喜來稀肉 (已結業)

為了以至抵價買機票去旅行，經常都是於出發前早幾個月甚至一年就搶定機票，黎緊11月出發的首爾行，機票便是一年前搶到的，一直就期待著期待著...這個年頭，只有去吃韓國菜才能暫時止喝..今晚就來到旺角吃評價甚高的嘆烤肉~一坐低同平時烤肉店一樣，桌上已放滿前菜，包括超級辣的泡菜，生洋蔥，芽菜等等，還有一盤生菜，可以包著烤肉吃減輕油膩感，然後還有爐邊芝士蛋，以上所說均是可以無限添加的，當然以不浪費為前題啦~真雪花牛肉 $200油花分佈平均，入口甘香，肉汁豐富，肉質軟嫩，不愧為最貴的真雪花牛肉~牛肋骨肉 $130肉質比較爽，雖然油脂不多較有咬口，但肉味濃，是我最愛的一款~喜來烤肉 $130薄薄的，口感嫩滑完全不帶根，兩邊輕輕一燒就可以吃~護心肉 $150吃牛太多會膩，我們也點了一款豬，護心肉是非常爽脆的一個部位，吃多也不膩，所以每次吃烤肉都會點~爐邊蛋要邊烤邊自行用叉子攪拌，至半熟就可以吃，這樣超好吃又不會過老~~吃烤肉這樣滿滿一桌好開心~~

喜來稀肉在韓國很有名，聞名已久，熱爆劇集《太陽的後裔》也在他們的韓國店拍過，在大陸及香港也有幾家分店。在香港開第一家分店時，我已經很想來吃，但因為大排長龍而卻步。較早時出差上海，竟然給我遇上喜來稀肉，馬上與同事試一下，非常不錯! 今次就和朋友到這家「來自韓國的烤肉店」大吃一番。餐廳在地牢，還好旁邊有大大塊招牌，並不難找。樓梯有椅子，還有凍茶可斟，等位也不用太辛苦。店員大部份都是韓國青年，有像置身韓國的感覺。用簡單英語溝通就ok，實在不行就找本地店員好了。有時不小心跟韓藉店員說了廣東話，他們也能聽懂的。餐廳裝潢 - 大廳中間有棵大樹，周邊的卡位則用磚頭砌起的牆隔開，感覺挺Raw的。燒烤用的是光波爐，燒起來比較乾淨，熱力均勻，但枱下卻有一股熱風積聚，令人不太舒適。而且我們坐在最裏面的位置，空調不足，感覺有點熱。很可愛的芝麻容器配料有生菜、泡菜、洋蔥等，還有一個清湯。問韓仔店員是甚麼湯，他就只說: 「Soup」。左邊是芝士蛋，右邊是泡菜蛋，可以無限添加。喜歡吃芝士可以要求多加芝士"More Cheese"~蔘雞湯$120 - 人蔘味適中，不會過重，容易入口，裡面還有完整一隻雞。難得是雞肉還是

幾年前要食喜來稀肉，剩係識去尖沙咀大排長龍等位。而家喜來稀肉既分店已經遍佈好多地方，想食唔一定要去尖沙咀，連旺角都有。點左一個韓牛特殊部位套餐，有牛外腹肉 / 牛梅花肉 / 牛脊亦位 / 西冷，包2杯飲品。點完餐，店員就順便幫手整埋爐邊蛋，一係芝士+蛋醬，而另一邊就係泡菜+蛋醬。套餐話咁快就到左，有一塊肉大到連個盤都裝唔哂。4個部位，各有唔同既肉質同埋味道，但係每個部位既油脂分佈，所以燒出黎都好香，同埋唔會太”鞋”，加埋生菜一齊食岩岩好，減少左油膩感，同埋食D菜感覺好似健康D。不過最大塊果塊牛肉，因為太大既關係，所以火喉既控制比較難，我地又怕太生，所以有少少燒過龍，破壞左個口感。

