品香樓中西風味餐廳

營業中

休息中

考完試去左南山食野~朋友從澳洲返黎~話要再黎食~我自己都快一年沒來~叫左南乳雞翼: 好入味, 好脆黃金蝦: ok蒜蓉炒豆苗: 正.. 炒得好好食, 好大碟咸桔蜜 x3 : 甜左少少, 加左熱水都ok碟小吃菠蘿幾好食

經阿哥介紹下,一家共9人來到品香樓食晚餐慶祝爸爸的生日.沿途直路差不多都是品香樓所有,入到去坐無虛席,生意的確不俗.坐定後極速叫左以下食物:手撕雞 ---- 雞皮爽口雞肉嫩口,最好食係佢~南乳炸豬手 ---- 夠味夠脆,不錯西蘭花花枝帶子 ---- 一般,帶子好細隻,唔夠新鮮南乳雞翼 ---- 好普通,冇豬手咁好食明太子炒飯 ---- 雖然配料好普通,但好食夠乾身生蝦蒸糯米飯 ---- 燸米飯硬左d, 生蝦略腥,但本身味道唔錯火焰牛仔骨 ---- 唔好食,牛仔骨質素麻麻銀芽肉絲炒麵 ---- 炒麵夠脆,但係個汁淡而無味,o徒晒白菜仔魚雲豆腐湯 ---- 自己煲仲好飲,完全冇味豆豉鯪魚炒油麥菜 ---- 太咸太油凍朱古力 ---- 好飲,濃厚的朱古力味食物一般但勝在夠便宜,總共9人六百幾蚊埋單,低食~不過環境擠迫嘈吵, 不宜久留,食完即閃~

一直聽過不少朋友大讚又一城附近一間小菜館，今日男友有車在手又好叻咁諗到去邊食飯，一於黎試下。我呢個港島人從來無聽過南山村，去到先知原來呢邊都有D咁有特色的屋村，而且臥虎藏龍有間好多人盛讚的菜館。聽男朋友講呢到晚市經常有好多人，要排隊等好耐先有位。呵呵，不過可能今日係halloween D人出左去食飯，去到已經即刻有位。街坊小舖的關係，所以裝修就認真麻麻，個天花同地板俾我的感覺唔係幾好，不過黎呢類菜館食飯都預左。是日order如下︰阿華田紅豆冰乳鴿火焰蜜味牛仔骨蝦米粉絲煲特色契媽炒飯兩個人黎講，我地都叫左唔少，哈哈～因為我估我唔會經常來食，所以想試多少少野。阿華田紅豆冰幾特別，紅豆唔太甜，反而個華田有少少苦。乳鴿一雙皮脆，唔油，唔鹹，好味。火焰蜜味牛仔骨嘩，犀利～我無諗過呢個菜會係我面前真係著火！個碟上面（碗下面）有少少類似鹽的物體，侍應姐姐放底之後就拎起火機點著，火焰就黎喇！幾得意～ 味道非常唔錯，有好香的蜜糖味，牛仔骨的外層仲有D脆，好得呀！不過我好奇個火，望近少少的時候，竟然被粒火屎彈到，嚇死，大家要小心D呀。蝦米粉絲煲我諗住叫左咁多熱氣野，叫個濕濕地的煲仔啦，點知佢個versio

成日上黎搵野食都係第一次寫食評因為哩間野實在抵寫其實今次已經係第二次黎食印象中哩間野食過係好野今次再黎果然無記錯今次係黎食晚飯唔知哩到有咩特色好野食大家都係拎住份menu 指指指點知碟碟都咁好食....好似有 風沙雞仲有 琵琶豆腐 同 牛柳抱歉我唔係好識寫食評而且對食都唔係好講究果d不過覺得佢真係好好食好抵讚所以都黎寫番兩句~lolPS.我埋單果時同個老闆講話d野食好好食佢多謝完我之後仲話" 如果覺得唔好食記得出聲丫~ "感覺幾nice~ lol

