喜來稀肉 (已結業)

又到同男朋友撐枱腳時間，今日食韓燒之前已經食過3次喜來稀肉，環境好大又唔會煙霧瀰漫無限添加嘅爐邊蛋真係好好味，食物水準依然保持到前菜&爐邊蛋 一坐低已經即時上左前菜同爐邊蛋，好快手。讚！前菜有3款分別係泡菜、洋蔥同生菜絲，可以無限添加。爐邊蛋一邊係芝士蛋漿，一邊係洋蔥泡菜蛋漿，都係可以無限添加。芝士蛋芝士有拉絲但芝士味偏淡，泡菜蛋真係好好味唔會太辣呀五花肉 $115手掌咁長嘅五花肉有3塊，肥瘦相間嘅五花肉肉質佳，一路燒啲豬油會燒出黎，所以食落唔會覺得好肥。如果怕油膩可以包生菜中和一下。(其實以前都唔中意食五花肉，但韓燒令我愛上五花肉)真雪花牛肉 $200牛肉大概有十塊，每塊肉質都唔錯，有血色而且油花分配得好靚。口感偏嫩唔韌無筋，可以包生菜或者點豆瓣醬都唔錯。調味豬排骨 $160同塊面一樣咁大塊，連骨豬排帶少少肥脂，因為醃好左所以燒熟後肉質偏嫩，唔點醬都夠味，剪開一塊塊肉再包生菜泡菜蒜片一次食，口感豐富。調味醬油雞肉 $1102大塊連皮雞腿肉已經醃好，燒熟後肉質好嫩唔會乾澀，生菜包住食係最好味嘅。蔘雞湯 $120份量可以3-4個人分享，味道偏清淡，微甜有少少人蔘味。原隻雞都大隻，肉質好腍

黎過好多次，每次有朋友想食韓燒都會推薦呢到！ 首先佢既配菜一d都唔孤寒，菜、泡菜、蛋等等都全部任refill😋 淨係食呢到有時都飽左好多！而且佢d菜好新鮮，好脆口，絕唔係下欄菜！我有個朋友特別情傾呢到既爐邊蛋，佢有芝士蛋/泡菜蛋，都係可以refill，每次黎起碼要食兩轉！個人推薦佢既泡菜蛋，酸酸地辣辣地，開胃又唔滯❤️而肉類每次必點牛五花同護心肉！前者薄薄地，配埋佢既醬汁同d脂肪，好香口好惹味😍而護心肉爽口得黎又夠甜，食到幾舊都唔嫌👍

點了個2人牛肉餐，肉質唔錯，份量足夠，2個唔細食的女仔都食唔晒。但係枱空間好少，餐的食物都係勉強夠擺，座位窄張凳唔舒服，坐得辛苦。另一問題係間食肆冇酒牌，食燒肉冇啤酒飲就真係一種缺失

之前都食過唔小韓燒，但喜來稀肉真係第一次食！食物質數、環境都唔錯！今次去到旺角哩間分店，空間感大！當時時間尚早，大約6點半，不用等位就可以入座巧合地跟朋友都想吃面，所以分別點了水冷麵和炸醬麵！作為第一道食物係十分開胃，湯底冰涼帶酸，夏天食真係透心涼，而是麵身彈牙，沒有比這更令人暢快！醬汁香濃，搭配煙韌既麵條，真係鹹香與口感兼具！另外，點左兩人拼盤套餐！壹頭豬，可以一次過食曬豬既唔同部位，有護心肉、五花肉、豬頸肉，烤豬皮、連內臟豬大腸都有！不過對烤豬皮有D失望，口感偏軟身 ，但護心肉就好好食，肉質有咬口，包埋生菜豆瓣醬一齊食，可以減低油膩感！

因為食飯前要睇戲，所以一早預約左8點鐘4人枱一坐低，已經發現枱面已經預備好前菜，烤蛋，生菜拿拿臨打開menu, 睇下有咩好食。多人食飯有度好,可以試多幾款,更何況同行4個女仔，戰鬥力都有返咁上下，所以最後揀左壹頭豬，梅頭肉，牛五花同喜來烤肉。每款肉既份量都幾足，每樣食少少，唔使叫其他，已經好夠飽。壹頭豬套餐包左豬頸肉,豬大腸,豬皮,五花肉同護心肉，一次過可以試晒唔同部位推介護心肉,爽口多汁第一次燒豬腸，原來都幾好味，外層燒到脆脆地，包住少少油脂，非常香口牛五花都係必食，肉味濃，夠嫩滑食到咁上下，爐邊烤蛋已經烤好食得，兩款口味--泡菜同芝士，個人比較鍾意泡菜烤蛋，酸酸地食落無咁溜同場加點雞脾菇一大碟話說壹頭豬包左塊菇，朋友唔浪費燒埋佢，剪開每人食左一小塊，發覺又甜又juicy ，所以encore叫一碟點知明明店員話一碟7-8塊，最後一碟有成14塊，唔知係咪店員見我地鍾意，得登加料送多幾塊其實睇落都幾似燒緊肉喎

聽就聽左好耐，但第一次食😁因為只有兩個人，淨係叫左加二人一頭牛餐🐮起初以為唔夠食，但食落原來好飽✨真係好彩冇再叫其他野😳好鐘意塊肉用生菜夾住，之後加泡菜一齊食，質感非常好!肉既話就咁食都好好食!!!絕對值得encore!!但價錢就略貴，但食貨既我會再食!

