品香樓中西風味餐廳

營業中

休息中

9.4.09今日係所有present都完晒既一日, 好開心好耐冇黎南山村食了叫左是日快餐枝竹牛腩飯, 再另散叫一個乾炒牛河枝竹牛腩飯唔知點解等左好耐明明係快餐黎個喎連對面搭枱的大叔都忍唔住吹左2次我諗都等左成15分鐘都有連乾炒牛河都快過呢個快餐唔客氣食先啦XDDD賣相唔錯, 仲熱辣辣+香噴噴見到都流晒口水啦牛肉睇得出好新鮮, 有少少令面, 又林又入味河粉唔會痴埋一堆, 味道剛好, 又有鑊氣食完一啖又一啖, 好味呀過左無耐枝竹牛腩飯終於都黎啦等耐D係唔同D, 同對面既大叔比較下我地個碟又比較多汁同牛筋的XD牛筋好好味呀, 又係好林又好多汁好入味跟餐既檸蜜加4蚊有好多檸檬係入面呀, 督完一輪都仲好甜, 好飲呀又解渴

次次都係嚟食晚飯~第一次嚟食lunch同行差唔多有7,8個同事~一齊嚟到~當然唔想搭枱所以坐左喺門口位...好彩附近冇乜人食煙姐~一人叫了一個lunch~我叫左撈公仔麵~雞翼有普通的炸雞翼拼豬扒....好肥哦~但好味哦~~哈哈仲同人交換左一隻南乳雞翼同晚上的一樣好味不過lunch time嚟~多左一份市井味唔係唔好~係ok的呢~要一提的是~晚上的凍朱古力~係有cream喺面的不過下午的凍朱古力就冇呢個cream了~但係唔洗加錢wo~ok嫁~~~但係由於人太多~服務真係呢.............阿姐應左你之後~好多時會冇左一回事要嘥少少氣叫多佢地幾次加埋要搭的士過去~其實都ok抵的~加埋車錢都係40蚊的事~~good!

根據城大朋友熱烈推介而來，但一定要訂位，唔係有排等。好有興趣想知佢個廚房有幾大，可以供應四大個鋪位，而出菜速度都正常。手撕雞 - 個人十分喜愛食冷盤，所以覺得呢盤手撕雞超正。隻雞唔係好大隻，可能手撕時已除去肥膏，食落唔覺肥膩。入面有埋d雞腎、雞膶等內臟，雖然膽固醇好高，但好鍾意食d雞膶。風沙雞 - 皮脆肉嫩，熱盤首選。朋友指定菜色，但她唔食雞皮，唔明點解要食風沙雞。椒鹽九肚魚 - 普通，個脆漿質感有d怪。椒鹽生蠔 - 普通，雖然d生蠔幾大隻，個脆漿質感有d怪。蜜桃沙拉骨 - 味道甜甜酸酸，解油膩，排骨香口之餘又入味。賽螃蟹 - 炒蛋白都幾滑，撈埋d蛋黃食都唔錯。清炒生菜 - 食得太多肉，叫碟菜心理上好過d。因為得6個人，食完2隻雞都試唔到其他餸。

27 FEB,200911人大顆兒來到這裡食飯....是是但但咁叫左一堆食送,而手撕雞係book枱個時已經訂左了~蜜桃沙拉骨 $48: 份量太少,我冇食到...= ="賽螃蟹 $48: 不錯呀!!!手撕雞 $98: 好快就清哂既一隻雞...你話好唔好食?瑤柱豆苗 $58: 沒什麼特別南乳雞中翼 $48: 好食丫,不過好似咸左少少...香蒜黃金蝦 $58: 火焰黑椒牛柳粒 $48: 有點失望,唔係好"淋"..琵琶豆腐 $48xo醬炒雜菌 $48: 個賣相真係...= ="黃金鮮魷: 好味呀~係鹹蛋王包住d鮮魷梅菜扣肉煲 $48: 包得制,食唔到lu~都好肥下...樣樣"送"既份量雖然少,但食食下都飽了...***一定要叫朱古力~好濃味喔,又有cream係面..正!!!小插曲, 個亞姐唔小心倒左杯野落我朋友到,我朋友成個背脊濕哂...但個亞姐都只係係咁抹抹抹......有點逃避的感覺....唉~

