影片
更多
2009-02-23
12 瀏覽
一心一意哩品香試佢嘅招牌嘢，不過，有D實在揀錯咗！佢係茶餐廳格局，左右兩排卡位，中間放圓枱，雖然唔算地踎嘅，但地方就稍為比較逼狹。7:30pm都未係好多人，但到咗8:00pm眨吓眼就差唔多爆晒場！叫咗4個菜：生沙龍鳳球（見都好多食評讚，所以一心一意走嚟試吓佢），仲有鍋貼小棠菜、西蘭花花枝帶子同琵琶豆腐，加埋個食晚飯就會送嘅例湯（但阿姐話送完就無喎）！生沙龍鳳球：係將雞翼起骨，泡泡油加沙律醬兜炒，夏天食就幾好，酸酸哋夠醒胃，可以扒多兩碗飯添，而且大啖大啖肉，食得爽，頗出色！鍋貼小棠菜：比想像之中無咁正，用蝦膠加埋刴碎嘅小棠菜做餡，搓壓扁成一大塊再沾上粉漿，然後底部加塊紫菜脆炸。咬落較為油膩，而且，蝦膠唔多彈牙，雖然有特色，但唔算好好食！西蘭花花枝帶子、琵琶豆腐：算做得有水準嘅小菜，不過無乜驚喜。份量OK，所以，以咁嘅環境同服務，價錢都算係可以！唯一出問題係計錯數，叫咗4個餸，加3碗靚仔，加埋一，收我成三百幾，查一查單原來計多咗1個餸同1碟通菜，認真誇張，都唔知有心定無意啦，但老闆二話不說say sorry之外，即刻重新計過張單，唔會向你問長問短，駁來駁去計錯個兩個菜係有叫定無叫，算加番D
生沙龍鳳球：係將雞翼起骨，泡泡油加沙律醬兜炒，夏天食就幾好，酸酸哋夠醒胃，可以扒多兩碗飯添，而且大啖大啖肉，食得爽，頗出色！鍋貼小棠菜：比想像之中無咁正，用蝦膠加埋刴碎嘅小棠菜做餡，搓壓扁成一大塊再沾上粉漿，然後底部加塊紫菜脆炸。咬落較為油膩，而且，蝦膠唔多彈牙，雖然有特色，但唔算好好食！西蘭花花枝帶子、琵琶豆腐：算做得有水準嘅小菜，不過無乜驚喜。份量OK，所以，以咁嘅環境同服務，價錢都算係可以！唯一出問題係計錯數，叫咗4個餸，加3碗靚仔，加埋一，收我成三百幾，查一查單原來計多咗1個餸同1碟通菜，認真誇張，都唔知有心定無意啦，但老闆二話不說say sorry之外，即刻重新計過張單，唔會向你問長問短，駁來駁去計錯個兩個菜係有叫定無叫，算加番D印象分，所以，食乜都好，真係要睇單架，穩陣D最好拎埋張底單走添！如果被D「有心人」呃就唔抵啦。
張貼
