喜來稀肉 (已結業)

唔算旺角正中心，地鐵站出行十分鐘左右到。我喜歡，無咁繁忙。經OpenRice book 抬，去到即有位，走嘅時候已經排曬長龍！食物方面，我不嬲都滿意喜來稀肉。btw 無叫餐，散叫，因為想食鐘意嘅部分。今次想講下環境，可能因為比較遠，出奇地坐得舒服，我兩個人坐四人大卡位！雖然有啲熱，又小小焗，我都食得好happy！不過真係如果冷氣同通風做好啲，成件事會好好多！不得不提係因為我依家忙湊BB，少咗好多出街食飯。同老公撐抬腳，忙中偷閒，特別開心😂

喜來稀肉難得假期, 與朋友突然好想食韓牛, 聽聞過江龍喜來稀肉有韓國人替您燒肉, 決定一試!我地3人行, 一坐低, 店員已經為我地準備爐邊蛋, 一邊加左泡菜, 一邊加左芝士, 望到都流晒口水! 叫左一份牛里脊, 一份牛西冷, 一份喜來烤肉, 嫩豆腐湯, 水冷麵及石鍋拌飯。喜來烤肉整成一朵玫瑰花形狀, 好靚。至於肉既質素都好高, 但就略嫌唔夠牛味! 另外, 值得一提的是爐邊蛋食完可以再加, 超正! 但旺角依間並沒有韓國人替您燒肉, 令整體感覺大打折扣。

前兩日同朋友突然心思思想食燒肉.就行咗去旺角呢一間起來試一試啦。環境OK啦，夠乾淨但啲服務員就好似好忙.咁唔係成日得閑會理到你.不過枱面有一個鐘仔. 你想叫服務員嘅時候可以撳鐘仔。我哋叫咗壹頭豬二人套餐同一份喜來稀牛肉share 食～ 個豬全餐好豐富～有5份不同嘅部位🐷肉～～～ 食完真係好似食晒成隻豬😜 喜來稀牛肉個汁甜甜地～又帶出牛味～ 好好食❤️邊爐側邊嗰個芝士蛋漿同泡菜蛋漿都好好食、滑滑溜的😝因為堂食限時90分鐘. 所以我哋都冇叫冇再叫太多嘢食～ 食完之後都差唔多夠鐘囉😜 不過兩個女仔來講已經份量10分足夠😻😻😻飽着咁離開了😜

不吐不快！用咗咁多年openrice，從來都無衝動要去寫食評，係呢間餐廳令到我的起心肝寫我第一篇負評❗️呢間餐廳/呢個集團本人都唔會再去🙅🏻‍♀️，整體感覺都極差🤬。一行7人，朋友請小妹食生日飯，千簡萬簡，老公話呢間好多like，所以就去試下。訂位時已問得好清楚，用餐時間係90分鐘，如之後無人等位就可以繼續坐。雖然唔係任食放題，但而家好多餐廳都會限時，費事比人霸住張枱做唔到下輪生意，呢點係完全理解，所以我地通常會簡夜啲先開始食，唔洗食得咁趕。但如果有人等位都會跟返規矩埋單，唔好阻人做生意。我地絕對係有品既食客！尋晚我地準時21:25到齊，等店員清理好餐枱後21:30入座，店員再次提醒用餐時間係90分鐘。食到22:45就黎提我地餘下15分鐘⏱+比埋張單我地對，當時餐廳已有8成吉枱。到23:00店員無埋黎催我地埋單亦無示意我地夠鐘要離開，所以我地估計只係循例係夠鐘前比單客人對。23:15我地order啤酒，職員落單後同我講最後5杯😱意思即係酒水都唔比再order😧。另外23:00職員洗廁所🚽，23:20再去就已經欄住🚫唔比再用🤯。成個作風同訂位時所講既無人等位可以繼續坐係完全兩回事。加上我地唔

