喜來稀肉 (已結業)

今天來到旺角的喜來稀肉。。食韓式烤肉呢～店舖暗暗的好有情調呀！岩晒情侶❤️店員在門口會先量度體溫和提供搓手液～有部分職員是正宗韓國人呢！一坐低就有各類韓式配菜食～仲係無限添加的呢！方便大家一口燒肉，一口韓式泡菜，可以中和油膩感。食韓式烤肉，最喜歡的就是烤爐旁邊的蛋漿喇！今次一邊是芝士口味煎蛋，另一邊是泡菜口味煎蛋😋😋兩款都夠晒好味呀！開爐了！有塊肥豬肉在鐵板表面，可以減少烤肉黏著鐵板！我們的壹頭豬 2人套餐來了！有護心肉、五花肉、豬頸肉、韓式烤豬大腸、韓式烤豬皮！招牌菜。。護心肉！是位於肝跟橫隔膜之間的肉～每一隻豬裡約有三百至四百克！好珍貴呢～護心肉好有口感！但又不會有過多筋，好好味呀！之後，有露比喜愛的五花肉！開始燒了！將燒好的五花肉剪成小件～好香好可口呀！另外又用生菜包著吃～爽脆的生菜配上微焦的五花肉，口感平衡得好好～令一款驚喜之作是。。豬頸肉！好爽好脆，味道好香口！燒豬頸肉的時間要把握得好好，因為會容易燒焦呢～豬皮！是有預先醃過的～食落就似鹹鹹的年糕！🙈🙈再沾上微微甜的黃豆粉，味道相當特別！豬大腸！平時就好喜歡吃的街頭小食！未試過燒這種食法～充滿肥肉的，好香好好味！另外還配上醋飯8

位於㕵角廣華街3號百利達廣場地庫的喜來稀肉 (Seorae) ，主打韓式烤肉。烤肉店的環境頗有情調，頗適合情侶約會。入座前，店員會先量度體溫和提供酒精潔手液。餐廳的職員大部分也是正宗韓國oppa，身型高大。各類韓式配菜是免費添加的，個人最喜愛吃泡菜，辣度不會太強勁，同時能吃到大白菜的甜味。吃過燒肉後，再吃一口韓式泡菜，能中和油膩感。店員在烤爐旁邊加上蛋漿，一邊是芝士口味煎蛋，另一邊是泡菜口味煎蛋。個人較為喜歡前者，半溶的芝士配上煎雞蛋，味道鹹鹹香香的。開動爐子後，可以用肥豬肉輕輕塗抹鐵板表面，減少烤肉黏板的情況。點了 壹頭豬 2人套餐 （Pork Set For 2 person），一共有五款豬的食材：護心肉、五花肉、豬頸肉、韓式烤豬大腸、韓式烤豬皮(Pork Skirtmeat, Pork Belly, Pork Jowl, Pork Large Intestine, Pork Rinds)約十分鐘後，食材來到了。喜來的招牌菜是 「護心肉」，是位於肝跟橫隔膜之間的肉，每一隻豬裡約有三百至四百克，頗為珍貴。護心肉的口感有嚼勁，但不會有過多筋，味道相當不錯。另外，當然不少得吃有名的五花肉

同朋友慶祝生日，去左呢間喜來稀肉食韓燒～以前食既韓燒比較多係好似以前yahoo線上遊戲玩果隻燒肉game既爐，呢種爐我真係第一次試，好有新鮮感！佢爐邊有蛋漿，仲有調味，一邊係原味，一邊有啲辣咁，超吸引！其實唔係朋友講我都唔知係咩黎同埋要點食法哈哈開爐後，要先用上面個肥膏整到成個爐面都係油，咁一陣燒肉先唔會痴曬底～因為好多肉，但又花多眼亂，而且每樣都好多咁，所以唔散叫了，叫個二人set最穩陣，可以試多啲唔同既肉，又唔會太多。擺盤好有心思，比想像中多肉，啲飯整到個波咁我都第一次見哈哈。啲牛肉好好味，我地無升級做韓牛，但呢碟既肉質我已經覺得幾好，調味都做得好好，放上爐都好快熟，唔洗捱咁耐肚餓！食蛋環節勁精彩～原來係等佢熟左後起出黎～唔知係打過定點，個蛋質好似蛋糕咁，食落好鬆軟，有啲位仲未熟曬，有蒸水蛋既口感！超正呀！！食完我地兩個都超飽，兩個人黎叫個二人餐真係啱啱好～