昨日，與一班同事一行23人到品香樓食lunch！lunch time向來人多，23人便更難位，等了一陣總算安排到位~等位的過程中，不斷被人忽略，說我們未齊人，已有10多人到了仍未獲安排座位！到人齊了，才施施然找枱給我們....等了勁耐！終於有位！最鍾意這裡的菜飯，沙拉骨和南乳雞翼也是我至愛，雖然只是有如一般的碟頭飯，但白飯改為菜飯，算有點心思~~~是日點了雞翼菜飯，雞翼非常入味！非常香脆！非常大碟，一般的女士們也應該食唔晒！埋單都係$30，抵食又大碟！試埋同事點的腊味炒飯，同樣很香很有味，亦不會太油，不錯！這裡的炒飯向來也不錯！雖然服務的確麻麻地，座位與座位間也很擠逼，但它好在座位多(有3間舖位)，總算容納到我們那麼多人！見佢抵食又好味，也會再來的！

今天和老婆一起到又一城睇戲，看完後就徒步走大約十分鐘到南山邨的品香樓吃午飯。到達時大約一時四十五分，不是太多人，有個阿姐在門口忙着拉客，店裏和一般的茶餐廳一樣啦。我們叫了明太子炒飯兩份吃，是用蟹柳，蟹子，蛋一起炒的，咬起來口感一流，很好吃。另外，我又叫了龍鳯檸樂，即是普通檸檬加咸檸加可樂，記着一定要將三種東西切底攪混，喝的時候唅在口中一會兒，就會發覺初時的味道和普通檸樂一樣，但吞後會在舌上留下一陣甘咸的味道，值得一試。埋單$48，價錢都合理，想下次再來試他們的手撕雞和龍鳯球。

爸爸心血來潮的說想去品香樓吃晚飯, 雖妹妹對這店實在沒啥口感, 但既然爸爸想去就偶爾去1次吧。 今天打風, 每次打風下雨天品香樓都會特別少生意, 加上時間尚早才不過7時, 所以這天不用等位。 甫坐低就奉上茶和前菜, 茶杯很小, 高度只有妹妹手掌那個長度; 前菜是炸花生, 都談得上有點鹹香。這店走”餐廳”的格局, 並沒有1般茶餐廳的套餐供應, 晚市時段1律散叫, 由爸爸發板, 點1個西蘭花炒班球 ($58), 再要1個蒜蓉蒸勝瓜 ($32), 後來契爺和lu姐都1起來, 於是再多點1個菠蘿咕嚕肉 ($48)。 有個例湯送哇, 在等契爺和lu姐的時候, 爸爸就和妹妹邊喝湯邊等, 熱呼呼的例湯, 傳來陣陣味精的味道… 蒸勝瓜大概是個很穩陣的菜式, 鋪面的蒜蓉夠多夠, 蒜蓉汁香但很多油。 西蘭花炒班球的西蘭花切得很大舊… 就是看得出應該將1舊切成2舊的, 但他就這樣1大棵樹的上桌, 夾菜時很不方便, 吃起上來要放進口都有難度 =^= 至於班球, 份量蠻多, 外表白雪雪的, 肉質都算滑, 卻完全沒有魚鮮味, 明顯是雪藏魚肉… 菠蘿咕嚕肉~ 契爺拜託了紅多菠蘿XP 有時要知道該店食材的水準,

已經食過好多次如果唔係趕住番去上堂我一定行番去深水步食多人要等位冇問題但係門口個阿姐會不停叫你落左單先但係又唔比MENU我地睇好啦落左單連位都未有竟然就比張單我地埋坐低之後D野食又唔係來得快喎成10MINS先來齊仲要暖暖地唔係熱既.杯凍奶茶先嚇死你苦既完全冇奶味飲就可以接受地下唔知點解可以有一堆應該只係係廚房出現既ORDER紙攪到好似陰司紙咁$27凍飲竟然係要+$3唔係+$2TOTAL $30總結:深水步歡迎你!

