喜來稀肉 (已結業)

前排放工個朋友即慶約食晚飯，話佢請客，咁就俾佢話事佢堅決好想食燒肉，俾錢嗰個大佬，咪陪佢食～佢好鐘意食喜來稀肉，但我就一次都冇食過，原來真係幾好味！但場內環境衛生唔係真係好好，而且幾大油煙，好熱好焗，食到我面都紅曬....網絡又唔太收到，覆個wtsapp都難🐮因為我無食過，全程交俾朋友發板😂佢嗌咗一頭牛二人套餐，加豬五花肉，仲有醋飯團🐮一頭牛套餐入面有...喜來稀肉 牛五花特級牛頸牛肋骨肉烤調味牛排🐮全部都幾好食，特別係牛排，喜來稀肉，好有肉味，加啲泡菜再夾生菜真係好好味🤤 只係牛五花好肥，冇乜牛味呢個餐係值得嗌既🐮豬牛花中規中矩，幾好味醋飯唔好食🤦🏻‍♀️可以唔嗌🐮呢到啲肉係好食，但如果環境可以改進下，會好好多

各位記得check 單，完全有被欺騙的感覺，真的忍不住要寫食評這已經不是第一次第一次，三月左右可能因為時間比較夜，員工比較少，所以比較忙，唔太想理我地同朋友慶祝生日，十幾個人，叫左十個items 左右，差不多食完，我地想加蛋漿，員工話要每人叫一份肉，才可以加，無問題，我地再落單，落單時同員工講左有一份肉未到，但佢落完單就走左，到結帳時，我們告訴他有一份牛肉未到（因為當天有人唔食牛，所以只叫了一碟俾其中一個好想食牛既朋友），當我地告知職員，他們很確定牛肉有到，仲俾左條只有黑白色，根本影唔到上左咩菜既cctv 我地睇，但我都相信我地十幾人，唔會為左每人除返開十幾蚊既一碟牛去講數，最後員工態度好差咁話：你地話無都無計，cctv 都俾你地睇埋了然後很不情願重新開過張單是次不快經歷，沒有po 上來，因為我地蠢，全程無影食物相相隔兩個月今次唯一不同的，是服務員態度很好，相信今次係因為有大粒野響度今次我地三個人食，叫左6個 items,經過上次，今次每一次上菜都有影低，而且得嗰幾樣野，唔會唔記得想不到，今次都係無黎一碟牛，員工都係話黎左，只不過，今次一俾佢地睇，我地影低每次上菜既相後，便立即幫我地改

算幾抵食嘅燒肉，牛肉嘅質素這一次去有啲下降，第一次來的肉，因為有兩種牛的肉已經變黑，同佢哋講完，佢哋都樂意去換咗啲新嘅比我。新來的肉以價錢來講質素算係幾好。一頭牛二人套餐，$488有五種唔同牛。雖然唔係韓牛，但係以價錢來講，除了美國肥牛冇乜牛味之外，其他肉的肉味同質素都算唔錯。小菜無限添加，但係講真泡菜和沙律質素認真麻麻，洋蔥還可以。泡菜蛋和芝士蛋亦都係無限供應，免費添加來說泡菜蛋還勉強可以，芝士蛋真係冇芝士味。總括： 二人一頭牛套餐，用嘅雖然唔係韓國牛，但係五種牛，兩杯嘢飲，小食和泡菜/芝士蛋，無限供應，買單五百幾蚊真係算幾抵食。

對上一次食好似已經好幾年前，尖沙咀同港島都食過，依稀記得都係好食。今次食旺角呢間，依然都係好食嘅，今次叫咗好多醃嘅肉（無圖），唔差但係略嫌比較細塊，餸生菜食要兩舊食先夠喉。話時話，個火好驚奇，啲蛋成日都好耐都唔熟，但佢既好處係，放係到燒既牛，又真係無咁要焦，真係好奇怪，食嗰陣仲有豚肉嘅，我自己就覺得豚肉好食過牛，牛的話我唔鍾意食醃過嘅牛肉，反而鍾意食無調味過好似日本国產牛嗰啲，先食到本身個牛味。講開又講，旺角呢間分店，又收唔到signal, 又收唔到data, 但又要無wifi. 真係有啲濕滯，想打個電話send 個message 都唔得，基乎去咗荒島咁。嗰晚急住同朋友聯絡，但收唔到signal 想問老闆借wifi, 佢話wifi 壞咗🙄後來check 返openrice 佢係唔提供wifi 既，結果我為咗收到message 來回走咗幾轉，好唔方便。仲有就係，旺角分店嘅衛生程度亦非常一般，我見到地下成灘水係路中心，就嚟水浸咁，都無員工抹下佢。🤮😢差啲跣死我，我記得TST 同CWB 嗰兩間好似無咁差個衛生，不過幾年無去而家都唔知變成點了。

