品香樓中西風味餐廳

營業中

休息中

距離睇戲仲有兩個鐘時間，身為cityu校友，都係幫襯品香先為正路~3點幾有下午茶餐，我叫左乾炒牛河，朋友叫左漁香茄子炆米，都係叫左熱奶茶，每人都係$25，唔算平，但絕對唔貴~朋友0既炆米黎先，份量好似比正餐少左dd，anyway，下午茶係足夠0既~而我0既乾炒牛河都係下午茶份量啦~之不過我覺得d牛肉比以前薄左，而味道又比以前鹹左，OMG品香師傅，下次唔好再係咁喇~我地覺得奇怪，點解奶茶咁耐都唔黎呢…我地問幾時都著住夏威夷恤0既伙記哥哥，佢話：「而家撞緊茶，等多等，好快~」我即話：「好呀﹗夠新鮮滾熱辣~」果然，我地兩杯奶茶都茶味濃郁，香滑宜人呀夜晚黎一定要book架﹗不過唔係放假都好難再0係呢個下午茶時段任坐唔嬲喇~

今次係第３次黎食了，等左陣位ｅ＋禽流感，個人話雞刀少左，ｓｏ我地去個時無晒手撕雞啦，下次要再早ｄ去先得！叫左個沙窩玫瑰吊桶雞同蝦餅，前者有ｄ油，但雞肉刀好嫩滑，後者爽口彈牙，好飽的１餐．．．朱古力無咩特別，沙冰好味ｄ．．．

哈．其實讀city既朋友介紹我去佢地既飯堂佢地話好出名而且成日去食所以我有日就山長水遠咁帶男友lai食啦又真係不錯wow!!! 最出名既飲品朱力冇令我失望小菜就係大路貨色．個甜品(楊枝金露)又係好吃的所以如果突然想食間有水準既中式菜呢度係一個好選擇!!而且食完仲可以去南山村買糖食回味我以前中學做既野呀

味香樓都唔係第一次去啦~但第一次成功食到佢地的手撕雞一圍11,12人~食左好多嘢呢~多到傻左.....影都影唔晒推介必食手撕雞~有芝麻的香~雞皮係脆的~而且唔膩呢下先堅~我連佢個爪都食埋~~哈哈~而炸豬手就同上次一樣~安歌左一碟tim~芝麻蝦好味過黃金蝦~炸大腸真係好一般~墨魚餅反而好味dxo醬粉絲牛肉煲就太辣了....食唔到....其他都係不過不失朱古力就當然係次次嚟都飲啦~~good!!

睇到 openrice 食評....慕名幫襯....六點半黎到.....兩個人食左:避風塘牛仔骨 - 唔錯.....但冇咩特別....XO醬炒蘿蔔糕 - 芽菜太多啦....蘿蔔糕的份量少得滯......味道一般送例湯 - 鹹左D....似落左大量雞粉的湯加兩個白飯...埋單 $109

一大班人在石硤尾打完/睇完波, 來到附近屋村覓食, 見到一眾士多小店隔離有如此人頭湧湧的食店, 決定一試。雖則是小菜館格局, 但有多個大電視, 冷氣亦很充足。波友說此餐廳飲品有特色, 於是有人點了凍朱古力, 有人點了龍鳳檸樂(即咸檸+鮮檸), 評價都不錯, 我們其餘的人就決定叫兩枝青島啤一啤。小菜方面我們點了:南乳雞翼: 正炸得香脆, 但南乳味可以再重一點, 當普通炸雞翼就很不錯。沙薑雞半隻: 正正新鮮雞, 有雞味, 亦嫩滑, 配上大量蔥絲及沙薑醬, 味道一流。豆豉鯪魚油麥菜: 正單吃略咸, 送飯一流。沙嗲肥牛粉絲煲: 正正少少辣很惹味, 不禁會愈食愈多...蝦醬蒸肉眼根:正正肉眼根豬肉是也, 肉眼根肥瘦適中, 蒸得爽爽的很有咬口, 味道與蝦醬夾得很。火焰牛肉粒:正正起初以為火焰只是gimmick, 豈料它真可以提升牛肉粒的味道, 被火焰燒至微焦的肉粒, 外脆內軟, 正!小菜很有鑊氣, 碟碟都食熱呼呼冒著煙的上檯, 送酒送白飯, 加上三五知己齊吹水, 一流! 發現到寧靜屋村有這等旺場小店, 真係意外驚喜!

