品香樓中西風味餐廳

營業中

休息中

都嚟食過唔少次，如果成班人食飯又唔要求環境舒服寧靜嘅，呢度其實都係唔錯選擇，可以當係有冷氣大排檔。前幾日補做朋友生日，又嚟食返餐。今次冇留手撕雞，不過問到個夥計時，佢都即刻問廚房仲有冇雞剩。雖然最後冇，不過佢肯問都經已係值得讚。通常做到咁旺嘅舖，啲人都唔會啋你，只會一句話要訂就算。不過都講返轉頭，之前食過又唔覺得係咁好食，而且啲雞肉撕到唔知去晒邊咁…黃金花枝炸得略濕，食落淋。如果多啲咸蛋黃，我會加佢分。芝士琵琶豆腐（伊麵底），可以話係我全晚最欣賞嗰味。芝士汁味道剛好。不過一定要快食，冷氣一吹就杰到成pat嘢咁。沙茶牛肉炒河個人略嫌鑊氣不足。龍鳳球我就唔知用料係蝦同雞定係乜，食落個口感好似怪怪哋咁。不過同枱各人都話好食，咁應該係我問題啫。炸豬大腸好大碟，食唔晒咁滯。腸唔太肥，炸得好香脆，送啤一流。其他餸冇乜特別，所以唔寫喇。好多人叫嘅凍朱古力，其實飲落唔濃郁，係俾多啲cream你之嘛，而且飲落好鬼甜。當晚唔知點解咁高興，左右幾枱都傾偈傾到不知幾豪情奔放。走咗一枱省港旗兵之後又嚟一枱城大生，嘈到我哋幾乎同枱都要用電話至傾到偈。

also this is my second time eating here......... i came back cuz the price is reasonable. Food........ not as good as i expected. Service...... "ma ma day". quite noisy... actually very noisy...... i had steam tofu, stir fried vegies.... "hau shui" chicken = just a bottle of chilli oil poured over it with some ginger.... overall......... nth special.... regular dinner/meal. cold chocolate drink......... looks good, but tastes average >.<

又再一次去到品香樓今次杯朱古力奶好飲好多我建議杯奶黎左之後畢手 d 冰如果唔係 d 冰溶左會沖淡 d 奶味今次依然點左南乳豬手 - 依然 very good試左生汁龍鳳球 - 即是蝦內同雞肉混埋再加沙律醬好好好好好好味好o岩鍾意啖啖肉o既人本來想叫黃金蝦但後尾 give up 因為有蝦改叫黃金花枝花枝片夠厚所以可以分淡 d 黃金o既 "膩"但建議一定要趁熱食冰左 d 黃金冇咁好味一大班人去可以叫多 d 野食

初初朋友帶我們去石峽尾，以為係大排擋，天氣咁熱，唔好玩啦！點知原來係有冷氣而且幾有特色的風味餐廳！我們叫了：炸豬手：唔肥，好味，但一定要點南乳醬食！炸雞翼：好夠味，熱烘烘的！風沙雞：肉質是滑滑的！炸大腸：好香，夠脆！明太子炒飯：夠料，乾身！朱古力奶：夠味！朱古力沙冰：夠味兼夠凍！總括來說，是有驚喜，不過如果星期六日去，要訂位！真係好多人！

當年品香樓做正宗上海菜，即蒸小籠飽、炒膳糊、甚至回窩肉，的確是獨步天下。小籠飽即叫即蒸，肉汁充沛，一籠十二隻。嘩！真是好吃到再要第二籠。炒鱔糊，真材實料，大大片黃鱔，又多又甜，可以連送數碗白飯。回窩肉，簡簡單單用椰菜、辣豆板醬、半肥瘦豬爽肉，即場炒起，又夠鑊氣，那時一個人常常到品香樓叫回窩肉客飯，兩個人時就要兩個客飯加一籠小籠飽，確是百吃不厭。我在南山邨住了三十年，那時最愛到品香樓，全家人和品香樓上下甚為熟絡，吃飯，也在感受人情味。後來品香樓「豪裝」（聲稱用了三百萬），再去，已變了一般茶餐廳，人面依舊，桃花全非。味道，不能算差，但和當年的超班，已然相去甚遠。之後一次偶然機會，在邨中碰到一位老臣子，閒談間，才知豪裝後老闆把「一切從新開始，一切從新計算」，話我不想說盡，但一切重新計算，對誰有利，大家請自行判斷。

好耐之前為E間野打過食評,果陣都係中性評級,不過之後食左都好幾次,發現水準唔單止慢慢有上升,仲越黎越穩定.晚餐係掂ge,詳細可參考其他食家喇,我今次主要係想講講lunch~午餐除左星期1-日都有唔同款ge炒粉面之外,仲有一星期7日午市都供應ge菜飯~例如南乳雞中翼,京蔥爆牛仔骨,沙拉骨.今次ge食評,就係主要想推介菜飯,同埋杯凍朱古力,杯野唔會溝到淡晒.$27+$3飲品,Lunch,以e個水準都算ok~不過有個老臣子級ge男侍應,樣衰都唔緊要,成日懶風趣講埋d唔好笑ge所謂笑話,有時又好串囉.

