喜來稀肉 (已結業)

每一年都會跟男友挑戰渣打馬拉松對上每一次都是10公里的比賽這次決定挑戰半馬，經過兩個多小時終於完成中午在家休息過後，晚上決定要去吃一頓豐富的去補充一下於是就約朋友去吃燒肉朋友說這裡價錢不貴而且又好吃所以選擇了大家都較方便的旺角分店去吃人都算多，等了一會就可以入座未點選食品前，桌上已經放了泡菜、芽菜、洋蔥圈及生菜可以配燒肉一齊吃我們點了「蛋伴生牛肉」$160最初男友跟朋友都不吃生牛肉但我極力推介這個好食因為之前都食過類似的菜色結果他們一嚐過後就停不了口因為蛋跟生牛肉、雪梨絲伴勻後雪梨的甜，與蛋汁的味道很夾完全嚐不到生牛肉的腥味朋友都點了「護心肉」、「牛五花 」來燒燒牛肉男生會比較喜歡我就較喜歡吃 「豬頸肉」 $120肉質很嫩，將豬肉切成條狀，更易入口而且不會很大件，很難燒熟「石鍋拌飯」 $78吃燒肉當然要有飯作伴， 又怕白飯太淡味所以我們點了石鍋伴飯即使我們先吃燒肉才吃飯，熱烘烘的石鍋都令飯還很熱飯亦伴隨著紅蘿蔔絲、菇絲、蛋、菠菜、芝蔴將他們一拼拌勻再吃， 啖啖有餸， 滿足「泡菜餅」 $85另外我們再點了一個泡菜餅作小吃這店的泡菜甜中帶辣而不酸， 好好吃再作用製泡菜餅外層煎到脆身， 好香

黎到2017, 朋友仔話要先滿足下舌同胃, 迎接新一年開始, 野食當然要貴精又貴多啦, 哈哈!  就朋友們方便就係旺角揀左呢間喜來稀肉韓燒! 爆like同回頭翻焯率都極高吖嘛! 落到地庫門口有熱茶招呼, 但今次早來吾使等位, 跟住有人一馬當先就點了豬牛set, 生牛肉,魚籽拌飯, 牛護心肉, 呢d招牌菜, 然後就話好野吾好被好停, 好食到唔使問點解, 食過知真相等, 令人毋庸置疑!  四個人起碼叫1set 牛1set豬先叫豐富啦! 2set岩好可以點4杯飲品, 你地d點埋野飲啦!唔講甘多, 去圖go go go!例牌烤盤旁的芝士及泡菜蛋, 要蛋就等!所以先黎前菜蛋拌生牛肉, 同魚籽拌飯, 蛋黃, 甜梨, 生牛肉, 夾得黎唔太油膩, 拌飯驚喜位係最底好似煲仔飯既飯焦, 香夾脆!接著飲品到, 4色櫻桃, 西柚, 柚子, 藍色檸檬汽水, 專登揀唔同色, 來夾隊形夠繽紛!之後即刻烤牛肋骨肉, 牛頸肉, 點鹽油醬, 令牛肉味突然爆升! 重點推介護心肉, 肉質幼嫩較厚身，脂肪比較少，食落爽口, 好味到個心都離一離, 真係要護住個心啊!   再到豬五花,同豬大腸, 用生菜包起, 連拌菜洋蔥, 泡菜,

喜來稀肉已經黎過幾次，但都兩行食個二人餐就飽，今次四人行可以叫多點野來食，滿足貪食的我啦。門口等位有熱茶提供好貼心，燒完肉又有糖消除口氣，今日特登早黎，半滿所以直接入座，8點後都多人等位。一坐底已經準備好泡菜前菜，還有芝士蛋及泡菜蛋，包燒肉的生菜及水等等。除了有泡菜，更有醃洋蔥及醃菜絲，呢度泡菜都頗辣，洋蔥甜甜辣辣醃牛肉最正。蛋同泡菜都可以添加，個人喜歡芝士蛋，芝味濃郁又夾蛋，泡菜蛋辣辣地幾惹味。叫左兩個套餐包飲品，但呢四款要加多$5/杯，我地揀齊不同口味，所以四色齊出好靚。分別有柚子、櫻桃、藍色檸檬、西柚汽水。四款都爽喉清涼，最岩食完燒肉飲。蛋拌生牛肉 $160有生蛋黃、生牛肉及梨絲，刺破蛋黃，將蛋及牛肉拌勻，夾著梨絲用食。牛生肉拌入蛋黃，變得更香更滑，肉質柔軟嫩腍，夾著梨絲爽口，兩者都好夾好配合，唔似食牛肉咁，味道偏甜。壹頭豬 $388，有護心肉/五花肉/豬頸肉/韓式烤豬大腸/韓式烤豬皮，包二杯飲品的二人餐。有五款豬食材可以燒，食完都幾飽肚。豬五花肉厚身多肉，燒既時候較耐，我地先燒牛食，之後再燒豬。豬頸肉，極爽口又大塊，配咸咸地既麵豉醬最夾。豬護心肉柔軟中帶點咬勁，厚身都保持多肉汁