其實到這裡吃飯已經很多次了,每次都覺得有一貫水準,但今晚就有點失望,我地叫了手撕雞、南乳炸豬手、糖醋桂花魚.............生汁龍鳳球等等都OK好食;不過其中一個火焰牛柳粒就真係麻麻地,雖然邊位有火燒住,但面頭果啲係凍而且肉質又韌難食非常.

講唔上成日幫親呢度但次次去完CityU活動都會來呢度開餐入左CityU之後，就都會黎呢度食今次寫食評就連寫兩次啦錦江海皇飯 - 飯唔算好大份，但海鮮份量都唔少味道較淡，但可接受個汁唔係好食得出咩味，不過唔算差整體都算好食鮑魚汁章魚雞粒撈飯 - 個汁唔會太搶同樣地，飯唔算好大份但真係粒粒飯都有鮑魚汁...雞粒多過章魚....相對於CityU canteen呢間係超班相對於全港餐廳呢間中上啦

我們一家人住在品香樓附近，所以每逢假日都喜歡到品香樓吃晚飯，因又一城的選擇又不多，寧願多走幾步到南山邨。但是最近的經驗，讓我對品香樓卻步，真的不想再食了。昨晚10月1日國慶公眾假期，我們一家四口又到了品香樓。其實心中已有盤算這頓飯又要吃上豈碼一小時，因逢假期或週末，品香樓是極其多人，如有訂位是不用等位，但叫了餸之後卻要等至少20分鐘才上菜。就像昨晚，我們7時到達，只叫了雜菜煲、中式牛柳和椒鹽九肚魚三碟餸，但第一碟餸竟然要等半個鐘後才來！食到最後的中式牛柳來臨時，已是8時正。我地4人等到呆晒，已經費事催促侍應了，他們亦忙到死。其實品香樓開左成3個鋪位，但它的兩邊廚房根本不能應付如此多的食客，完全做唔切，之後就往往要食客等成半個鐘先有一碟餸，那碗白飯一早已經扒完，到最後一碟餸來時都食晒飯，令人無奈至極。就算品香樓的餸菜有幾好味都好，要客人等咁耐真是灰爆，如果這間是法國餐廳就不同講法罷，最弊就是這裏是嘈吵非常的地踎菜館嘛。我們一家一直支持品香樓的食物，可是如此的等相信我們今後也不想再去了。

很久沒吃了，讀書的時候，canteen的飯吃到膩，通常會與同學們走去南山村吃飯，該時覺得食物不錯，又多選擇，不過份量偏少，但尚算開飯之選。。近日，在附近的學校考完試，建議兄弟們一起到此食店吃lunch，順道試試他們的質素有否改變。lunch 時間，與從前一樣，星期一至日每日早已定了不同的款式，每個星期相同。我點了一個錦江海皇飯加凍茶少甜。錦江海皇飯：依舊，碟大份量偏少，材料主要是魷魚、小如蝦米的蝦，一小件斑塊，和兩件豆腐，材料本身沒有什麼味道，但汁料太稠和咸，而且飯也太少了，不好吃又不夠吃。兄弟們亦覺得數量偏少。凍茶少甜：幸好奶茶依然合我口味，茶味夠，算是補了點分。整體來說，食物味道差了，份量與從前的差不多，本想回味昔日的味道，但現在只可回憶該時的味道。