預訂了六點半位於旺角的喜來稀肉，時間尚早，餐廳只有幾枱客人，我們兩人被安排於四人餐座，前菜已好好的端在桌上，泡菜味濃，酸甜味辣，開胃十足。爐邊已注滿蛋槳，慢慢煮熟，看著已很期待蛋槳可以快點燒熟，放進肚子裡。而配菜同蛋槳都是任添的，可以吃完再添。點了兩人拼盤套餐「一頭牛」，可以一嘗牛的不同部位，有喜來烤肉、牛頸肉、牛肋骨肉、牛五花、牛排骨，牛肉放在一個以牛各部位分割的木盆子上，端上枱已非常吸引，看見已口水流不停。牛肉新鮮，肉汁鮮味，牛肉用上不同醬汁調味，特別惹味，牛肉薄薄的，一片片放進爐子上，不消一會兒反兩反，就可以吃了，肉味濃郁鮮嫩，其實不加任何醬汁已好吃得很。眼見其他桌子的客人都點上了這個二人套餐，可見是此餐廳的招牌套餐，如果人多的話可點埋「一頭豬」套餐，便可享用埋豬肉的不同部位了。由於我們只有兩人，再貪吃都不可能消滅兩個套餐，只好單點了餐廳推介的豬心肉，好奇豬心肉是否豬的內臟呢？原來不是，豬心肉是豬腹附近的肉，肉嫩彈牙，同樣美味可口，由於是豬肉要放進爐子久一點，夾著生菜蒜片，涂上醬汁，配搭得宜，消減油感，更加開胃。另外點了石鍋飯，撈上醬汁及配菜，滿足非常，熱烘烘的熱飯焦，好好味呀！

護心肉又滑又嫩口正。我們點了牛盤，一個牛盤有幾種肉，可以一次過食到牛的不同部位，感覺新鮮服務員經常幫我們換爐，服務態度真係好好，值得稱讚我們也點了泡菜餅，好多泡菜粒粒

喜來稀肉 平時系尖沙咀食得多旺角都系第一次透過openrice book 左2230 而第二日亦都有人打黎confirm 我last order 同收鋪時間 ....我地一行九人準時去到 一去到已經那那聲嗌野 野食一落枱已經雙爐怒爐 大約去到十點五十分 哥哥仔行黎last order 咁我地咪睇下menu 再加囉 點知哥哥仔好緊火 再講多次 算吾好煩將我地枱頭有既野都加單就算..... 燒燒下 一班人開開心心傾計 點知班staff 23:05 23:15 23:20 23:30 .23:35 23:45系咁埋黎講我地收十二點 ....鬼吾知你牙媽系女人咩 講咁多次 系咪要趕我地走？我地有冇話吾走？問題系你地收十二點時間仲有咁耐洗吾洗催到咁？不如你地set個離場時間 吾好set收鋪時間牙麻 2230入坐連嗌野 你地肯定2305已經要同我地講收工喇嗎？ 結果2349我地岩岩熄爐佢地又講多次我地收 咁咪走囉.......仲系成餐催到吾安樂 不過野食同尖沙咀差吾多 ....泡菜吾夠尖沙咀辣個爐燒到黑晒都冇人換只有無限催我地走所以以後去尖沙咀都吾再黎

這幾天老公心情5好﹐想搵餐美食掃掃心中悶氣﹐便打開 openrice 搵下有咩想食﹐搵到喜來稀肉而且可以 online book 位﹐之前也有去過尖沙咀果間﹐今次打算試下旺角店﹐ book 左枱19:30 4位﹐差不多時間便到了﹐只需多等5分鐘便有枱﹐openrice apps真係好方便。坐低便點了2人套餐再加1份喜來稀烤肉、1份真雪花牛肉、1份韓式烤豬皮﹐所有肉類品質都5錯有肉鮮味﹐而韓式烤豬皮我覺得有點肥膩感覺﹐而套餐包2個飲品﹐我們多加1支酷梨汁﹐而配料是無限添的﹐如芝士旦、泡菜旦﹐泡菜及生菜﹐整體上都算幾好的﹐個個食到抱住肚子非常满足﹐4人埋單合共$1252﹐只係用左千數元﹐老公心情已經好好多﹐真係咩都抵番晒。