好耐無食韓燒，見有人推薦喜來稀肉，就去左旺角煙廠街呢頭既分店。店內裝飾幾有feel，一入去已經聞到好大陣燒肉味，好彩今日都算輕裝，唔怕吸曬味會難洗～原來呢度大部分店員都真係韓國人黎，但佢地會盡量講廣東話，勁正！我地叫左個二人餐，牛肉set，個盤超得得意，係牛既樣，賣相勁吸引。本來仲驚唔夠飽，但其實肉量勁多，又有啲side dish 好似泡菜醬沙律呀，醋飯球，仲有爐邊既蛋，其實超豐富，好夠飽。特別想highlight 牛五花，肉質嫩滑，調味又好正，包住醋飯食真係一流！排骨都好正，好多肉，唔會好un，都好好咬，又醃得好味，用生菜包住食好好口感，又爽又甜又鹹咁。呢個卷到好靚好似花咁既牛肉份量好多，不過我就覺得醃既汁唔太岩我口味～整體上呢碟牛又足料又好味！推薦！下次黎既話，等我試下佢既韓牛先，相信會更正～

【喜來稀肉Seorae】『香港篇-油尖旺區』朋友生日又難得多人，當然要有大食大。加上天氣凍既關係，所以一定係揀D熱辣辣食到爽YY既野。萬變不離其中，一定係打邊爐/BBQ/韓燒揀一樣。今次我地就選擇左一間幾出名既韓國燒烤-喜來稀肉Seorae。呢間燒肉黎講睇IG就成日都見到好多人打卡，可能係韓流既關係會有OPPA撐場。而我本身聽就聽得多呢間餐廳，食就從來未食過，今次就真係First Blood。我地今次就有Book位Book左8點半。一黎到而家見到好多人係門口等位，我地大概等左20分鐘左右(因為有Book位)。咁我就利用呢20分鐘去睇下D Poster 同埋Menu 啦。見佢啤酒有買一送一真係唔洗諗，又黎『露營必須酒』系列。再睇埋Menu，見佢D肉同埋D韓國菜都咁上下價錢喎，心裹面就開始有種奇待同埋最終幻想，質素應該唔會差得去邊既。我地一行十一人分左兩張長台，OPPA一黎就幫我地係爐邊到加左泡菜蛋/芝士蛋同埋蒜片，仲比左幾碟配菜包括有泡菜同埋芽菜仲有一盤生菜夾肉。入正題先，韓燒食物方面我地一黎就叫左兩頭豬同埋兩頭牛既套餐，每份套餐包括左一盤唔同部位既肉，飲品兩杯及醋飯八粒，五花肉一碟及辣

又來了！喜來稀肉一向係我同寶寶係香港最愛嘅韓燒，爐邊泡菜同芝士蛋係我地一去再去嘅最大誘因🤩由尖沙咀元祖店去到銅鑼灣，今次揀間近屋企少少嘅旺角店，水準一樣好冇令我地失望！一開始爭扎左一陣叫二人餐定散叫，最終為左必食嘅豬大腸同韓牛放棄左餐(其實之前食餐性價比都超高）。韓牛肉眼 見到都流口水🤤 韓牛最大嘅吸引之處就係香濃嘅肉味同咬口。用豬油糕塗滿鐵板，快快煎好上碟，咩醬都唔洗落擺入口已經好好味！豬大腸唔洗多講，燒起後金黃脆口，沾紅色辣醬最夾！最緊要係佢地洗得好乾淨，食落冇內臟嘅怪味，讚👍🏻！護心肉係喜來烤肉之後嘅No.1招牌，點醬包生菜🥬+蛋一齊食🤤但明明記得之前係砌到靚靚上碟架噃~每次韓燒都必點嘅水冷面，佢地嘅水冷面極幼又彈牙，配有雞蛋同埋青瓜，可以自由加酸醋同芥末，消解下熱氣油膩又飽肚，用佢黎結尾非常圓滿😋