早2個星期同朋友去左旺角分店食飯一入場已經聞到一陣油煙味🤢抽風系統有待改善🤦🏽‍♂️🤦🏽‍♂️🤦🏽‍♂️坐既位置亦都欠佳，坐係一張長枱既外面，一邊都坐唔到2個人，結果要坐係上菜位。睇番menu 朋友唔食牛 所以叫左一個豬既套餐另外加份韓牛頸脊豬肉套餐好普通 豬腸不新鮮有怪味韓牛有驚喜 肉味濃如果再去只會叫韓牛 其他食品不值得叫

好鍾意食韓式燒肉嘅朋友今次book咗呢間網上好多好評嘅餐廳韓燒，不過今次嘅用餐經驗物真係麻麻哋。首先佢哋就有限時90分鐘，係book枱嘅時候都有提到呢一點，不過佢哋嚴重人手不足，成個場只有兩三個侍應招呼，等落order已經曬咗好多時間，上菜亦唔係快，可以開始燒已經無左差唔多半個鐘，燒完第一輪有少少唔夠喉，想再加嘢時侍應就同我地講，我哋嘅用餐時間就嚟夠，建議我哋唔好再加，咁佢講到咁白，都唔好意思食落去快快趣埋單走人，整體食物都算正常，係個水冷麵黐埋一舊有啲肉酸，但係咁樣趕客真係食得唔係幾開心，而且都唔係平，應該就冇下次。

在旺角逛街，行到累便想吃燒肉，剛好見到這間網上很多好評便去試試，果然沒有推介錯！很快便可以入去坐，不用排隊！這家很細心，一開始會給每位3份前菜，那酸蘿蔔我很喜歡！很開胃！店內環境都很寬躺！當天點了一個什麼款式都有的肉！我特別喜歡那五花腩肉，很juicy~吃完這個拼盤，還再追加多盤五花腩～另外生菜都是可以無限添加～加菜吃油膩感覺馬上會減少！如果想慶祝生日或想慶祝一些節日，絕對是一個好地方！我下次都會再來～

今日黎呢度同朋友聚會 一行4人 一個爐 未點菜枱面已經滿滿野食 爐邊蒸蛋 泡菜 沙律 生菜 調味料每人一碟食材一到 即刻燒黎食啦😋《牛舌》$140 醃了的牛舌味道很好 肉質爽口 一啲都唔un 而且已經剪成一口size 燒完點醬食落口 正《五花肉》$115 大大塊 肉同脂肪比例分明 唔會太肥 燒完肉質同肥肉融埋一體 味道剛好 但有一骨位 亦需要自己剪適合自己的大小《喜來烤肉》$130 薄薄的一卷牛肉 燒完中意點佢既醬汁一齊食 調味碟中有一係透明表面有鹽 點呢個醬啱晒唔食辣既朋友 提升肉味 味道更豐富燒肉食唔飽 所以都點左啲熟食：《魚籽紫菜包飯》飯面有好多魚籽同紫菜 滿滿的 多到睇唔到個飯 有手套俾你自己整飯團🍙整一口size 都整到8粒既 幾過癮《水冷麵》中意食又林又幼既麵 落埋又似黃芥辣mix 麻醬既醬 好好味 又酸又凍又甜仲有不得不提既配菜《爐邊蒸蛋》一條係泡菜味 一條係芝士味 正 芝士蒸蛋好好味 又可以任fill 但用餐時間得90分鐘 只係食到兩次 想食多啲呀 4個人唔夠分😂但呢度有樣唔好 地庫收唔到電話 無晒信號 與世隔絕 如果想專心同朋友傾計食野 都好既 每人平均$200 有質

之前都有經過"喜來稀肉 "，因為佢喺地庫，懶行樓梯就無落去。今日真係燒肉mood，周圍搵食見時間已經唔早，快D快D 決定食邊間，打開門口嘅餐牌見有2人餐$420，可以喇，試一試~見餐牌張相嘅感覺份量有D少，驚驚地唔夠飽，朋友話食左先算，唔夠飽請我食甜品，呵呵呵，落樓吧~比想像中更多級樓，腳軟~落到去，暗暗地，有姐姐帶位，限時90分鐘!招牌話 "韓式燒烤店，招牌菜為護心肉，即豬橫隔膜和肝之間的筋肉，鮮嫩味濃"，咁點個一只豬套餐~座位可以打開收放袋子及衣物，有紙巾同濕紙巾隨便用。跟餐有2個飲品，韓國啤酒唔使加錢，啤啤佢~一只豬嘅肉用一塊砧板嘅木板上，跟返部位有6-8個部位嘅豬肉/內臟，跟8粒飯飯波~食後感，因為原因餐廳會有蛋汁倒落爐邊，可以無限添，夾肉嘅生菜同前菜都係可以無限添，係最終2個人都食到好飽飽，餐飯食得輕鬆愉快，盛惠$420加一，值得一試~

