品香樓中西風味餐廳

營業中

休息中

o係九龍塘想食平又好味既野，最好就係行到南山村食o個邊既餐廳～因為3個人，所以唔係叫左好多野食…風沙雞，個皮幾脆，不錯不錯～ 上面d風沙應該係炒蒜粒我個friend話：豆腐好嫩～呢個係泰式肥牛脆豆腐，不過d汁浸浸下搞到豆腐外皮唔脆lu…賽磅蟹嗌左先發現，兩碟餸都有西蘭花，你可以見倒，魷魚超大塊！有cream既凍朱，點可以唔一人一杯呢～overall呢餐好正！又唔會趕你走（我地走o個陣都有其他空位），但會多大學生出沒聚會呀，咁可能會嘈d啦～整體都幾鍾意！

第1次黎食,宵夜餐,其實就係晚飯好抵食呀~~~宵夜半價~都係2x蚊!物超所值!!不過要等等位..同埋d位都幾迫凍朱古力,好好飲!!好濃朱古力味~~去到一定要叫!!!炒豬頸肉,有d辣同埋幾多油但好入味~~!!!! 我鐘意~~第一次食南乳雞翼,剛剛炸起,好脆好好味!!!味道好特別~下次一定會再試!!

非第一次來食,雖然有點兒遠但好食既自然吸引你番轉頭. 今次係食生日飯,慶祝生日既地方食物要好味同時唔可以失禮!星期日家庭日,非常多人可以用迫爆來珍容,幸好預先訂左台否則真係失預算...店如其名,有中西式野食,格局都中西混合,但今日既我地點既餸菜以中式為主,是夜精選有:品香手撕雞: 手撕關係肉既纖維變細,非常嫩滑,加埋香香既黑芝麻,全晚最正 90分豉汁蒸鱔: 火喉控制得宜,肉身不老而嫩,配上豉汁豆豉送飯更佳 80分蜜桃沙拉骨: 骨帶香而且肉嫩,蜜桃配沙拉醬甜酸之間令人開胃 80分花枝帶子西蘭花: 西蘭花爽甜而且冇夾雜壞既 好明顯有柬擇過,花枝片也爽口搶了帶子角色 85分菜心斑腩: 賣相要扣d分,但菜心真係好爽甜,斑腩味帶淡 75分蒜炒油麥菜: 蒜炒香,但炒得有點兒濕,冇西蘭花好食 65分排骨糯米飯: 飯多而淡,加d豉油蒸會好d 有色同時會有味,面上排骨雖有味但份量少,2者不平衡 70分椒鹽豆腐: 雖然細粒係一粒口,但唔係太滑反而有d"寡"口 而且唔夠香 60分整體來講都算出色小菜,難得地方唔係絕佳都迫爆. 店員服務 幾周到同殷勤,大伙兒聚會既好選擇! 下次有機會來食西式野,因為見到個凍朱

訂左位都要等，唔訂都唔使諗，座位超逼，著件衫厚d都冇定擺，雖然好多客，食物上得快，以屋邨餐廳來講係好好，超值！生炒糯米飯好咬口，夠鑊氣。手撕雞冇訂冇得食。蜜桃生炒骨麻麻地，齋骨。風沙雞幾好。反而白菜豆腐魚雲湯好正，足料又好大窩！

好好味的雞，未食過咁好味的手撕雞　仲叫左豆腐斑腩, 沙嗲金菇肥牛煲 等等......都好好食 仲朱古力有CREAM,有又好多款沙冰可以簡,的確唔錯!!! 而且品香樓地方好大, 適合多人數去, 而且我平日去都好多人

今天同朋友去了花墟球場行嘉年華,之後朋友話記得這間餐廳d嘢食好味,於是我地就行過嚟呢度食啦.8點幾門口好多人係度等位啦,我地四個人問左貴姓就要等叫名,嘩,估唔到屋邨商場等位都咁先進,已經係電腦化架啦,真係厲害呀.等左廿十分鐘左右就安排我地入去坐啦,入面原來都幾大架喎,街尾還有一間都舖位都係佢地的,真的很旺場喎,入面d卡位個椅背好高都幾舒呀,不過d卡位好窄,放埋件褸都好迫,我地坐卡位,地方真的十分窄.睇下有咩食先,都幾多選擇喎,朋友話出名係風沙雞及火焰牛柳粒,我地就叫左呢兩樣再叫多一個炸大腸及雜菜煲啦,見到隔離枱飲的凍飲好似好吸引咁,睇下餐牌原來都有d特式飲品喎,柯華田及好立克紅荳冰,我地就叫嚟試下啦.d嘢好快就嚟啦:風沙雞半隻,連雞頭都切開一半,好香口呀,加埋個汁及鹽一齊食,好味呀,雞肉都幾滑,唔會過熟,咸咸地都幾好味呀,同埋都幾大碟喎.雜菜煲-嘩,好大煲呀,有幾款菜,白菜,生菜,粉絲,蝦米,魷魚,冬菇,草菇等,都好鮮甜好味呀,d菜都好爽,唔會太老好新鮮呀.炸大腸,我平時都唔食架,因唔鍾意佢個味,但這個個賣相都好吸引喎,仲好鬼大碟添呀,加埋d甜醬一齊食,都幾好味呀,冇果種酥味呀,不過食