今日收工好想食燒肉，一路都好想食呢間嘅燒肉，今晚終於有機會食到啦。佢係離旺角站幾條街路程，到左要落地庫，一落到去就有聽到好熱鬧嘅聲音，個場都好爆，入座之前就要量一量體溫。侍應安排左一個角落俾我哋，坐幾都好舒服。枱面已經放好左前菜四小碟，泡菜蛋漿同芝士蛋漿，仲有生菜同醬，呢啲都係可以任添嘅。我哋睇左餐牌，因為好想食牛嘅關係，我地叫左個一頭牛套餐，餐飲就加八蚊分別要左柚子汽水同西柚汽水。個餐有唔同部位嘅牛，一上枱都好大份架，仲有八個醋飯添。我特別推薦喜來烤肉同牛肋骨肉，呢兩款燒烤之後好好食，又juicy。而侍應都好快手好有禮貌，一見我無菜就會自動幫手指換。佢有限時90分鐘，啱啱好食晒就夠鐘，埋單唔駛600蚊，有咁嘅質素同服務，都好抵食！我哋9點走果時，出面都仲有人等位。如果要嚟，記得先訂位啦！

之前係IG見朋友食過幾次，見到佢哋食燒肉好吸引。今次中午係旺角工作完，見到餐廳門口放咗lunch menu，價錢都幾公道，終於都有機會試吓啦！餐廳位於地牢，一落到去好似去咗韓國咁，啲裝修真係同韓國好似！店面都好乾淨，而且唔會有一陣陣燒烤味，抵讚！Lunch主要係飯/麵/湯選擇配飲品，如果想食烤肉就要a la carte。不過午餐選擇有好多，都有10幾樣，冷熱都有。老公就揀咗烤肉水冷麵，我就揀咗石鍋拌飯。飲品就有幾款味道的汽水，仲有啲韓國特色飲品。點完餐店員就送上4款餐前小食加一包紫菜，餐前小食份量都唔少，小食係無限供應，店員話如果需要添加同佢講就可以。我最鍾意食嘅就係個麻油芽菜😍食咗2碟😛之後主食來了，石頭鍋飯上枱時勁夠熱，個飯仲係鍋入面滾緊，配上辣醬撈埋一齊，攤一陣先食到😂因為真係好熱。味道唔錯，唔會太鹹太濃味，調味剛好。之前係其他地方試過個辣醬鹹到開眼，但今次唔會！而且唔算好辣，好食！太陽蛋煎得好靚，篤開個黃流落個飯到食，一流。牛肉份量正常，但味道偏淡。食完個飯唔會好口乾，感覺無乜味精👍🏻之後老公嘅烤肉水冷麵，個烤肉好好食，剛剛烤好仲好熱，質地有𡁻口唔會太淋，調味醃料恰到好處，唔需

都有一段日子冇理黎過喜來稀肉食韓式燒烤，而家唔使成日等位可以嚟食下。呢度肉嘅品質依然好出色，無論係牛肉豬肉或者雞肉都好。每一隻肉唔同嘅部位都有佢嘅特色，要試晒真係要來多幾次先得！呢一款係豬腸，雖然個賣相就麻麻哋但係笑起上嚟都好好食！呢一隻牛油份比較高，燒起上嚟好易熟而且食落去好好食！ 其實去哩到除咗肉之外都好鍾意食燒烤爐隔離嗰啲免費燒蛋，我自己就鍾意食加咗泡菜粒嗰款。每次都要encore再encore，鍾意食蛋嘅朋友唔可以錯過。

