喜來稀肉 (已結業)

今日放工後同同事去食韓式燒肉，我地當然選擇到好出名嘅喜來稀肉，信譽良好，位置方便。我地大概夜晚7:30鐘到達餐廳，餐廳內已經坐滿客人。我地兩個人點了一份壹頭豬套餐，包兩杯飲品。侍應服務態度很好，我地一坐低就立刻幫我地加入蛋液於爐邊。爐邊蛋有兩款口味，有芝士味和泡菜味，芝士味濃香而泡菜很好吃！一頭豬套餐包括有豬頸肉、護心肉、五花肉、豬大腸和豬皮，另外在配有八粒醋飯。最值得推介的是豬頸肉和護心肉，豬頸肉肉質嫩，味道濃郁。而護心肉醃料做得出色，肉質鮮嫩，充滿肉汁。醋飯味道很有驚喜，像壽司飯般帶有醋味，沾上wasabi很好吃！吃燒肉怎能沒有啤酒呢，現在優惠價買一送一呢！

疫情留家煲劇，首選當然是陪女友煲韓劇，梨泰院class、夫妻世界、李敏鎬的永遠的君主......真看著劇集裏的主人翁食韓食，真是口癢癢想食，韓國暫時去不了，來喜來稀肉食韓燒也能解饞。在喜來稀肉，我最喜歡的是她們自制的韓式泡菜，清脆爽口，少許辣，但一點也不鹹，我一個人已經吃了三碟😅喜來主要是吃韓燒，我們要了一份喜來烤肉，一份牛肋骨肉和一份水冷麵 🍜水冷麵🍝上桌時冰涼冰涼的， 湯汁微酸帶冰塊非常開胃，冷麵籤細，口感煙韌彈牙，跟中國冷麵完全不同，極據韓國特色。🍖喜來烤肉🥩一朵玫瑰花造型上桌，肉用韓汁處理過，肉質軟淋，不用沾醬也非常夠味。🐂牛肋骨肉🍗切成小手指班粗細，帶有少許筋膜，所以比較有咬口，烤熟用生菜包裹配泡菜和肉一起吃。

好耐好耐好耐冇食燒肉，真係好掛住韓式燒肉同埋爐邊蛋。餐廳坐得好疏，而且貼左提醒大家嘅字句，仲提供左紙袋仔俾大家裝口罩。由於枱嘅數量少咗，等位自然長咗，大約等左半個鐘。行到埋嚟見到呢個setting，見到啲泡菜同埋爐邊蛋，已經流晒口水。心大心細唔知食咩好，決定要一個壹頭牛套餐，樣樣都有！ 見到成盤靚肉已經即刻心心眼！仲有好可愛嘅醋飯。即刻開動！燒肉厚薄唔同，燒完之後可以卷生菜食，加埋燒肉醬，好惹味，生菜又可以中和牛肉嘅肥膩或者卷醋飯，變成牛肉壽司都得！爐邊蛋超好味，芝士同泡菜各有各好食，我就偏愛芝士食晒成個拼盤+蛋+飯+汽水，好飽好滿足

早左放工唔知去食咩好行吓行吓經過韓燒 可能受疫情影響 等位嘅人唔多 咁就呢間啦我哋兩個人叫咗一個炒麵三碟肉一齊食首先食咗啲肉 我最鍾意嘅護心肉一如既往新鮮而且唔多筋牛脷我麻麻地 朋友話薄薄地好容易食 轉眼間佢就清晒成碟最後仲有佢哋嘅招牌喜來稀肉 肉質鮮嫩 比較瘦 適合唔鍾意食肥膏嘅朋友至於個炒麵就好似升華咗嘅即食麵咁樣除咗雞蛋 年糕 仲有韓式魚片辣醬份量超多 咁樣就唔會太過乾身明明喺屋企差唔多日日都食公仔麵 但係黎到都仲係要叫😂

