喜來稀肉 (已結業)

去完韓國🇰🇷返嚟有一排真係好掛住韓國菜，咁啱前排約左鍾意食韓國嘢嘅朋友食飯，所以就決定同佢食烤肉😆今次嚟嘅呢間서래갈매기 係韓國連鎖烤肉店，就連韓劇太陽的後裔都曾經係呢間烤肉店拍攝過🙈之前已經喺香港食過幾次，餐廳坐位都幾闊落，播緊最新Kpop仲有韓藉店員幫手烤肉，真係好似返咗韓國咁💜_未點菜枱面已經滿滿前菜，另外仲有無限添加嘅爐邊蒸蛋🍳平時烤肉真係好鍾意食芝士蒸蛋😋今次就叫咗一個《壹頭豬》二人拼盤套餐$420拼盤包括有護心肉、五花肉、豬頸肉、韓式烤豬大腸、韓式烤豬皮，另外仲包左醋飯八個同兩杯飲品🧃最愛五花肉同豬大腸，燒完之後油香十足，另外仲可以用生菜加大蒜、泡菜、豆瓣醬包肉，咁樣包住食真係好豐富好正☺️食完之後再食埋醋飯加少少芥末一齊食，成餐好滿足🥰

好耐冇食燒肉, 今日難得有機會, 當然要幫襯下我最愛嘅燒肉店😛好耐之前同朋友食過銅鑼灣分店, 之後就愛上咗佢嘅豬護心肉❤️前菜可以無限添加, 雖然選擇唔算好多, 但基本嘅沙律, 泡菜同酸蘿蔔都有, 而且質素唔錯, 我哋嗌咗護心肉, 泡菜湯同大醬湯, 份量算大👍🏻護心肉一如既往質素非常唔錯, 肉質有彈性, 但又唔會好韌, 而且肉味好重, 用生菜包住嚟食就最正😛泡菜湯同大醬湯都好好味, 湯底香濃, 而且附有白飯, 性價比算高👍🏻

先生提議晚餐食韓式燒肉，正好一解我對韓國嘅相思之苦，躊躇咗一陣食邊間好，比起任食嘅燒肉放題我更喜歡逐碟叫，一來肉嘅質素一般都比較好，二來前菜同爐邊蛋都足夠填滿半邊肚皮，又何苦辛苦自己搏命塞。一入座枱面已經準備好豐富嘅前菜、爐邊蛋同生菜，當然唔少得標準韓式燒肉用嘅肥豬肉。前菜有辣醬沙律、泡菜同醃蘿蔔，味道唔錯，美中不足嘅係泡菜係室溫嘅，如果係冰凍嘅就更適合配搭燒肉。每次必叫嘅豬護心肉，係橫膈膜同豬潤之間嘅一小塊肉，零舍矜貴，肉味濃郁鮮甜而且口感豐富，無論係就咁食抑或係包生菜都一流，而且一碟份量都幾多，多幾個人分享都冇問題。喜來烤肉作為另一道鎮店之寶，果然名不虛傳，卷成玫瑰花狀，賣相相當精緻。牛肉肉質鮮嫩，油脂分佈均勻，放上爐上輕輕一燒就食得，肉汁豐富。生菜上放上燒肉、泡菜、烤過嘅蒜片同醃洋蔥，係我最鍾意嘅組合，一啖塞哂落口，滋味無窮！爐邊蛋亦係韓燒嘅靈魂，一邊係泡菜蛋，一邊係芝士蛋，各有千秋，而且無限添加。除咗燒肉之外，當然唔少得我至愛嘅大醬湯，用石鍋上保持熱辣辣，濃郁嘅湯底配上豐富嘅材料同簡單嘅白飯，絕對令人滿足！除咗牛胸肉、豆腐、蜆同大蔥等配料，仲有足足一隻蟹喺入面，相當足料。餐廳食