星期六的晚上，完成了教會崇拜，原本打算駛車入西貢"遊車河"及吃晚飯，怎料迷路入了city u附近的南山邨，因為當時已將近8點半了，於是拿出iphone上openrice搜尋附近有沒有美味的食店。因此，發現了這間擁有許多好評的品香樓中西風味餐廳。我們先在附近泊好了車，之後不消片刻便找到這間餐廳了。很易找呢﹗不過一開始到了便利店旁的餐廳門口，發現有約干人在等位，但怎也不見帶位的店員，因此不知道如何拿輪候籌。慶幸問了兩遍店員才知我們要到總店門口拿籌，總店即是對著街市的那一間，門口坐著一位看似挺冷酷的帶位員，只要我們報上姓氏及人數，她便會安排。雖然有許多家庭在等位，但我們等了10分鐘左右便有卡位了。雖然坐的不是總店，是近便利店旁的那一間，但不打緊了﹗最重要是食物質素。兩個人一起挑戰食量，點了有名的南乳雞翼、風沙雞和西蘭花炒花枝帶子及兩杯凍朱古力。男友說不太有南乳味，但我覺得它的南乳味都在它的炸雞皮裡。十分喜歡它滑溜的花枝，西蘭花剛剛好，不會太熟，也不會太生，帶子就...個人對帶子沒多大興趣。雞皮很脆，味道同普通炸子雞差不多，早知便點另一著名的手撕雞喝下第一口，感覺像是喝starbucks 的凍

又一城行過黎. 係城大裡面迷路了. 呵. 好彩都叫做順利咁到達左! 已經有下午茶了!凍朱古力EE. 冇CREAM 係面既?!?!就問下個店員喇. 佢話 ‘晚上先有CREAM架, E個時段咁忙, 佢地MAKE唔切.’下下下. 好失望呀. 上次飲過. 好香好滑架. 仲諗住極力推介友人的!今次冇左CREAM. 都仲有好濃的朱古力味! 呵. 心情都愉快左! 即使到後尾冰都溶曬. 都仲唔係得個甜味架!炸薯條巨波浪STYLE的! 呵. 薯味十足! 份量就細碟左少少. 這可是單叫的呀! 雖然冇炸到焦曬. 不過油左少少. 是落油個下STEP捉得不好吧.肥牛炒一丁是薄片肥牛. OK喎. 鬆軟的口感. 仲唔會得肥膏層冇肉食!一丁條條入味分明. 入口彈牙爽口的. 滋味喎!配上芽菜. 仲可減低左炒野既油膩口感!白汁雞扒飯個汁. 唔似平時的CREAMY呀. 有D傑. 仲有種中式的味道. 說不出的味道.雞扒2大塊!REMOVE左層皮. 都仲有大口肉食. 炸的外皮有D脆. 肉都仲可KEEP住滑!但係飯有D硬. 真係要連汁食呀! 這個時段不忙. 看到客人都是分開咁黎入座的. 但偏偏店員就好似看不見咁. 下單都等左好耐

南乳炸豬手This was obviously meant to be the highlight of the night. I was disappointed. It was not crispy at all and there wasn’t much to eat, apart from the fatty skin. I also couldn’t taste any 南乳 , so had to practically lather them in the extra sauce provided. 風沙雞By 風沙 I had expected there to be a whole plateful of golden deep-fried garlic. There was like... a spoonful sprinkled on the chicken. Generous. 鍋貼芝麻蝦This was not bad, but it wasn’t a whole shrimp on the toast, but just shrimp paste

This old estate is a place that I never been b4.But believe me, it is worth to try.The chicken was real fresh.... cripsy skin with tender juicy meat.The fish soup was real tasty, even I hate drinking soup, I need to have a go.Beside the dishes, I would like to recomend ginger lemon with coke (hot)... Taste Real Good. This restaurant shop be listed in 米芝蓮指南....High standard of good food with cheap $$$