同事介紹呢間餐廳 , 話又好食又抵食, 於是就決定放工一行7人去試下!! 6:30pm來到, 唔係好多人, 環境尚算ok, 似係有冷氣的高級大排檔睇下個餐牌, 都有幾多野食, 於是係'品香樓熱賣排行榜'選擇左6樣餸, 包括風沙雞(半隻, $75), 香蒜黃金蝦($58), 賽螃蟹($48), 糖醋桂花魚($58), 西蘭花花枝帶子($58)同生汁龍鳳球($48), 另叫左豉椒炒蜆同鐵板牛仔骨我覺得有幾個餸做得特別出色, 第一係生汁龍鳳球, 佢地將雞肉起骨後包住蝦球去炸, 咬下去有兩種唔同口感, 點上秘製沙拉汁, 真係好好味, 一定要試第二係個香蒜黃金蝦, 蝦用上比較大的而且係完隻, 唔係雪藏蝦球, 夠新鮮亦爽口, 配上咸蛋黃炒, 十分香口, 下酒一流第三係風沙雞, 雖然一定唔係新鮮雞, 但完全無雪藏味, 炸到剛剛熟, 無血水出, 配上炸過而唔係好咸的蒜, 水準之作仲有糖醋桂花魚, 淡水桂花魚炸過後淋上糖醋汁, 酸酸咪咪咁, 好開胃, 個糖醋汁調教的甜酸度適中, 唔會太酸或無味而其他的菜式水準亦普遍不俗, 比出面好多所謂大酒樓出色, 街坊店有如此水準, 夠鑊氣而且唔貴, 實屬難得, 難

都嚟食過唔少次，如果成班人食飯又唔要求環境舒服寧靜嘅，呢度其實都係唔錯選擇，可以當係有冷氣大排檔。前幾日補做朋友生日，又嚟食返餐。今次冇留手撕雞，不過問到個夥計時，佢都即刻問廚房仲有冇雞剩。雖然最後冇，不過佢肯問都經已係值得讚。通常做到咁旺嘅舖，啲人都唔會啋你，只會一句話要訂就算。不過都講返轉頭，之前食過又唔覺得係咁好食，而且啲雞肉撕到唔知去晒邊咁…黃金花枝炸得略濕，食落淋。如果多啲咸蛋黃，我會加佢分。芝士琵琶豆腐（伊麵底），可以話係我全晚最欣賞嗰味。芝士汁味道剛好。不過一定要快食，冷氣一吹就杰到成pat嘢咁。沙茶牛肉炒河個人略嫌鑊氣不足。龍鳳球我就唔知用料係蝦同雞定係乜，食落個口感好似怪怪哋咁。不過同枱各人都話好食，咁應該係我問題啫。炸豬大腸好大碟，食唔晒咁滯。腸唔太肥，炸得好香脆，送啤一流。其他餸冇乜特別，所以唔寫喇。好多人叫嘅凍朱古力，其實飲落唔濃郁，係俾多啲cream你之嘛，而且飲落好鬼甜。當晚唔知點解咁高興，左右幾枱都傾偈傾到不知幾豪情奔放。走咗一枱省港旗兵之後又嚟一枱城大生，嘈到我哋幾乎同枱都要用電話至傾到偈。

also this is my second time eating here......... i came back cuz the price is reasonable. Food........ not as good as i expected. Service...... "ma ma day". quite noisy... actually very noisy...... i had steam tofu, stir fried vegies.... "hau shui" chicken = just a bottle of chilli oil poured over it with some ginger.... overall......... nth special.... regular dinner/meal. cold chocolate drink......... looks good, but tastes average >.<

又再一次去到品香樓今次杯朱古力奶好飲好多我建議杯奶黎左之後畢手 d 冰如果唔係 d 冰溶左會沖淡 d 奶味今次依然點左南乳豬手 - 依然 very good試左生汁龍鳳球 - 即是蝦內同雞肉混埋再加沙律醬好好好好好好味好o岩鍾意啖啖肉o既人本來想叫黃金蝦但後尾 give up 因為有蝦改叫黃金花枝花枝片夠厚所以可以分淡 d 黃金o既 "膩"但建議一定要趁熱食冰左 d 黃金冇咁好味一大班人去可以叫多 d 野食

初初朋友帶我們去石峽尾，以為係大排擋，天氣咁熱，唔好玩啦！點知原來係有冷氣而且幾有特色的風味餐廳！我們叫了：炸豬手：唔肥，好味，但一定要點南乳醬食！炸雞翼：好夠味，熱烘烘的！風沙雞：肉質是滑滑的！炸大腸：好香，夠脆！明太子炒飯：夠料，乾身！朱古力奶：夠味！朱古力沙冰：夠味兼夠凍！總括來說，是有驚喜，不過如果星期六日去，要訂位！真係好多人！