說實在, 我很少食燒烤, 無論日燒或韓燒, 因為容易熱氣, 也因為健康的考慮, 不過, 愛吃的我, 總不能永遠都不吃, 所以久久也和朋友吃一次燒烤, 要吃的話一定要選優質的, 才不會浪費這quota, 這次就揀選了風評很好的韓式燒烤「喜來稀肉」, 早已聽過它的大名, 難得朋友提起說要來一次韓燒聚會, 一行三人就來這裡韓燒吧。  限時90分鐘, 吃烤肉來說是有點急, 這也因為餐廳太有人氣了吧, 如果沒人等候的話, 應該可以繼續食的。  走入地牢, 立時很有氣氛, 不單只裝修佈局很有韓國地道風味, 連店員也有很多韓國人呢! 環境已勝過其他同類型的韓式燒烤店。  坐低之後, 立即就送上前菜同加了蛋漿在爐邊, 好有效率! 令人開心的是, 前菜、包肉的生菜同爐邊蛋都可以任加的, 每人最低消費要點一款肉也是合理的, 否則餐廳真會蝕本呢。 韓國泡菜, 味道酸爽, 辣度頗高呢, 我不太食得辣, 要狂飲水才成, 也令我減少吃它的意欲, 不過, 最近睇過一個日本電視, 說泡菜有益腸道健康, 間接令人更長壽呢, 日後也想吃多點。 生洋蔥, 應該是處理過的, 減少了那種辛辣得令人流淚的感覺, 較為溫和,

喜來稀肉以招牌菜護心肉聞名，護心肉於一隻成人豬身上產量較少，被視為珍貴肉類。近日好姊妹提起年多前曾嘗護心肉，有機會要相約我於工作附近試一次。上網搜尋，原來廣華街與煙廠街交界地庫有喜來稀肉分店，既然咁近，就相約平日夜晚韓燒一番。當晚大概七點半到達所剩空枱已不多，估唔到咁多人同我地一樣不分季節都喜愛韓燒。入坐時侍應提示進食時間為90分鐘。一坐低侍應已準備前菜三小碟、爐邊蛋、生菜及凍水。姊妹已急不及待食完一整碟泡菜，侍應亦即時添加。泡菜切得較大塊，鹹味酸辣味足，可以連之後的燒肉一齊食減油膩感。洋蔥圈味道不辣，味道腍甜。餐牌有壹頭牛或壹頭豬的拼盤套餐，但我倆已一早諗定叫辣護心肉、真雪花牛肉同喜來稀肉，所以冇再諗。餐廳主要提供豬牛兩種肉類，唔似其他韓燒店有海鮮供應。燒肉很快上枱，先嘗真雪花牛肉。雪花牛肉肉色紅潤，油花分佈平均，未經調味，一燒已經差不多全熟，放入口肉質軟腍多汁，似食和牛，難怪可以賣200蚊9件！食完雪花牛，試試辣護心肉，護心肉顏色不太討好，切成條狀。護心肉比較厚身，要燒得較耐。辣護心肉入口不辣，反而帶有點點甜味，肉質爽口不油，柔軟但有嚼勁，真的是上等肉類！喜來稀肉將牛肉薄切捲成花狀

喜來稀肉喜來烤肉 $130牛肩肉 $130雞蛋、泡菜、生菜都係任添！佢啲雞蛋會落埋啲泡菜同芝士，真係好正，2個人食refill咗3次，真係食唔停！喜來烤肉同牛肩肉比比，後者送生菜食都會有肉味。食咗咁多次，個人覺得剪細啲啲生菜會好啲，唔係會遮哂啲味！今日其實唔太餓，叫咗2款肉都飽哂，唯一可惜呢到冇酒牌冇酒賣。

無招待都吾緊要喇，仲要無服務，我同朋友坐旺角店，坐旁邊卡位，成晚都要行出去叫人落單，埋單D待應得閒都只在玩同聽歌，場內播的音樂太大聲了，跟本客人有需要時他們都只掛住聽歌，待應又吾會主動視察。又無禮貌，不如吾好做，食物質素又差，貴得黎又吾好食。