呢間野不嬲都幾出名嫁啦~但出名係豬肉~今次我就試下第2樣野~試下牛~首先照舊同其他韓燒一樣~會先送開胃菜~以酸辣為主!最大特色為爐旁邊有蛋食~分別為蕃茄蛋,and 芝士蛋~ 我個人喜歡食芝士蛋~無限加蛋! 姐係食蛋都可以食飽..我地叫左個韓牛套餐試試~來到後~肉質其實都唔錯~肉汁多~但個爐好似唔太夠熱俾我地鎖肉汁整牛~因為要整得好食~熱度一定要夠高! 因為價錢都偏貴~700$~所以用佢黎對返a4牛到既話~就有小小偏弱~好明顯唔夠a4牛好食~不論味道/肉質定肉汁都唔夠a4好~所以價錢上會有小小偏貴~所以推介黎呢間食豬會好d!

已經是第三次光臨此店了，曾經吃過另一間港島分店，可惜經歷不太愉快，還是鐘情旺角店晚上大概等了半小時就可入座，等待時間還可以先喝門外的熱茶暖暖胃。一入座桌上已準備好一切，有前菜，有烤盤旁的泡菜蛋及芝士蛋。前菜麻麻地，但那些泡菜蛋好好吃😍我更添食了一次呢！在等候時間已看好餐牌定好選擇，今次點了護心肉($150)，真雪花牛肉($200)和泡菜湯($68)。特別想提說真雪花牛肉單單看賣相已吸引油脂分佈很ok，不用幾分鐘就燒好，不用配料也不用生菜，入口完全感受到那份滋味好淋，油香味十足，不錯。護心肉就一般般，連生菜一起吃可減少油膩感。至放泡菜湯，辣度算小，如果可多一點酸味會更可口。入面的豬肉有點韌，咬到牙齩有點軟，泡菜也不多，豆腐ok。部分餐牌如下:

琴日同朋友一齊去食韓燒，諗左好耐終於揀左喜來稀肉，我地5個人 叫左壹頭牛，壹頭豬 個喜來稀肉係中間捲到好似花咁，好令。套餐既份量吾多，叫左2果餐岩岩好夠食同每隻肉都有d試下 都真係幾抵😆 我個人比較鐘意食五花肉 同牛五花，佢隻汁又吾會太甜 燒完都仲食到👍🏻

認真 香港周圍都有燒肉店 但試過咁多間 依然覺得喜來稀肉係最有水準。第一次食喜來係尖沙咀 今次就試下旺角店啦！首先 鎮店之寶 辣護心肉係正既 juicy又入味！一碟兩個人食 都真係有衝動想叫多碟。見佢招牌係護心肉 就試埋炸護心肉 伴薯格 超夾 加埋啤酒 真係Happy Friday必點之選！今次食豪少少 食左個韓牛set 少許貴 但韓牛係韓國食都係貴 所以 照叫唔理喇！韓牛係唔洗加醬 都好香 入口好快溶化 超正！所以 貴都值得一試！食得韓國野 泡菜是重點吧，佢個泡菜辣辣甜甜 易入口 夾埋燒肉食係極滿足！會不停想refill ! 店員都會自動refill蛋漿 換鐵板 態度良好 都幾值得一讚！韓國店員都會普通話 都幾nice！所以 要食燒肉既話 我個人覺得喜來稀肉係first choice

星期日約左朋友8點去旺角喜來稀肉食飯因為朋友話想食韓燒好耐所以就去左而間比較出名嘅餐廳一坐底就有3個小菜 冇影到相有泡菜 洋蔥 蔥泡菜好辣但好好食 食唔停口之後我地叫左護心肉 黑豚梅肉 五花肉 豬皮(掛住食 淨係影左梅肉)好快上菜 好有效率爐邊蛋好好食！有芝士 同泡菜我同朋友中意食芝士蛋多啲所以第二轉要左兩邊芝士蛋Staff勁好比左好多芝士😻飯後感冇食評寫到咁差食物質素好好Staff服務都好好我地食足個半先有staff要我地埋單我地冇即刻埋 staff都冇催我地仲有個靚仔oppa同Onni😻😻下次要再同朋友黎 食過翻尋味

