品香樓中西風味餐廳

營業中

休息中

今晚和同事食飯,走到去南山村的品香樓;手撕雞(需要預訂)-買相不錯,但味道一般,未至於好好食嗰種,可能係有期望啦,因為佢話係招牌菜.南乳炆豬手-味道很濃,豬手皮炸過,很香口,但很骨感,喜歡算骨的,可以一試.蜜桃沙拉骨-排骨炸完,再加白色的沙律醬,酸酸地,好好味,有幾粒桃,清清地,幾好味.椒鹽豆腐-可能之前食的餸比較濃味,呢個就唔係好夠椒鹽味,豆腐細細粒.窩貼芝麻蝦-其實係蝦多士,都比較多油.XO醬翡翠炒象拔蚌-等咗好耐,還以為無落單,上枱時很像炒鮮魷,大家都唔敢食,最後問清楚先食,xo醬的味道不錯,蜜豆賣相都不錯,象拔蚌一般,但無乜鮮味囉!還叫了一支藍x啤酒,埋單$344.

今日一心想同朋友試試呢間, 但係手撕雞賣哂, 所以轉投口水雞懷抱, 點知.......味道只可以話OK, 隻雞無雞尾, 應嫩o既地方唔嫩, 有o的失望. 其他o野都係一向水準啦.

原來品香樓有這麼多的笑臉，真是不看不知道。可能我們那天吃的是午餐，只是普通茶餐廳的格局、水準，絕對不像一間上海菜館。還是說回那天的食物吧。我點了一份常餐，男友點了午餐。常餐有沙爹牛肉米粉，火腿奄列、多士、凍檸茶。沙爹牛肉米粉都蠻好味的，米粉口感不錯，爽口。只是多士味道有點怪怪，所以沒有多吃。男友的午餐是牛肉意粉，唔，他說不好吃，我也是第一次見他吃剩那麼多的。也許下次吃晚飯會好一點。

雖然之前都尼左好多次...但係之前冇係openrice 度寫食評...所以今次就寫下喇今次叫左兩個送............賽螃蟹同椒鹽豬頸肉兩杯凍朱古力兩個飯...仲有個大大碗的豬骨湯送tim椒鹽豬頸肉好好味~~~咸度arm arm 好賽螃蟹不過不失....講唔出有咩好...但亦搵唔到有咩差凍朱....算係佢地的撚手野因為佢整到好似人地星巴克咁的樣....賣相極給引.....但係講真飲落都係普通豬骨湯又係真材實料又大碗又好味正!

(補回九月的開學飯)開學已經一個星期有多，終於都可以同一大班同學仔到品重樓食餐勁既！期待已久呀。雖然一開始未到齊人，但都不理了，叫了蜜桃沙拉骨、龍鳳球、芝士枇杷豆腐、金銀蛋'現'菜、風沙雞、黑椒燒牛柳、南乳炸豬手、炸九肚魚等等...記唔到太多，因為叫左兩輪菜丫！「蜜桃沙拉骨」，和其他食店吃到的差不多，但那些骨炸得幾香，伴著沙拉也很開胃，食落當然會不自覺地夾多兩件了！「龍鳳球」是友人推薦，也是伴著沙拉上碟的，果然是驚為天人，炸得香口之餘，內裡的蝦丸蝦內等也很惹味，之後想再叫多一碟已經話賣哂了...當時只係7點幾8點，真是很受歡迎的龍鳳球呢！「芝士枇杷豆腐」的豆腐也幾好吃，幾香口，伴著芝士吃，都算夾丫！「金銀蛋'現'菜」，正常的菜式，貪在想食菜啦；「風沙雞」水準好似有些少下降，雖然還是那麼香口，但卻很咸...有得走咸嗎？「黑椒燒牛柳」都燒得幾好，保留了一點點肉汁之外，這道菜的碟下是放著火上的，一路食一路慶住...「南乳炸豬手」，豬手炸得香脆，送酒真係超一流，每次來都必點的，而且宵夜時段是送的菜式之一呢！「炸九肚魚」很普通，沒有出色之處...很多同學仔點了凍朱古力飲，其實我又麻麻鍾意，都係飲