因為學校Canteen提供的食物質素都比教參差,所以Cityu的同學都會0係Lunch時間/放學時來吃飯,是日走得比較夜,可以到品香樓食宵夜~~~因為宵夜比較便宜~~~~南乳炸豬手: 第一次order的,都幾特別,外皮很脆,內裡又滲出陣陣南乳香~~~很好吃~~~~蒜香豬頸肉: 一道便宜的小食,廚師將豬頸肉切成一粒粒,再放入很多很多的配菜~~~佐酒必吃~~~芝士琵琶豆腐: 又一誠意之作,芝士香氣樸鼻,可惜是師傅炸得很久......明大子炒飯:每次到來必叫的Item因為實在太太太太太太好吃了!!!!明太子 + 蟹柳 + 菜粒 + 蛋,一個好簡單的配搭卻很美味~!!!鮑汁鱆魚雞粒撈飯: 師傅下了很多很多的鮑汁~~(好抵)雖然比其他炒飯細碟,但是煮這個真是巧功夫!!!!!!西蘭花花枝帶子: 用料一般但勝在夠鑊氣!!!!可恨是要告別校園,未知幾時會再有機會一大班同學仔在這裡把酒談天?

作為city人都係第一次係品香食夜晚，但係俾我既感覺就有d扮酒樓既feel，一陣就會講點解，而家講下d野食先，今日食左西蘭花花枝片炒帶子同中式牛柳西蘭花花枝片炒帶子：整碟餸既感覺唔錯，佢落左少少蒜蓉炒，成碟都好香，西蘭花唔會炒得太淋，花枝片亦都有咬口同幾爽，夠甜，但唔知點解d帶子既口感有d似花枝片，係會有咬口的，好奇怪.....中式牛柳：個汁較得幾好，味道適中，唔會太酸，但唔知點解d牛柳有d好淋，有d就冇太淋......應該落粉既時候唔太勺d餸上檯既時候唔算太熱，唔似係即煮即上碟，同埋我諗呢間野都落左幾多味精，因為返到屋企飲左好多水都仲好口渴....呢間野個環境就唔係太好la~張檯同menu都唔係太清潔講返點解我話佢扮酒樓，因為佢俾左碟波羅俾我地，d波羅係罐頭波羅，但係碟波羅只有一塊罐頭波羅咁多，但係就收我地$5，雖然$5係好少錢，但係條氣有d唔係咁順lor~因為我從來未去過茶餐廳要收呢d錢，而且呢間野都唔算抵食，因為我樓下間茶餐廳一半既價錢可以食到同樣質素既野，但總括黎講，都會有下次，但唔知幾時....

近日非常忙碌，大大影響寫文的心情，只好寫得短短吧。J仔剛過了生日，昨晚與家人來這裡吃飯一起補祝。吃了手撕雞、黃金蝦、火焰XO鱔、龍鳳球、芝士琵琶豆腐跟E麵(唔識打)、金銀蛋蒜子白菜和芝麻蝦。手撕雞肉滑而且廋，雞味不足，而且幾細隻/碟，比想像中差一大節，不是很特別吧了。黃金蝦超細碟，只有五六隻蝦，鹹蛋味足但卻沒蝦味。火焰XO鱔花巧而已，火焰不是在鱔之上而且在盛器外，又是那問題，沒有鱔的獨特香味。龍鳳球最好食的一碟，能突出食材本身的味道，醬汁份量亦得宜。芝士琵琶豆腐跟E麵比較差，很淡，豆腐、E麵和芝士汁都過淡，幾乎沒味。芝麻蝦香口，乾了一點，蝦的份量亦非常少。金銀蛋蒜子白菜最大碟的，味道一般，水過多，有點水汪汪的感覺，但奇怪地沒有蒜子，非常失望。環境非常迫，非常嘈(可能過100分貝)，不宜久留，食完即走為上。食物份量少得離譜。十二個人，其中有五個細路，全部要分餸食。(白菜除外)只收CASH，有點不便。(原本打算只寫少少，又寫多了。)

