喜多郎日本料理 (已搬遷) 新店位置

劣質飲食體驗，一定要分享。今日父親節，大家都知馬鞍山難揾食，所以諗住帶兩老去小店唔使咁迫，點知⋯入到去已經一陣「伏味」，黑漆漆同埋一陣腥味。整個用餐過程兩個待應態度超惡劣，黑面對答冇禮貌，但礙於「都坐低咗咯，無謂要老人家行來行去」，所以硬着頭皮點餐。老實說，食物質素只會俾2粒星，但一個普通的牛肉鍋就盛惠$148，未計加一，太貴了。不過都算了，我本着「食你唔死」心態，反正都是一家人傾吓計。埋單時候，高潮位來了⋯收到賬單，見到價錢嚇死寶寶，媽媽問待應係咪計錯數，佢話冇，多出的價錢是父親節「特備茶介」，但食飯的時候連茶（其實是水）都是自己倒，而所謂前菜是一片薄切蘿蔔，咁就3個人收六十大元，太離譜了吧﹗最後一家三口嬲住咁走，完。門口見到告示，通知食客該店將會搬去西貢，大家入到西貢見到新日本餐廳，自己睇路﹗

幾次經過覺得店鋪門面幾吸引就入去試下，點知就係咁中曬伏。拉麵既質素好差，湯底好似出前一丁，叉燒好硬，麵質係最common既劣質拉麵，食左兩啖已唔想再食。飯類好少少，不過都係唔值呢個價錢。整體令人好失望

百幾蚊叫左個味噌雞鍋食，點知個鍋黎到，成個鍋好HEA，味道可以話無味，LIU暈成個鍋都係得幾粒雞粒，無錯真係得幾粒，真係好珍貴。抵死既係，果幾粒雞粒仲震煮到好鞋，快餐店D雞仲大大份同好味過佢。然後成鍋野都係雜菜，好似人地食剩既咁，有直接同侍應後映過，侍應堅持落一塊雞排落去個鍋，自稱足料既，聽到真係非常之無奈。我終於明點解馬鞍山中心既食肆，其他都會排滿隊，零捨呢間無咩人吼，係有佢原因。無睇到呢度D人既食評，最後食到又伏又受氣。

本來開開心心一家人去食晚飯，但一坐低已經發現碟上面有隻死蜘蛛屍體，極其恐怖。我地落第一 round order 嘢先，再慢慢睇下叫甚麽，都有廿幾樣嘢。經理在落單時黑面及大大聲噉話叫咁夜少嘢食。我之後同佢講你呢度啲衛生唔得wow，要認真搞下佢。佢就話"唔鍾意食就走喇"。全家人都俾佢激到火都嚟，激氣及決定走。以後都唔會再嚟。

之前經過幾次喜多郎，見到佢地午市定食餐牌放在門口，價錢唔貴又多選擇。 但次次也是剛好吃完午餐，經過才想起想去試。 今日特別提自己直接去吃，不過去到門口見不到平時個午餐牌。 入到去見到好幾張枱也未清理，有點亂感覺。 突然有位女士從坐位起身帶位，問佢有冇lunch menu ，她指那本平時菜單後面那幾頁。 最後要了蛋汁吉列豬扒飯定食。 碗飯蛋夠滑，吉列豬扒質感一般，但整體上由湯到飯也只是暖暖，而且味道偏甜。 吃完想叫人添茶，竟然一整壼銀色壺放在我旁邊，跟著她又走了。 整間餐廳感覺怪怪，試過一次已就夠了。

我喜歡食海胆 所以經常去日本料理(有水準)餐廳都會叫海胆食  今次呢間係我少有食到要寫好評 雖然只係海胆壽司 但係新鮮甜美足以比美刺身(通常壽司會用較低級) 我當然未叻到食得出佢係邊度嚟 但係真心好好好味 食完會回味想再食 另外仲叫咗燒帶子 燒完出嚟仲係好大粒好厚 鮮甜爽口 大滿足 餐廳人客唔多 上菜唔洗等好耐 食野嘅人都唔會好大聲傾計 坐位空間合理 整體感覺好舒適 成餐飯食得好滿意 下次再入馬鞍山會再去食呢間

之前食過一次都正常，有時會有壽司買一送一優惠，佢壽司比出面貴好多，三文魚$15一件，$30一份兩件。琴晚第二次同朋友食，5個人比張4人臺🤦🏻‍♀️⋯後面有人走就要求轉臺。裡面得一個疑似老闆娘的員工落單送餐⋯服務態度一般般，我地例牌叫15元一件嘅三文魚壽司！分咗兩張單叫咗16件！味道算正常..但出菜速度超超超慢⋯一開頭落單嘅食到最後都未嚟，吹單先叫㕑房整🤦🏻‍♀️食物除咗壽司⋯其他真係又貴又慢又普通🤦🏻‍♀️埋單發現收我$400壽司！！我問點解係唔係$240！佢話我地係點三文魚腩$25一件！🤦🏻‍♀️奇怪⋯我唔係第一次食，第一行好明顯就係普通三文魚壽司，根本就冇可能填錯！但真係冇辨法，因為已經食咗落肚！咁我覺得壽司真係好味！但睇唔過眼佢地落錯單⋯仲要落錯貴嘅壽司咁故意囉🙄見到其他人對呢間餐廳嘅評論就更加肯定佢地經常用呢個手法呃人錢！絕！對！冇！下！次！每次晚上經過都見食冇人食！原來唔係因為太貴？而係手法惡劣！過份！