人生既第一篇openrice食評就奉獻左比喜來稀肉因為之前既宋仲基潮流，好多朋友都去食喜來。但因小弟吾得閒既關係去吾到，今次就同女朋友去食下。我地係星期五去食既，去到都好多人等，大概等左20分鐘就入左去坐。 d待應就話有限時既，禁都無問題。入到去就有三碟前菜同雞蛋，聽說係無限refill既，禁當然吾好＂汁輸＂。由於我同女朋友都食得吾多，只係叫左個豬set，個豬set都幾多款野，有豬皮，豬腸，五花肉，啲分量都夠我同我女朋友食下次都會再食

泡茶辣又脆 肉都幾掋食我同朋友 3個去食 200有找睇啲人話服務員態度唔好 不過今次又冇咁既情況喎唔知係咪少人食 冇咁忙啲服務員主動問 加唔加蛋 加唔加前菜仲俾我地坐左差唔多2個鐘((可能冇人等今次係我第一次食旺角喜來又冇咁差姐

星期六同男朋友去左喜來稀肉到食野,去到爆多人,由於冇book位所以都等左一陣入座後就見到餐牌上有幾款推介既某幾樣都有叫個牛肉真係好正好多汁男朋友吾食辣所以叫左個吾辣既湯,個湯幾好飲,又多料,都幾抵食啲服務態度都算幾好,都會幫我地full野,成日周圍行,一見到吉碟就收,吾錯吾錯

同樣的繁忙時間，前星期六晚去過銅鑼灣登龍街分店的用餐經歷非常好！今晚毫不猶豫帶朋友去旺角廣華街喜來稀肉食韓國燒烤，點知道呢間分店的服務可以差到負分！周圍都見到侍應，但全晚居然冇人理你！他們永遠直行直過，完全唔理會顧客/枱面情況！我們全晚要不斷企起身大叫唔該才可以落單/叫人換鐵板/加水/埋單！😡😡😡我其實有睇過先前服務差的評語，但我自以為同一集團，唔同分店的服務唔會相差太遠嘅...我知錯了！我一定不會再自以為是再去幫襯😖😖😖

得果一個半鐘，未夠鐘啲嘢仲要未食晒，夥計已經要吹埋單，啲夥計仲要成日行過嚟眼望望,仲要出邊無人等位囉，野食已經好一般，真係好掃興囉想去嘅朋友請自己諗!!! 我就唔會再去囉👎🏻👎🏻👎🏻

今晚一早向open rice book 定枱食韓燒，自從去完韓國之後就勁愛韓燒，而呢間係我認為最接近正宗嘅韓國燒烤。一坐低見到爐邊蛋已經加咗向爐邊，之後所有前菜一齊上枱，有泡菜，洋蔥，豆芽湯，大蔥，我地叫咗喜來烤肉，五花肉，護心肉，今次第一次食護心肉，唔怪得之前有咁多人推介一定要食，肉質軟嫩，肉味濃，真係大推，而五花肉煎到外皮脆脆再加泡菜包埋生菜一齊食，真係勁正！如果要揀向香港食韓燒真心推介一定要試呢間

終於開sem啦！約左幾個同學去喜來稀肉食開sem飯，第一次食喜來稀肉既我十分期待我地book左7點，入座時仲未係好多人，環境舒適，餐廳正中仲有棵大樹，幾有特色。坐底無耐就已經諗好食咩，嗌左壹頭牛、護心肉、喜來五花腩配特製醬汁。肉，全部都係肉。個人覺得壹頭牛裡面長條型厚身既肉最好味，肉既紋理好似和牛咁。另外出晒名既護心肉真係好好味，咬落去好軟身，但又有𡁻口。燒五花腩個陣最治癒，望住d肥膏流出黎真係好正，不過怕肥既我都係會整走d肥膏先食。壹頭牛個set仲送2杯飲品，嗌左可樂同白提子汁。白提子汁真係有d提子係入面，啜到d提子肉既感覺好似食緊啫喱，好得意另外加左2杯桃汁，有少少桃肉咁，好味淨係食肉好有罪惡感，包住d菜食好似健康d我好中意食爐邊既泡菜蛋，於是包埋落去，食落口有陣陣蛋香，好正生菜、前菜、泡菜/芝士蛋、蒜片係任加！我地加左3次都食晒總結: 雖然嗌得唔多野，但我地4個女仔都食到飽住走，食完大味既食物枱旁既櫃筒都有薄荷糖自己拎，真貼心