疫情嚴重短期內都唔會有得去旅行好掛住韓國嘅美食唯有嚟呢度食咗韓燒先店員會量度體溫同提供搓手液坐低冇耐店員就拎啲配菜過嚟 無限任食泡菜可以減低肉嘅油膩感不過最正都係啲蛋 一邊芝士味另一邊係泡菜味 兩款都好正-喜來烤肉180g $130用舖頭命名嘅肉應該唔會難食😂果然賣相吸引 油脂分布平均 厚薄適中-護心肉200g $150個名咁特別 原來即係橫膈膜附近嘅肉每隻煮得好少份量 所以特別珍貴口感好特別 筋比較多 但唔鞋口-牛舌160g $140最後係我每次食燒肉放題都一定要叫嘅牛舌薄薄地 好快食得 肉同肥膏嘅比例完美-辣年糕炒麵啲肉每樣都細細碟咁食完唔多飽於是我哋嗰個年糕炒麵嚟一齊食味道正宗 真係好似去咗明洞🥺

位於旺角既喜來稀肉，係韓式燒肉既餐廳，一入去坐，店員就馬上擺低韓式小食，立即醫肚！食完可以refill~睇完餐牌，叫左個一頭牛既二人拼盤食，幾分鐘已經送到，好大碟！有五款牛同小量蔬菜，岩哂食肉獸啦！爐上面嘅抽氣都幾好，燒肉店黎講油煙唔算好勁，另外店員會主動去換燒肉果塊鐵板，廢事煎到燶，浪費美味既牛肉~~另外值得一題嘅係爐邊蛋，以前係韓國食燒肉係要加錢refill 的，呢度竟然係免費refill，起碼要食三轉！超正！

今日復活節，所以我同一啲朋友到旺角試下燒烤， 因為受著疫情影響都好少出街，所以今日就放縱一下想食韓燒， 咁朋友就介紹咗喜來稀肉， 咁我就同佢一齊試下。 咁我哋嗌咗以下食品嚟燒。五花肉: 呢個五花肉我覺得都幾正，燒起上嚟有咋咋聲，同埋啲豬肉呀我覺得 肥肥哋都幾好食，因為五花肉唔肥我覺得就唔好食燒起身你就冇咁滋味。 所以啲個五花肉我覺得係我推薦其中之一個。醬燒魷魚: 呢個其實佢已經本身醃製咗啲秘製醬汁，當你燒起上嚟其實都唔需要再點其他醬汁，因為由於本身都幾有鮮味，同埋我覺得都幾鮮甜，而且呢個海鮮都幾新鮮，如果燒嘢食嘅話，食材最重要係新鮮，而且佢啲醬料醃得幾好食 所以呢嗰魷魚我自己都好喜歡。豬肉泡菜湯: 最後食韓式嘅食品，我自己一定會叫佢，泡菜湯因為我覺得佢喺呢個凍凍哋嘅天氣下食 ，我覺得都幾暖胃同埋有酸酸地辣辣地咁， 好似去咗韓國到食咁，如果大家鍾意食佢啲泡菜湯嘅話，呢個大家都可以試下，因為我覺得佢整得都唔錯同落足料咁。 大家可以參考我應該啲相。最後我哋盡興完畢之後咁就返歸 ，而且呢一間喜來稀肉我覺得啲招呼都ok，佢前菜啲泡菜亦都幾好食，所以如果下次有機會嘅話我哋都會再翻兜。

今次真係真真正正食咗成隻牛啊，喜來稀肉呢個壹頭牛既二人套餐超抵食。首先坐低左就有幾款泡菜同埋醃蘿蔔俾你食，夠哂開胃。依個套餐有五種唔同部位嘅牛肉，喜來烤肉，牛五花，特級牛頸，牛肋骨同埋牛排骨，每款份量都唔少！未燒已經洗哂口水🤤🤤🤤我自己最鍾意食牛五花，薄薄一片燒起黎好香，配埋生蒜同生菜，再加少少韓式辣醬，正啊，夠哂風味。牛肋肉都好好味，有牛味得黎唔會好肥。套餐另外仲配有醋飯，一啖一粒好得意。我地仲點左個泡菜海鮮薄餅，入面好足料，勁多八爪魚同蔬菜係入面。食燒肉梗係要配啤酒啦，而家做緊優惠買一送一都好抵飲，爽啊！