聽日講呢度d 朱古力奶好好飲o個日即管黎試一試又真係唔錯喎但下次我會叫佢走cream我地仲叫左個芝士肉鬆茜蘭花+ 伊麵底d 伊麵好入味呀....正呀, 但好流, 食唔哂另外叫左個椒鹽骨普普通通唔特別好食又唔特別難食

今日,我哋去品香樓飲下午茶！！特別介紹,牛柳炒烏冬,明太子炒飯！23蚊有嘢飲,但我發現杯奶茶溝咗水！！美中不足,不過個烏冬同炒飯真係ok~如果你唔係住係石Kip尾ga話,都幾難搵到間餐廳！

今次又到品香樓, 又是慶祝生日, 但今次生日的不是我. 3個人叫了4個餸, 送一個湯, 好飽好滿足ar!!!!芝士琵琶豆腐: 超好味, 十級推介, 好味過芝士西蘭花ar. 佢d芝士味雖然唔太濃, 但還適中同埋好夠"傑", 襯埋個伊麵當然一流la, 最好食係個豆腐ar, 佢唔係滑ga, 但係個餡係有溝埋d魚肉, 外皮脆脆地, 好好味ar~~~~蜜桃沙拉骨: 算係做得唔錯la, 個肉唔會太"鞋", 但少蜜桃味, 只係有蜜桃係旁邊, 同埋好多沙拉醬霸王雞: 好似白切雞with"是油", 雞滑但係冇咩味, 一般香菇金華火腿浸娃娃菜: 唔特別, 但可以食菜清清喉嚨是不錯的, 所以食哂.請埋朋友要一人$120, 但食得咁飽都ok la.

很久之前來過一趟, 今次來到竟然多了幾個舖位, 可想而知好好生意呢…一行五大人一小童, 叫了下列五個餸及二個白飯。1. 瑤柱扒西蘭花–第一道上的菜而且熱辣辣的, 味道不錯。2. 霸王雞–好像白切雞但有豉油浸著的, 這個也是不錯的, 肉質不會太鞋或太焾。3. 蜜桃沙拉骨–酸酸甜甜的, 令人開胃的一道菜, 這裡也做得不過不失。4. 黃金蝦–剛做好的, 差點燙傷嘴嘴, 不過好好味, 咸蛋黃仍有部份留在碟上, 我們都把咸蛋黃清掉…5. 梅菜肉碎蒸豆腐–用的是包仔豆腐, 梅菜沒有用葉的部份加上肉碎, 味道稍咸。來了三個餸, 食完才追餘下的, 見到一個女待應叫停了她, 她說等等, 叫了另一個男的過來, 我追4及5, 他知道有蒸的, 就說蒸的會較久, 可是他追也不追, 而且的態度有點討厭呢…後來看到很多人叫凍朱古力, 所以我們又叫了兩杯, ok的, 但朱古力上的忌廉有薄荷味好像怪怪的。食物質數真的不錯, 可是服務質數必須改善。

友人發生了點事,影響了自己都無心機寫食評,尋晚有人帶路下黎試試:1. 南炸炸豬手- 夠乾身,送酒一流2. 炸蝦餅-好正,好似有少少墨魚粒,我最鍾意!!^^3. 火燄牛柳粒-點火燒錫紙上的洋蔥牛柳粒,純粹卓頭,個火好快便媳,麻麻!4.甜豆象拔蚌-好味,唔太濃味,否則,搶了象拔蚌鮮味5. 鮑魚汁章魚雞肉撈飯-好味,又大碟3個人重叫了4支細beer,1芒果沙冰,都係$270,好抵!食到好飽!我幾鍾意哩度d 菜式,唔會好似其他,樣樣都用蒜蓉,豉汁,有時搶了食物的鮮味,沙冰唔太甜!幾好!下次要試黃金蝦!!　　

We arrived at 10p.m. last night, but still, we have to wait for 10 minutes. You can imagine how crazy this eatery is.They offer snacks with discount after 9:30p.m. We ordered 豉椒炒蟶子, but it's quite bad. Think it was not well cooked, too raw. 食完，齊齊肚痛。另外，提提大家: 3個餸就送1個餸嘅優惠已經取消咗，好失望! 以後星期一至五食晚飯無咁抵食了!