前晚和同事一行6人到此聚餐，為咗食到手撕雞，同事一早就訂了座，也預先留了一隻手撕雞。除此之外，我們叫了南乳雞翼、火焰牛柳粒、西蘭花花支帶子(原本想叫蝦球，不過無)、雜菜煲、椒鹽豆腐、糖醋魚，同一人一杯"朱力"......手撕雞：好食不在話下，大大碟，d雞肉好嫰,味道又適中南乳雞翼：我覺得好正，ｄ皮又香又脆，ｄ肉又好入味火焰牛柳粒：好開心的一道菜......個ｄ牛肉好嫰，d同事話好有"o趙勁"，d黑椒味又濃，但最重要的係ｄ火焰能保持得很耐，個同事吹都唔熄西蘭花花支帶子：一般，不過不失雜菜煲：都ok椒鹽豆腐：都幾熱氣，不過真係好正，而且同事話比佢食開的大碟糖醋魚：味道一般，如果係魚球或者先起骨會好好多"朱力"：唔錯，都幾夠味

呢度係我讀cityu時經常去0既地方，有唔少回憶，所以有時間都會來一來回味，當然，我次次都會book左位先，唔鍾意排隊等。因為成日都冇食過菜，點都要叫d有蔬菜成份0既野黎均衡下一日0既飲食，今次叫左菜遠牛肉河(係兜亂0既，伙記姐姐話會好食d)，當然係即叫即炒啦~一上檯熱氣騰騰，又香噴噴，令人忍唔住動手，一食，奇怪，河粉有一種甜甜的味道，唔通伙頭搞亂左鹽同糖﹗﹖冇理由丫~鹹度又適中wo...最開心係有長長0既4條菜心，好爽口架﹗都係甜的，其實講真，最緊要覺得好食咪得囉。呢度有位男仔頭姐姐好有性格(絕對冇貶意，甚至覺得合理)，唔鍾意d人0係叫左佢點菜時又諗黎諗去都up唔出要食乜，佢會黑面同有時連擺低句「你諗下先」都冇就無言閃開，(其實比著我都討厭d未諗定就叫人黎落單0既人囉，你估人地大大間食肆淨係服侍你一檯人咩~)d阻住地球轉0既人檢討下啦!!!

素聞呢度係排隊食店之一, 今晚因為較夜食飯關係, 有機會黎試試, 希望唔駛排隊.十點去到, 真係唔駛排隊, 仲有幾多吉檯添. 打開餐牌, 見有宵夜特價, 也就不作他選, 小菜都係$20至$25. 二人點了黑椒牛柳粒, 豉椒炒蟶子, 炸豆腐同鱆魚雞粒撈飯, 飲品就凍奶茶同沙冰.小菜先到, 相信係由於價錢關係, 全部都係二人份量. 不過水準就有少少失望, 聖子細隻而且瘦, 味道一般. 牛柳粒全無鑊氣, 汁多過肉, 有食緊快餐飯o既感覺. 炸豆腐做得不錯, 外脆肉嫩, 灑面的香蒜粒亦非常香口. 鱆魚雞粒撈飯是炒飯的加汁版, 味道淡又十分黏口, 創新有餘口感不足. 唯一要讚的反而是飲品, 跟餐價平而且份量十足, 凍奶茶有中上水準.整體來說只是有茶餐廳的普通水準, 要排隊吃就不必了.

近來去了幾次品香樓，有一晚忍不住和小卡吃了一只鹽焗手撕雞，實在讚不絕口，於是召集飯聚。結果有五人出席。預訂了一只鹽焗手撕雞，雖然是南乳炸豬手先上桌，但一眾人等都把注意力集中在手撕雞上，把豬手都冷落了。以玻璃盤盛著的一只兩斤左右的鹽焗雞，雞肉撕出來後再放回原位，滿滿的一盤雞肉上洒上芝麻吊味，單看也高興。除了肉外，另人驚喜的是附有雞什，現今上館子吃雞已很難遇上（主要原因是大部份店都採用沒有雞什的冰鮮雞）。另外要提的是廚師連雞翅的骨頭也挑了出來，刀功真是不俗。雞的鹹味剛好，鮮嫩幼滑，味道雖稍為不及漢年，但勝在「啖啖肉」，小山般的一盤雞肉，不消一會已給我們解決掉。回頭再吃南乳炸豬手，皮脆肉香，南乳又惹味非常，我覺得勝過北角東寶。西蘭花炒花枝片蝦球，鑊氣雖足，但味道稍欠，玻璃蝦球只有爽脆而沒有鮮味。這道炸牛仔骨是最少人下箸的一道，牛肉被醃至無味，剛炸出來尚可嚐其香脆，放涼了就食之無味了。涼瓜肉鬆煎蛋反而有驚喜，蛋香撲鼻，配上微甘的白涼瓜及小許肉鬆吊味，十分清爽。鍋貼小棠菜也是不俗，外皮鬆化，內裡的蝦膠小棠菜餡料份量剛好，下面鋪了一塊紫菜，登時令整件鍋貼生色不少。買單每人八十，價錢真是大眾化，雖然

