喜來稀肉 (已結業)

今次是我第二次來到這裡食我們4個人食，預先已book好位，所以即使去到門口有好多人等緊位，我地都立即可以入座，用OpenRice book快捷方便我們點了幾款肉。推薦：喜來烤肉同護心肉另外，五花肉都不錯除肉類外，叫了海鮮煎餅，都好正架員工都非常有禮，叫佢加蛋或加水都即刻做到！！！！價錢就略為貴點，所以多人食先唔錯，叫多d野食share。地方都幾方便，廣華醫院附近，旺角！算係在香港既韓燒來說，頭幾位吧

呢到既燒肉價都幾貴下，份量唔多，但係真係好食既，爐邊蛋同小菜都可以任加。五花肉上台時超厚身， 肥瘦適中。店員態度好好，一禁鐘，好快到。仲叫左個湯黎食， 有海鮮，但蜆肉大多得番殻。

如果你星期五六日book左呢間餐廳，千奇唔好遲到，因為5分鐘後真係會cancel你booking要重新walk-in，其實我係幾欣賞佢可以企硬，只要做到公平，餐廳係做得岩既！Book左8點半，一入到去即刻叫左個2人牛set，真係諗都驚浪費時間😹😹食物上得好快，因為我叫set飲品係menu 上任選的。燒鍋邊可以整大醬蛋，小菜、蛋同生菜都可以refill，不過要注意⚠️refill都有限時，唔知離座前幾多分鐘就冇得fill。味道方面還可以，佢既醬料都係偏甜韓式，我覺得韓燒都係睇下自己燒成點啦。其實佢食物一上黎，我地就幾乎冇停過手，因為我地兩個人佢俾一套燒具，咁我燒果陣我朋友食，反之亦然😂，冇人有空閒既時間，直到要離桌前10分鐘燒完，真係幾攰下，然後當然準時要人俾錢離桌吧～‼️呢到食物係唔錯既，我建議大家散叫一兩份肉+碗面，應該食得冇咁勊，然後如果你想同朋友傾下計輕鬆下咁可能去其他地方好d~

只到過登龍街分店吃過，已覺是好吃的韓食，服務亦很好，今次來這間，服務普通，但食物都是好吃，環境和佈置比登龍街分店好，在open rice訂位，大約5分鐘便有位，很喜愛吃這頭牛，泡菜豆腐豬肉湯非常美味又夠辣，泡菜海鮮煎餅是脆邊內軟，很好味，還多點了豬護心肉和梅肉，朋友還叫了兩個白飯，用生菜來包肉、飯、泡菜、蒜來吃👍👍👍，這家的洋蔥、蘿蔔酸酸甜甜幾好味

對於夜晚收工嘅人士，開得夜嘅餐廳真係一大好事。門口寫收一點嘅喜來希肉，我地成十一點先到，佢地都放我地入去快快食，真係感動。極速望完餐牌之後，叫咗個豬拼盤，包兩個嘢飲，叫咗一支烏龍茶一支啤酒。 前菜係小辣帶甜嘅泡菜，生菜芽菜伴微辣醬同埋爽脆醃蘿蔔片。烤肉鐵板旁邊有兩款蛋，泡菜同芝士，不過分量就少啲，食唔到味咁，另外就係小心火太猛會將蛋煮太熟。仲有蒜片，洋蔥絲同埋生菜比你連烤肉食。五款肉裡面，除咗豬皮我無乜興趣，其他都幾有肉香，口感又唔錯。叫咗一個紫菜蟹籽飯同一個白飯，紫菜飯嘅紫菜帶鹽，就算伴好食對我都咸咗啲，我另外加咗半碗白飯落去就好啲。烤肉加呢碗紫菜飯真係宵夜良物，四九零兩個人食烤肉飽哂，底呀！

經fd推薦，呢間幾好食，雖然價錢少少貴，但都可以試下！聽聞好多人排隊食，所以聰明既我就預早訂好座~由於老公仔好中意食牛舌，因此就叫左碟牛五花，牛舌，帶子~肉質5錯，本身已經調好味，上面系蘑菇黎🤣小菜任食，蛋好似就無任食，而且麻麻地。。。可能今次無瘋狂食蛋，所以今次系岩岩夠飽~

同女朋友兩個食，加上我同女朋友本身好鍾意食韓燒，分量呢我哋都係點左四樣嘢姐，兩款牛及兩款豬最後再食多個冷麵，不過認真我覺得，都係最少四個人食會平啲兩個人埋單都要$500，下次會再去

韓式烤肉開到成行成市相信喜來稀肉一間餐廳都算係數一數二出名嘅韓式燒肉仲記得早前新聞報道呢間餐廳需要早一個星期訂位遲15分鐘都智冇位今日再黎到踩踩點雖然仲要等位但其實大概15分鐘就可以入座餐廳裝潢仲算新 而且好闊落兩個人總共叫左三碟肉 其實都夠飽每份肉都好大碟前菜有韓式泡菜蘿蔔等等首先講到最好味嘅就係牛肋骨肉個葉仔嘅牛肋骨肉唔需要再另外加配料或者醬汁燒完過後肉汁豐富 包上生菜 既可以吸去多餘嘅油脂 不失原本牛肋肉嘅香味牛五花 非常薄切 放喺板上唔夠10秒鐘 其實就可以食 未到唔及牛肋肉嘅香 但因為脂肪比例比較多 食落有脂肪溶化香口嘅口感 但係非常容易燒過龍最後嘅牛舌其實都冇咩特別只係比較薄切會冇咗牛舌原本嘅煙銀口感而且其實冇咩牛味今次嘅燒牛晚餐 尚算中規中矩而且一肥牛大概百幾蚊 非常之大份

I visited with foreign friends who haven’t experienced Korean food. And it was great choice to introduce Korean BBQ and other dishes. Quality of meat was good and Kimch was also good so we refilled several times. Service was good as well. We ordered other Korean dishes too and all good.