星期一晚餐三人點了一個2人set：4款牛，牛肉係由韓國進口，仲包括冇餡飯團6個，兩杯飲品，芝士蛋及蛋任食。我們再點了一個泡菜海鮮煎餅，少少辣。牛肉唔錯，可以再試。可以按枱上的鐘叫侍應生來點菜。唯一奇怪的是，枱和椅子距離有點遠，有啲唔方便。價錢有點貴，加一服務費。

一去到枱，就已經見到有四碟前菜，分別係泡菜，沙律，醃蘿蔔，仲有一兜生菜。點餐嘅時候可以一邊諗一邊食前菜。呢度嘅護心肉係招牌菜，黎到梗係要試一試啦，果然不負所望，連我呢個唔鍾意食豬肉嘅人都覺得佢好好食，食咗好多舊啊。我哋坐既位置非常舒適闊落，啲嘢嚟齊晒嘅時候張枱都唔會太迫，雖然附近嘅食客講嘢非常之大聲，好彩呢度空間足夠👏🏻如果坐得近全晚比佢哋轟炸都幾慘我好多年前喺尖沙咀都食過，撞岩公眾假期排隊排到癲咗，我地今次係星期四夜晚嚟，唔使排隊就可以入座啦😆

～～推薦喜來稀肉～～$138好值呀呢個價錢食到呢個質素既燒牛，牛肉味濃郁，調味適中，好易咬開又無筋👍🏻👍🏻石鍋拌飯$85，材料非常之豐富，有紫菜，芽菜，紅蘿蔔絲，煎蛋，冬菇同埋牛肉，底下仲有飯焦，喜愛飯煎人士應該會好鍾意呢個飯☺️無限refill既前菜，我地Refill左一次咋，因為有好多飯都好飽下，呢度所有前菜都好好味，無渣流攤😆有粒糖仔食下😂爐邊蛋都有兩款 一款有餡一款無餡食到好飽！

喜來稀肉相信大家已經食過呢間野好多次亦都對呢間野唔陌生，記得幾年前佢啱啱嚟香港嗰陣 係book咗位都排唔到隊入去 誇張到。。最近有一次去等於包場 因為竟然晚餐時間一個人都冇。。今次再去又再嗌咗呢個豬肉套餐 其實其他肉我都差唔多試過曬 朋友叫我一定要試吓佢嘅豬大腸 本來未食之前好驚燒吾熟 又驚唔乾淨 最後都係唔理咁多食咗先講！重點豬大腸真係超級超級超級好食！係超級好食！❤️❤️ 一啲都冇臭味 或者係啲其他令人反感嘅味道 總之就係完完全全嘅豬大腸 但係係你熱辣辣燒完 仲有吱吱渣渣聲 再擺少少麻油加鹽 直接放入口入邊！天堂啊！😍😍😍😍 真係冇誇張，如果你中意豬大腸你會明我講緊乜嘢！ 另一個重點豬皮！❤️❤️ 平時食車仔麵嗰啲我就不嬲都唔會食炸豬皮🥶覺得食落個味怪怪地 但係！BUT！ 呢度嘅燒豬皮真係好好味 燒完有少少脆 咬落好煙銀 本來係冇乜味 最簡單嘅食法就係加啲麻油鹽啦 加埋青椒蒜頭❤️❤️❤️❤️ 係咪得我一個人發現新大陸！同埋因為嗌一個餐嘅關係 佢會送埋醋飯 望落去好似乾爭爭 但係食落去竟然會吸引你食第二粒😂完全唔知咩原因 就繼續食落去 然後變成大肥

食物新鮮，環境優美好耐之前食過晚餐，今日終於捉左老公，婆婆同家姐去試下午餐，一樣咁滋味，我地點左四個不同韓牛，三個午市套餐，全部食物都超新鮮，我同婆婆最鐘意食泡菜燒蛋，食到停唔到口😋

又來到冬天啦，冬天好凍，所以人類需要取暖，食燒肉就係一個最好嘅選擇啦。黎到首先梗係取暖先啦，講笑，其實叫咗唔同嘅牛同豬肉。質素唔錯，上碟速度正常，果然旺角食係熱鬧啲。最咪食埋啲蛋，就走。