本身約咗九點鐘，但係我哋9:25先去到，好彩都可以順利入座，而且喺收銀仲有免費漱口水可以拎，所以食幾多蒜頭都唔怕嗌咗個牛肉set 同埋魚子紫菜飯，啲牛都唔錯都有牛味，個紫菜飯仲可以揸埋一舊拎去燒，都幾得意。我哋refill左三籃菜，前菜同埋啲蛋都refill左兩次，食到勁飽，都幾抵食。雖然鋪頭入邊有好多員工，但係佢哋唔會好殷勤見到你食晒會幫你refill, 所以去食就要主動啲食完就叫refill 唔好怕羞。

旺角分店服務態度極差，之前光顧都冇咁差，廁所細都算，問題係限時1個半鐘，仲未夠鐘就催人走，明明仲有15分鐘就催我地埋單，又5比我地fill野，禁鐘3次冇人理都算，以往黎食野找少錢都算，6個人比一個爐都算，生日蛋糕都5比我地食埋就話要交台？我明紅日係忙d，點知岀到去睇，根本5多客等入座，生日飯食成咁，嬲都嬲飽啦，其中一個高佻扎邊既男侍應更加係聽到我地fill野後，當面，反左我一個白眼🤷🏿‍♀️，食飯定受你地氣呀？我地都好客氣咁唔該前，唔該後，我地食5切係因為你地忽視我地要求炸，個盤都黑曬，仲用？生Cancer呀🙄本身已經限時，仲要時間燒，仲要受人氣比人忽視，呢餐飯係我食過最火滾既一餐！我會繼續幫襯喜來稀，但5會再黎旺角店😡

平時都好鍾意食燒肉旺角呢一間唔使好似尖沙咀咁等咁耐好快就入得 店員都好多係韓國人服務都還好啦最鍾意食佢嘅護心肉同埋豬頸肉用生菜包埋芽菜泡菜同埋其他配料真係好正㗎最好係佢有免費嘅泡菜蛋仲係任添加架價錢又唔係好貴 一定會再食

今次又係朋友生日飯，其實之前一直都想食，今次有藉口啦😝，所以一行八人，一早book定枱，咁就唔使怕等咁耐，我哋book咗七點半，去到嘅時候，已經差唔多無位，佢地要求一人要叫一碟肉，或者2個熟食當一碟肉，個個都係食得之人，一定冇問題啦😝，對我黎講食燒肉最重要一定係個泡菜，而佢個泡菜好啱我胃口，因為出面有d會整到好咸，但呢個味道剛剛好👍🏻👍🏻，我地叫左好多野食，豬護心肉，豬大腸，豬五花，豬皮，牛護心肉，喜來烤肉，牛舌，牛肋骨肉，真雪花牛，所以肉類都唔錯，我最鐘意喜來烤肉，豬護心，牛護心同真雪花牛，好冧夠肉味，而其他熟食都叫左好多😂😂，最後當然係食得哂啦😝整體來講，食物質素唔錯👍🏻，會再去幫襯✌🏻

現在旺角限時食肆何其多，如果唔係出面等緊的人咪有排等！成個旺角都有好多間90分鐘的限時烤肉，所以喜來稀限時90分鐘都好合理。入座的時候，staff都有再提醒我地，我地好清楚！今次喜來稀真係教識我要好好學下time management我地先叫左「一頭豬」，呢碟有豬的不同部位，包括：豬皮、豬腸、豬五花.....我地又衰嘅，燒個一頭豬用左40分鐘啦！燒得7788先覺得唔夠，話要加單喔！咁就係入座52分鐘之後，加左個喜來稀烤肉、牛雪花同一個海鮮蔥餅！職員好快就拿左上來啦！又係我地衰，冇睇時間！成班港孩，唔知燒一舊肉要幾耐，又唔數下一碟肉有幾多塊，又唔去計下自己剩返38分鐘可唔可以燒得曬喔！剩返15分鐘的時候，一名女服務員拿張單過來，提我地「剩返15mins，麻煩埋左張單」....然後我地懵然啦....咁快就剩返15分鐘啦，好在喜來稀的牛肉都好薄，我地即刻加速啦！我朋友又衰嘅，鍾意食爐邊蛋...第一次加蛋的時候，問職員加蛋要唔要錢，佢哋話可以任加架！我地又單純，真係信喔！係人地叫埋單的時候，我地先話加蛋，人地話「出左單就唔可以再加啦」係囉！我地後來發現我地用左75分鐘先係熟左2次蛋，37.5分