這間躲藏於石硤尾南山村裡面的區內名店，地方雖不太易找，但一直人氣高企，不少人來到都試它的招牌菜式。這天來到吃午飯，卻換來兩個失望。第一個失望是這天來得太早，雖已是午飯時間，這店的部分招牌菜式如「鹽焗手撕雞」、「風沙雞」和「南乳炸豬手」等都未有得吃，不能試到，實在令專誠往試的自己感到有點失望。第二個失望則是其後自己所叫的其它菜式，好像這店熱賣排行榜中排名第五位的「鍋貼芝麻蝦」和另一道人氣菜式「蜜桃沙拉骨」的水準都比自己期望中為低，更讓自已增添一重失望。幸好這兒的「凍朱古力」的確如openrice中其他食家所言，味道濃郁，甜度恰可，即使冰塊稍多，但喝到最後，仍然朱古力味十足，確是好味。這店雖只是一隱藏於公共屋邨內的食店，但午飯時間的客人可真不少，侍應的效率也少不免降低，不過服務態度則還不錯。這次幫襯，除叫了「鍋貼芝麻蝦」和「蜜桃沙拉骨」外，因為這兩道菜式口感都稍乾，又沒有什麼蔬菜在內，所以後來又補叫了一個「西蘭花響螺片蝦仁」。「鍋貼芝麻蝦」先上，這道店中名物，一客有十二件。炸得香脆的蝦多士，底層的麵包確是夠脆，上面的蝦膠則未能吃出鮮味來。灑上不少上芝麻在上面的這道菜式勝在香口，可是卻少不免

事前睇左食評，知道凍朱古力真強烈推薦的其中之一。所以呢次特登點呢個。啊……………不過無cream既…雖然原因不明，但唔緊要！果然好濃味，好好飲呀！！！！我叫左個咖哩拼薄餐（２１蚊）咖哩都幾辣，但唔錯。

平日來吃晚飯，即使要等位都不會過十分鐘，所以盡量平日來。小周末的夜晚，有時會被叫去便利店那邊吃的。今晚點了兩個菜，一個如圖，另一個是極普通的小菜（不提也罷）。兩個菜，兩碗飯，兩杯飲品，埋單$150。伙計服務應樣快捷周到（雖然嗓門大），起菜速度亦備受認同。唯一不好，個人認為是環境：人多就十分嘈，d 聲困住連偈到傾唔到。如果身邊有大檯，有時都覺得幾煩。座位之間的空位亦不夠，出出入入都要讓來讓去。最後講返圖中的菜：鹹了一點，沒飲品或白飯的話，會覺得太濃味。但要讚特別的，是脆皮下有紫菜底。

與他闊別了一個月, 而我也有差不多個半月沒有與朋友食飯. 之前的日子就好像將自己收藏在山洞裡, 那種感受, 相信只有自己才明白....很開心與他見面食飯. 這是開心的事, 所以我提議去品香食晚飯. 再者, 其實我讀了幾年city, 也只是食過品香的lunch, 之前看了很多食評都讚品香的晚飯好特別, 所以今日就要試試了 他原來未曾來過南山邨, 也未曾聽過品香. 哈哈. 所以由city行過去時, 他完全要跟著我行. 呵呵.身為city的校友, 我當然已來過無數次南山邨的樹記和品香. 由於是星期六晚, 所以我預先在下午打電話訂位. 我們七時去到, 已經開始有人食飯了. 我們也等了兩分鐘才被安排座位.menu有很多食物呀, 最後我們點了: 避風塘魚雲: 很夠味, 很脆 西蘭花花枝片炒帶子: 花枝片很難咬開, 帶子很大粒, 西蘭花好硬 南乳炸豬手: 好咸.... 風沙雞: 好正, 皮好脆, 黃金蝦: 炸得好脆, 但我覺得炸到無蝦味...其實我最鐘意杯凍朱古力. 可是太多炸的東西了, 飲了凍朱古力也覺得口乾和喉嚨痛.埋單總共$350, 其實有點貴, 不過幸好這些食物都算好味, 有機會我會再

阿媽之前聽朋友講 "品香樓" 食宵夜好抵, 所以就襯阿爸生日去試一試!! (~因為要就細佬放工, 所以夜晚10點先去食 "晚飯"~~)因為第一次試呢間餐廳, 所以係 openrice 睇咗大家意見先去, 點大家都話好食o既菜~ 點知, 可能真係有點夜, 所以好多餸都賣晒, 包括南乳豬手, 炒蜆, 蒸倉魚等。最後叫咗呢幾個餸:1. 南乳雞翼 ($21 / 5隻): 呢個係宵夜特價小食, 都幾抵食, 雞翼大大隻, 有點南乳香, 而且幾脆~2. 菜遠肉片炒河粉 ($26): 呢個都係宵夜特價, 大大碟, 肉片好滑, 菜心大大條!! 因為菜心冇連河粉一齊炒, 所以一啲都唔油, 我鍾意~ 不過, 河粉唔好食~~3. 茄汁煎蝦 ($68): 基本上全家都話好食, 因為個汁酸酸甜甜, 茄醬 fans 必愛. 但係, 我就覺得唔抵食, 因為得10 幾隻蝦, 而且蝦肉煎得太熟, 一般~4. 啫啫雞煲 ($48): 雖然唔係大大煲, 雞肉亦都唔滑, 但煮得幾入味~~ 5. 帶子像拔蚌 ($58): 呢個菜跟酒樓的差不多, ok~6. 蒸桂花魚 ($58): 呢個應該係最抵啦!! 因為條魚大大條 (~阿媽話