這幾天老公心情5好﹐想搵餐美食掃走心中悶氣﹐便打開 openrice 搵嘢食﹐之後  book 埋枱﹐差不多時間便到了﹐只需多等5分鐘便有枱﹐openrice apps 真係好方便。坐低便點了2人套餐再加1份喜來稀烤肉、1份真雪花牛肉、1份韓式烤豬皮﹐而套餐包2個飲品﹐我們多加1支酷梨汁﹐而配料是無限添的﹐如芝士旦、泡菜旦﹐泡菜及生菜﹐個個食到抱住肚子非常满足﹐4人埋單合共$1252。

好耐冇食！一食後又好掛住！唔好睇相以為得好少，原來份量都幾多！最上2塊牛係大過手掌嫁呢！我最鍾意上向下嘅第3款！夠曬雪花，入口即溶！最上果2塊，牛味夠曬重！因如果太生就會好un...煎嘅時間技巧有d難！我覺得如果有埋suggest要燒幾耐會好好多！最低嘅都唔錯！普普通通好似得3塊好少咁！但係每塊可剪開4塊！豬味夠！油香好正！用黎燒真係美味程度100！配菜任加！夠曬新鮮！參雞湯，普通！冇乜特別！參味太淡！雞肉唔太滑！

今日白色情人節當然同男人過啦，佢話少食韓燒，我就話不如去這間之前試過尖咀都吾錯，去到不用等位就有得食，男人不嬲鐘情牛肉，今次選擇困吾知食普通定韓牛，最都決定食韓牛加冷面仲有飲品…最後每人大約四百多，仲要食吾晒勁滿足。首先有前菜和湯，最好仲要有芝士蛋和泡菜蛋選擇添……芝士蛋勁濃又香，食左好快已經想加添。最好係仲要可以不停加菜同蛋都係吾洗錢添！～好快牛肉都黎到，好特別器皿裝住好得意……韓牛套餐 $688入面有牛外腹肉，牛梅花肉，牛脊亦位，西冷，而且仲有菜和菇…牛肉吾同部位出黎效果都吾同，男人最愛西冷，肉味夠油脂又夠多。我反而喜歡有口感的反而少油最好。當然還有可以添叫的生菜一起食減少油膩感啦，瓜比心目中甜，如果瓜份量多幾片會更好。水冷面$70…不嬲係我最愛，入面有蕃茄，蛋，酸蘿白，少少酸加上面有口感又夠凍，如果想辣少少仲可以加上芥辣，少少辣同酸味道好好！～而且份量都夠食而且勁開胃添。檸檬和西柚汽水 套餐加$5…黎到份量勁大杯，飲落去吾太甜而keep到凍吾錯。

同行朋友提議韓燒但她不吃牛🌚🌚🌚所以來了一個燒豬宴🐷壹頭豬 (@HK$388)包括了豬所有部位 (護心肉，五花肉，豬頸肉，韓式烤豬大腸，韓式烤豬皮)套餐還包括了兩款飲品🌝🌝韓國梨汁真的好好飲❤❤套餐豬仔的每個部位都十分新鮮加上配料無限添食所有可以貪心的用生菜包上一大口一大口泡菜再配上豬肉就可以減少肥膩的罪惡感了烤豬皮時可以另外叫店員送上黃豆粉，是韓國正宗的食法。把豬皮剪碎烤好，然後沾上黃豆粉更能帶出豬皮的香氣喔

每年一到情人節，我都不會大費周章去慶祝或準備驚喜，可能跟他一齊久了，覺得這些根本不實在，所以我們情願簡單吃個晚飯，就算是慶祝了，今年也不例外，隨意挑了這家我們常來的燒肉店吃晚餐，當作預祝我們的情人節這家燒肉店愈開愈多分店，當然由韓國傳到來香港，原來中國內地現在也有不少分店，而在這裡去到旺區總有一家在左近，所以想吃的時候就不怕沒得吃，今晚去了旺角這家分店，位置相當便利，一來到已經有很多客人在等候中，幸好不是等太久，等了十五分鐘就可以入座一坐下，前菜配料都已經全放好在桌子上，熱爐板也已開啟，預先烘熱，我們急不及待的把燒肉餸菜點好，而且上菜速度很快不得不讚的是這裡的泡菜非常好吃，我們都很喜愛吃，辣中帶甜味，吃起來不會有酸味，泡菜和雞蛋邊還是任添的<<護心肉>> 每次一來吃，都會點這裡有名的護心肉，因為肉質比一般豬肉更有咬口，而且燒好後非常軟熟，包生菜片和沾上各種醬料一齊包著吃，生菜配料令燒熟後的護心肉油膩感降低<<豬頸肉>> 平時都很少點這款豬頸肉，突然想吃所以點一客來燒，脂肪分佈適中，燒熟後入口多汁又夠軟熟，很香口<&