這開館子已是第四次光顧，但每次也可有"驚喜"！第一次是閒日晚上6:30左右，點了两道菜，分別是朵椒篜魚頭及蒜煆糯米飯。第一道端來的，是魚頭，等足28分鐘！而糯米飯卻等了33分鍾！第一次光顧，已覺得要有"時間"才可來吃！誰知更"驚喜"的是，你要不怕肥油，才可點以上菜式，尤其蒜煆糯米飯，你清楚可見有3mm油浸住糯米飯！！！第ニ次是星期六中午約1:10，與朋友叫set lunch，一份咕嚕肉菜飯，一份明太子炒飯。咕嚕肉菜飯在10分鐘左右上菜，賣相及味道乜很吸引，真的很好味，最高5分的話我會給5分。但我的那份明太子炒飯卻一直未有出現!?及至我朋友快將吃完之際，我的炒飯卻出現了！等了25分鐘？而且還是3碟同時出，因為搭枱的單身漢及旁邊枱的食客也是叫了明太子炒飯，而我是三人中第一個最先到的客人！這次我又有領悟:要有"時間"並且有耐性加埋有運氣，你要係同人哋叫同一款但最緊要唔係第一個叫果個人！！！第三次是星期五晚上6:45訂了10人枱，預先訂了手撕雞，味道麻麻啦！後來才知道是因為人手不足，要預先揾人手撕雞才需要訂！這一頓飯算是這样了:1/ 食物質素篐 括來說5分得3.5分2/ 服務5分得1分，因為自

一行4人，8點幾去到，個男人一CHECK電腦就話卡位冇，得圓<木台>，照殺！話明係屋村地方，唔見小強就已經好好，真係好嘈，叫人落ORDER都要大大聲聲，所以唔好咁斯文喇，小菜買3送1，我地岩岩好每人叫一個~~芝士焗西蘭花伊麵底：芝士味唔太濃，食完唔好會溜；南乳雞中翼(送)：有8隻，SIZE唔會好細隻，熱辣辣，正！菜鋪蒸釀豆腐：有8件，油左D糖醋排骨：好多都係大大件既，但又唔係特別好味，同出面食既差唔多啦。飲品：叫左凍檸樂同益力多沙冰，凍檸同可樂係分開上既，可樂係一支支大號，唔係一罐罐果隻，益力多沙冰都唔錯，唔會好酸！價錢合理，會有下次

星期３同友人一起又一到這裡”叫了３個菜一個炒公仔面’飲品其實ｄ野食幾抵食’宵夜果ｄ但我地叫既野食唔夠熱～～～果個火牛肉粒　ｓｏ　ｓａｌｔｙ唔係咁好食；最好食係雞軟骨～

在靚師妹極力推介之下，我決定搵埋成班朋友一齊去南山村品香樓擦返一餐。我除左預早book好位之外，仲訂埋隻手撕雞！一班好友叫準時到達又一城，我地穿過城大，行過去南山村，其實都唔係好方便。雖然已經訂左位，不過好鬼多人，我地都等左近15分鐘先成功入座。點好菜喇！先端上來的是手撕雞，又真係好好食，幾有雞味，因為冇骨，所以食得好開心。係肉唔係太多！不過八十幾蚊咋，都算係咁啦！接下來既就係黃金蝦，佢係用類似薄脆的東西做成一個盤來盛載蝦！蝦無疑係好好食，又食口又有咸蛋香味，但只係得七、八隻！只係剛好夠食！而且蝦都唔係好大隻！要成接近$60，係貴左多少。之後既係炒雜菌，好似好少雜菌，好多豆角咁既？跟住既就係南乳雞中翼，我覺得呢個認真唔錯！又香又脆！正！至於跟住下來的芝士肉鬆西蘭花加伊麵相對就弱少少，個芝士味唔夠香濃，令成個菜都好似淡而無味咁！跟住落黎既係炸豬手，雖然我本身唔係好喜歡食炸豬手，不過呢個都唔錯，皮幾脆，點左南乳醬之後就更加惹味。不過如果太多就會好漏了！由於唔係好夠飽，我地就叫多幾個菜，分別係沙拉骨、椒鹽尤魚、臘味炒糯米飯同埋豆沙窩餅。沙拉骨係用沙拉醬加埋炸排骨，十分不錯。椒鹽尤魚係就係好惹