品香樓中西風味餐廳

營業中

休息中

其實成日都食, 少少好似飯堂咁... 不過今日都係第一次試杯朱古力, 我覺得冇想像中咁好飲, 太甜!!! 水盡依然, 個沙拉骨同西蘭花芯枝帶子好好味! 服務: 今日又出奇地得OK喎! (因為唔夠人, 所以一般啲服務人員係態度比較差)

個朱古力奶的確好好味唔係太甜, 但又好夠味南乳炸豬手亦都好好味豬皮應有o既口感仲係度但你又唔會覺得佢漏亦唔怕炸到太乾身

4月18日, 又睇戲, 自從之前喺九龍塘做暑期工, 阿菲喺到讀書, 耐唔耐都會黎食, 事隔多年, 今日食番, 好似唔同咗咁既?::: 菜遠牛肉炒麵 ::: $30賣相唔多好, 唔知係咪隻碟係黑色既關係, 碟邊見到手指模同跡~ 食落感覺都唔算太差, 麵餅用咗比較粗既生麵, 幾脆幾乾身, 牛肉淋淋地, 不過冇乜味, 個汁都幾濃味, 算中規中矩~::: 芝士肉鬆西蘭花 ::: $48幾大碟, 芝士好似白汁咁, 芝士味唔濃, 勝在多~ 肉鬆好把鬼, 用肉餅整碎撈落去, 格格不入, 好怪~ 不過西蘭花真係幾多, 最後都係食唔晒, 用d芝士汁撈炒麵效果都幾好好耐冇食過, 感覺食物差唔多, 不過環境衛生都差咗, 碟同碗筷都唔太乾淨~ 仲有就係好嘈, 電視機有開聲不過完全聽唔到~ 而當晚阿姐話多人食物要等耐d, 都等咗3-4個字, 不過環觀都未滿坐, 同埋d野都唔係難整, 環境衛生都有待改善~

一家三口到品香樓食晚飯首先叫了兩杯朱古力,($12@)因為見好多人都話好好飲的確唔錯,朱古力幾濃,上面有cream點綴一下另外叫了三個小菜1.炸乳鴿(左下) $25 :味道普通,無以前咁好味不過以呢個價錢,算係唔錯2.火陷黑椒牛柳粒(左上) $48 : 真係用火伴住上,但牛柳粒凍凍地,應該之前已經煮定左無想像中好食,有點失望3.漁香茄子煲(右) $48 : 肉碎的確幾好味,送飯一流,可惜茄子唔入味另外叫了兩碗白飯($8@)送了一個湯品香樓做得不錯的是伴碟,好有心機,賣相吸引

上次差唔多15個人去食叫到成台都係野食最後埋單都係每人64蚊真係好抵同埋d 野食質素都幾好尢其係杯朱古力加cream 每一次去都忍唔住要嗌返杯黎飲但係d waiter 既服務態度就唔係幾好1台人15~16個人佢叫我地靜d 唔俾我地出聲我地睇左好耐先點野食跟住又俾佢串真係有點兒唔滿意果一位waiter

聽聞這裡的南乳雞中翼好正,今次終於一試;南乳雞中翼菜飯($27)--上檯時賣相不錯,但係好似頗為熱氣,因為雞中翼被一層脆皮包住.雞翼頗大隻,食落南乳味不太重,普普通通,菜飯完全唔掂,飯比較油,沒有菜飯的香味.

消費者要受氣?昨天晚上7點左右到品香樓食晚飯,要等位,有位喇,叫伙計點菜,回應一下,等十幾分鐘都冇人來,再叫一次,個伙計望一眼,沒反應,最後是要出去請個過來點菜,收拾餐桌的人態度極差又污漕,面未抹乾淨就放低d碗筷,洗碗筷時弄濕了面叫佢塊布抹一下佢就極唔滿意又乜又七怪客人整濕張,唔洗下話,知道你地好生意,好忙做得好辛苦,都唔洗搵客人出氣假,你出糧個喎,話晒都係服務行業,點菜喇,手撕雞?冇,風沙雞?冇,隨便叫了幾個菜,上菜好快,隻沙薑雞好新鮮,新鮮到仲流緊血,叫人再煮熟d,返出都仲流血不止,其他菜就一般貨色,正所謂大排檔貨色,大酒樓價錢,大撻地招呼,唉,下次請我都唔去

常餐:牛油方飽,腸仔奄列,沙爹牛肉麵.腸仔奄列:蛋都煎得很香,但腸仔比較少,只係得四至五舊,整體幾好味.沙爹牛肉麵:我選擇了要出前一丁,要加三蚊,沙爹牛肉很入味,又很淋,非常好味,但係麵就麻麻地,沒有一丁的麻油味,有少少失望.

係附近讀書既朋友都知呢度d野食不嬲唔錯lunch果d例牌飯係貴左少少不過都係幾ok的今次係做完project同班同學仔黎食宵夜4個人叫左6個小食同兩碟飯再加d啤酒每人都係30幾不過d小食真係幾細碟特別係炒蜆殼多過肉...同埋佢夜晚都幾多人幫襯可能要等位侍應們未必會有時間招呼你野食都可能黎得較晚不過整體上都係好ok!

