唯一雲貴川風味

營業中

休息中

 幾年前已光顧過一次, 印象都不是相像中好. 一進入店舖, 燈火通明, 完全談不上有格調, 反而有一份親切感(只限環境, 伙記就.....so so la~) 餐牌與一般的數大格( 麵料、配料、蔬菜及湯底各一格)有別, 一連串的配搭, 恕我無聊, 用了5分鐘去研究有沒有完全一樣的組合....... 老闆你羸了, 我找不到>.<其實我反而覺得太凌亂, 不知實質有那些選擇, 可能老闆想你知道他/她的心水推介。我點了炸醬及豬大腸, 份量比起大型連鎖米線店的分量多至少3成, 送到面前時有陣陣的酸香味(因為有芽菜及相信是自家製的酸菜作配菜). 因為每次少量製作, 湯面會有微量的氣泡, 突顯小店的認真。習慣先喝一口湯, 肉碎未能完全帶出湯底的鮮味, 但湯底的清淡卻能襯托出配料的重要地位。豬大腸並不是全鹵水,顏色偏淡, 口感沒有Q彈的內壁肌肉, 神奇地有一口口入口半溶的感覺, 與預期所想落差頗大。炸醬份量多得驚人, 碗中堆了一個小山丘, 味道亦非偏甜微酸, 只得鹹香, 肉質太老, 其實表示用瘦肉比例比肥肉多, 但煮得比較乾身, 不能達到肉汁與湯底交融, 略遜一籌。蝦餅點了腩肉, 絕對

收工落到去都係6:30pm...已經排長龍到生果檔等左半個小時先有位。。逼逼地但上枱快，叫左個雲吞腩肉大辣😇個雲吞真係要大讚，用酸菜好開胃, 肉質鮮好咬口, 腩肉都有4-5塊,數量都ok! 大辣好快不能滿足我，下次要加大辣先得啦, 佢既川辣好香口,辣得黎5會""搶喉""!! 趷立荃灣多年既小舖，確實好食！

由讀書時一直食到而家，雖然而家味道無以前咁好味⋯但佢始終係我食米線首選，皆因佢味道比其他鋪頭出色。呢間鋪頭雖一缺點係鋪頭細，人與人之間都要迫住坐⋯加上次次去到都大排長龍，所以最好就買外買返屋企慢慢歎⋯今次叫左腩肉、豬腸、豬肚（唔辣）⋯佢既餸本身就有小小辣，所以對我呢種唔食得辣又想要小小辣既人就岩岩好啦。米線係比較淋身個種，而佢地既腩肉係無半點肥膏而又唔知點解好鬼好味個隻，所以絕對係必叫之選⋯另外豬肚同豬腸都好好味，而湯底本身就有埋咸酸菜同芽菜⋯所以次次食起黎分量都剛剛好。

本身住得唔近，但間中都會特登入荃灣食唯一既米線。由於 lunch hour 去食，排隊都係預左。姐姐會先幫我地落單，等我地一入去坐低就有得食。今次叫左中酸辣雞翼尖豬潤米線。雞翼尖最少有六隻，食極都有！而且好林好夠味。而豬潤都有好多，不過疑似整定，硬左少少。湯底好夠辣，酸就唔係好覺，不過自己都唔係太鍾意酸，只係佢冇得揀麻辣，所以都好岩我口味。配料亦都十足，有好多好多酸菜、芽菜等。米線硬度岩岩好。夏天食到出晒汗，大滿足！

店面實在太迫太油喇,,,所以我地決定買外賣推介小鍋米線, 唔食得SPICY既可以點小小SPICY, 唔SPICY係唔好味的豬腩,芽菜, 索哂D湯真係超好味, 雖然肥利左小小, 但係咁食先食到雲南米線既味道架嘛~

