喜多郎日本料理 (已搬遷) 新店位置

昨天係母親節。媽媽喜愛日本菜。但係馬鞍山周圍都排曬長龍。喜多郎門口都好多人等緊。我入去攞籌。係尼個時候，有位侍應生走出黎，話，先生，你家人訂左台啦，入黎坐啦！原來，個位姐姐見到我媽咪年紀大，唔想佢等太耐，但係突然比位我們，其他客人一定吵到拆天。所以佢就運用小小技巧安排左座位比我們。已經很感動。其實之前係網上都睇到好多尼間餐廳的差評。所以一直都唔敢黎試。我們個晚都係吃定食，然後升級壽司刺身，飲品。刺身厚切，壽司的飯係暖的，師傅即時手握，壽司個件魚生好厚身，係其他餐廳的兩倍有多。所以我明白點解佢地的價錢係高，但係其實你認真去品嚐的話，你會知道其實佢地真的一分錢一分貨。天婦羅入口即化，一定係既炸，炸豆腐必吃，自家出品。唯一美中不足就係個晚是在太多人，要提醒佢地倒茶！成晚吃的好開心，特別係媽媽，佢老人家不停咁講野，捉住個侍應生，人地忙得不得了，又唔好意思唔理我媽媽。尼間餐廳睇得出係做熟客，見到個個客人都幾乎可以叫得出名字。個師傅應該係老闆，做野好專注，成晚一直切切切，腰一直灣住，D出品好靓，我下次都想試下隔理台的原條魚生，我見D人吃到讚不絕口！祝媽媽身體健康！明年再吃日本菜！