唔知點解呢篇食評一路都submit唔到,而家補返:端午節同７個朋友去左食野，等左好耐終於有位。今晚既餐牌係一張紙，同平時唔同。我估端午節去品香樓食飯，可能價錢真係比平日貴啦。再加上我地總共８個人，當中有６個男仔。佢地又有叫啤酒（唔知收費係點）又叫左成１０個餸結果每人差唔多＄１１０同平時自己同一大班人食既價錢好唔同牙！貴左成倍！平時最多食＄５０－＄６０。但整體黎講都係滿意架。南乳雞翼：平時好味ｄ，唔知係咪因為今日多人，忙得滯整得求其左。沙薑雞一隻：擺得幾靚，百幾蚊全隻。我本身唔太鍾意食雞，所以覺得唔算好味，但朋友就讚好味。賽磅蟹：味道好普通，不過不失。京都骨：我個人覺得幾好味，ｄ汁好正，但就真係骨多肉少好難咬。西蘭花枝帶子：味道有ｄ淡，帶子同花枝都好似冇乜味咁。椒絲腐乳通菜牛肉：我覺得都唔錯架回鍋肉：唔算辣，ｄ肉好軟，覺得係加得太多梳打粉，搞到冇咩質感。芝士蝦ｅ麵底：我覺得ｄ芝士都唔錯，但ｄ朋友就話其他鋪頭濃味ｄ好味ｄ。仲有２道餸唔記得ｄ名，味道尚可。

今天由女友帶領，在屋村的環境左穿右插下來到這裡，座位和環境也是不錯的。晚飯吃得早，現場初是也頗冷清的，到結帳時已水洩不通，足以證明其實力。點了兩道菜和一杯飲品，也是由女友選擇的。點了菜便看看電視和談天說地，樂在其中的。未幾，凍朱古力便送上來，在炎炎夏日，一杯凍飲確實是很爽快的。飲品也不俗，能配合cream，令朱古力更加有滑溜溜的感覺。叫了肥牛煲和椒鹽九肚魚。先上xo醬金姑沙嗲肥牛煲，有點兒辣，但很惹味，送飯是一流的。可是一路吃便覺得不對辦，食了數十分鐘，還是那碟肥牛煲，到最後，白飯也吃完了，table上還是那一個煲，正想叫侍應取消第二道菜，侍應卻施施然送上我們的九肚魚。接著便好像食芝士條般的，一條條淨食九肚魚。等還等，味道卻真的是一流，新鮮炸起，一咬入口就好像溶化般的，一條九肚魚立即由固體變成液體，好食而且令人回味無窮。作為是日頭幾位光顧晚餐的客人，也要等了超過半小時才能享用第二道菜，怎樣也說不通吧。埋單佰二左右，已忘記了剛才等侯的苦，沉醉於在九肚魚的懷內吧。

小女子一心想去食一餐滿足的晚飯,所以儘管下着大雨我亦堅持要大白鼠陪我去試試,一去到見到餐牌招牌菜係鹽焗手撕雞梗係想叫,誰知女待應相當沒禮貌地問我有無預訂,我說:無!她很悔氣地說:咁無!賣哂!咁我咪退而求其次叫沙薑雞,咕嚕肉,翠塘豆腐,第一個餸咕嚕肉是返炸,味道尚可但肉質死死實實,個餸差不多食完第ニ個餸都未到,好自然找個人問吓,點知女待應的回答是"無計",我話如果無計就埋單啦!我不想食了,他們見這樣很快由無計變有計,其餘嗰兩個餸都係一般水準,但他們送的例湯超多味精,千祈唔好飲,整體來說食物一般但態度極差,我會喜歡去石硤尾耀東街萬發飯店,比這間好味得多.

品香樓，由細食到大架啦。D朋友成日問：你住石硤尾，有無食過品香樓呀？好好味個woi.....我會回應佢地....：好味？以前都仲係ge...衣家只係叫做普普通通，正常la....大約十年前左右，品香樓係一間好傳統ge上海鋪黎架。。個時ge環境無衣家咁靚。食物都係食D好傳統ge上海菜。個時真係好好味。以前ge品香樓D酸辣湯真係正架。仲有炒黃鱔，鱔糊面仲有好多好多都好好味架。不過佢裝修完之後，環境變得好靚，D食物都改變左好多。品香樓好多城大學生黎食。又有好多人睇完openrice山長水遠ge人走黎試。成日都好多人排隊等位。不過可以同大家講，你地覺得品香樓好味唔奇ge.......因為D野食真係唔差。不過如果你地食過以前ge品香樓，你會覺得佢衣家同以前係差好遠好遠。本人就覺得佢D野越黎越咸同越黎越多味精。仲有貴左好多，唔係太抵食。所以呢家好少去品香，反而去隔離ge南豐餐廳。經濟D，雖然小菜款式無品香咁多，但質素都ok ga....而且價錢都ok ga...

炸南乳豬手 ! 火焰鱔 !! 手撕雞 !!! 凍朱古力和芒果冰冰 !!!! 正 !!!但環境好嘈 !! 叫救命無人理 !!