馬鞍山中心商場地下其實都有唔同既餐廳，不過位置問題，人流唔多，所以成日轉手呢~今日過嚟食晚餐，店內除左枱位，仲有榻榻米的座位，不過要留意返，榻榻米位置有最低消費呀。點完餐之後，店員都好好，問我地食物等齊先上定係預備好就上先，因為得一個師傅負責準備食物，所以等既時間都有少少耐，我哋都無咩所謂，所以有就可以上啦。餐牌上仲有串燒同其他料理，不過價錢有少少貴，所以今日主要都係叫定食同套餐，我叫左一份雜錦壽司盛，食材好新鮮呀，所以跟餐咁叫都抵啦~

見馬鞍山商場人山人海，所以改去馬鞍山廣場下面的餐廳食，有位，所以無睇open rice 食評就中伏。坐低15分鐘都無水，自己去攞又俾個侍應叫停。叫豬扒飯又來錯牛肉飯。之後來個烏冬，食咗一半又質詢我地有無叫。事實上我地有叫個壽司餐係有烏冬的。假意問人岩唔岩食，就係想收返我地牛肉烏冬錢。跟住我地話唔岩，就即刻收走，勁無禮貌。味噌雞肉唔似味噌，求其將d 菜放在鍋中，好無heart. 服務態度咁差，食物又無水準，再平都無人食。為防中伏，以為都要睇完食評先好入餐廳，唔係攪到大人小朋友都唔開心就唔值得。

今晚去左呢間食晚餐，叫左大蝦天婦羅烏冬，再加左一個芝士蛋糕，買單嗰陣個服務員竟然分開收錢，天婦羅收一份68，烏冬收一份58，芝士蛋糕收一份48，原本係一個套餐98，加28可以加個芝士蛋糕，佢話佢無收錯呀，係咁叫俾錢！老闆又唔公平處理單嘢，明明呃人錢，就話唔知點溝通，你哋自己解決！再唔食呢間黑心店！人在做天在看！出來混遲早要還！希望呢種人無教壞人危害社會！

其實呢間餐廳都開左一段時間嫁啦，甘岩又諗吾到食咩好，所以就同人去試下。未入到就見到六十幾蚊個有八種比你 選擇, 我就試左個咖哩牛肉飯, 都唔錯。我朋友叫左OMAKASAE，六百幾蚊一個set，都幾貴，但糸真係好食，個串燒豬頸肉同雞腎絕對值得一試。個 OMAKASAE 話糸一人份，不過一個正常食量既人真係可能食吾曬。下次要再食過

很喜歡到馬鞍山看日落看完之後找地方吃飯最近兩次都來這間吃日式料理晩餐平均$75位 有幾款選擇第一次選了蜆烏冬 有成8-10隻蜆 又清清地幾好味今次則選了都忘記了是什麼名堂印象中是麵豉醬茄子🍆豬肉再加隻半熟蛋 但一點麵鼓味道也吃不出來 但整體來說也是ok的朋友點的照燒雞餐就好好味 雞皮燒得脆脆的😋雞肉則好嫰滑 熟度剛剛好👍只是麵鼓湯的味也不是很濃這𥚃的茶幾好喝 還會每枱放一大壺可以自己添 最喜歡那對筷子有個框套著 拆開來就成為筷子座佈置也很好 有些位是tatami店員服務態度也不錯在馬鞍山簡直是首選

蟹籽海鮮炒飯 $68早陣子有晚十點才吃晚飯，馬鞍山這區很多餐廳已經打佯了，上網查到這家日本料理竟是十一點才關門，就走過來這家快快醫肚了。隨意點了個蟹籽海鮮炒飯，還跟了碗麵豉湯，這裡的麵豉湯比起許多日本餐廳都好喝，味道不會很鹹，喝下來挺舒服的。而炒飯是用桶型器皿端上，份量很足，熱騰騰的十分好吃。與其說是蟹籽海鮮炒飯，倒不如叫做蟹籽三文魚炒飯更好，因為除了雞蛋之外，內裡的配料主要都是蟹籽和三文魚，不過味道真的蠻好，聞落已經很香，炒得乾身飯粒分明，想不到水準是如此不錯的，最後捧著肚子滿足地離開。

起先看這家店老老舊舊不起眼的，但好奇看看菜單以後發現，還蠻貴的！就膽粗粗去試試，結果真的好吃到核爆！重點推薦Yasuyaki京都醬油牛肉火鍋！還有師傅推薦的壽司！食材真的是第一級！完全比下廣州任何一家日料！高手在深山！

這家應該是馬鞍山最出色的日本料理餐廳了。在馬鞍山中心靠西沙路那邊。店面不大，有普通座位，两個榻榻米包房和寿司吧。這家的師傅是東北人，對食物有他的那份埶著，話不多，但工作起來份外認真。這家店的食材確實很新鮮，這也是日式料理能夠成功的至关重要的一環。有了新鮮食材再加上師傅的巧手，便會有供給客人的美味精緻的食物。這次點了叉燒拉麵套餐，配了日式炭燒咖啡和大蝦天婦羅。另外一份三文魚蟹籽飯和三文魚籽手卷。拉麵入味弹牙，豬骨湯濃濃。天婦羅的配汁調味恰到好處，不會太咸，原本大蝦的味道偏淡，但配上汁後就十分惹味。手卷中三文魚籽份量十足，吃極都有。完全滿足到小朋友對魚籽的那份熱情。