涼風吹來，又係時候圍埋一齊聚聚佢👭👭今日同朋友行完山就去左食喜來烤肉，四個人又餓又凍，所以就去左叫四人豬肉套餐組合❤️入面有豬既唔同部分，又有飯卷同兩杯飲料，我地仲叫左燒酒同韓國啤酒🍻(甘樣mix黎飲係好好味同好match燒肉架!)個套餐一睇就覺得好少甘，所以我地仲叫多左一份五花肉😁首先要一提個邊爐蛋，一邊芝士蛋一邊炮菜蛋，好惹味🥰燒肉方面種類都幾多，特別護心肉係肥瘦均勻既，值得推薦，而豬皮都好好味，燒得耐脆卜卜正啊！唯一一提係服務好忙，成日都搵唔到員工serve我地而佢台面有d叮叮係壞壞地🙈🙈食物質素都唔差不過個kimchi真係好辣呀！

喜來稀肉旺角廣華街3號百利達廣場地庫今晚為左慶祝朋友既生日，主角指明要食韓國燒烤，經過一輪篩選後，我哋選擇左嚟呢一間，因為係旺角區大家收工過黎中心點就腳d, 食飽返屋企都方便等入座既時候見到原來呢到係認可售賣韓牛既餐廳餐廳內部既環境都好韓國feel我地book左檯7點半鐘，但早左少少黎到餐廳都安排左我地坐低，大家坐低前記得將自己既外套同手袋隨身物品除低，餐廳張櫈係可以打開收藏物品既，因為大家都知道食完燒烤成身都勁大味為免食飽之後由頭臭到落腳，所以大家記得擺好晒d嘢先開餐啦檯面上既幾碟泡菜我自己就唔鐘意食泡菜既，所以無掂過但據朋友所講個大白菜係。。。非常辣我地散叫左2份肉，再加壹頭牛set呢到肉類既質素基本上都好高，燒完出黎好Juicy, 好有肉味。另外爐邊既泡菜蛋同埋芝士蛋都好出色好cute既醋飯最後想講一講，呢個壹頭牛套餐入面原來係包左兩種飲品，我地勁低B完全唔知道，直至而家寫食評開返相簿先留意到，當時餐廳又無提我地有飲品可以order，所以大家要留意，唔好蝕底

環境不錯，可能是時間問題，當日去到一直都很少人。🤨店員速度相對較慢，比較容易忘東忘西，所以有時換爐都要說2次。但喜來稀肉已經成為我的最愛了💖未來也會繼續品嚐🥰

旺角店員工態度超差🔥🔥， 嗰個好似想殺人咁， 地方又細又大煙， 七座人畀張四人枱， 間嘢又唔係包場， 成間嘢都冇乜人😑😑😑😑😑😑😑😑😑😑😑😑😑、 簡直係不知所謂， 員工掛住傾計冇人收嘢， 張枱擺滿嘢食叫佢哋收咗啲碟， 成日叫等陣等陣， 唔知以為佢哋好忙 總之就係差， 尖沙咀店又有禮貌又 有笑容 如果唔係尖沙咀點嗰日爆咗 我都唔會揀呢度， 唔知點解同一間公司質數爭咁遠，very bad service !!

每個月平均嚟一次已經有大半年，食物安全和新鮮度，包括燒烤嘅或者熟食嘅都能夠保持水準👍十分之難得。Service 都keep到。好明顯有一部份人手已經轉咗，但禮貌，response都keep 到。

可能係平日，所以冇乜人，店員都話可以入去坐住等齊人先落單，冇限時。同閨蜜三人都食左900幾蚊，還好啦，肉質唔錯。大醬湯唔係好夠味，冇尖沙嘴既好食。店員都好好，幫我地換爐片，加蛋，加泡菜。唯一不足係冷氣唔夠，我地坐既係角落位，甚至冇風扇吹。見到好多客都話好熱，未開爐都好熱，開左更加出左成身汗。至於食物種類，我地都係牛魔王，牛肉都好多選擇。有新菜單，如果唔係咁熱會坐耐d試下。裝米酒既容器都好得意，我地玩左好耐。