去旺角咁多年都冇轉到入廣華街/煙廠街一帶原來食肆林立真係孤陋寡聞唔係想食喜來稀肉都冇入過唻喜來稀肉入座時間有限制1.5小時但明明唔係任食唻本身見到咁多吉位應該唔會催掛雖然service係ok 有足夠人手招呼你幫你換吓鐵板refill吓但夠鐘都係催交檯同朋友如果有下場就冇乜所謂 如果想揀間聚會可以坐多一陣 就要考慮埋呢樣食物整體係唔錯嘅喜來稀肉尤其味道夠但其他肉有部分就味淡啲生菜蛋漿泡菜都可以refill麵食略細份 人蔘湯隻雞都算夠味 煲到骨都溶溶地 唔錯

今年生日去咗迪士尼咁食平少少就簡咗喜來稀肉果然無簡錯！一坐低就有前菜！D羅白同洋蔥好好味不過泡菜好辣哈哈！我地嗌咗個壹頭牛 牛肉set!其實都唔係好識分d肉不過就個味每隻都有少少唔同Btw其實最正係佢枱面樽調味鹽！！！加咗落去乜都好好味呀記得要加呀！！！！！而邊邊既蛋都好好味！特別係芝士蛋！加埋啤酒同白飯直情去咗韓國既感覺而服務都好好呀！無就會自動refill又有禮貌特別係有位韓國人好殷勤大大地為呢間韓燒加分！埋單$5xx但食到飽到不得了好抵食架其實下次黎可能唔嗌set了兩個人食好似太多Hahahaha我一定會再黎呀我同男朋友已經好掛住啦每次經過都

之前係尖沙咀食過覺得呢間野d燒肉好食，所以今次約左朋友去旺角呢間，諗住就大家返屋近d。入座佢有提用餐時間90分鐘，menu都寫明。我當時覺得都合理，出面有客等緊，要準時交枱都岩，不過以唔係任食燒肉黎講，呢個要求有d奇怪。我地一行7人，佢俾左張6人枱，一張長方形枱，每邊坐3個，最開面坐多一個。其實都幾迫，不過我地都冇要求要換。眼見四周有幾張8人枱係吉，時間已經係8點，場比起尖沙咀靜好多，都冇安排我地坐大枱，我覺得餐廳可安排得好少少，7人坐6人枱已經迫，枱都唔夠位放野食。我地7點9左右入座，先後order左好幾round野食,就係9點多少少，職員放左張單係枱面跟住走左。我地仲有好幾碟肉未燒完，所以都冇理到張單繼續燒。之後我地再叫飲品，職員解釋你地已經過左用餐時間係唔比再加單，可能職員見我地仲有野未食完，佢最後都幫我地落埋。過左一陣，職員再提醒我地夠鐘，要埋單交枱。當時10點到，人已經走得7788，應該得返我地呢台。本身我地想再order野飲傾多陣，不過職員已經提醒左幾次，我地亦都唔想佢地難做，爽手埋單走人。本人係尖沙咀食過冇交枱要求，唔知點解旺角有。人仲比尖沙咀少。我唯一諗到個原因可能想保

韓國菜真係比較上小機會食，因為真係好怕食完會成身味，由內散發到外嘅油煙味。 不過朋友死LUR話好想食，好啦就信佢食完唔會咁臭啦。。 有燒肉食仲有燒蛋係邊邊到，任加吃到飽，火喉都係自己掌握，經常性燒到太老哈哈。 除咗蛋係任加，最爽係連泡菜吃到飽，我呢啲泡菜人真係一人可KO三大碟！ 泡菜煎餅同冷麵都幾美味，充滿韓國的味道～煎餅有脆邊 生牛肉就NO WAY了，食落去口感奇奇怪怪，唔似係韓國食到咁爽爽地，佢係偏淋身，個人不太喜歡～***總結都係咁臭，不過同朋友一齊臭，其實都幾好笑，大定都讚成無下場馬上回家，哈哈***

同班朋友想食韓燒，揀完一輪，選擇咗旺角分店嘅喜來稀肉！懷着好期待嘅心情去試！一去到我哋揀咗個韓國米酒來飲，飲落走味唔算好重，所以我哋個個都接受到！然後就到重頭戲啦，我哋風狂揀咗好多食物！有護心肉、牛肉、仲有五花腩！全部都好好食！護心肉肉質好林，入口好好味！五花腩嘅油脂分布好好，真係有五層分別！將啲肉剪成一條條，再加埋佢啲醬汁同埋生菜包埋一齊食，感覺上冇咁膩，所以可以食得多少少！朋友覺得未夠飽，揀咗個飯嚟食，成餐飯食完覺得好滿足！

同班朋友想食韓燒，揀完一輪，選擇咗旺角分店嘅喜來稀肉！懷着好期待嘅心情去試！一去到我哋揀咗個韓國米酒來飲，飲落走味唔算好重，所以我哋個個都接受到！然後就到重頭戲啦，我哋風狂揀咗好多食物！有護心肉、牛肉、仲有五花腩！全部都好好食！護心肉肉質好林，入口好好味！五花腩嘅油脂分布好好，真係有五層分別！將啲肉剪成一條條，再加埋佢啲醬汁同埋生菜包埋一齊食，感覺上冇咁膩，所以可以食得多少少！朋友覺得未夠飽，揀咗個飯嚟食，成餐飯食完覺得好滿足！