由七、八年前第一次幫襯開始,耐不耐就想食手撕雞!早前欠下同事一餐飯,日期一改再改終於昨晚集齊人馬!因為有九成同事未來過這裡所以由我發辦,十八個人要分兩檯坐:等人期間小食兩款:香煎多春魚---- 呢款是第一次試!多春魚Size好大條! 外面香脆咬開裡面熱到標煙!火焰牛柳粒----麻麻地!咬落肉粒韌味道偏咸而且塾底的洋葱好生吓！等齊人再叫:手撕雞2隻----招牌菜!肉滑有咸香無嘢可挑剔.風沙雞2隻----雞隻偏瘦,皮夠脆但肉質及雞味一般,鋪在面的「風沙」還「風沙」,雞皮沾不到一點蒜蓉味道。生汁龍鳳球x3----起皮起骨雞肉包蝦膠炸,個奇妙醬茨埋得好薄,每一件都好均勻!味道酸酸甜甜,全晚最欣賞呢樣.火焰牛仔骨x3----比牛柳粒好得多!肉質淋好多同黑椒的味道很出.瑤柱扒荳苗x2----不太咸,菜葉無渣.芝蔴蝦多士x2----炸得香脆有芝麻香味蝦膠彈牙,咬落無爆油!南乳炸豬手x2----無東寶炸得咁乾身,皮脆咬落一樣好重膠質,南乳醬調味不錯!賽塝蟹x2----份量頗大,蛋白亦都很滑!唯一缺點撈的是淅醋而不是陳醋.椒盬生蠔x2----蠔身不算大隻但都幾飽滿,腥味不重外層脆漿薄。蒜蓉蒸開邊蝦x2-

一心一意哩品香試佢嘅招牌嘢，不過，有D實在揀錯咗！佢係茶餐廳格局，左右兩排卡位，中間放圓枱，雖然唔算地踎嘅，但地方就稍為比較逼狹。7:30pm都未係好多人，但到咗8:00pm眨吓眼就差唔多爆晒場！叫咗4個菜：生沙龍鳳球（見都好多食評讚，所以一心一意走嚟試吓佢），仲有鍋貼小棠菜、西蘭花花枝帶子同琵琶豆腐，加埋個食晚飯就會送嘅例湯（但阿姐話送完就無喎）！生沙龍鳳球：係將雞翼起骨，泡泡油加沙律醬兜炒，夏天食就幾好，酸酸哋夠醒胃，可以扒多兩碗飯添，而且大啖大啖肉，食得爽，頗出色！鍋貼小棠菜：比想像之中無咁正，用蝦膠加埋刴碎嘅小棠菜做餡，搓壓扁成一大塊再沾上粉漿，然後底部加塊紫菜脆炸。咬落較為油膩，而且，蝦膠唔多彈牙，雖然有特色，但唔算好好食！西蘭花花枝帶子、琵琶豆腐：算做得有水準嘅小菜，不過無乜驚喜。份量OK，所以，以咁嘅環境同服務，價錢都算係可以！唯一出問題係計錯數，叫咗4個餸，加3碗靚仔，加埋一，收我成三百幾，查一查單原來計多咗1個餸同1碟通菜，認真誇張，都唔知有心定無意啦，但老闆二話不說say sorry之外，即刻重新計過張單，唔會向你問長問短，駁來駁去計錯個兩個菜係有叫定無叫，算加番D