與好姐妹走到廣華街，聞到香噴噴既香肉味，令我按奈不住不斷叫：「好想食燒肉」。入坐前，穿超短褲既韓國弟弟指出：最低消費為每人一碟肉，用餐時間為９０分鐘。甫坐下１０秒就有凍水、泡菜、醃洋蔥、香蔥大豆芽、生菜片。爐邊蛋：芝士烘蛋＋泡菜烘蛋，超短褲韓國弟弟好快來到倒蛋漿在爐邊（醃菜同蛋漿可以無限ＲＥＦＩＬＬ的）。打開餐牌，牛和豬都細分為不同部位，例如：牛頸肉、牛舌、牛護心、牛外腹肉、西冷肉、喜來烤肉、牛梅花肉、牛肉眼等等……。連套餐都有好多種，最令我深刻係—韓牛特殊部位套餐！基於太多太多選擇，我乾脆叫個最平的拼盤來試試！壹頭牛！可以一次過食曬牛既唔同部位上菜速度快，３分鐘上晒！提提大家：記得開爐開到最大火！如果唔係，燒半個鐘郪唔會熟！ 壹頭牛：有喜來烤肉、牛五花、特級牛頸、牛肋骨肉、烤調味牛排骨。份量足夠，２個女仔絕對夠食！喜來烤肉：肉質又滑又嫩牛五花：好多雪花，肥而不膩，好好味！肥瘦比例啱啱好！PS.餐廳播放Ｋ—ＰＯＰ＋韓國ＯＰＰＡ員工， 真係令人以為自己置身於韓國！店好寬敞 坐得好舒服！

剛好從韓國回來後，隔幾天朋友就相約來這邊用餐已經想不起對上一次食喜來稀肉是什麼時候韓國烤肉中雖然肉很主角，但配角生菜一樣重要若沒有這些生菜及沾醬，再美味的烤肉，應該吃沒塊就膩口了可以免費續點的爐邊更有會附贈芝士烘蛋跟泡菜烘蛋(無限添加)餐牌多了拼盤套餐可以有不同部位選擇(用餐時間90分鐘)另也有單點跟其他選擇 食物種類算多壹頭牛套餐(包兩種飲料)喜來烤肉/牛五花/特級牛頸/牛肋骨/烤調味牛排每款4-5件，分量不算多調味牛排味道不錯其他個人就覺得普通，牛肉味不濃蔘雞湯湯頭味道偏淡，原隻雞都大隻份量夠兩個人飲 旺角廣華街3號百利達廣場地庫

今日約咗細妹撐枱腳，去咗旺角嘅喜來稀肉，位置方便就腳店舖環境寬敞舒適， 餐廳內播放着我哋熟悉 嘅k-pop及大部分都係韓籍員工， 好似真係置身於韓國食緊烤肉咁呀點菜後店員為我哋預備鐵板，配料及前菜，以及喺鐵板邊放蛋漿， 蛋漿可免費添食因為本身同細妹都唔係食好多嘢嘅人，所以我哋只叫咗真雪花牛肉，五花肉及韓式烤豬皮牛肉鮮嫩好有牛味腩肉肥瘦比例啱啱好，而且有咬口，唔會食到成口油。 燒豬皮有豐富膠質，食落好黏口，但記得唔好燒咁耐，如果唔係會好靭...今晚好滿足，平均每人250蚊勁抵食，重點係食材新鮮。下次要約多d人嚟試埋佢個韓牛拼盤至得