旺角食韓式燒肉韓式燒肉最好嘅地方就係配菜任食，呢間可以話長期都勁多人嘅一間！ 位置相對較多，位於地牢！背景播住韓式音樂，去唔到韓國旅行都可以感受下💪🏻Kpop 餐廳都好注意衛生，一點前要探熱，而且會提供酒精搓手液俾你消毒✌🏻三個人叫咗二人套餐，啤酒同埋海鮮餅！ 叫咗壹頭牛二人套餐（ $520 ）套餐除咗有一盤食肉獸見到會好開心嘅肉肉肉肉肉😻😻😻仲有一碟8粒嘅醋飯同埋兩種野飲🤤🤤🤤肉類包括有牛五花肉、特級牛頸、牛肋骨肉、特製牛排骨同埋佢哋嘅招牌喜來烤肉🤤🤤🤤！生菜、泡菜芽菜等嘅配菜可以無限refill!我個人就好鍾意包住生菜食，仲可以配埋枱上邊嘅醬料！五款肉都好好味，輕輕燒兩下！鎖住肉汁嘅食法唔會太柴皮🤤🤤🤤🤤！我最鍾意就係牛五花肉，因為軟綿綿好似棉花糖咁！入口即溶！另外如果相對比較有咬口，我個人就覺得係牛頸🤤🤤🤤另外佢哋嘅啤酒買一送一🍻食韓國嘢又點少得酒精呢！實行啤啤佢好抵飲🍻🍻🍻海鮮泡菜餅！泡菜餅煎到兩面香脆，入邊仲有魷魚粒洋蔥泡菜等等非常惹味🤤鹹鹹地送酒🍻一流係一間坐得舒服，服務一流嘅韓式燒肉店

一早上網搵咗呢間喜來稀肉知道超多人排隊💛💛所以一早就嚟😂 六點鐘到嘅話可以即刻入😆😆 留意番有啲店員係韓國人🙈🙈唔係好聽得明廣東話🙊不過又正正因為咁有好有韓國feel, 加埋裝修暗暗地,好有情調👍👍一坐落睇menu嘅同時已經可以先食泡菜🥗🥗😍😍 見到已經準備好嘅爐邊蛋，一邊芝士一邊泡菜味，忍唔住快快脆揀好想食嘅嘢就開爐🍳韓燒嘅重點當然係牛肉🐂🐂我哋嗌咗一個二人餐"一頭牛" ，對於有選擇困難嘅我哋點套餐就可以試曬唔同款嘅肉 😝 Max 啤酒仲要做緊買一送一!! 必點呀🍺🍺一頭牛套餐: 喜來烤肉/ 牛五花/頂級牛頸/牛肋骨肉/烤調味牛骨牌🐮🐮🐮仲有醋飯同埋罐裝飲品送🥤 我個人最鍾意食捲成玫瑰花形狀呢個薄切牛🌹🌹🌹加埋前菜生菜包起嚟一齊食真係好滋味😋😋 肥瘦適中， 小小筋都冇!! 一啲都唔韌而且店員服務好周到， 上菜速度亦快，又不停幫你換烤爐板!!!!😎😎食烤肉嘅死穴就係好大油煙😅 但喺呢度食咗兩個鐘 ，少少煙味都冇😁😁讚💯💯

好掛住韓式燒肉，一於同朋友約嚟喜來稀肉食返餐～～一坐低，店員就已經擺好一碟碟既韓式開胃菜，泡菜同醃蘿蔔等....任食任添～馬上淋上蛋漿，陣間就可以食芝士蛋同泡菜蛋，都係無限添加，my favorite!睇餐牌太多選擇，我地揀左個二人拼盤套餐「一頭牛」，唔使諗咁多，款款肉都有少少，試勻唔同既牛部位，呢個套餐仲包8粒醋飯同兩個飲品～呢個set啲牛都幾靚，牛肋骨肉同牛排骨切得厚薄適中，易燒易熟，店員換盤速度都好快，服務讚～～