相信大多城大學生,也會來過南山村的新派中菜館"品香樓",上兩年前來過,環境企理,菜式有創意,消費便宜.難怪眾學生也當此為飯堂.今次與幾位窮鬼來個小型飯聚,周末晚上沒有學生,場面依舊人山人海,一早訂定位就萬無一失.訂位之時,同時預留招牌菜手撕雞.點菜又是旨意小弟,有鍋貼芝麻蝦,風沙雞,生汁龍鳳球,南乳炸豬手,炒蘿蔔糕,蒜香骨,不理是那一方的菜系,一律在這晚同場.先來的鍋貼芝麻蝦,香脆又乾身,沒沾上多餘油份.風沙雞都做得皮脆,肉嫩.在此地方吃到有水準的風沙雞,也算難得.生汁龍鳳球上次來吃過,生汁甜酸開胃.龍即是雞,鳳即是蝦,大家應該明白.炸豬手肉不夠厚,還是東寶做得較出色.炒蘿蔔糕味道濃惹,但蘿蔔糕本身是九份粉一份蘿蔔的貨色,吃落當然沒有蘿蔔味.唯有用炒,才能掩飾本身的不足.要訂的手撕雞,冷吃形式,每條手撕出來的雞絲,帶點芝麻的香味,而雞絲亦很滑,果然不錯.蒜香骨送酒佳品,後加的豬扒炒丁麵,小弟沒有吃.火焰牛柳粒上桌時很有氣勢,點著火如梳乎里.賣相未吃已拿下不少分數.牛柳的味道嘛,一般而已.所謂的生炒糯米飯,一點也不似生炒.其他朋友人人一杯凍朱古力,我就繼續喝手上的啤酒.係都要"與眾不同"

今晚同大嚿專登去呢度食晚飯，因為睇到開飯有咁多好評嘛~我哋六點就去到喇，當時仲有好多人食緊下午茶嘅炒粉麵飯呢！我諗住食鹽焗手撕雞，點知問我哋有無預定...仲諗住咁早唔使訂，原來真係咁誇張嘅~最後我哋叫咗:半隻沙薑雞 -- 雞肉好滑，亦都幾大碟清蒸桂花魚 -- 魚肉亦算滑西蘭花花枝帶子 -- 呢個一般啦，大嚿話唔夠鑊氣呀，西蘭花太淋了當我哋走果時，大約七點左右啦，原來四間鋪都已經坐了不少人Lu....總括而言，呢間都係一間普通嘅小菜店啦，不過不失，但係就未必會再專登去囉！P.S. 多謝大嚿每年都俾我嘅利是，祝你牛年身體健康，賺多D啦！

前兩日同朋友去食, 以為屋村會dirty...點知新裝修ok喎~好唔好彩咁坐左係廿人枱既側邊, d人又偷食煙.... 嘈到爆點左:1. 南乳雞翼 - ok, 但無咩南乳味2. 椒鹽九肚魚 - ok3. 蝦醬鮮魷炒白菜仔 - 又咸又多水4. XO醬金菇肥牛炒絲煲 - ok5. 糖醋桂花魚 - 呢個最好食6. 蒜泥蒸勝瓜 - d油半寸厚, 蒜泥已經咸到嘔, 仲要加鼓油.... 7. 蒜蓉蝦糯米飯 - 蒜蓉又係咸到嘔, 仲要有鼓油加....食完成個口都係油同蒜泥味...........又油又咸唔夠伙計, 叫左10分鐘都無人落單.................

琴日同男朋友兩個人去食，食左黃金蝦，三鮮"pa"骨髓，生炒糯米飯。食完之後，真係好失望，我真係唔明點解d人可以話佢好好食。仲有75 個笑面，嚴重overate，呢75個人可唔可以出黎說明一下哩。先講比較好食d 既生炒糯米飯$48 (一碟約兩碗飯)味道可以，上檯亦係熱"啦啦"的, 但絕對唔係生炒。But對比街既都ok ，因為家下跟本好少地方比你食到真係生炒既糯米飯。三鮮"pa"骨髓$48 (一碟都有10幾條骨髓，但"由"魚成碟得2隻，蝦2隻)味道一般,栗米芯 + 草姑仍有草"醒"味，好明顯冇飛水就炒...黃金蝦$58 (十隻左右，蝦SIZE一般)呢個真係不之所謂，先講蝦，勁油，每一隻蝦都沾滿油，一入口成口都係。仲有係雪蝦，不過公平D講，58蚊邊有新鮮蝦你食，但佢有嚴重雪味+"醒"味...睇黎老闆要攪攪佢先上得檯喎。份量，好細碟，講味道佢又唔係好好食，佢份量真係有D小...都唔知點解佢可以收咁既價錢埋單 175 蚊....咁既質數，我寧願食長沙灣既新匯江荼餐聽好過，42蚊小菜 +飲品兩個人叫兩個+個菜都係110 有找，我都唔明個人會咁低B 等TANG 揸家車去食...要比較差唔多既，我會建