香港人真係好中意食米線，米線鋪開到一街都係，受歡迎的主因最緊要係個湯底，只要個湯底夠獨特同有料到，好自然就會客似雲來。今日我就嚟咗荃灣四陂坊食呢一間唯一雲貴川風味，其實我食過呢間好多次，概括來講一間嘅特色就係張枱細，凳細，坐得唔舒服好逼，而且大部份時間啲服務員嘅態度真係好差，比較惡。但係呢一個區嘅客人都係比較搞笑，例如怕食辣嘢嘅客人都會入去食，但係會問個服務員邊樣邊樣唔辣。呢間嘢個湯底好特別有啲似菜湯，同埋嗰啲米線係會染有湯嘅味道，兩者混為一體。呢樣特點唔係間間都做得到，好似米線陣甘，話就話去食米線嘅專門店吧因為佢行系統同埋佢係連鎖店，所以煮出嚟嘅嘢好冇人情味。始終冇呢d 個體戶做得好！湯底尼講，呢間會令人一試上癮，心掛掛！同埋入嚟食嘢嘅人一定要好識得order...否則會叫左d 自己唔中意食既野！今日我食呢個麻辣雞炸醬腩肉米線，湯底超正！下次會再來！

請無視我所用餐的日期和價錢吧(大概$40有找) 因為我也忘了 哈哈荃灣既雲貴川 我已經食左8-9年 由大辣食到小辣每次經過佢既後行 我都好想衝入去食 真係太香啦雖然我知道佢有落味精 但係偶爾一次半次 算啦  以前返學 時間比較多 經常黎食 比較小要排隊依家返工 時間小左好多 就算要食 變左經常要排隊坐店入面 就會聽到廚房好有力快炒既鑊聲 好香既鑊氣味坐樓上就淨等食 比較安靜 (但係樓上通常得一個員工 要一腳踢)之前不用叫就會自動加蔥 呢2年左右 要自己叫 要蔥 另一個大缺點 夜晚7點幾已經冇哂蔥...我是為了蔥和炸醬來的~~~相中有蔥 我應該是中午食既~~炸醬香 蔥香 米線小小淋 雞翼尖入味又淋 湯小辣又濃食飽後 請飲多D水吧~

上星期在紅磡黃埔分店食過麻辣腩肉涼拌米線，讓我每天想起那種味道！我經常係荃灣出沒，真係唔知荃灣都有分店。今日星期五，終於有機會再嘗嘗那久違了的涼拌。一去到，坐下，發覺沒有涼拌米線，失望至極！分店有的總店竟然沒有。沒關係，試試麻辣湯米線都可以。我和女朋友先嘗蒜「蓉」白肉，沒有誠意的作品，$28一碟，不會再試。再吃腩肉米線，食第二啖時，福街，冷氣機滴水，滴左落碗麵度，叫人換，職員態度麻麻，還大聲跟另一位職員說：「抹冷氣啦，陣間又話滴水喇。」好似俾說話我聽咁，anyway三十蚊米線唔好要求咩服務喇。回正題，老實說，不好吃，湯底D油多到嚇死人，跟黃埔分店質素差很遠。女朋友的麻辣雞米線，為何雞會有骨？分店是沒有的，讓女朋友失望了。廚房環境惡劣，仲要中門大開俾客見到，很核突，對比下，似乎譚仔乾淨很多。幸好，支$9咸柑桔讓我開心返少少，鴻福堂出品。我告訴自己，下次不會再來，但會找機會去黃埔分店尋回那涼拌麻辣腩肉米線的。

來到荃灣，雲南米線是不可不試的。當中以這間老字號最為人所知。以前老公在荃灣上班，偶爾也會來雲貴川吃碗米線。每次都是大排長龍，大多是在店外先下單，一坐下便送上米線，吃完又要急急腳離開。既要花時間等，又要吃得急趕，但事實上它那濃郁的湯底加上美味的配料，值得一等再等。多年後，老公轉了新工作，回到荃灣區，我們又想起這間隱世小店來。晚上前來，依舊是要排隊，但只等了一會便可入內了。早已在門外下單，一進來不久便可開動了。跟老公口味相若，吃米線大都選配豬大腸、腩肉、豬潤、炸醬。這米線最突出的是湯底，香料足而且有肉香，酸中帶麻，內有不少酸菜呢，十分適合愛酸的我。個人偏好濃重口味的湯底，感覺這湯底不及以前的濃郁，幸而點的都是鹵香過的餸料，令湯底更濃郁。餸料當中做得最好的要算是豬大腸，在濃重的湯底下仍嚐到鹵水香，不過略為肥美了點。炸醬用香料炒過，味道是不錯的，不過肉碎質素認真一般。肉末十分鬆散，泡在湯中已化掉了一半，變成湯底的一部分。豬潤質素一般不在話下，煮得過熟，口感不佳，可以不叫。而米線煮得偏淋，不過反正湯底夠濃就能瀰補麵質的不足。久別重逢，人氣依舊，但質素有下降的跡象。整體來說味道依舊是水準之上，那湯