同事旅遊韓國回來已一段日子，還忘記不了韓燒的美味，總忍不住約我去旺角喜來稀肉食韓燒，餐廳設計與擺設好有韓國feel，座位也很舒適，和別的桌也有足夠空間。一入座，店員送來小碟，都是食韓燒必有的，特別是泡菜，辣得十分入味，然後店員在烤爐邊加蛋漿，一邊有辣味，另一邊有芝士味。喜來烤肉，一片片烤肉捲成一朵花，薄薄的一片肉程現鮮紅色，肉味香濃，用新鮮生菜包住烤肉、蒜頭、洋蔥、大醬來吃，能中和一下油膩感。增添口感。真雪花牛肉，脂肪紋理像雪花般分佈在牛肉裡，紅、白相間，狀似大理石花紋，口感嫩滑，油脂甘香。

一到步侍應已經奉上款式多多的韓式前菜包括有辣醬洋蔥沙律、醃蘿蔔、芽菜、泡菜等 還可以免費refill 桃子十分欣賞他們的前菜-這次也點了每次來必點的喜來稀肉 其實是牛肉 卷成玫瑰花形狀 份量也十分足料 肉質鮮嫩 配上前菜和生菜包起來一起吃很滋味 另外還點了牛肋骨肉但份量比較少桃子又覺得肉質相差無幾不過不失吧-另外侍應會在火爐邊倒入雞蛋汁 裏面有泡菜和芝士 也可以無限refill 最後提提大家每人最少要點一份肉

放工，唔知食乜好，就落左旺角食烤肉，今日就去咗喜來稀肉食烤肉，依家已經唔係第一次食㗎啦，就係因為佢太好食，我就食過返尋味，所以再黎食。首先，入到去要量體溫，要用洗手液洗手，我覺得好值得欣賞。如果你係第一次你食烤肉嘅話，你就可以睇吓<要如何烤出好吃的烤肉>，佢會有晒次序教你點樣烤肉。入到黎環境歡堂，食烤肉最緊要個環境，因為烤肉嘅油煙好大，但係依度就做到好舒適，呢度嘅油煙味道少到好似冇咁，依一個點亦都係我再次嚟食嘅其中一個原因。前菜方面，佢嘅前菜無限供應，只要你叫佢俾就有，我最中意食佢嘅蘿蔔，酸甜到適中，另外，如果唔食得辣嘅朋友，就會覺得佢嘅泡菜比較辣。佢嘅生菜都係係前菜嘅時候預備左，而家到值得一讚，因為去到其他烤肉店，如果你要叫一個菜，變相就要額外加錢。另外，佢嘅芝士蛋漿，同埋泡菜蛋漿，都係免費任你食嘅，如果鍾意食以上兩種嘅朋友就啱晒你啦。然後，就是說炸蒜頭啦，我最推介就係呢個炸蒜頭，環保得來之餘，仲要係用新鮮嘅豬油炸出嚟，一開始嘅時候佢會擺幾粒生存落去，然後，但你一路燒嘢食嘅時候，啲油就會落返落啲蒜頭度，一路燒，啲蒜頭燒到咁上下，你會完成呢個就係自己親自整嘅咋蒜頭，完全

女兒喜歡食韓國的喜來稀肉，味道和質素很好，近期因疫情問題，女兒去不到韓國旅遊，不過好在香港有分店，於是叫我陪她去旺角喜來稀肉食韓燒。店內座位寬敞，圓形燒烤爐上有獨立抽氣扇，皮椅內可放物件，不會有油煙味！先來前菜、醬料和生菜。泡菜夠入味，韓式辣醬沙律菜清新，酸蘿蔔爽口。點菜後就開爐，侍應加上爐邊蛋汁，一邊係芝士味，另一邊係泡菜味，食完可以再加，免費的。喜來烤肉：招牌菜當然即點，牛肉砌成花朵形狀，色澤鮮豔，表示肉質新鮮，牛切得唔厚，沒有太多脂肪，只需兩邊輕輕烤下就食得，牛味香濃，鮮嫩有口感。蔘雞湯：韓國蔘雞湯不是每間餐廳都做得與韓國的味道一樣，呢間就能做到，味道極相似，原隻雞內藏有糯米、红棗和人蔘等，並加入京蔥提升香味，雞肉嫩滑，蔘雞湯濃郁芳香，鮮甜帶蔘香味！