朋友話呢度幾好食, 唔知點解咁多人, 不過咁可能代表好食。我地兩個人唔敢叫太多, 所以先叫咗個金銀蛋浸白菜, 和風沙雞, 之後再補咗個XO醬爆鱔球。先嚟咗個金銀蛋白菜, 相當失望係因為佢地用咗雞蛋而唔係鹹蛋, 而皮蛋亦唔係好多。之後等咗好耐好耐, 風沙雞先出現。不過由於真係即炸, 所以皮好脆, 雞又唔會”鞋”, 所以好好味。而最後侍應捧咗碟XO醬爆鱔球, 點知佢即刻點火, 真係有d特別, 老實講, XO 醬味就唔多食到, 不過都好惹味, 但係鱔球略為”林”。咁呢度價錢同質素都算OK, 經過呢頭都可以食下。

2月23日我都有成年冇去過品香樓食野，咁arm我係學校，又咁arm我心血來潮想食品香，於是就去。早食飯的我係有好處，因為唔駛等位。睇張menu真係唔知order d咩野食好，得兩個人又試唔到好多野，最後order左蝦醬炒西蘭花花枝、xo爆鱔球、凍朱古力。蝦醬炒西蘭花花枝：難食！我要求佢用蝦醬炒，但將花枝放入口，就知到佢係將西蘭花同花枝分開炒，炒完之後先加入炒醬撈一撈。花枝同蝦醬d味完全分開，失敗！西蘭花只用水煮，而且煮得唔林，更失敗！xo爆鱔球：鱔球都唔係球狀，更估唔到佢係炸鱔，一食入口，又油又口粉，都食唔到有鱔肉，除此之外，成碟都係蜜豆，又係水煮，唉！唯一保持水準就係凍朱，色香味俱全。我諗我以後都唔會去品香食喇。

上星期五去食晚飯, 第一次黎, 朋友話幾好, 一行八人坐中間圓檯, 都幾逼, 菜背脊行過, 環境係唔坐得好耐同唔可以黎聚舊傾計種, 叫以下食物,手撕雞- 要訂, 肉都幾入味南乳炸豬手- 好香口, 份量都唔算少, 不過要點南乳先好味, 但係都幾好食, 外層脆入面又林, 幾好金銀蛋豆苗- 普通啦炸蠔- 蠔都幾大隻, 脆粉唔算好厚炸大腸- 冇咩特別乳鴿- 我遲黎冇食到豬頸肉(小食) - 小小辣糯米飯- 上檯時見幾油, 不過好濃味, 唔錯, 每人約可分一碗酸甜桂花魚- 都係炸, 冇咩肉食我見其他食家推介朱古力, 叫杯試, 係似吉x利朱古力粉沖, 只不過畀出面濃味, 飲到最後仲飲到有粉未溶... 機本上樣樣都ok, 可以一試, 不過未必會特登入黎再食

今晚同友人十點幾係又一城睇完戲, 就到品香食晚飯因為過左9 半就係宵夜時段, 好多野食都好抵, 每樣都係around $20 度去開都會叫e 2 個送, 就係豆沙窩餅同埋鮑魚汁雞粒撈飯,今次再叫埋蜜桃沙拉骨同乳鴿, 後者都係$20 到, 所以好抵上菜時間都幾快, 可能咁夜都無乜客概關係一上菜, 就食豆沙窩餅,一貫水準,熱熱地,豆沙又夠多夠甜.必食推介之後食鮑魚汁雞粒撈飯配蜜桃沙拉骨做送, 飯都係一樣一貫水準可能食得多, 所以感覺無咩特別...但骨就第1 次食, 炸得幾香, 又夠多肉d 沙拉汁又好味, 2 個人好快就清灑飯同骨,因為乳鴿係後加的, 所以最遲先到雖然細細隻, 但好香, 好好味. 埋單都係$110 到, 因為個骨要$48, 其他3 個宵夜餐就2x each . 又抵食又飽~附加一提就係間野d services 一般..唔叫都唔識主動加茶..

讀城大的同學仔一定試過~本人都向好多身邊朋友推介過晚市記得訂位, 唔係有排等!必食推介: 南乳炸雞翼黑椒牛柳粒手撕雞(要訂, 因好快賣晒)芝士肉鬆茜蘭花+ 伊麵底芝士琵琶豆腐鮑魚汁雞粒撈飯…凍朱古力(only晚市有+ cream~)食物平均真係不錯, 只係服務態度需要改進下~

上星期，跟朋友午飯，想靜一點，就走來這裡吃平日，我只點ＳＥＴ　ＬＵＮＣＨ，今次亦不例外，要了個黑椒牛柳菜飯，再加杯凍檸茶.　根據以往經驗，菜飯都是有水準的，用料不錯，ＳＡＵＣＥ亦叫合格，但今次卻差了很多！菜飯，汁很稀，溝了好多水，牛柳冇乜肉全部都是骨，平日有５塊，今次只得３塊；凍檸茶，平日的只叫合格，比起幾他餐廳已經甜，今次仲再甜Ｄ，即係迫我唔飲架姐！佢收我３０蚊，但比Ｄ咁既服務同食物我，我唔認為再有下一次，因為都幾離譜