啦，幾廿把都夠曬犀利！