早年韓劇韓星文化盛行，韓國美食也順著潮流打入香港。記得此店當年開業時盛況空前，排隊、訂座都得等上不少時間，在網上看到爐邊蛋的照片是如斯吸引，多年後的今天終能一嚐。 店內裝潢如同進入韓劇場景，中間有一大棵人造樹夾上合照，磚牆配上烏絲燈，燈光氾黃，添上一份浪漫情懷。 前菜/爐邊蛋(Complimentary) 泡菜、醃菜、蘿蔔以及爐邊蛋皆是任添，光是吃這些已飽了一截。護心肉 $158 第一次到來必點其招牌菜，外觀不算討好，豬肉肉質爽彈，不肥不柴，醃得入味，用生菜包著泡菜同吃好惹味。喜來烤肉 $138 卷成一朵玫瑰花狀的牛肉雪花分佈均勻，放上鐵板上每邊快烤十數秒，嫩滑又有肉香。牛舌 $148 薄切牛舌排滿一個八吋碟，油香十足。 石頭鍋飯 $85 上桌時仍滋滋作響，用辣醬拌著紅蘿蔔、芽菜、雞蛋、碎肉、紫菜等配料，再夾一塊燒肉同吃令人滿足。 剛好前一晚要請小鳳姐，人人可以獲得免費飲品一杯，皆大歡喜！

同朋友決定晚上DINNER食烤肉因為唔可以打邊爐，所以臨時去咗喜來稀肉，貪佢價錢OK，爐邊蛋，KICHI真的齊曬，仲要系任食，食到包唔系難事，護心肉喜來烤肉牛舌同埋點左海鮮湯護心肉真的好好食，肉味足夠，加上有埋生菜同埋KICHI包埋一齊，真的好美味，又健康喜來烤肉喜來烤肉系佢地最出名的，食落真的好滑，牛味都好足，牛舌真的好爽口，又唔會太UN，咬一口好容易，真的唔少得海鮮湯有埋豆腐，瓜，同埋海鮮，加埋白飯真的一流，燒肉都要飲下，真的好爽，

究竟是燒肉的魅力，還是韓式瑞士降落傘燒旺個場？可能兩樣都係！無諗過咁嘅時勢去旺角喜來稀肉竟然會爆滿，埋單離開時仲有人等緊位。食飯都要先探熱、再俾消毒洗手液你搓手，起碼令人感覺上幾安全。食左韓燒咁多年，喜來稀肉從來都是穩陣之選，人多自然無問題，少人都有得揀。壹頭豬和壹頭牛拼盤套餐，睇落好似好少，其實啱啱好，夠晒兩個人食。我同朋友叫左壹頭豬，偷睇到隔離叫的壹頭牛仲大份，心諗兩個人可能會食唔晒添，份量＋1分。一坐低就有韓式小食kimchi、醃蘿蔔和洋蔥等四小碟，大大碟仲要食完可以添，不過kimchi太辣，推介醃洋蔥（好似係）好好食！壹頭豬拼盤有護心肉（靚嘢）、豬頸肉、五花腩、豬大腸、豬皮、大菇、翠肉瓜和飯團，內外兼備，生菜和爐邊蛋都係任添，叫一個拼盤但係好多嘢食！款式＋1分。拼盤幾款不同嘅肉層次分明，而且口感不同。護心肉睇落紅當當似牛肉，但係食落好特別，比一般豬肉嫩滑多汁，口感好有份量。相反，豬頸肉薄薄地無咁full，但係好爽，好香口。五花腩就係「驚你唔飽」之選，味道不突出但勝在穩陣夠份量，本來怕五花腩會好肥，但係韓燒就預左啦，一塊半塊就算啦。最驚喜是豬大腸，真係好香口，一邊食一邊擔心膽固醇