今日同朋友2個突然好想食韓式燒肉 一諗就諗起喜來稀肉 太耐無食了 心情特別期待 由於即興關係 無book到位 打去問個店員叫我地walk in就可以 大約9點15分去到 仲有好多位淨 只係得幾枱客人 事前會講明用膳時間90分鐘 一坐底店員即刻幫我地倒上蛋漿 十分快手我地叫左牛肉眼+ 真雪花牛肉+ 豬肉泡菜湯+ 1碗白飯 我地先燒左真雪花牛肉 佢既雪花分佈得好好 肉質非常好 食入口非常香 咬落去好多汁 而牛肉眼比起雪花牛肉比較遜色 比較乾身 另外個豬肉泡菜湯唔記得影底佢 個人覺得味道比較單一 無咩特別 值得一提係都幾足料 但不太推介 整體黎講 喜來稀肉真係一間唔錯韓式燒肉餐廳 服務好 店員又快手👍👍

經過廣華街聞到燒烤味，立即想起BBQ⋯⋯唉！原來旺角稀來燒肉店，二話不說用OpenRice訂位，超放便，shopping 多個半鐘就可以開餐🤗🤗初開時到過尖沙咀分店食過好好味，感覺到同韓國一樣，一直在回味，今次係第二次食喺旺角分店！首先講下環境，我覺得幾有特色及舒服，樓頂夠高，加埋抽氣扇，所以冇咁煙霧離漫空氣夠流通👍🏻店員都算有禮，加多些少笑容就更好（其實都體諒因為我覺得佢哋唔夠人手，做唔切，所以都做到目無表情😔）食物keep住水準，同上次的味道一樣冇變☺️感想在結尾前菜味道剛好，無限任加味道確實不錯，但因為太多汁燒烤是比較易燶這個有少少失望因為很鹹而且沒有雞肉味護心肉，肉質夠嫩，甜味肉汁，就算燒耐左也不韌韓牛脊里，得肉質很軟熟，味道香，不會韌沒有肉渣，推薦今次同老公一齊，他都很喜歡，係有點可惜的是，食到尾聲他肚痛，跟著肚痾我也回家後半夜肚痛醒，我們食左喇叭丸各兩次後才ok所以，不知道是抵受不了太油膩，還是唔乾淨，其實旺角店各放便都幾ok 的，但⋯經過今次後與再試食會選擇其他分店

好耐無食喜來稀肉啦～以前一食護心肉就愛上～我哋今日先至book位嘅，去到都唔需要等即刻就有位俾我哋啦。兩個人叫左一個喜來烤肉，一個護心肉，一個人參雞湯，就食到好飽好飽～至於抵唔抵食就真係見仁見智，如果同牛角嘅放題時段比較嘅話，就當然係牛角會好啲囉，因為可以試到唔同嘅肉都係二百幾蚊，今次我哋兩個人食每人都係220 ,但係只係可以試到兩種肉。人參雞湯有d失望～比起我係尖沙嘴某間韓國餐廳食既差～人參味無咁重～雞肉就好多，仲有煮到好眠既米飯～一啖湯一啖飯～好正、只係人參味無想像中咁重就失左d分...喜來烤肉，薄薄一片，好快就熟，咬落去都有少少會溶既感覺，調味都夠，偏甜，啱曬我呢d鍾意甜既人。護心肉唔知係唔係太耐無食呢...個味道好似有d唔同左...個調味偏淡...一心黎食你，點知你令我失望個芝士蛋同泡菜蛋係可以任意添加，好好味。因為d蛋半熟既時候已經可以食～會好滑好滑，仲有埋芝士真係好夾，如果鍾意食辣嘅話就可以配呢個泡菜蛋。我最鍾意就係將所有嘅配菜再加埋一舊肉，用生菜包住，然後大大啖咬落去，又多汁口感又豐富，仲有我最鍾意食嘅甜酸白蘿蔔，真係冇得頂偷偷地話埋比你知，配菜亦都係可以任意添加。呢度嘅