今晚好開心，一早訂咗枱去食韓燒，雖然 Lee 間店有限時只得1個半小時用餐，還好唔算太趕，不過如果人多去食，想傾下計就無咩時間啦！今次總共試咗3樣嘢食："喜來五花肉配特製醬汁"：望落好似好肥咁，燒嚟食又唔會好油膩，口感都唔錯，肉味都好，加埋甜甜地嘅韓式醬料，正！"喜來烤肉-牛"：係推介食物嚟㗎，擺得好靚成朵花花咁，肉汁好多好鮮甜，燒出嚟有D似肥牛，感覺唔會食得太多肉。"水冷麵"：有冰係個湯入面，酸酸地好開胃，我之前係韓國都食過，冰冰涼涼，對住個爐食水冷麵，感覺超爽呀！Lee 間店最開心嘅就係有好多嘢都有得任食，嘻嘻~ 小小貪心咁啦！ 任食雞蛋：有兩款味道，芝士味唔辣好香；泡菜味小小辣好惹味，超讚呀！任食生菜：好新鮮好爽，好乾淨，用佢包燒肉最好，唔怕熱氣。任食前菜：泡菜，味道唔錯，小小辣，我哋 3 個都食到。任食前菜：洋蒽，浸咗調味汁，酸酸地，加入生菜同肉包住一齊食，好美味。任食生菜沙律：Lee個味道就一般，我自己就唔鐘意。仲有個湯水，清清地咁啦！

大學同學一行七人約飯聚，試下呢間韓燒。一入去地庫，見到懷舊風既裝修，主題好突出。地方寬敞，坐落都好舒服。最低消費每人一碟肉，用餐時間90分鐘。坐低就有凍水、泡菜、醃洋蔥、生菜片比你包住D醃菜食。一開始就放左蛋漿係度，可以一D人叫野食，一D人燒住蛋先，分工合作。醃菜同蛋漿可以無限refill。打開餐牌，牛同豬唔同部分既肉都分得好仔細。叫完好快上菜，牛護心係招牌菜，爽口又香口。牛舌快炒幾下就食得，個質感好似唔夠林。牛頸肉，好多雪花，肥而不膩。醬油雞肉，甜甜地，個味都調得幾好。喜來烤肉，大家一致既最愛，好好味！今次飯聚，食物同環境係唔錯，不過大家要顧住煮野，又驚唔夠熟，又驚佢燶，所以美中不足之處係冇乜時間傾計，下次約飯聚都係去返D坐定定就有得食既地方

終於係生日試到喜來稀肉🍢😍旺角店好寬敞 坐得好舒服😁而且裝修都好特別 中間仲有好多燈吊係上面 好有feel😍烤肉價錢中等 至於味道都唔錯😋我地叫左五花肉、護心肉、牛肋骨等等 其中牛舌同喜來烤肉係最有水準嘅😝牛舌薄薄嘅 仲幾大塊 爽口嫩滑👍🏼😚而喜來烤肉好精緻 用薄身嘅牛肉砌成玫瑰花🌹牛肉味仲好濃郁好juicy😜另外 仲叫左石鍋拌飯、豆腐湯、大醬湯、水冷麵、人參雞湯 味道都幾好嘅😁豆腐湯要撈飯呀🤤🤤

點左護心肉、牛五花和一碟唔記得名的牛肉，d牛肉好味，又嫩又多汁。護心肉一般，有豬腥味。仲點左石鍋拌飯，個飯係有史以來食過最難食的拌飯，無咩味，入面拌料好少，直頭食唔出味，感覺食緊白飯

今次是第二次食。上次時於荃灣，仲要無得卜枱。而家係旺角而且仲可以網上卜枱，真係超級方便👍🏻👍🏻👍🏻👍🏻👍🏻當日早了點去到，店員好好，可以即時安排我地入座。但說真，入座後計1小時多半個鐘後便要交枱真的有點那個。第一。這不是放題，第二。燒肉但得個半鐘。即要燒好快，然後好快食。我明白，旺金地段黃金時間，不限時的確會阻礙左你店鋪搵錢能力。但6個人也是個半鐘。。。真的只是填飽個肚。我個人覺得2小時會較合適。註：沒人等位是不會趕你走的。食物方面，仍可保持水準喜來稀肉。薄薄的牛，甜甜的，很好食應該係牛肋骨肉有點咬口，個人覺有點「un」護心肉。是豬好好食，醃得好特別忘記了是什麼，但好好食。仲有生牛肉，忘了拍照生牛肉與其他店食的有點不同，沒有出面店的咁多麻油味，相對比下去五花腩。韓燒必食。好好食