麻辣粉，酸辣粉，雲南米線，雲貴川。。。開就開到成行成市，冇黎聞味，唔麻唔辣，越開就越難食，想搵間似樣啲嘅都難。我好日都唔去嘅荃灣，咁啱得咁橋有嘢要去做， 啲人又得閒可以陪我行，梗係趁機試試呢間老字號 - 唯一雲貴川風味呢間隱世小店賣嘅唔係光鮮裝修，而係不折不扣，麻，酥，香，辣嘅雲貴川米線。各式麵食有小鍋(走辣)，酸辣，麻辣以供選擇，配料種類繁多，亦有特色配料，如麻辣雞，豬脷，自家製炸醬，辣椒油等。平時舖外排哂長龍，今日有幸時間啱啱好，唔駛排隊直入。酸辣大腸貢丸小辣米線 - 配料雖然唔係咩上等貨色，而且酸辣都計一個餸。不過，佢呢個酸辣卻非一般，大量爆炒過嘅肉碎再用清湯酸菜辣椒餚成酸辣湯底，酸辣甜集於一口湯。酸菜令湯濃而不膩，芽菜爽脆解辣，米線順滑彈牙，比起連鎖店嘅出品高幾皮，味道層次分明，係一流嘅酸辣粉。麻辣貢丸炸醬麻辣雞中辣米線 - 麻辣湯底有齊麻酥香辣四個層次，炸脆嘅辣椒蒜粒為湯底添上焦香，花椒嘅麻中和部分辣味，令人一邊食一邊流汗，都依然一口接一口。炸醬係自家製，份量毫不吝嗇，肉嘅甜跟湯麵非常配合。雖然中辣已經足夠火熱，但眼見枱上嘅特製辣椒油，渣多過油，材料分明，我又豈能當視而不見呢

現時食雲南米線大把選擇，而且連鎖店遍佈十九區。好處係一式一樣，唔好處都係一式一樣。所以呢間第一代雲南米線長龍店依然日夜爆滿。       舖頭細而無裝修，隱藏於四坡坊一角，識窿路先會嚟幫襯。附近長期有雲南米線舖競爭，甚至開正喺隔籬，但市場好現實，優勝劣敗，歷年來都只有呢間舖長期有人龍。       炸醬腩肉豬腸米線($40)        濃味油膩熱騰騰係傳統雲南米線嘅特色，加上炸醬肉碎，而且灑上大量葱花，隔遠都聞到香味四溢。米線腩肉都係一般貨色，但一配合湯底即時脫胎換骨！闊別廿年，小店依舊簡陋，服務粗豪，美味依然！希望時代進步，舊區重建下，街坊老店仍有生存空間，保持一種叫情懷嘅味道。     

難得喺荃灣放工，我又忍唔住黎哩度了，今次黎到門口，要排隊wo，排就排啦，冇所謂（我有想過去隔離鋪食碗粥就算的）好快就有個店員出黎問我食咩喇，上次食過小辣，覺得湯底唔錯，今次突然覺得不如要唔辣吧，就要【唔辣嘅雲吞炸醬米線】吧～應該係我只有一個人嘅關係，話咁快就可以入坐了，坐低等等，等等，等咗大概10分鐘左右，米線上檯了，今次我特登叫咗兩樣唔辣嘅配料，想好好咁試清楚個湯底的，飲啖湯先。。。。。。點講呢。。。唔係好特別，有酸菜嘅味道，我要咗炸醬，所以有炸醬味，但差咗少少野，差咩呢。。。回想起上次嘅感覺，小辣其實唔係好辣，純粹係用黎吊味而已。。。今日嘅唔辣就係差咗啲辣味呀，唔辣嘅話就好似今次咁，寡寡的，下次會醒目了～ 講下配料吧，炸醬嘛，其實就係豬肉碎，有就多啲野食，湯亦會因為有佢而更有味道，冇嘅話我相信會完全唔一樣囉，所以一定要點～ 雲吞嘛。。。口感其實ok的，唔會軟趴趴的，有咬口，味道幾得意，得意在我第一次有人加啲腐乳入去做餡嘅調味的少少姐，幾過癮幾特別吖，哈哈～ 食得過的╭(╯ε╰)╮ 反正下次就知道，一定要辣，唔點食得辣都一定要BB辣，冇辣會好寡，差好遠的，啊，仲有，如果大食嘅食友可以