星期五晚好想出街行下食埋飯，去完煙廠街樓上嘅小店行完，最好就喺附近食埋飯啦！眼見附近食店都唔少滿座，行到去喜來稀肉仲有幾張枱，一於就食佢啦！好在行快兩步，我後面嘅人都已經要等位啦！其實市道又好似無我想像中咁差姐，咁當然都可能同顏色有關啦啦啦~兩個人食二人套餐就最好，唔使煩，仲包埋嘢飲， $20內嘅嘢飲仲要唔使加錢！唔食牛嘅我，當然就揀咗呢個二人嘅豬肉組合啦。一嚟到枱面其實已經準備好生菜，同埋幾份配菜喺度，如果肚餓嘅都可以瘋狂食住前菜先，因為係無限任添嘅。其實上菜速度都好快，二人份量都幾豐富，肉質望落去都好新鮮。介紹翻呢個我覺得最好食嘅部份，係護心肉！即係橫膈膜同肝之間嘅肉，每一隻豬得2-300g，食落肉質彈牙有咬口，配上生菜同蒜頭一齊食，真係一流！！！拼盤有齊豬皮，五花腩，豬頸肉，護心肉同豬大腸。豬皮爽口，五花腩肥美，豬頸肉juicy！啖啖肉其實都好難唔飽，如果真係大胃口嘅仲有爐邊嘅泡菜蛋同芝士蛋，唔好忘記套餐仲有飯團波波！再次提提大家，爐邊嘅蛋，生菜都係無限任加嘅！oppa仲會見你個pan燒到黑黑地嘅時候就主動幫你換！真係要即刻講返句”襟沙哈me打”!!

依大半年難得有值得香港人慶祝嘅事，當然要去盡情慶祝一下🍾🍾 今晚特意揀咗係公司附近嘅韓燒喜來稀肉，順便當支持南韓抗疫💪🏿🇰🇷牛舌 $148>牛舌排得幾有心機兼算大碟>厚薄大細得宜>肉質不俗，幾爽口>味道少少淡，點埋啲醬汁就剛剛好==================推介指數 🌕🌕🌕🌖🌑喜來烤肉 $138>賣相精緻吸睛，成朵玫瑰咁>肉色好靚，油脂分佈均勻>肉質鮮嫩，肉汁豐富有牛味，好味>成碟有成十幾塊，幾抵食==================推介指數 🌕🌕🌕🌕🌑護心肉 $158>喜來稀肉其中一樣名物>賣相都幾麻麻，不過份量好足>肉質幾彈牙有𡁻口，但又不韌>味道少少甜，幾開胃==================推介指數 🌕🌕🌕🌖🌑石鍋拌飯 $85>嚟到係熱辣辣，咋咋聲，好正>味道剛好，不太鹹，幾惹味>肉就不太多同無咩味>飯有飯焦，本人飛佛==================推介指數 🌕🌕🌕🌗🌑我地今晚落完order後，侍應話老細今日都好高興所以請每位客人飲啤酒汽水

我好來都冇去食烤肉了，有d掛住韓國味道，所以今日就約左朋友去旺角食喜來稀肉餐廳係地庫，地點都唔算太難搵，入到去店員就帶我地去4人枱坐，之後就上前菜(有泡菜，蘿蔔等)，仲會有生菜俾我地一陣包肉食，最緊要就係有爐邊蛋，一邊加芝士(可以拉絲)，一邊加泡菜(泡菜酸酸辣辣配蛋，好開胃)，蛋食落去仲好滑，食完仲可以再添加，其他前菜都可以任添我就叫左壹頭豬套餐，有5款唔同種類既豬部位，仲有醋飯，同2款飲品五花肉肥瘦適中，可以用菜包黎食，唔會太油膩豬大腸依到食比我出面食過更好食，容易入口，唔會過硬豬頸肉食落肉質爽口彈牙豬皮較為淋身，但好入味護心肉肉質鬆軟，有嚼口醋飯加上芥末，就好似食緊壽司叫左米汁(味道同甜米露一樣，甜甜的)，雪碧(冰凍爽口)