以前係度食過晚飯小菜, 感覺良好, 故再黎食tea$25 干炒牛河 + 熱飲 牛肉都算多, 醃得夠入味, 又唔韌 河粉炒得唔錯, 味道唔會過鹹, 且帶多了點甜味 若可以再加多些芽菜就更好

已經不知第幾次來這來食飯了 朋友生日，又未試過，於是便提議來這裡吃晚飯一行五人，我們叫了 5 樣菜 手撕雞（全隻）︰要食手撕雞一定要預訂，在 book 位時已經落埋 order。手撕雞凍凍的，雞肉很滑，啖啖肉，正! 豬頸肉︰必食！！！豬頸肉夾著大蔥一起吃，可能會覺得油和肥，但好味的程度已蓋過一切 節瓜粉絲煲︰其中一樣清淡一點的菜，但對喜歡味濃的我就不太吸引南乳雞翼︰必食！！！熱辣辣的雞翼咬下去脆脆的，南乳味也很濃班腩豆腐煲︰不錯！班腩雖浸了汁，但還有點脆脆的 我們每人都叫了飲品這裡的朱古力賣相和味道都好，朱古力面會噴上雪糕形的 Cream 而另一款飲品芒果沙冰也很出名的服務很好，我們預先放了我們買來的蛋糕在他們的雪櫃，當著他們幫我們拿出來，他們還幫我們拱好蠟燭捧出來呢!之後還幫我們抹抹枱，給我們乾淨的碟和叉子，讚！

grad左之後有時都會過黎食lunch~叫左雞翼菜飯+凍朱古力雞翼菜飯:雞翼外面皮炸到卜卜脆, 但入面d肉仲係嫩的, 總共有三隻, 雞翼雖然係炸但一d都唔油膩,亦唔會炸得過火, 飯夾雜左d白菜碎就健康d凍朱古力: feel到係用好多朱古力粉沖, 朱古力味好濃, 有埋d cream係面賣相靚靚, cream同朱古力溝埋就令到成杯野好滑~正!!!伙計好快手落單, 亦好快送到, lunch真係好多人食, city學生多, 初初我自己一個坐卡位, 跟住搭左3個人就有d迫了.......

昨天跟男友去, 可能時間仲早, 有卡位可以睇到tv好開心.我地2個人點了紅燒豆腐, 燒雞及豆苗紅燒豆腐 - 正, 不過只係得豆腐及菜心燒雞 - 好淡, 不過隻雞唔肥, 都算ok. 如果有好味既soy sauce 仲好豆苗 - 好多瑤柱, 不過真係好太多油,下次唔會再叫.總結, 一定會再去 : )

今次係第3次去食5個人點了十樣菜1)手撕雞 食左2次...水準一樣..好滑..好有雞味2)黃金蝦炸得好香!!!好食!!3)芝麻5知咩蝦好多芝麻...麵包上面有蝦膠好似蝦多士...幾好味4)蒜容炒豆苗勁好獲氣$40蚊都好大碟..好抵!!!5)蒜香蝦蒸糯米飯好香味!!不過太多蒜...鹹左d6)西蘭花花枝帶子普通..不過帶子好新鮮大粒7)火蜜牛仔骨有火燒住...都ok..不過上面因為無火比較涼左少少但好嫰口d肉8)搖柱鮮腐竹浸娃娃菜普通無咩味..好清淡9)豆豉鯪魚油麥菜好重料...唔錯呀!!10)糖醋桂花魚酸酸甜甜..幾好味呀!!!叫左杯朱古力飲..真係好濃味!好正呀!!!爽呀!!不過飲到最後d冰溶變得好淡味呢!!去左3次都覺得5錯!!!而且價錢ok!!!去完可以再去!!