影片
更多
2015-03-23
463 瀏覽
今日慶祝生日, 咁去開馬鞍山又想食日本野, 見呢間可book位, 就中伏了.原來是間幾取巧的餐廳, 食客真是要小心!!去到餐廳, 見星期5晚都坐唔滿, 在馬鞍山呢D四圍都要等位的地段, 覺得好奇怪下, 但都去到, 照入啦.點菜時, 個待應upsell我地有set話剛剛推出, 6百錢蚊, 有一盤壽司, 一個鍋, 一碟沙津, 同2杯野飲及甜品. 就中左招.一盤壽司:~~待應話︰一大盤, 夠哂你地食啦, 仲件件都貴野, 單點要成4百幾蚊架.~~真相︰有3件小卷, 同8件好一般的壽司, 蟹籽, 八爪魚, 三文魚, 帶子果d, 最貴應是有件吞拿魚同蝦 (待應話隻蝦要百幾蚊一件喎!), 連海膽, 三文魚都欠奉，咁都叫好多貴野食? 而且大部分魚生質素其實算新鮮但咁嘅價錢都比咁細件, 超唔抵食。賣相算OK, 壽司放得整齊, 但好零落, 仲要將我地散叫既壽司放埋一碟, 先覺得多D壽司. 呢件蝦壽司睇極都唔知點可以值百幾蚊一件啦? 呢件真差D，肉質霉霉地，仲有D乾身，唔好食。一個牛肉鍋~~待應話︰個鍋成3百幾蚊架!~~真相︰都算幾多料, 有菜有肉，但只是好普通的一個鍋, 又唔是大份, 出面比盡值一百尾.
原來是間幾取巧的餐廳, 食客真是要小心!!
去到餐廳, 見星期5晚都坐唔滿, 在馬鞍山呢D四圍都要等位的地段, 覺得好奇怪下, 但都去到, 照入啦.
點菜時, 個待應upsell我地有set話剛剛推出, 6百錢蚊, 有一盤壽司, 一個鍋, 一碟沙津, 同2杯野飲及甜品. 就中左招.
一盤壽司:
~~待應話︰一大盤, 夠哂你地食啦, 仲件件都貴野, 單點要成4百幾蚊架.
~~真相︰有3件小卷, 同8件好一般的壽司, 蟹籽, 八爪魚, 三文魚, 帶子果d, 最貴應是有件吞拿魚同蝦 (待應話隻蝦要百幾蚊一件喎!), 連海膽, 三文魚都欠奉，咁都叫好多貴野食? 而且大部分魚生質素其實算新鮮但咁嘅價錢都比咁細件, 超唔抵食。賣相算OK, 壽司放得整齊, 但好零落, 仲要將我地散叫既壽司放埋一碟, 先覺得多D壽司.
呢件蝦壽司睇極都唔知點可以值百幾蚊一件啦? 呢件真差D，肉質霉霉地，仲有D乾身，唔好食。
百幾蚊一件的蝦壽司
$150
72 瀏覽
0 讚好
0 留言
~~待應話︰個鍋成3百幾蚊架!
~~真相︰都算幾多料, 有菜有肉，但只是好普通的一個鍋, 又唔是大份, 出面比盡值一百尾. 牛肉都算幾好味, 但以份量計, 價錢又是偏高
一碟沙津
~~待應話︰又百幾蚊架!
~~真相︰蟹柳同蟹籽(仲要唔多料)同d青瓜咋喎, 魚生都冇一片，美道也好普通，沙津醫放大多。
而2杯野飲 是啡, 奶茶, 檸茶果d, 非特飲 (我朋友仲要飲左2口就話檸茶苦的，好難飲）及甜品 是雪糕加紅豆, 非fancy野，甜野野一豌。
成個餐就咁多野, 收到張單個餐$698 (個待應話6百幾), 不過都預左佢一定6百幾到尾, 係我哋冇問度實價.好啦, 餐又貴又唔抵食. 我哋真係叫左, OK.. 焗做水魚.. 還有其他嘢未講完, 上埋d我哋冇叫既食物, 發生幾次, 實在太大意!
1. 軟殼蟹卷 - 我哋叫軟殼蟹卷, 自動變2客, 我哋話只叫左1客, 上菜仲話個同事問過你哋是不是要8舊架! 我一來唔覺得佢有問過, 而且二來冇啦啦問我是不是要8舊都夠奇啦, 叫軟殼蟹卷, 咪即軟殼蟹卷1客, 唔通佢是我肚條蟲, 知我叫軟殼蟹卷 即是想要軟殼蟹卷2客!? 我哋話只要1客啦, 落單個待應就來解釋話其實是廚房攪錯左喎, 比左隔離果份我哋喎，我哋是要1份的, 是他們睇錯左台號! 味道又硬，又凍，應該是拎來拎去放涼左。
2. 烏冬 - 個鍋有烏冬跟, 又無啦啦同我哋落多一份烏冬. 我哋當然唔要啦. 味道同759 D即食鳥冬咪一樣。
3. 玉子壽司 - 成$20一件, 都算貴, 算想食咪叫啦. 我叫2件, 佢同我來4件, 重要同 SET嘅壽司放一碟, 我地以為個SET包2件, 又叫左2件, 所以有4件, 收到單先知. 問個待應佢話我地叫2客喎! 佢個menu是一件件出價錢, 我哋咁咪一件件叫, 佢落單又幫我改左2客, 服務唔太專業. 味道算好，起碼熱的，都幾滑。
4. 切餅費 - 張單有個"壽司部出品$100", 又要問啦. 個待應話是切餅費. 下, 佢只是幫我放左蛋糕一陣, 同好似冇雪, 因佢拎出來比我時蛋糕D cream好溶, 餅是我仲自己切同自已分架喎. 佢幾時有切過餅? 最重要我book時問左唔收切餅費先買去, 當然同佢拗啦. 今次又話, 原來你問左呀, 唔好意思呀接電話個同事今日放左假, 佢最後都waive左我, 但咁多樣加埋, 我覺得間野好唔老實.
咁我哋就衰衰咁食左餐生日飯! 以佢哋咁嘅生意手法, 唔怪得咁少客啦, 以後唔會再去了.
張貼