旺角的喜來稀肉係地下鋪，我地等齊朋友之後就入去la~餐廳的裝修有少少工業風，石屎為主，感覺有少少去BBQ的感覺。我遞都叫左比較多的食物，牛肉，青口湯，泡菜薄餅，海鮮薄餅等等......食物未上之前 店員好快就幫我地開左爐，送上小菜（泡菜，魚片，蘿蔔等）之後就為我地加泡菜蛋，同芝士蛋（泡菜同芝士蛋係無限refill 的）青口湯裏面都有好多青口，湯就少左DD，不過湯汁十分鮮甜！泡菜薄餅，海鮮薄餅就沒有什麽特別，無特別驚艷，味道一搬搬。呢個好像玫瑰花一樣的牛肉賣相一流。烤的時候因爲牛肉片薄，都容易熟。牛肉的肉汁Juice，我中意配上生菜一起食。加買一口芝士蛋，感覺十分滿足。

訂枱時無任何通知，當然明白燒肉呢d有限時是ok既，不過平時係尖沙咀分店食都無呢個限制。入座時職員同我地講有90分鐘限時我地都表示無問題，但係途中經常舉手叫職員時都無人理，等好耐。尤其搵鐵板時，鐵板已經發出燶味都遲遲未有人來，fill支水就拎走左問幾次先攞番來。最過分是last15分鐘已經好趕急將d食物放哂落去燒，職員仲走過來叫我地快d燒出面有客等緊，環觀一望，附近幾張枱係吉既，有d就枱都未執，當然我地都未食哂就拿拿臨趕頭趕命咁走，行到出去，唔好話book左枱既客，連walkin客都無！我個人認為90分鐘有限時真係正常無問題，我每次去所有餐廳都係一食飽就走，唔係係度坐吹水賴死唔走既人，因為好簡單，將心比己，自己等位都想人食飽就走。不過今次係覺得其實出面無人等緊點解要咁樣趕客？已經將d食物放哂落去燒，都仲要再三講夠鐘？唔通要將d食物因爲燒唔切就唔食，掉哂係度？

行完波鞋街突然想食烤肉揀咗喜來稀肉 ~ 預先openrice訂位, 即刻就有枱。入到黎好重油煙, 抽風系統同x八差好遠啵... 店員告知每人最低消費一碟肉, 那有咁奇怪嘅規矩架 ??前菜有泡菜, 酸蘿蔔, 浸漬洋蔥, 都幾開胃, 水自助, 生菜仼fill.. 唯叫refill時侍應兇神惡煞咁咩事呢😒根據"規矩" 柯打咗護心肉$150, 喜來烤肉$130, 牛肉眼$150, 同一杯生啤, 三個人咪叫最低消費三碟肉囉 😑 想試下其他飯呀麵呀都唔敢叫驚食唔哂... D肉好一般, 唔覺有何特別... 而芝士蛋無芝士味, 個蛋又熟得何其慢, 叫fill時店員明明喺隔離枱面有蛋瓶都唔即刻加, 等左良久先醒起過黎加... 加一服務費埋單$5xx, 如此質素與服務唔會想有下次

一坐低已經有店員走過來，幫我哋個爐嘅凹槽倒上蛋漿，一邊係泡菜蛋漿，另一邊係芝士蛋漿（由於啲蛋好快熟所以千祈唔好等到最後先嚟食，如果唔係啲蛋就會變到好老）前菜有泡菜，生洋蔥絲，豆瓣醬芽菜絲以及一碗牛肉蘿蔔湯叫咗好多肉燒嚟食，燒完我一定會用生菜包住嚟食！好鐘意用生菜包係因為⋯⋯好似會中和番燒肉嘅油膩感😆其中比較特別係護心肉，一頭豬嘅護心肉並唔多，燒完之後仍然充滿肉汁，正啊！😍最後飲番杯梨汁，清下熱氣💪🏻💪🏻

今次約左一大班同學一齊係喜來稀燒肉唔同尖沙咀個間 旺角呢間既位置比較偏避同埋係地庫既關係都比較難搵但都無礙佢既受歡迎程度 星期五六晚排隊排到上地面 無訂位既話要等成個半鐘入到去舖頭 雖然係地庫但環境好好 唔會話好焗促 而且有抽油煙機抽走曬啲熱氣 每幾張枱就會有一個間隔 大聲少少唔會嘈到其他客人燈光偏暗 好有氣氛 最鍾意係佢入面個啲樹燈 靚到想去影返張相今次去就無食到佢主打既護心肉 而係叫左牛黎食 但啲肉都非常高汁 入口即融二人餐既份量唔多唔少 個人比較喜歡剛剛好既份量 太多既話會夾硬迫自己食曬～結果好辛苦 佢地既份量控制好好 食完好舒服個餐仲有送兩杯野飲 唔需要另外叫不過價錢稍貴 總括黎講都係一間高質既燒肉店

好彩朋友一早book左枱，原來都要等位...好似有最低消費⋯所以叫左個套餐，冷麵，散叫左2碟肉⋯質素ok限時1.5小時⋯如果2小時會比較好⋯後尾食得好chur⋯然後因爲慶祝生日再要食蛋糕⋯俾職員催左幾次要我地走👉🏻👈🏻唔知係咪因爲係地庫⋯冇乜冷氣⋯都幾焗⋯