唯一雲貴川風味

營業中

休息中

很久沒吃米線的話會好想念那種辣味總有衝動想去吃有機會來到荃灣,就來吃這邊的米線叫了個 小窩炸醬米線味道是不錯的米線份量不多不少可是...過了二三個小時後開始口喝死了我已經喝完兩支水...還是口喝........

好耐之前就已經發現左咁好味嘅雲南米線, 仲以為係平常野點知周圍試過之後, 原來都係依間最好味炸醬係必點, 雖然本身湯底都有D, 但係加多一份當然更加美味腩肉又係主角之一另外最鐘意叫豆腐卜, 因為可以吸收湯汁的日月精華...正!!!

約朋友去荃灣食lunch, 大家決定去食米線, 決定去 " 唯一 " ! 因之前幫襯過都好好食, 亦好多人幫襯, 所以未到中午12:30就去食, 去到full 咗, 等咗10分鐘就有位, 我order咗 貴丸, 墨丸, 脯肉 米線 ^^~ 好多配菜,有雪菜, 芽菜等.... 好入味 ~ 湯底, 麻辡得好鬼有層次 正 ~ 米線, 好滑, 食咁耐都唔會發漲 , 有質感 ~ 脯肉, 係鎮店配料之一, 以麻辡炆煮好入味, 脯肉唔太肥

一直以來都係米線迷,荃灣米線鋪多的是,自己認為'唯一雲貴川風味'係最好味既米線!因為忙既關係,巳經有年幾無食同男朋友講左成兩年,好好味,湯底好濃,好香...炸醬,豬腸,豬潤,腩肉都好正 唔似有d米線鋪白烚!終於有機會帶左佢黎食,知道每次去都要排隊,所以就11點早d去..咁就唔洗排隊: )兩人叫左一碗豬腸米線+腩肉米線,炸醬分上好可惜既係,湯已不濃,雖然還有僅餘酸菜和肉味,不過見到湯底係開左水,真係好失望豬腸,腩肉同炸醬依舊好味,很濃郁!腩肉稍為"鞋"左d 不過湯底係一碗米線既靈魂,竟然開左水同男朋友特地而來,感到相當失望!希望可以有返以前既水準啦!!

琴日同朋友行完山係荃灣落腳, 結果就叫朋友陪我食, 自從轉工後真係好耐冇食喇, 以前真係會由觀塘入荃灣食碗麵就走, 而家忙咗又懶咗就好少咁做, 話說回頭, 我琴日食咗腩肉, 雲吞, 豬肚同蘿蔔, 真係好正, 最正嘅係啲香而唔辣嘅椒醬, 啲米線都好好食, 好食過譚仔嗰啲, 如果觀塘附近有一間就好喇, 最可惜佐敦嗰間我知道有時已經執咗............我會再幫襯的, 但真係貴咗好多囉

久違了的味道 ~~呢間米線由我中學時期開始一路食到而家 ,由細細間食到搬到呢度 ,再見到佢係佐敦開分店, 可惜好快執左 .每次黎到必點 ---- 腩肉 , 炸醬 腩肉真係好正 ,軟硬度適中, 唔會太辣 ,又夠入味,暫時搵唔到另外一間係做得好過佢既 ~~ 炸醬 都係好入味,放入湯度一齊食真係一流呀 ~~不過最懷念既都係佢地由細細間鋪時既味道 ,真係一試難忘,而家水準已經下降左好多,味精都多左好多 ,食完一個鐘頭後,即刻一野飲晒成支 飲品,味精實在太重啦 ~~希望佢地注意下啦 ~~

食開譚仔米線既我吔最近轉移陣地，嚟到荃灣依間雲貴川。 佢既米線有韌度和口感，湯底放了特製酸菜寧舍令人開胃醒神。辣度也可以隨個人喜好選擇。我叫了兩餸腩肉和炸醬。腩肉像回鍋肉小肥偏瘦，不喜歡的人可能會覺得痴牙一點。炸醬係豬肉碎製成的，放落湯和米線一齊食，增添餸感。大大碗嘅米線我居然能夠全碗清晒！就連去譚仔要少米線都辦唔到呀。還有醒目嘅店員，起我吔在門外排隊等位時，已經幫我吔落定單，的確令我們省回不少時間！

經常見唯一雲貴川風味的門外大排長龍，今次大約七點來到，居然沒有人在等位，想也不想，便走了入去。阿姐安排我們二人坐在角落位置，座位當然不會舒服，坐下來與鄰座食撞手肘。餐牌都貼在牆上，餐牌一看之下，很難明白，簡單來說，就是米線加餸，一味廿五蚊，加一餸要五蚊，加酸辣當一餸計算，可以要求加蔥，但加酸汁又不用加錢。要了酸辣腩肉和酸辣雲吞米線。因為第一次來，不知道可要求辣度酸度，所以沒有向阿姐說湯底要多辣，估計阿姐會當作是小辣。大約五分鐘，兩碗米線來到。米線的配料有芽菜、肉碎和酸菜。湯底呈橙色，浮在湯面的油份也不少。湯底看起來很濃稠，喝起來其實不會太酸，但辣味十足而且香濃，比其他米線食店這裡的酸辣湯底的確與別不同，愈喝會愈想喝。米線都算煙韌，但浸在湯底畢竟會變腍。腩肉不是用上五花腩，而是多瘦少肥的腩肉，至於腩肉的味道被濃味的湯底蓋過，實在沒有吃得出來。雲吞有三隻，類似上海雲吞，雲吞皮較厚，味道沒有特別。食完行出門外，已經有人龍在等候。這裡的酸辣湯底味道特別，而豬脷在其他地方是較難吃到，多人捧場，也是有原因。

