影片
更多
2009-11-08
21 瀏覽
一直聽過不少朋友大讚又一城附近一間小菜館，今日男友有車在手又好叻咁諗到去邊食飯，一於黎試下。我呢個港島人從來無聽過南山村，去到先知原來呢邊都有D咁有特色的屋村，而且臥虎藏龍有間好多人盛讚的菜館。聽男朋友講呢到晚市經常有好多人，要排隊等好耐先有位。呵呵，不過可能今日係halloween D人出左去食飯，去到已經即刻有位。街坊小舖的關係，所以裝修就認真麻麻，個天花同地板俾我的感覺唔係幾好，不過黎呢類菜館食飯都預左。是日order如下︰阿華田紅豆冰乳鴿火焰蜜味牛仔骨蝦米粉絲煲特色契媽炒飯兩個人黎講，我地都叫左唔少，哈哈～因為我估我唔會經常來食，所以想試多少少野。阿華田紅豆冰幾特別，紅豆唔太甜，反而個華田有少少苦。乳鴿一雙皮脆，唔油，唔鹹，好味。火焰蜜味牛仔骨嘩，犀利～我無諗過呢個菜會係我面前真係著火！個碟上面（碗下面）有少少類似鹽的物體，侍應姐姐放底之後就拎起火機點著，火焰就黎喇！幾得意～ 味道非常唔錯，有好香的蜜糖味，牛仔骨的外層仲有D脆，好得呀！不過我好奇個火，望近少少的時候，竟然被粒火屎彈到，嚇死，大家要小心D呀。蝦米粉絲煲我諗住叫左咁多熱氣野，叫個濕濕地的煲仔啦，點知佢個versio
我呢個港島人從來無聽過南山村，去到先知原來呢邊都有D咁有特色的屋村，而且臥虎藏龍有間好多人盛讚的菜館。
聽男朋友講呢到晚市經常有好多人，要排隊等好耐先有位。呵呵，不過可能今日係halloween D人出左去食飯，去到已經即刻有位。
街坊小舖的關係，所以裝修就認真麻麻，個天花同地板俾我的感覺唔係幾好，不過黎呢類菜館食飯都預左。
是日order如下︰
阿華田紅豆冰
乳鴿
火焰蜜味牛仔骨
蝦米粉絲煲
特色契媽炒飯
兩個人黎講，我地都叫左唔少，哈哈～因為我估我唔會經常來食，所以想試多少少野。
阿華田紅豆冰
幾特別，紅豆唔太甜，反而個華田有少少苦。
乳鴿一雙
皮脆，唔油，唔鹹，好味。
火焰蜜味牛仔骨
嘩，犀利～我無諗過呢個菜會係我面前真係著火！個碟上面（碗下面）有少少類似鹽的物體，侍應姐姐放底之後就拎起火機點著，火焰就黎喇！幾得意～ 味道非常唔錯，有好香的蜜糖味，牛仔骨的外層仲有D脆，好得呀！不過我好奇個火，望近少少的時候，竟然被粒火屎彈到，嚇死，大家要小心D呀。
蝦米粉絲煲
我諗住叫左咁多熱氣野，叫個濕濕地的煲仔啦，點知佢個version係唔放湯的。好糊口呀又無蝦米，阿媽個version好味D。
特色契媽炒飯
呢個都ok，有兩塊蝦片好似印尼炒飯。配料有我鐘意的肉鬆、肉粒、蛋絲，特別之處係落左梅菜，都幾開胃。
餐飯真係幾好味而且價錢合理，加上佢有好多其他菜聽閒都好出名，所以一定會再黎開飯。
張貼