經過廣華街遠遠咁聞到好香既燒肉味 其實本身都未諗住食野既 但是我地隻腳已經好自然搶咁行左落去拎位啦 唔係好多人 所以我地等左5分鐘就坐低左啦由於我同個fd有好多好多想食 但係我地兩個兩女仔又怕食唔晒 所以我地揀左個咩都有d既牛肉餐配菜爐邊既蛋漿配泡菜 另一邊仲有蛋漿玩芝士 我個人好鐘意食芝士 所以食完一round之後我已經叫佢兩邊都轉做蛋加芝士啦呢個就係土我地既主菜 壹頭牛 佢包括左喜來烤肉 牛五花 牛頸肉 牛肋骨肉 牛排骨 我個人覺得牛五花同牛頸肉既牛味係最濃 牛頸肉比較厚d 我會每邊燒20秒 之後再做多1次 上碟後等10秒先食 咁就唔會太熟以致太老 及唔會太生 其實我食過呢間好多次 次次都唔令我失望呢個係個餐包埋既飲品 食燒肉飲凍野係一流我地有諗過好貪心咁食生牛肉拌飯或者係水冷麵 不過怕眼闊肚窄 所以叫個平平地既紫菜飯 佢比埋手套等我地自己整個飯團粒出黎 絕對好玩又好抵食 睇落個份量好似好少 但係其實多過一碗飯

朋友話想食韓燒，咁我聽人講過喜來唔錯，就Book 咗夜晚 7:30，去到唔洗等即使有得入。原來地庫都幾大間，坐得幾舒服，可惜地下比較滑，可能要小心D。叫咗個牛 Set、紫菜飯，咁嘢食未到佢就幫我開爐倒蛋槳，有芝士同泡菜，韓國好似好興咁食，不過我就覺得會整到D蛋老晒，個人唔太鍾意。牛呢，講真就一般般，首先食嘢色水好緊要，佢比較啞色，同埋都幾「un」，可能韓牛係好食 不過佢個啲就一定唔係韓牛囉。係個紫菜飯真係好正，咸咸哋，紫菜又脆，飯又夠軟熟。

朋友對喜來稀肉情有獨鐘，每次唸唔到食咩就一定提意食宜間。今次揀旺角鋪，係地庫入面，我地坐得較入，4G 接收較差，所以放低電話專心烤肉。我地三位女士食量較細，叫左一份二人牛肉套餐再追加一份喜來稀肉已經夠飽。我地怕等位6點前入座，宜個鐘數唔多客所以唔嘈同唔迫唔大煙，仲有9折。驚喜位，待應服務都幾好，見我地食曬生菜主動幫我地加，我地要求加蛋都好快手加。牛肉質素對比烤肉放題嘅肉好好多，我自己最鐘意喜來稀肉，薄身烤兩烤就食得，牛肉汁濃同好香口。雖然唔係放題式但都限用餐時間90分鐘，我地叫得小野岩岩夠，但如果鐘意慢慢食又食得唔小就要三思，因為唔限時烤肉店仲有好多選擇。離開時7點半，間鋪已經好大煙，仲有十幾個人等緊位。