係雲貴川食米線年資已經有6年了,每一次我都會點豬潤,雞肉小窩小線,第一次食既時候就愛上了,可能係因為佢夠酸,而我就係愛酸之人,食得好開胃,但係日子耐了,就發現味道都淡左,到後期我都要加酸菜or酸汁,兩者分別在於前者要加錢後者唔駛XD到早兩個星期係澳州返香港,特別走去食米線,發現佢地既米線有好濃既米香味,正正我就唔太鍾意呢一陣味,不過總括而言仍然好味,請大家多多支持.不過我今次食有個小發現,就係如果1pm左右食豬潤既時候,豬潤既調味料可能未入味,3pm左右去食就入味了,晚上去就更加唔駛講.

久唔久都黎這裏食LUNCH!之前黎親都咸到喊, 味精都落得幾重手下!不過今次又唔會WO~ 次次黎都叫炸醬腩肉小辣米線,仲要加蔥, 你唔叫佢就唔會比你KA LA!加左香D!好鐘意佢D炸醬, 仲食得出肉的質感,比TAM仔的搞拌肉醬更好! 肚尖也是必食的!!!!

工作夜咗,9點經過雲貴川,見得幾個人等外賣,就買咗兩碗米線做晚餐.自己個碗係炸醬貢丸紅腸米線,$34,紅腸一般,貢丸大大粒算好食,有肉汁,冇加到辣,連小辣都食唔到.老公嗰碗係小辣炸醬腩肉豬肚米線,$38,原本叫豬腸同雞翼尖,但都售罄,老公鍾意湯底麻辣好香,連炸醬食一流,腩肉肉質軟度適中.份量好大碗,食唔晒.不過每次去食就梗有幾款餸售罄,冇得食.其實附近都有幾間米線舖,但都係得雲貴川要排隊等位同等外賣,佢嘅辣真係好食.

下就同太太去試米線,平時經過都必定排長隆,今日好彩早去到,唔晒等位,但入面都坐得七七八八滿,店入面比較細,只得幾張大圓枱,坐得密麻麻,今日同太太叫咗炸醬+煵肉米線,酦辣+魚旦米線酦辣+魚旦米線>>已經少辣,但係都好辣,味道酸酸辣辣咁,米線少許過腍,整體味道普通炸醬+煵肉米線>>腩肉腍,味道辣,米線腍咗d,整體味道ok!

年前熊仔在附近工作時曾經買這裡的米線作午餐, 然而在那次後熊仔也甚少來到荃灣... 事隔數年後熊仔再次因為工作關係, 在一個星期六的午餐時間到這地, 一個人可以隨心所欲, 吃辣吃米線... 又見這裡竟然沒有人排隊, 立刻就可以進內~ 知道對愛辣的人來說, 這是荃灣的"景點", 但由於這裡只賣樽裝或罐裝飲品而沒有豆漿之類的自家製飲品, 熊仔就只要了小辣, 免得狼狽... 熊仔也是叫了最喜歡的米線配搭.. 就是雞肉+腐皮, 可惜這店供應的是腐竹, 熊仔還是要了這店的賣點是辣湯底, 是用辣椒碎使湯底變辣, 並非麻辣的類型, 所以也並非熊仔的類型.. 小辣不太夠辣... 而雞肉的份量很多, 合格.. 不過腐竹就與米線不太配襯... 而米線本身就比較淋, 失去了本身應有的煙靭.. 一般罷了總體來說熊仔認為這名氣米線有點過實, 不過試吃一次或偶然一次也都可以的

實在太好食啦...之前第1次去食就已經愛上左!我最鐘意食果度d雞翼尖同埋雲吞炸醬米!d炸醬特別正.雞翼尖又夠"num"...我依家仲成日介紹朋友去食添呀!大家一定要試下..呢間真係同其他米線店完全唔同!又夠大碗,十分飽肚,又好食!

幫襯了這間米線近十年，看著它的食物質素起起落落，雖然曾經有三段時期差咗，不過我仍然會返轉頭幫襯，可算是我的最愛。初初幫襯時曾吃過不同的配料，最後選定了炸醫、雞肉、腩肉米線小辣，一吃便是這麼多年。炸醫肉碎很多，即使放了湯仍香濃雞肉很滑腩肉不肥的腩肉，啖啖肉，很美味米線由於配料份量多，經常食到最尾無曬米線，仲有好多餸，很飽米線底配料芽菜和酸菜也是超多的湯底呢度的酸辣度幾高，建議叫小辣好了，湯底很濃味