影片
更多
2019-03-26
226 瀏覽
之前係尖沙咀食過覺得呢間野d燒肉好食，所以今次約左朋友去旺角呢間，諗住就大家返屋近d。入座佢有提用餐時間90分鐘，menu都寫明。我當時覺得都合理，出面有客等緊，要準時交枱都岩，不過以唔係任食燒肉黎講，呢個要求有d奇怪。我地一行7人，佢俾左張6人枱，一張長方形枱，每邊坐3個，最開面坐多一個。其實都幾迫，不過我地都冇要求要換。眼見四周有幾張8人枱係吉，時間已經係8點，場比起尖沙咀靜好多，都冇安排我地坐大枱，我覺得餐廳可安排得好少少，7人坐6人枱已經迫，枱都唔夠位放野食。我地7點9左右入座，先後order左好幾round野食,就係9點多少少，職員放左張單係枱面跟住走左。我地仲有好幾碟肉未燒完，所以都冇理到張單繼續燒。之後我地再叫飲品，職員解釋你地已經過左用餐時間係唔比再加單，可能職員見我地仲有野未食完，佢最後都幫我地落埋。過左一陣，職員再提醒我地夠鐘，要埋單交枱。當時10點到，人已經走得7788，應該得返我地呢台。本身我地想再order野飲傾多陣，不過職員已經提醒左幾次，我地亦都唔想佢地難做，爽手埋單走人。本人係尖沙咀食過冇交枱要求，唔知點解旺角有。人仲比尖沙咀少。我唯一諗到個原因可能想保
我地一行7人，佢俾左張6人枱，一張長方形枱，每邊坐3個，最開面坐多一個。其實都幾迫，不過我地都冇要求要換。眼見四周有幾張8人枱係吉，時間已經係8點，場比起尖沙咀靜好多，都冇安排我地坐大枱，我覺得餐廳可安排得好少少，7人坐6人枱已經迫，枱都唔夠位放野食。
我地7點9左右入座，先後order左好幾round野食,就係9點多少少，職員放左張單係枱面跟住走左。我地仲有好幾碟肉未燒完，所以都冇理到張單繼續燒。之後我地再叫飲品，職員解釋你地已經過左用餐時間係唔比再加單，可能職員見我地仲有野未食完，佢最後都幫我地落埋。過左一陣，職員再提醒我地夠鐘，要埋單交枱。當時10點到，人已經走得7788，應該得返我地呢台。本身我地想再order野飲傾多陣，不過職員已經提醒左幾次，我地亦都唔想佢地難做，爽手埋單走人。
本人係尖沙咀食過冇交枱要求，唔知點解旺角有。人仲比尖沙咀少。我唯一諗到個原因可能想保障公司，唔想客人係咁refill 菜，蛋同其它小食。btw我地只係refill 左幾次菜，其他小碟全部冇refill 到。
總結，係公司policy，我都理解我地係顧客要遵守，職員只係執行職責。不過呢間我下次唔再黎，去返尖沙咀服務好好多，同埋冇限時，野食質素兩間差唔多。
臨走，想去個厠所，撞正洗厠所，要等15分鐘先去得。個人感覺佢地好似趕收鋪。離開餐廳約晚上10：30。
張貼