荃灣有條很短的街道叫四陂坊，長度太約是三間舖左右，最入一間叫「唯一雲貴川風味」，是該區有名的隱店。這兒毫無裝修可言，餐牌、收費亦非常簡單，分一至四味。意思即是一款、兩款、三款或是四款配料，客人可自由配搭，價錢分別是$28、$34、$40和$46，不算便宜。不吃辣的話，記得下單時說明要走辣。在門口排隊等待的過程中，店員會走出來先落單，其他食客已經很有默契的配合，似乎只有我們是初來報到，不知當中規矩。落單後，乖乖的等，此時店員卻突然說隔離舖有位，因為今日比較趕時間，所以便跟了過去。帶着滿腹疑團，穿過又窄又濕的後巷，我們來到另一檔密封隱店，這兒門面落了閘，從外邊看不到內裡的環境。雲貴川，單憑這三個字已經可以給你大辣的聯想。的確，隣座每位食客的麵碗內的湯身都是深紅色的，吃的時候每個人都流着兩行鼻水，紛紛拿出紙巾，邊吃邊抹，呻鼻涕聲和嘆氣聲此起彼落，那情境非常吊詭，感覺就像電視劇中描述的索K場一樣。我們雖叫了走辣，但因為配料是辣的，所以湯身還是少不免有些辣油飄起來。呷一口湯，味道又辣又酸又油，浮起來的紅椒皮和花椒碎說明這個是正常川菜的微量版。四月選了腩肉、雲呑、醬爆豬肉丸三味，腩肉是這兒的名物，

路經荃灣，有少許肚餓又想起住度既米線唔錯，就嚟睇下要唔要排隊，發覺人唔多就入嚟食碗米線先今次叫左個中辣既腩肉豬潤米線，依度既湯底係酸中帶辣，感覺比較複雜，加上湯內有少許酸菜同芽菜，使人越食越開胃。至於腩肉同豬潤既份量十足，腩肉瘦中帶少許肥肉，不過食落唔會太肥，至於豬潤則唔腥唔靱，爽脆可口，好鬼好食，米線亦好食爽。

今日遲放工，7點半鐘喇，o係荃灣，不如返屋企先食飯啦，反正老婆留咗飯俾我，但想想，荃灣wo，一般我唔會黎哩區的，好耐之前已經想黎哩間米線店（又係因為睇雜誌囉），話哩間o係米線店林立ge荃灣都好出名，想去添去到門口，睇下銀包，嗯，入去啦，  黎喇黎喇，湯面紅紅的，睇唔到有幾多米線，食啦！嗯，炸醬，係瘦肉，味道。。。。。。冇乜特別腩肉。。。。。。比較瘦。。。只有少少肥肉。。。味道。。。。。。亦冇乜特別米線。。。。。。都係冇乜特別，口感正常小辣的辣味嘛。。。。。。我平時好少食辣的，哩碗ge感覺係。。。。。。小辣嘅辣其實係吊下味而已（其實冇咁誇張的），咁我咪一羹一羹慢慢飲囉，嗯。。。。。。酸味唔錯，湯ge整體味道唔錯，又唔太辣，不知不覺我已經將成碗湯飲曬，飲完完全冇食咗辣野嘅感覺，嘴唇冇乾乾的，味道倒是不錯的想飲啲水，眼前有壺熱水，冇杯，哦。。。俾錢櫃檯那邊有。。。。。。算了埋單~ 口污糟想擦。。。。。。唔太貴，差唔多啦~點算。。。。。。成嘴油wo。。。。。。。最後我去咗附近一間新開ge麵包店，買咗個午餐肉包當廁紙用，擦完，食埋，我懷疑我是天才再強調，因為湯ge原因，整體味道是不錯的，但冇特