03-10-08 品香樓雖然我不是城大人, 但是都光顧了這裡好幾次.二人晚餐, 點了:風沙雞半隻 $75西蘭花花枝片炒帶子 $58白飯 $8 x 3花生 $5藍冰 $5 x 2 = $10Total $172Average $86風沙雞: 應該可說是炸子雞 + 蒜鹽版, 舖在雞皮上的是蒜蓉跟椒鹽令本身已經令人流口水的風沙雞更為惹味, 風沙雞皮很脆, 不過肉質就不算特出.但炸得熟透之餘肉也不算太鞋, 很多酒樓的炸子雞都是炸得太生而很多血水.西蘭花花枝片炒帶子: 西蘭花, 花枝片及帶子都很新鮮很甜, 而且炒得很爽

風塵僕僕的各位去過新一屆的就職典禮，便來這裡回味一番在這邊上學的學生們應該都不會對這個地方陌生，而現在知名度也漸漸高起來是夜點了幾個"舊菜"，也作了幾個幾嘗試~當然坐下二話不說都是一人一杯凍朱古力，喝感情也喝味道可是一見面頭的cream少了一個碼，心感不妙......九個人八個菜，皆因大家都在"典禮"的refreshment打了底，平日可是十二、三個菜也不足為奇蜜桃沙拉骨：以前必叫item，但今次竟吃出"粟米斑塊"味....大家都有點奇怪...南乳雞翼：都是必叫item...但這個嗎...今次的南乳味輕了很多很多...而且炸得不夠熟...肉還未離骨...不過大家都是差不多吃完才發覺...又沒有投訴生汁龍鳳球：新點的，可能沒有期望反而覺得不錯，龍鳳球是蝦肉和雞肉，白色的汁有點點酸，配搭不錯沙嗲肥牛粉絲煲：熱辣辣的!牛肉比較少不過汁的確有辣味，不錯!金銀蛋白菜仔：選了時令菜，所以不會太難吃西蘭花炒帶子鮮魷：西蘭花苦...苦...苦...椒鹽九肚魚：這兒的加了七味粉挺特別，魚炸得乾身不油膩，做得好!這兒的環境是十年如一日的嘈雜，而服務亦是笑容也沒一個。但我們也是在大呼小叫嗎~要呀姐拍照也是有

提早慶祝母親節，一行六人點了十個菜，連飲品才 HK$630。由於只能上載八幅照片，所以我刪除了兩味，分別為「生炒牛柳粒」及「豉椒涼瓜班腩」，因為兩味菜雖然出色，但卻沒有什麼特別，故此省略了。十個菜式均令人拍案，六人埋頭大嚼，轉眼間便把桌上佳餚一掃而空。注意事項：由於食客甚多，建議預早訂位，最好避開黃金時段 (7:30pm ~ 8:30pm)，否則可能要等待良久才有座位。

第一次去這間店我們一群9人都十分雀躍因為看見店子的感覺都十分有味道原來也想吃吃手撕雞奈何忘記訂哎呀 可惜首先每人要杯凍朱古力有cream的 幾特別~味道其實個人覺得 差不多風沙雞 脆皮薄 香口 不過有點過鹹漁香小炒 有韭菜 有魷魚 蝦乾幾野味芝麻蝦 沒有見過蝦可以如此弄真的特別點D酸甜汁其實 不錯的賽螃蟹也是未見過有蛋黃的賽螃蟹不是純蛋白 炒出來有蟹柳~好味ge~蒜香豬頸肉不太特別只是豬頸肉好似厚D 大D一條條 不是一塊塊火牛柳粒朋友說見到火燒好興奮 好特別味道其實還可以西蘭花枝帶子還可以不懂評了雜菜煲同上不過整體而言對我們來說都十分滿意新鮮感 有分加外味道其實真的不錯的價格也很合理應該會繼續去!